ସେ ସର୍ଵ ଜୀବରେ ଅଧିଷ୍ଠିତ ହୋଇ ସର୍ବତ୍ର ବିଦ୍ୟମାନ ଥିଲେ ମଧ୍ୟ ସବୁ ଜୀବଙ୍କଠାରୁ ଭିନ୍ନ ,ଯିଏ ସମସ୍ତଙ୍କୁ ଜାଣନ୍ତି ,କିନ୍ତୁ ସମସ୍ତେ ଯାହାଙ୍କୁ ଜାଣି ପାରନ୍ତି ନାହିଁ ,ସମସ୍ତଙ୍କର ଅନ୍ତର୍ଯ୍ୟାମୀ ହୋଇଥିବା ହେତୁ ଯେ ସମସ୍ତଙ୍କୁ ଏହିପରି ସଂଯତ କରି ରଖି ଅଛନ୍ତି ,ସେଇ ସଂସାର ଅନ୍ଧକାର ନାଶକାରୀ ହରିଙ୍କୁ ମୁଁ ସ୍ତବ କରୁଅଛି ।ହେ ପ୍ରଭୁ !ଆପଣଂକ ଗୁଣ , ଗାନ ,ପ୍ରସାର ଓ ପ୍ରଚାର କରିବାରେ ଯଦି କୌଣସି ତ୍ରୁଟି ରହିଯାଉଥାଏ ତେବେ ଏ ଅଧମକୁ କ୍ଷମା କରିବା ହେବେ ।ଜୟ ଶ୍ରୀ ହରି ।

#ନବଗ୍ରହାଦିଙ୍କର_ଜନ୍ମ 🌹🌹

*****************

ରାଜା ପରୀକ୍ଷିତ ଶୁକମୁନିଙ୍କୁ ପଚାରିଲେ ଭୋ ଦେବ ! ଦେବକୀ ବିବାହ ଶୁଣି ମେରୁଗିରି ଛାଡି କଂସ ମଥୁରା ପୁରକୁ ଆସିଲା ।ତା'ପର ମଥୁରା ପୁରରେ କଅଣ ସବୁ ଘଟିଲା ମୋତେ ବିସ୍ତାର କରି କୁହନ୍ତୁ ?।ଶୁକମୁନି ,ପରୀକ୍ଷିତ ଙ୍କୁ କହିଲେ ଏହାପରେ ଯାହାସବୁ ମଥୁରା ପୁରରେ ଘଟିଗଲା ତାହା ମନ ଦେଇ ଶୁଣ !

ମହାପ୍ରତାପୀ କଂସ ମଥୁରା ରାଜ ସିଂହାସନରେ ଉପବିଷ୍ଠ ।ରାଜ ଦରବାର ଚାଲିଥାଏ ।କିଛି ସମୟ ପରେ ସେନାପତି ବୀରବର କୁ କଂସ ରାଜ ଦରବାର ରେ ହାଜର ହେବାକୁ ନିର୍ଦ୍ଦେଶ ଦେଲା ।ରାଜା କଂସଙ୍କ ଆଦେଶ ପାଇ ବୀରସେନରାଜ ଦରବାର ରେ ହଜାର ହୋଇ କହିଲା "ମଣିମା ଆଜ୍ଞା କରିବା ହେଉ "।କଂସ ସେନାପତି ବୀରସେନକୁ ନିର୍ଦ୍ଦେଶ ଦେଇ କହିଲେ "ମୋ ପିତା ଉଗ୍ରସେନ ଙ୍କ ତୁରନ୍ତ ଏହି ରାଜ ଦରବାର କୁ ଡାକି ଆଣ ।ଆଜି ତାଙ୍କର ବିଭାର ମୁଁ ସମସ୍ତ ଙ୍କ ଆଗରେ କରିବାକୁ ଚାହେଁ ।

"ସିଂହାସନେ ବସିଣ ଯେ କଂସ ନୃପବର

ବୀରସେନ ବୋଲି ଡାକ ପିଅର କୁ ମୋର "।

କଂସର ଆଦେଶ କ୍ରମେ ବୀରସେନ ତୁରନ୍ତ ରାଜା ଉଗ୍ରେସେନ ଙ୍କ ନିକଟକୁ ଯାଇ କହିଲା "ଆପଣଂକୁ କଂସ ମହାରାଜା ଡାକୁ

ଛନ୍ତି ,ମୋ ସହିତ ଶୀଘ୍ର ଆସନ୍ତୁ ।ବିରସେନ ଙ୍କର ଏହି କଥା ଶୁଣି ରାଜା ଉଗ୍ରେସେନ ଡରିଯାଇ ଭୟରେ ଥରିବାକୁ ଲାଗିଲେ ।ମନେ ମନେ କୃଷ୍ଣ ଭଗବାନଙ୍କୁ ସ୍ମରଣା କରି କହିଲେ ହେ ଶ୍ରୀହରି !ତୋ ପାଦପଦ୍ମରେ ମୁଁ ଶରଣ ପଶୁଛି ମୋତେ କଂସ ର ସଂକଟରୁ ରକ୍ଷା କର ପ୍ରଭୁ ।ତୁହି ଯଦି ଏ ବିପଦ ବେଳରେ ମୋତେ ନରଖିବୁ ତାହାଲେ ଆଉ କେହି ମୋତେ କଂସ ଦାଉରୁ ରଖିପାରିବେ ନାହିଁ !ଏହା କହି ଉଗ୍ରସେନ ହରି ହରି ନାମ କୁ ଉଚ୍ଚାରଣ କରି ବୀର ସେନ ସହିତ କଂସ ଦରବାର କୁ ବାହାରିଲେ ।

"ଏତେ ବୋଲି ହରି ନାମ ଧରିଣ ବାହାରେ

ହରି ହରି ବୋଲି ମିଳେ କଂସର ଛାମୁରେ "।

ଉଗ୍ରସେନ କଂସ ଦରବାରରେ ଉପସ୍ଥିତ ହେବାମାତ୍ର କଂସ ରାଗି ଯାଇ ଉଗ୍ରସେନ ଙ୍କୁ କହିଲା "ତୁ ଯଦି ମୋ ପିତା ନହୋଇଥାଆନ୍ତୁ ତାହାଲେ ଏହି ମୁହୂର୍ତ୍ତରେ ତୋ ମୁଣ୍ଡରୁ ଗଣ୍ଡି କୁ ମୁଁ ଏହିଠାରେ ଅଲଗା କରି ଦେଇଥାନ୍ତି ।ଆରେ ଦୁଷ୍ଟ ଉଗ୍ରସେନ ଏପରି ହୀନ କାର୍ଯ୍ୟ କାହିଁକି କରିବାକୁ ଗଲୁ ।ମୋ ଅଜାଣତରେ ମୋ ଭଉଣୀକୁ କାହିଁକି ତୁ ବିବାହ କରିଦେଇ ମୋର ସମ୍ମାନ ହାନି କଲୁ ।ରେ ମୂର୍ଖ ଉଗ୍ରସେନ !କାହା ସହିତ ଦେବକୀ କୁ ବିବାହ କରାଇଛୁ ?ତା 'ନାମ ମୋ ଆଗରେ ପ୍ରକାଶ କର ?।

ନିଜେ କଂସ ରାଜା ଉଗ୍ରସେନ ଙ୍କୁ ପଚାରୁଥାଏ ,ମାତ୍ର ଉଗ୍ରସେନ କିଛି ନକହି ସେମିତି ଠିଆ ହୋଇ ଥାଆନ୍ତି ।ଦେବତା ମାନଙ୍କୁ କଂସ କହିଲା -ହେ ଦେବଗଣ ମୋ ପିତାଙ୍କୁ ପଚାରିଲ କାହା ସହିତ ଦେଵକୀ ଙ୍କୁ ବାହା କରାଇଛନ୍ତି ?ଶୀଘ୍ର ତାଙ୍କଠାରୁ ବୁଝି ମୋତେ କୁହ ?।କଂସର ଆଦେଶ ରେ ଦେବତା ମାନେ ଡରି ଯାଇ ମୃତ ପ୍ରାୟ ଦେଖାଦଗଲେ । ଦେବତା ମାନେ କହିଲେ ଆମ ଠାରୁ ଏ ବିଷୟରେ ମନ୍ତ୍ରୀ ଅକ୍ରୁର ବେଶୀ ଭଲ କହିବେ ।ଏଣୁ ମନ୍ତ୍ରୀ ଅକ୍ରୁରଙ୍କୁ ଏ ବିଷୟରେ ପଚାରନ୍ତୁ ମହାଭାଗ !।

ରାଜା କଂସ ମନ୍ତ୍ରୀ ଅକ୍ରୁର ଙ୍କୁ କହିଲେ -ହେ ମନ୍ତ୍ରୀ ବର ,ମୋ ପିତା ଯେଉଁ କାର୍ଯ୍ୟ କରିଛନ୍ତି ତାହା କଅଣ ଠିକ୍ ? ତାପରେ କେଉଁଠାରେ ଓ କାହା ସହିତ ମୋ ଭଉଣୀ ର ବିବାହ ଦେଇଛନ୍ତି ପଚାରିଲେ କିଛି କହୁନାହାନ୍ତି ?ତୁମେ ଏବିଷୟରେ କିଛି ଜାଣିଛ ଯଦି କୁହ ?।

ମନ୍ତ୍ରୀ ଅକ୍ରୁର କହିଲେ -ରାଜନ !ଯାଦବ ବଂଶ ର ଏକ ଦରିଦ୍ର କୂଳରେ ବସୁଦେବ ବୋଲି ଜଣେ ଯୁବକ ସହିତ ତୁମ ଭଉଣୀର ବିବାହ କରିଛନ୍ତି ତୁମ ପିତାଶ୍ରୀ ।ଜନ୍ମରୁ ଏହି ହୀନ ବଂଶ ଅତ୍ୟନ୍ତ ଦରିଦ୍ର ।ମନ୍ତ୍ରୀ କଥା ଶୁଣି କଂସ କହିଲା "ଏହି କ୍ଷଣି ବସୁଦେବ କୁ ମୋ ଆଗରେ ହାଜର କରନ୍ତୁ ମୁଁ ସମସ୍ତଙ୍କ ଆଗରେ ମୋ ନିଜ ହାତରେ ଖଣ୍ଡ ,ଖଣ୍ଡ କରି ହାଣି ଦେବି ।ଆଜି ମୋର ପିତା ,ମୋ ,ମାତା ଓ ସେ ବସୁଦେବ ଏ ତିନିଜଣଙ୍କୁ ହାଣୀ ତାଙ୍କ ମୁଣ୍ଡକୁ ଅଗ୍ନିରେ ପକାଇ ଦେବି । ମୁଁ ଲକ୍ଷେ ରାଜାର ମଉଡ଼ମଣି ,ମୁଁ ମୋ ନିଜ ହାତରେ ମୋ ଭଉଣୀର ବିବାହ କରିବି ।ଗୋଟିଏ ସୁନ୍ଦର ରାଜା କୁ ଶୀଘ୍ର ମୋ ଭଉଣୀ ର ବର ହେବାପାଇଁ ଖୋଜି ଆଣ ?କଂସ ମନ୍ତ୍ରୀ ଅକ୍ରୁର ଙ୍କୁ କହିଲେ ।

କାଳ ଓ ବିକାଳ କୁ କଂସ ଆଦେଶ ଦେଲା -ତୁମେ ଯାଇ ବସୁଦେବ ଓ ମୋ ଭଗ୍ନୀ କୁ ଏଠାକୁ ଧରି ଆଣ ।ଆଜ୍ଞାପାଇ କାଳ ଓ ବିକାଳ ଶୀଘ୍ର ଯାଇ ବସୁଦେବ ଓ ଦେବକୀ ଙ୍କୁ ଧରି ରାଜ ଦରବାରରେ ଶୀଘ୍ର ହଜାର କଲେ ।ଏ ସବୁ ଦେଖି ରାଜା ଉଗ୍ରସେନ ମନେ ମନେ ଶ୍ରୀକୃଷ୍ଣ ଙ୍କୁ ସ୍ମରଣା କଲେ ଓ କହିଲେ ହେ ପ୍ରଭୁ ଶ୍ରୀକୃଷ୍ଣ ମୋର ଏହି ବିପତ୍ତି ରେ ମୋତେ ଆପଣ ରକ୍ଷା କରନ୍ତୁ ।କୃଷ୍ଣ ଭକ୍ତ ଉଗ୍ରସେନ ଙ୍କପ୍ରତି ଭଗବାନ ଶ୍ରୀହରି ଦୟାହେଲେ ।

ଭଗବାନ ଶ୍ରୀକୃଷ୍ଣ ଅକ୍ରୁର ମୁଣ୍ଡରେ ଏକ ନୂତନ ବୁଦ୍ଧି ପ୍ରଦାନ କଲେ ।ଅକ୍ରୁର ଆଉ କାଳ ବିଳମ୍ବ ନକରି କଂସ କୁ କହିଲେ -ହେ ରାଜା କଂସ ମୋ ସିଦ୍ଧାନ୍ତ ଆପଣ ଶୁଣିବେ କି ?।କଂସ କହିଲା କୁହ ମନ୍ତ୍ରୀ ଅକ୍ରୁର ?।ହେ କଂସ ରାଜନ !ଆପଣ ଅକାରଣରେ ରାଗି ଯାଉଛନ୍ତି ?ବସୁଦେବ ର କିଛି ଦୋଷ ନାହିଁ ତାକୁ କାହିଁକି ମାରିବାକୁ କହୁଛନ୍ତି ?।

ଅବଶ୍ୟ ରାଜା ଉଗ୍ରସେନ ତୁମକୁ ନପଚାରି ନିଜ ଝିଅକୁ ବିବାହ ଦେଇଛନ୍ତି ।ଥରେ ଚିନ୍ତା କର ରାଜନ !ଯେତେବେଳେ ଝିଅ ବିବାହ ଯୋଗ୍ୟ ହୋଇ ଘରେ ଥାଏ ,ସେଇ ଝିଅର ପିତା ଘରେ ନିଶ୍ଚିତ ହୋଇ ବସି ପାରେ ନାହିଁ ।ତା 'ପରେ ତୁମେ ଦଶ ବର୍ଷ ପାଇଁ ଘରେ ନଥିଲ , ତ ତୁମକୁ ରାଜା ଉଗ୍ରସେନ କିପରି ତୁମକୁ ପଚାରି ବିବାହ ଠି କ୍ କରିଥାନ୍ତେ ?।ଏଣୁ ତୁମେ ସେଇ "ବସୁଦେବ ଙ୍କୁ ଆଉ ଥରେ

ବରଣ କର "।ତୁମେ ତୁମ ଭଉଣୀର ବିବାହ କରିଛ ବୋଲି ଇତିହାସରେ ନାମ ରହିବ ।ମନ୍ତ୍ରୀ ଅକ୍ରୁର ଙ୍କ କଥା ଶୁଣି କଂସ ସମସ୍ତ ଦେବତା ମାନଙ୍କ ପରାମର୍ଶ ଲୋଡିଲା ଓ କହିଲା ଅକ୍ରୁର କହୁଥିବା କଥା କଅଣ ଯୁକ୍ତିଯୁକ୍ତ ?।ଦେବତାମାନେ ସମସ୍ତେ ମିଶି କଂସ କୁ କହିଲେ ଦେବକୀ ସହିତ ବସୁଦେବ ଙ୍କ ବିବାହ ହେବ କଥା ପୂର୍ବରୁ ଲେଖା ହୋଇ ଅଛି ।ମଙ୍ଗଳ କାର୍ଯ୍ୟ ରେ ଆପଣ ବିରସ ନହୋଇ ବିବାହ କାର୍ଯ୍ୟ କୁ ଆଗେଇ ନିଅ ।

ମନ୍ତ୍ରୀ ଅକ୍ରୁର ଓ ଦେବତା ମାନଙ୍କ କଥା ଶୁଣି କଂସ ସନ୍ତୋଷ ହୋଇ କହିଲା ଆଉଥରେ ମୁଁ ମୋ ଭଉଣୀ କୁ ବସୁଦେବ ସହିତ ବିବାହ କରାଇବି । "ବସୁଦେବ କୁ ବରଣ କରି କଂସ ଆଣିଲା ।ରାଜା ଉଗ୍ରସେନ ଶ୍ରୀକୃଷ୍ଣ ଙ୍କୁ ପ୍ରଣିପାତ କରି କହିଲେ ହେ ପ୍ରଭୁ !ଆପଣ ସାହାଯ୍ୟ ନକରି ଥିଲେ ଆଜି ମୁଁ ଓ ମୋ ଝିଅ ଦୁଇ ଜଣଙ୍କର ଜୀବନକୁ ଦୁରାଚାରୀ କଂସ ହତ୍ୟା କରିଥାଆନ୍ତା ଆପଣଂକୁ କୋଟି କୋଟି ଜୁହାର ।ଉଗ୍ରେସେନ ଆନନ୍ଦିତ ହୋଇ ରାଣୀ ଇନ୍ଦୁମତୀ ଆଗରେ ନିଜର ଦୁଃଖ ଜଣାଇଲେ ଓ କହିଲେ ରାଣୀ !ଆମକୁ ଧର୍ମ ଏକା ରକ୍ଷା କଲା ।ନୋହିଲେ କଂସ ହାତରେ ଆଜି ଆମ ତିନି ଜଣଙ୍କର ଜୀବନ ଯାଇଥାନ୍ତା ।

କଂସ ବିବାହ କରାଇବ ଭଉଣୀ ଦେଵକୀ କୁ ବସୁଦେବ ସହିତ ଦେବତା ମାନଙ୍କୁ ଗୁଆ ଦିଆଗଲା ।ଛାୟା ମଣ୍ଡପ ତିଆରି କରାଗଲା ।ଗାର୍ଗ୍ୟ ପୁରୋହିତ ଙ୍କୁ ଡକାଗଲା ।ବିଧି ସହକାରେ ବିବାହ ସମ୍ପର୍ଣ୍ଣ ହେଲା ।କଂସ ,ଭଉଣୀ ଦେବକୀ ଓ ବସୁଦେବ ଙ୍କୁ ଅନେକ ଯୌତୁକ ଦେଲା ।"ଅନେକ ଆନନ୍ଦ ହୋଇ କଂସ ନୃପରାଣ ଯାଉତୁକ ଦିଅନ୍ତେଣ ହର୍ଷ ଦେବଗଣ "।ଏହାପରେ କଂସ ଦେବତା ମାନଙ୍କୁ ନିର୍ଦ୍ଦେଶ ଦେଇ କହିଲା "ମୋ ଭଉଣୀ ଓ ଭିଣୋଇ ଦୁଇ ଜଣଙ୍କୁ ରଥରେ ବସାଇ ମଥୁରା କଟକ ଭିତରେ ବୁଲାଇବ । ନାନା ରଙ୍ଗର ସେ ଦୁଇ ଜଣଙ୍କୁ ଖେଳାଇବ ।ଏହି ଦାଇତ୍ୱ ତୁମର "।

କଂସର ଏହି ଆଦେଶ ପରେ ଦେବତାମାନେ ଖୁସି ହୋଇଗଲେ ଓ କହିଲେ ଆଜିଠାରୁ ଆମର ସମସ୍ତ ପାପ ,ନାଶ ହୋଇଯିବ ।

ଏବେ ଆମ୍ଭର ପୁଣ୍ୟବେଳ ଆସିଲା ,କାରଣ ଆମେ ବିଷ୍ଣୁ ଙ୍କ ଜନନୀ ଙ୍କ ସେବା କରିବାର ସୁଯୋଗ ଆମ୍ଭକୁ ମିଳିଲା ।ବହୁ ଆନନ୍ଦିତ ହୋଇ ବ୍ରହ୍ମାଙ୍କୁ ସମସ୍ତ ଦେବ କହିଲେ ଆମେ ସର୍ବଦା

ଦେବକୀ ଓ ବସୁଦେବ ଙ୍କ ରଥ ତଳେ ଥିବୁ ।

ରାଜା ପରୀକ୍ଷିତ ଶୁକମୁନିଙ୍କୁ ପଚାରିଲେ ଭୋ ଦେବ !ଯେଉଁ ଦେବତା ମାନଙ୍କୁ ରାଜା କଂସ ଭୃତ୍ୟ ପରି ଆଚରଣ କରୁଥିଲା ଓ ଯାହାର ଆଦେଶ ପାଇ ଦେବତା ସର୍ଵଦା ଦୁଃଖରେ ଜୀବନ କାଟନ୍ତି ଏବେ ଦେବକୀ ,ବସୁଦେବ ଙ୍କ ରଥରେ ନିଯୁକ୍ତି ଦେବାପରେ କାହିଁକି ଖୁସି ହୋଇଗଲେ ମୋତେ କୁହନ୍ତୁ। ଶୁକମୁନି କହିଲେ ହେ ରାଜନ !ଦେବତାମାନେ କାହିଁକି ଖୁସି ହେଲେ ତାହା ଏବେ ତୁମେ ଶୁଣ ....!

ବେଦପତି ବ୍ରହ୍ମା ଯୋଗ ବଳରେ ଜାଣିବାକୁ ପାଇଲେ ଯେ ଦେବକୀ ଙ୍କ ଗର୍ଭରୁ କୃଷ୍ଣ ଜନ୍ମନେବେ ।ତେଣୁ ଦେବକୀ ଙ୍କୁ ସେବାକଲେ ପୁଣ୍ୟବାନ ହେବାପାଇଁ ସମସ୍ତ ଦେବତା ଦେବକୀ ଙ୍କ ସେବାରେ ଲାଗି ପଡିଲେ ।

"ଦେବତା ବୋଇଲେ ଆମ୍ଭେ ଦେବିକୀ ସେବିବ ଅନେକ କାଳରେ ପାପମାନ ଛଡାଇବା ।

ବିଷ୍ଣୁ ର ଏମାତା ହେବ ଏହା ନିଶ୍ଚେ ଜାଣ

ତେଣୁକରି ସନ୍ତୁଷ୍ଟ ଯେ ହେଲେ ଦେବଗଣ "।

ଦେବକୀ ,ବସୁଦେବଙ୍କ ବିବାହ ସରିଲା ପରେ କଂସର ବିମାନ ଯୋଗେ ବସୁଦେବ ,ଦେବକୀଙ୍କ ନେଇ ବାହାରିଲେ ।ରଥରେ ବରକନ୍ୟା ବସିଥାନ୍ତି ।ଦେବତାମାନେ ସମସ୍ତେ ସେନା ହୋଇ ଯାଉଥାଆନ୍ତି ।ନିଜ ରଥକୁ କଂସ ଚଲାଉ ଥାଏ ଓ ନିକକୁ ନିଜେ କହୁଥାଏ ମୁଁ କଂସ ...ମୁଁ ଲକ୍ଷେ ରାଜାର ମଉଡ଼ମଣି ...

ମୋର ବାଦୀ ପ୍ରତିବାଦୀ କେହି ସଂସାରରେ ନାହାନ୍ତି ..

ମୋର ଶତ୍ରୁ ବୋଲି ଏ ଧରାଧାମରେ କେହିବି ନାହାନ୍ତି ...ଏମିତି

କହୁଥାଏ ନିଜ ରଥକୁ ନିଜେ ବାହୁଥାଏ ।ଭାଇ ହୋଇ କଂସ ଭଉଣୀ ଦେଵକୀ କୁ ଛାଡିବାକୁ ଯାଉଥାଏ ବସୁଦେବ ଙ୍କ ଘରକୁ ।

ଏହି ସମୟରେ ନାରଦ ମୁନି କଂସ ନିକଟରେ ପହଁଞ୍ଚିଲେ ।ନାରଦଙ୍କୁ ଦେଖି କଂସ ଖୁସି ହୋଇଗଲା ।ନାରଦ ଙ୍କୁ କଂସ ପ୍ରଣିପାତ ଜଣାଇଲା ।କଂସ ,ବିନୟ ରେ ନାରଦ ଙ୍କ ଆଗମନର

କାରଣ ପଚାରିଲା ।

"ନାରଦ ବୋଇଲେ ତୁ 'ରେ ଏମନ୍ତ ଅଜ୍ଞାନ

ଦେଖୁ ଦେଖୁ ଅନ୍ଧ ହେଲୁ ଆରେ ନୃପରାଣ "।

କ୍ରମଶଃ ............................

ହରିବଂଶ ( ଭାଗ -୧୩)

ହରିବଂଶ ( ଭାଗ -୧୩)