ସର୍ବତ୍ର ଏକମାତ୍ର ପୁରୁଷ ଦର୍ଶନ ,ଘ୍ରାଣ ଓ ଭୋଜନ କରୁଅଛନ୍ତି , ଏକମାତ୍ର ପୁରୁଷହିଁ ଦ୍ରଷ୍ଟା ,ଶ୍ରୋତା ଓ ଵୋଦ୍ଧା ,ଏହି ରୂପରେ ଯାହାଙ୍କୁ କୀର୍ତ୍ତନ କରାଯାଏ ଏବଂ ସେ ଜଗତରେ ସାକ୍ଷୀ ରୂପରେ ବିଦ୍ୟମାନ ଓ ଅନ୍ୟ କେହି ଯାହାଙ୍କୁ କର୍ତ୍ତା ରୂପରେ ଦେଖନ୍ତି ,ସେଇ ସଂସାର ଅନ୍ଧକାର ନାଶକାରୀ ହରିଙ୍କୁ ମୁଁ ସ୍ତୁତି କରୁଅଛି ।ହେ ପ୍ରଭୁ !ଆପଣଂକ ନାମ ,ଗୁଣ ,ପ୍ରଚାର ,ପ୍ରସାର ରେ ଯଦି କିଛି ତ୍ରୁଟି ରହି ଯାଉଥାଏ ତାହାଲେ ଏ ଅଧମକୁ କ୍ଷମା କରିବା ହେବେ ।

*ଜୟ ଶ୍ରୀହରି*🌹🌹

ରାଜା ପରୀକ୍ଷିତ ଶୁକମୁନିଙ୍କୁ ପଚାରିଲେ ଭୋ ଦେବ !ଆପଣ ମୋତେ ନବଗ୍ରହ ଙ୍କ ଜନ୍ମ ବିଷୟରେ ବିସ୍ତାର କରି କୁହନ୍ତୁ ।ରାଜା ପରୀକ୍ଷିତଙ୍କର ନବଗ୍ରହ ମାନଙ୍କ ଜନ୍ମ ଶୁଣିବାର ଆଗ୍ରହ ଦେଖି ପରୀକ୍ଷିତ ଙ୍କୁ କହିଲେ ଏବେ ମୁଁ କହୁଛି ଆପଣ ଶୁଣିବା ହୁଅନ୍ତୁ ;-

ଭଗବାନ ବିଷ୍ଣୁଙ୍କର କପାଳରେ ଗୋଟିଏ ମଣି ଥିଲା ।ସେହି ମଣିରୁ "ଆଦିତ୍ୟ"ଙ୍କର ସୃଷ୍ଟି ।ଥରେ ବ୍ରହ୍ମାଙ୍କ ଶରୀର ରୁ ବିର୍ଯ୍ୟ ଖସିଲା । ସେଇ ବିର୍ଯ୍ୟ ଯାଇ କ୍ଷୀର ସମୁଦ୍ରରେ ପଡିଲା।କ୍ଷୀର ସମୁଦ୍ରରୁ ଗୋଟିଏ ପୁତ୍ର ଜନ୍ମ ନେଲା ।ସେହି ପୁଅଟି ଦେଖିବାକୁ ଅତି ସୁନ୍ଦର ଥିଲା ।ସୁନ୍ଦର ଦେଖି ବିଷ୍ଣୁ ସେ ପୁଅର ନାମ ଦେଲେ "ଚନ୍ଦ୍ର"।ବିଷ୍ଣୁ ମଧ୍ୟ ଚନ୍ଦ୍ର ଙ୍କୁ" ନିଶାପତି"ନାମରେ ନାମିତ କଲେ ।

ଭଗବାନ ବିଷ୍ଣୁ ଙ୍କ ଦେହରୁ ବାସୁକୀ ଜନ୍ମ ହେଲେ ।ଏହି ବାସୁକୀ

"ପୁଷ୍ପକଳା"ବିବାହ କଲେ ।ବାସୁକୀ ଓ ପୁଷ୍ପକଳା ଙ୍କ ରମଣ ରେ

"ଅଷ୍ଟ କୁଳା" ନାଗ ଜନ୍ମଗ୍ରହଣ କଲେ ।ବାସୁକୀ ଙ୍କ ଯେତିକି ବିର୍ଯ୍ୟ ପୁଷ୍ପକଳା ଙ୍କ ଯୋନି କୁ ଗଲା ସେଥରୁ ଅଷ୍ଟକୁଳା ନାଗ ଜନ୍ମ ହେଲେ ।ବାସୁକୀ ଙ୍କର କିଛି ବିର୍ଯ୍ୟ ଭୂମି ଉପରେ ପଡିବାରୁ ସେଥିରୁ ଏକ ପୁତ୍ର ଜାତ ହେଲା ।ତାହାର ନାମ ରଖାଗଲା "ଭୂମି"।ଭୂମି ଙ୍କଠାରୁ ଏକ ପୁତ୍ର ଜନ୍ମ ନେଲା ତାହାର ନାମ "ମଙ୍ଗଳ" ରଖାଗଲା ।ଏହି ମଙ୍ଗଳ ଗ୍ରହ ନାମରେ ନାମିତ ହେଲା ।

ଦେବତାଙ୍କ ସହ କୁମ୍ଭ ଅସୁର ଯୁଦ୍ଧ ଲାଗିଥାଏ ।ଇନ୍ଦ୍ରଙ୍କ ବଜ୍ର ଆଘାତରେ କୁମ୍ଭ ଅସୁରର ପ୍ରାଣ ଚାଲିଗଲା ।ମଙ୍ଗଳକୁ ସେଇ ଦିନ ଠାରୁ ମହଗ୍ରହ ଭାବେ ଶ୍ରୀହରି ଘୋଷଣା କଲେ ।ବୃହସ୍ପତି ଙ୍କର ପତ୍ନୀ ଥିଲେ ତାରା ।ତାରା ମହାସତୀ ଭାବେ ଖ୍ୟାତ ଥିଲେ ।ତାର ,ଚନ୍ଦ୍ର ଙ୍କ ସହିତ ରମଣ କଲେ ।ସେଇ ରମଣ ରୁ ଗୋଟିଏ ପୁତ୍ର ଜାତ ହେଲେ ।ତାଙ୍କର ନାମ ରଖାଗଲା "ବୁଧ" ବିଶ୍ଵପତି ବୁଧ କୁ ବୁଧଗ୍ରହ ଭାବେ ଘୋଷଣା କଲେ ।

ବ୍ରହ୍ମାଙ୍କ ପତ୍ନୀ ସାବିତ୍ରୀ ।ବ୍ରହ୍ମାଓ ସାବିତ୍ରୀ ଙ୍କ ରମଣ ଫଳରେ

ଗୋଟିଏ ପୁତ୍ର ଜାତ ହେଲା ।ପୁତ୍ରର ନାମ ରଖାଗଲା "ବୃହସ୍ପତି"

ବ୍ରହ୍ମାଙ୍କର ଆଉ ଏକ ପୁଅ ଥିଲେ ।ତାଙ୍କର ନାମ ଭୃଗୁ।ଋଷି ଭୃଗୁ

ବ୍ରହ୍ମାପଦ ନେବାପାଇଁ ମନ ବଳାଇଲେ ଓ ତପସ୍ୟା କରିବାକୁ ଲାଗିଲେ ।ବ୍ରହ୍ମା ଭାବିଲେ ,ଭୃଗୁ ଯଦି ତପସ୍ୟାରେ ସଫଳ ହୋଇଯାଏ ତେବେ ମୋ ବ୍ରହ୍ମ ପଦ ଚାଲିଯିବି ।ମୋତେ ଆଉ କେହି ଆଦର ଗୌରବ କରିବେ ନାହିଁ ।ଏହା ଭାବି ଭୃଗୁଙ୍କ ତପ ସ୍ୟା ଭାଙ୍ଗିବା ପାଇଁ ବ୍ରହ୍ମା ,ସ୍ୱର୍ଗର ଅପ୍ସରୀ ରମ୍ଭା କୁ ଭୃଗୁଙ୍କ ନିକଟକୁ ପଠାଇଲେ । ରମ୍ଭା ଆସି ଋଷି ଭୃଗୁଙ୍କ ଆଗରେ ନାଚିବା ଆରମ୍ଭ କରିଦେଲେ ।ଅପୂର୍ବ ସୁନ୍ଦରୀ ରମ୍ଭା କୁ ଦେଖି ଋଷିଭୃଗୁ ତପସ୍ୟା ତ୍ୟାଗ କଲେ ।ରମ୍ଭା କୁ କୋଳରେ ବସାଇ ରମଣ କଲେ ଓ ରମ୍ଭାର ଯୋନିରେ ଭୃଗୁ ଙ୍କବିର୍ଯ୍ୟ ପଡିଲା ।ସେଇ ବିର୍ଯ୍ୟ ରୁ ଏକ ପୁତ୍ର ଜନ୍ମ ନେଲା ତାହାର ନାମ ରଖାଗଲା "ଶୁକ୍ର"।ସବୁ ଗ୍ରହ ମାନଙ୍କ ମଧ୍ୟରେ ସେହି ଶୁକ୍ର ରହିଲା ।

ଆଦିତ୍ୟ ଦିନେ ସୁନ୍ଦରୀ ଛାୟା ଙ୍କ ରୂପରେ ମୁଗ୍ଧ ହୋଇ ପ୍ରୀତି ଦାନ ମାଗିଲେ ।ଛାୟା ପ୍ରୀତିଦାନ ଦେବାପାଇଁ ରାଜି ହୋଇଗଲେ କାରଣ ସେ ଜାଣିଥିଲେ ଯେ ଆଦିତ୍ୟ ଙ୍କ ସହ ରମଣ କଲେ ନିଶ୍ଚିତ ପୁଣ୍ୟ ହେବ ଓ ତାଙ୍କ ଶରୀର ରୁ ସବୁ ପାପ ଧୋଇ ହୋଇଯିବ ।ଆଦିତ୍ୟ ଙ୍କ ବିର୍ଯ୍ୟ ଛାୟା ଙ୍କ ଠାରେ ପଡିବାରୁ ଛାୟା ଗର୍ଭବତୀ ହେଲେ ।ତାଙ୍କ ଗର୍ଭରୁ ଦୁଇଟି ପୁତ୍ର ଜାତ ହେଲେ।ସେହି ଦୁଇ ପୁତ୍ରଙ୍କ ମଧ୍ୟରୁ ଜଣଙ୍କନାମ ରଖାଗଲା "ଯମ "ଓ ଆଉ ଜଣଙ୍କ ନାମ "ଶନିଶ୍ଚର" ରଖାଗଲା ।

ଦୈତ୍ୟ ଦକ୍ଷ ଦିନେ ସିଂହିକା ଙ୍କ ସହିତ ରମଣ କରିବା ଫଳରେ ସେ ଦୁଇଜଣଙ୍କ ଠାରୁ ଏକ ପୁତ୍ର ଜନ୍ମ ନେଇଥିଲେ ତାଙ୍କ ନାମ ରଖାଗଲା "ରାହୁ"। ରାହୁ ସମୁଦ୍ର ମନ୍ଥନ ରୁ ବାହାରି ଥିବା ଅମୃତ ଭକ୍ଷଣ କରୁଥିବା ବେଳେ ସୁଦର୍ଶନ ଚକ୍ର ରାହୁର ମୁଣ୍ଡକୁ ଛେଦନ କଲା ।ସେହି ଦିନ ଠାରୁ ରାହୁ ପାଖକୁ ମୃତ୍ୟ ଆସେନାହିଁ ।ନବଗ୍ରହ ସହିତ ରେ ରାହୁ ସ୍ଥାନ ପାଇଥିଲା ।ରାହୁର ଗଣ୍ଡି ଓ ମୁଣ୍ଡ କୁ କେତୁ ବୋଲି ଧରାଯାଏ ।ଶୁକମୁନି ଏହି ପ୍ରକାରର ନବଗ୍ରହ ଙ୍କ ଜନ୍ମ ବୃତ୍ତାନ୍ତ ପରୀକ୍ଷିତ ଆଗରେ ଗୋଟି ଗୋଟି କରି ବର୍ଣ୍ଣନା କଲେ। ଏହାପରେ ପରୀକ୍ଷିତ ଶୁକମୁନି ଙ୍କୁ ପଚାରିଲେ ହେ ବ୍ୟାସ ସୁତ ଆପଣ ମୋତେ ସତେଇଶ ନକ୍ଷତ୍ର ଙ୍କ ସୃଷ୍ଟି ବିଷୟରେ କୁହନ୍ତୁ ।

ଶୁକମୁନି କହିଲେ -ଚନ୍ଦ୍ରଙ୍କର ପତ୍ନୀ ଥିଲେ ରୋହିଣୀ।ରୋହିଣୀ ସହିତ ଚନ୍ଦ୍ର ରମଣ କଲେ ।ତାଙ୍କ ଔରସରୁ ସତ୍ୟକାମ ନାମକ ପୁତ୍ର ଜାତ ହେଲା ।ସେଇ ପୁତ୍ର ଇନ୍ଦ୍ରଙ୍କ ଠାରୁ ଇନ୍ଦ୍ର ପଦ ଛଡାଇ ଆଣିବା ପାଇଁ ଚେଷ୍ଟା କଲା।ଇନ୍ଦ୍ର ବଜ୍ର ପ୍ରହାର କଲେ ।ବଜ୍ର ଆଘାତ ଫଳରେ ସେଇ ପୁତ୍ରର ଶିର ଛିଣ୍ଡିଗଲା ।ସେହି ଶିର ଗୁଡିକବାର ରାଶିରେ ରହିଲେ ।ଆଉ କିଛି ଯାହାଅଳ୍ପ ଥିଲା ତାହା ବାର ଭାଗ ହୋଇଗଲା ।ଏଥିରୁ ଏକାଦଶ କରଣ ଜାତ ହୋଇ ଥିଲେ ।ଏହି ବିଧିରେ ଯୋଗୀମାନେ ଜାତ ହୋଇଥିଲେ ।ନବଗ୍ରହ ମାନେ ନିଜ ନିଜ ସ୍ଥାନରେ ରହିଥିଲେ ।

ରାଜା ପରୀକ୍ଷିତ ଶୁକମୁନି ଙ୍କ ଠାରୁ ନବଗ୍ରହ ଓ ସତାଇଶ ନକ୍ଷତ୍ର ଙ୍କ ଜନ୍ମ ବିଷୟରେ ଶୁଣି କୃତ କୃତ ହେଲେ ଓ ଶୁକମୁନି ଙ୍କୁ ପ୍ରଣିପାତ କଲେ।

କ୍ରମଶଃ .............................

ହରିବଂଶ ( ଭାଗ -୧୫)

ହରିବଂଶ ( ଭାଗ -୧୫)