ବେଦାନ୍ତ ଶାସ୍ତ୍ର ,ଆଧ୍ୟାତ୍ମିକ ଶାସ୍ତ୍ର ,ପୁରାଣ ଶାସ୍ତ୍ର ଓ ଅନ୍ୟାନ୍ୟ ଶ୍ବାଶତ ତନ୍ତ୍ର ଶାସ୍ତ୍ର ,ଯାହାଙ୍କୁ ଈଶ୍ୱର ବୋଲି କୀର୍ତ୍ତନ କରନ୍ତି ,ଆତ୍ମଜ୍ଞାନୀମାନେ ଚିତ୍ତମନ୍ଦିର ରେ ଯାହାଙ୍କୁ ଉପଲବ୍ଧ କରି ତାହାଙ୍କଠାରେ ପ୍ରବେଶ କରନ୍ତି ,ସେହି ସଂସାର ଅନ୍ଧକାର ନାଶକାରୀ ହରିଙ୍କୁ ମୁଁ ସ୍ତୁତି କରୁଅଛି ।ହେ ପ୍ରଭୁ !ଆପଣଙ୍କ ନାମ ଗୁଣ ପ୍ରଚାର ଓ ପ୍ରସାର କରିବାରେ ଯଦି କୌଣସି ଠାରେ ତ୍ରୁଟି ରହିଯାଉଥାଏ ତାହାଲେ ଏ ଅଧମ କୁ କ୍ଷମା କରିବା ହେବେ ।

।ଜୟ ଶ୍ରୀହରି ।🌹🌹

#ବଳଦେବଙ୍କର_ଜନ୍ମର_ପୂର୍ବାଭାସ🌹🌹

**************************

ରାଜା ପରୀକ୍ଷିତ ,ବ୍ୟାସସୁତ ଶୁକମୁନିଙ୍କ ଅପେକ୍ଷାରେ ଥାଆନ୍ତି ।ଶୁକମୁନି ଯଥା ସମୟରେ ପରୀକ୍ଷିତ ରାଜାଙ୍କ ନିକଟରେ ଆସି ପହଁଞ୍ଚିଗଲେ ।ରାଜା ,ବ୍ୟାସସୁତଙ୍କୁ ସମ୍ମାନ ଜଣାଇ ପ୍ରଣିପାତ ହୋଇ କହିଲେ "ଭୋ ଦେବ ! ହରି ଚରିତ ଅଟେ ପୁଣ୍ୟମୟ ରସ ,ସେଇ ହରି ଙ୍କ ବିଷୟରେ ଆଜି କିଛି କୁହନ୍ତୁ ?"।ଶୁକମୁନି କହିଲେ ହେ ରାଜନ !ଶୁଣିବା ହୁଅନ୍ତୁ.......

ଦିନେ ନାରାୟଣ ବେଦପତି ବ୍ରହ୍ମାଙ୍କୁ ଡକାଇ କହିଲେ "ହେ ବେଦବର !କିପରି ଆମ୍ଭେ ଦେବକୀ ଗର୍ଭରେ ଉତ୍ପନ ହେବୁ ତାହାର ମାହାତ୍ମ୍ୟ ମୋତେ ଗୋଟି ଗୋଟି କରି କୁହ ।ବ୍ରହ୍ମା ,କୃଷ୍ଣ ଭଗବାନଙ୍କୁ -କହିଲେ ଆପଣ ଦେଵକୀ ଗର୍ଭରେ ପନଙ୍ଗା ରାମ ଅବତାର ନେଇଜନ୍ମ ନେବେ ଓ ବଡ଼ଭାଇ ବଳୀବର ଅବତାରରେ ସଙ୍କର୍ଷଣ ରୂପରେ ଦେବକୀ ଙ୍କ ଗର୍ଭରେ ଜନ୍ମ ନେବେ"।

ପରୀକ୍ଷିତ ରାଜା ଶୁକମୁନିଙ୍କୁ ପଚାରିଲେ "ଭୋ ଦେଵ! କି ରୂପେ ହୋଇଲେ ବଳଦେବ ଜନ୍ମ ?ସଂକର୍ଷଣ ଜନ୍ମ କଥା ମୋତେ ବିସ୍ତାର କରି କୁହନ୍ତୁ ?ହରିଙ୍କ କଥା ଶୁଣିଲେ ମୋର କର୍ଣ୍ଣ ପବିତ୍ର ହୋଇଯିବ ।ଶୁକମୁନି ରାଜାଙ୍କ ଆଗ୍ରହ ଦେଖି କହିବା ଆରମ୍ଭ କଲେ ....!

#ବଳଦେବଙ୍କ_ଜନ୍ମ🌹🌹

***************

ସକଳ ଦେବତାମାନେ ଶ୍ରୀହରିଙ୍କ ନିକଟରେ ଗୁହାରି କଲେ ଯେ ଆପଣ ଦେବକୀଙ୍କ ଗର୍ଭରେ ଜନ୍ମ ଗ୍ରହଣ କରି ଆମ୍ଭ ମାନଙ୍କୁ ଅତ୍ୟାଚାରି କଂସ ନିକଟରୁ ରକ୍ଷା କରନ୍ତୁ ।ଦିନେ ଶ୍ରୀହରି ଭଗବାନ ଭଗବାନ ବିଷ୍ଣୁଙ୍କୁ କହିଲେ "ପ୍ରଭୁ ମର୍ତ୍ତ୍ୟରେବହୁ ଅସୁର ଜନ୍ମଗ୍ରହଣ କଲେଣି ।କଂସ ,କେଶୀ ସହିତ ଅନେକ ଦୈତ୍ୟ ପୃଥିବୀରେ ଉତ୍ପାତ କରୁଛନ୍ତି ଯାହା ଫଳରେ ଦେବତା ମାନେ ଅସୁର ଙ୍କ ନିକଟରେ ଭୃତ୍ୟ ପରି ଖଟୁଛନ୍ତି ।ଏଥିପାଇଁ ମୁଁ ମାନବ ଗର୍ଭରେ ଜନ୍ମ ନେବାକୁ ଯାଉଛି ।ହେ ପ୍ରଭୁ ଆପଣ ମୋ ସହିତ ପନଙ୍ଗା ରାମଙ୍କୁ ମର୍ତ୍ତ୍ୟ ରେ ଜନ୍ମ ହେବାକୁ ଆଦେଶ ଦିଅନ୍ତୁ "।

ନାରାୟଣଙ୍କ ବଚନ ଶୁଣି ବିଷ୍ଣୁ ଭଗବାନ ପନଙ୍ଗା ରାମଙ୍କୁ ଡାକି କହିଲେ "ତୁମେ ଶୀଘ୍ର ଯାଇ ଶ୍ରୀହରି ଭଗବାନଙ୍କ ସହିତ ମର୍ତ୍ତରେ ଜନ୍ମ ହୁଅ ।ବିଷ୍ଣୁ ଭଗବାନ ଙ୍କ କଥା ଶୁଣି ପନଙ୍ଗା ରାମ କହିଲେ "ପ୍ରଭୁ ଚକ୍ରଧର !ମୁଁ କାହିଁକି ମର୍ତ୍ତ୍ୱପୁରରେ ଜନ୍ମଗ୍ରହଣ କରିବି ,ତାପରେ ମୋର ମର୍ତ୍ତରେ କଅଣ କରିବି ?"।ଅନାଦି ବିଷ୍ଣୁ କହିଲେ ହେ ପନଙ୍ଗା ରାମ ତୁମେ ଶ୍ରୀକୃଷ୍ଣଙ୍କ ବଡ଼ ଭାଇ ହୋଇ ଜନ୍ମ ନେବ ।ଏତେ କଥା ନକହି ତୁମେ ଯାଇ ଶୀଘ୍ର ମର୍ତ୍ତ ରେ ଜନ୍ମ ଗ୍ରହଣ କର ।ବିଷ୍ଣୁଙ୍କ ବଚନ ଶୁଣି ପନଙ୍ଗା ରାମ ବୈକୁଣ୍ଠ ପୁରକୁ ଯାଇ ଭଗବାନ ଶ୍ରୀକୃଷ୍ଣ ଙ୍କୁ ଭେଟିଲେ । କୃଷ୍ଣ ଭଗବାନ କହିଲେ ହେ ପନଙ୍ଗା ରାମ ମୁଁ ମର୍ତ୍ତ୍ୟ ରେ ଦେବକୀ ଗର୍ଭରେ ଜନ୍ମ ଗ୍ରହଣ କରିବି ,ମାତ୍ର ତୁମେ ଆଗ ଯାଇ ଦେବକୀ ଗର୍ଭରେ ମୋ ବଡ଼ ଭାଇ ଭାବେ ଆଗ ଜନ୍ମ ଗ୍ରହ କର ।ତୁମେ ମୋର ଜ୍ୟେଷ୍ଠ ଭାଇ ଭାବେ ରୋହିଣୀ ପୁଅ ହୋଇ ଜନ୍ମ ନିଅ ।

"ଏମନ୍ତ ବୋଲି ବୋଇଲେ ଅଵ୍ୟୟ ଅଚ୍ୟୁତ

ଶୁଣିକରି ଆନନ୍ଦିତ ହେଲେ ହଳହସ୍ତ "।

ପୁନଶ୍ଚ ଶ୍ରୀକୃଷ୍ଣ କହିଲେ ତୁମେ କାହ୍ନୁ ସଂକର୍ଷଣ ନାମରେ ଉତ୍ପତି ହେବ ।କଂସ ଓ ଅନ୍ୟ ଅସୁର ମାନଙ୍କୁ ନିପାତ କରିବା ତୁମର ପ୍ରଧାନ କାର୍ଯ୍ୟ ହେବ ।ଆମେ ଦୁଇଜଣ ମର୍ତ୍ତ୍ୱପୁରରେ ଜନ୍ମ ନେଲେ ଯାଇଁ ଦେବତା ମାନଙ୍କର ଦୁଃଖ ଦୂର ହେବ ।

"ଏମନ୍ତ ବଚନ ବୋଇଲେକ ଜନାର୍ଦ୍ଦନ

ଶୁଣିଣ ହରଷ ହେଲେ ସେ ପନଙ୍ଗା ରାମ ।

ଏମନ୍ତ ବୋଲିଣ ରାମ ବୋଲନ୍ତି ଉତ୍ତର

ଆମ୍ଭେ ଜନ୍ମ ଲଭୁଅଛୁ ଦେଵକୀ ଗର୍ଭର "।

ଭଗବାନ ଶ୍ରୀହରି ଙ୍କ ନିକଟକୁ ହଳପାଣି ଯାଇ ଅନୁମତି ନେଇ ଶୁନ୍ୟରେ ସଂକର୍ଷଣ ଗମନ କଲେ । ଆଶ୍ଵିନ ଶୁକ୍ଳପକ୍ଷ ପୂର୍ଣ୍ଣିମା

ଚନ୍ଦ୍ରବାର ରେ ପ୍ରଭୁ ହଳଧର ଦେବକୀଙ୍କ ଗର୍ଭସ୍ଥିତ ହେଲେ ।

"ଅନାଦି ରହିଲେ ଯାଇ ଦେଵକୀ ଗର୍ଭର

ଶୁଣହୋ ପରୀକ୍ଷ ତୁମେ କୃଷ୍ଣ କଥା ସାର "।

ବେଦବର ବ୍ରହ୍ମା ନାରଦ ଙ୍କୁ ଯାଇ କହିଲେ ହେ ନାରଦ !ହଳସାଇଁ ଦେବକୀଙ୍କ ଗର୍ଭରେ ଯାଇ ରହି ସାରିଲେଣି ।କୃଷ୍ଣ ଜନ୍ମହେଲେ ଯାଇ କଂସାସୁର ନାଶଯିବ ।ଏଣୁ ଦେଵକୀ ଉଦର ରେ ଥିବା ହଳଧର ଙ୍କୁ ଆପଣ ରୋହିଣୀ ଗର୍ଭରେ ନେଇ ସ୍ଥାପନ କରନ୍ତୁ । ରୋହିଣୀ*

ବସୁଦେବଙ୍କର ବନିତା ରୋହିଣୀ ଅତି ସୁଲକ୍ଷଣୀ ନାରୀ ଅଟେ ।

ସୁଲକ୍ଷଣୀ ନାରୀ ରୋହିଣୀ ହେଲେ ବି କୃଷ୍ଣ ଯେତେବେଳେ ଜନ୍ମ ନେବେ ସେହିସମୟରେ ରୋହିଣୀ ବନ୍ଦୀ ହୋଇ ରହିବେ ।ହେ ନାରଦ ଆପଣ ବସୁଦେବ ଙ୍କୁ କହି ରୋହିଣୀ କୁ ଗୋଟିଏ ଗାଈ କରି ଦିଅନ୍ତୁ ।ସେଇ ଗାଈକୁ ନନ୍ଦ ର ଗୁହାଳରେ ନେଇ ଛାଡି ଦେଇ ଆସନ୍ତୁ।ଦେବକୀ ,ହଳଧରଙ୍କ ଗର୍ଭ ଭାର ବୋହି ଥାଆନ୍ତି ।ଏହାଦେଖି ଚଉଶିରା ଶ୍ରୀହରି ଙ୍କୁ ସ୍ତୁତିକଲେ ।

ଗର୍ଭ ଦୁଃଖରେ ଦେବକୀ ଭାଙ୍ଗି ପଡୁଥିଲେ ।ଗର୍ଭକଷ୍ଠ ଅତି ଭୟଙ୍କର ଥିଲା ଦେବକୀଙ୍କ ପକ୍ଷେ ।ହଳଧରଙ୍କୁ ଗର୍ଭରେ ଧରି ସେ ବହୁତ କାତର ହୋଇ ପଡୁଥିଲେ ।କିଛି ଦିନ ପରେ ନାରଦ ମୁନି ମଥୁରା ନଗରରେ ପ୍ରବେଶ ହେଲେ ।ବସୁଦେବ ଙ୍କ ଭବନ ରେ ପହଁଞ୍ଚି ଲେ ।ନାରଦ ମୁନିଙ୍କୁ ଦେଖି ବସୁଦେବ ବହୁ ମାନ୍ୟ କଲେ ଓ ପାଦଧରି କହିଲେ ଭୋ ମୁନି !ଆପଣ ଅସମୟରେ କୁଆଡେ ଆସିଲେ ମୁଁ ଜାଣି ପାରିବିକି ?।ନାରଦ ମୁନି ବସୁଦେବଙ୍କର କୁଶଳ ଓ ମଙ୍ଗଳ ବିଷୟରେ ପଚାରିବାରୁ ବସୁଦେବଙ୍କ ଆଖିରୁ ଅଶ୍ରୁ ଜଳ ବାହାରି ଆସିଲା ।ହେ ମୁନି !

ଆପଣତ ସବୁ ଜାଣିଛନ୍ତି ,ଛଅ ଗୋଟି ପୁତ୍ର ଜନ୍ମ ଦେଲୁ ଆମେ ଗୋଟି ଗୋଟି କରି ସବୁ ପୁତ୍ର କୁ କଂସାସୁର ନାଶ କଲା ।ସପ୍ତମ ଗର୍ଭ ଭାର ଏତେ ଯେ ଦେବକୀ ସେ ଗର୍ଭକୁ ଆଉ ସମ୍ଭାଳି ପାରୁ ନାହିଁ ।ମାତ୍ର ତିନି ମାସ ଗର୍ଭ ଦେବକୀଙ୍କର ହୋଇଛି।ହେ ଋଷି ଦେବକୀଙ୍କ ଗର୍ଭରେ କେଉଁ ପୁରୁଷ ଅଛନ୍ତି ଯଦି ଜାଣିଛନ୍ତି ତାହାଲେ ତାର ପ୍ରତିକାର କରନ୍ତୁ ।ଆଉ ଗର୍ଭକଷ୍ଠ ସମ୍ଭାଳି ପାରୁ ନାହାଁନ୍ତି !।

ନାରଦ ,ବସୁଦେବଙ୍କ ଠାରୁ ସମସ୍ତ କଥା ଶୁଣି କହିଲେ "ହେ ବସୁଦେବ ତୁମେ ମୋ କଥା ଶୁଣ "ବ୍ରହ୍ମସେନ ରାଜାଙ୍କର ଏକ ମାତ୍ର ଝିଅ ,ତୁମର ପ୍ରଥମ ପତ୍ନୀ ଦେଵକୀ ଙ୍କର ସାନ ସଉତୁଣୀ ଯାହାର ପୁତ୍ର କନ୍ୟା କିଛି ଆଜି ପର୍ଯ୍ୟନ୍ତ ହୋଇ ନାହାଁନ୍ତି ସେହି ରୋହିଣୀ ନାମଧାରୀ ନାରୀଙ୍କ ଗର୍ଭରେ ମୁଁ ମନ୍ତ୍ର ବଳରେ ଦେବକୀଙ୍କ ଗର୍ଭରେ ଥିବା ପିଲାକୁ ନେଇ ସେଇ ରୋହିଣୀ ଗର୍ଭରେ ରଖିବି ।ଦେବକୀ ଙ୍କ ଗର୍ଭ କଷ୍ଟ ଦୂର ହୋଇଯିବ ।ଏଥିରେ ତୁମର ମତ କଅଣ କୁହ ବସୁଦେବ ?ଏକଥା ନାରଦ ମୁନି ବସୁଦେବ ଙ୍କୁ ପଚାରିଲେ ।ବସୁଦେବ ଅତ୍ୟନ୍ତ ଖୁସି ହୋଇ ନାରଦଙ୍କୁ ପ୍ରଣିପାତ କଲେ ।

"ଦେବକୀର ଗର୍ଭ ଗୋଟି ହୋଇବ ଉଶ୍ୱାସ

ଶୁଣିକରି ବସୁଦେବ ହୋଇଲା ହରଷ "।

କ୍ରମଶଃ ..........................

ହରିବଂଶ ( ଭାଗ -୨୩ )

ହରିବଂଶ ( ଭାଗ -୨୩ )