ଯାହାଙ୍କର ଆତ୍ମୈଶ୍ଵର୍ଯ୍ୟର ସ୍ବରୂପ ତର୍କର ଅଗୋଚର ,"ଏହି ଦୃଶ୍ୟମାନ ସମସ୍ତ ବ୍ରହ୍ମାଣ୍ଡ ସେଇ ବ୍ରହ୍ମ ଅଟେ "।ଶ୍ରୁତିବିତମାନେ ଯାହାଙ୍କୁ ଉଦ୍ଦେଶ୍ୟ କରି ଏହି କଥା କହିଥାନ୍ତି ,ଯିଏ ସମସ୍ତ ଉତ୍ପତ୍ତିର କାରଣ ବୋଲି ବ୍ରହ୍ମାଣ୍ଡରେ ଥିବା ସମସ୍ତବସ୍ତୁ ସାଗର ତରଙ୍ଗ ନ୍ୟାୟରେ ଯାହାଠାରୁ ଅଭିନ୍ନ ସେଇ ସଂସାର ଅନ୍ଧକାରୀ ହରିଙ୍କୁ ମୁଁ ସ୍ତୁତି କରୁଅଛି।ହେ ପ୍ରଭୁ !ଆପଣଙ୍କ ନାମ , ଗୁଣ ପ୍ରଚାର ଓ ପ୍ରସାର କରିବାରେ ଯଦି କୌଣସି ତ୍ରୁଟି ରହି ଯାଉଥାଏ ତେବେ ଏ ଅଧମକୁ କ୍ଷମା କରିବା ହେବେ ।ଜୟ ଶ୍ରୀହରି।🌹🌹

ରାଜା ପରୀକ୍ଷିତ ଶୁକମୁନି ଙ୍କୁପଚାରିଲେ ଭୋ ଦେବ !ବଳଦେବ

ତ ନନ୍ଦ ଗୋଷ୍ଠରେ ରୋହିଣୀ ନାମକ ଗାଈ ଠାରୁ ଜନ୍ମ ନେଲେ

ପୁଣି ନନ୍ଦ ଘରେ ସଂକର୍ଷଣ ରହିଲେ କିପରି ?ଏ ସମସ୍ତ କଥା ମୁଁ

ବୁଝିପାରୁନାହିଁ ଦୟାକରି ମୋତେ ବିସ୍ତାର କରି ବୁଝାଇ ଦିଅନ୍ତୁ ?

ଶୁକମୁନି କହିଲେ ସେହି ମହାରସ କୁ ଆପଣଂକ ଆଗରେ ବର୍ଣ୍ଣନା କରୁଛି ଆପଣ ମନଦେଇ ଶୁଣିବା ହୁଅନ୍ତୁ ......!।

ରୋହିଣୀ ମନେ ମନେ ବିଚାର କଲେ ମୁଁ ଗାଈର ସଦୃଶ୍ୟ ଆଚରଣ ନକଲେ ଏଠାରେ ଧରା ପଡିଯିବି ।ଗୋପ ନଗର ର ସମସ୍ତ ଗୋପାଳ କଂସ ନିକଟକୁ ଖବର ପଠାଇଦେବେ ଯେ "ବସୁଦେବ ଙ୍କର ପ୍ରଥମ ପତ୍ନୀ ରୋହିଣୀ ଙ୍କର ପୁତ୍ର ହୋଇଛି " କଂସ ଏ ଖବର ପାଇଲେ ମୋତେ ଓ ମୋପୁତ୍ର କୁ ମାରିଦେଵ ।ଏଣୁ ରୋହିଣୀ ଗାଈ ଜନ୍ମ କଲେ ଯେମିତି ତା ଛୁଆକୁ ଜିଭରେ ଚାଟେ ସେହିପରି ରୋହଣୀ ନାମ ଗାଈ ଟି ବଳଦେବଙ୍କୁ ଚାଟିବା ରେ ଲାଗିଲେ।ରୋହିଣୀ ଛୁଆଟିକୁ ଜିଭରେ ଚାଟି ସଫାକଲ ପରେ ଦେଖିଲେ "ଶିଶୁଟି ଧବଳ ବର୍ଣ୍ଣ ହୋଇଗଲା ।ପୁନଶ୍ଚ ଲକ୍ଷ୍ୟ କଲା ଯେ ଶିଶୁ ଟିର ମସ୍ତକରେ ଶ୍ରୀହରଙ୍କ ସପ୍ତଫଣା ଅଛି ।ଏଣେ ଶ୍ରୀହରି ଭଗବାନ ଧ୍ୟାନ ବଳରେ ଜାଣିବାକୁ ପାଇଲେ ଯେ ରୋହିଣୀ ପୁତ୍ର ଜନ୍ମ କରି ମହା ଆନନ୍ଦରେ ଅଛି ।

ଗୋଷ୍ଠ ଥିବା ଅନ୍ୟ ଗାଈମାନେ ଖଣ୍ଡେ ଖଣ୍ଡେ ଦୂରରେ ଥିଲେ ।ଯେମିତି ଦେଖିଲେ ତାଙ୍କ ସାଥି ରୋହିଣୀ ଛୁଆ ଜନ୍ମ କରିଛି ସେମାନେ ସମସ୍ତେ ସେଇ ଛୁଆ ଅର୍ଥାତ ବଳଦେବ ଙ୍କ ନିକଟକୁ ଆସି ଚାରିପାଖରେ ବେଢ଼ିଗଲେ ।ତାଙ୍କ ମଧ୍ୟରେ ପ୍ରଭୁ ସଂକର୍ଷଣ ରହି ଥିବାରୁ ଗାଈ ଗୋଷ୍ଠ ଟିର ଶୋଭା ବର୍ଦ୍ଧନ କରୁଥାଏ ।ଗାଈ ମାନେ ଚାରିପଟକୁ ଚାହିଁ ଥାନ୍ତି ଓ ସମବେତ ଗାଈ ମାନେ ଅନାଦି ପୁରୁଷଙ୍କୁ ଅତି ଆନନ୍ଦରେ ଦର୍ଶନ କରୁ ଥାଆନ୍ତି ।

ରାତି ପାହିଲା ।ଗୋଗୋଷ୍ଠ ବଳରାମ ଜନ୍ମ ହୋଇଛନ୍ତି ।ଗାଈ ଗୋଟିଏ ମଣିଷ ଛୁଆ ଜନ୍ମ ଦେଇଛି ।ଗୋପପୁରରେ ଥିବା ସମସ୍ତ ଗୋପାଳ , ଗୋପାଳୁଣୀ ,ତାଙ୍କର ଛୁଆମାନଙ୍କୁ ଧରି ଦେଖିବାକୁ ଆସିଲେ ।ସମସ୍ତ ଗୋପପୁର ବାସୀ ଆଶ୍ଚର୍ଯ୍ୟ ହୋଇଗଲେ ଓ କହିଲେ "ଏଇ ବାଳକ ଦେଖିବାକୁ ଯୋଗୀଜନ ଙ୍କପରି , ଏହିପରି ମଣିଷ ସୃଷ୍ଟି ରେ ଦେଖିବାକୁ ବିରଳ ,ଏହାର ଜ୍ୟୋତି ମଣିଷ ପରି ନୁହେଁ ,ଠାକୁରଙ୍କ ପରି ଏହି ବାଳକ ସୁନ୍ଦର ଦେଖାଯାଉଛି ।ସଂସାର ମଧ୍ୟରେ ଏହିପରି ମୂର୍ତ୍ତି ପ୍ରାୟତଃ ନାହିଁ।କେହି କେହି ଗୋପାଳ କହିଲେଏ ବାଳକ ସାକ୍ଷାତରେ ଦିଗମ୍ବର ପରି ଦେଖା ଯାଉଛନ୍ତି ।

"ଗାଈ ପ୍ରସବେ ମନୁଷ୍ୟ ଏହା ଦେଖି ନାହୁଁ

ଅସମ୍ଭବ ଘଟଣା ଏ ଭାବିଲେକ ତହୁଁ।

ସମସ୍ତ ଗୋପପୁର ବାସୀ କଥାହେଲେ "ଗାଈ ,ମଣିଷ ଛୁଆ ଜନ୍ମ ଦେବାର ଆମ ସାତପୁରୁଷ ରେ କେଭେ କେହି ଦେଖି ନାହାଁନ୍ତି ।

କିଏ କହିଲା ନନ୍ଦ ର ଦୁଃଖ ଗଲା ।ନନ୍ଦକୁ ବହୁତ ଧନ ମିଳିବ

କିଏ କହିଲା ।ଆଉ ମଧ୍ୟ ସେମାନେ କଥାହେଲେ ନନ୍ଦ ର ପୁତ୍ର କଷ୍ଟ ଦୂର ହୋଇଗଲା ।ଆଉ କେତେକ ବୟସ୍କ ଗୋପାଳ କହିଲେ "ଆରେ ଭାଇମାନେ !ତୁମେମାନେ ଜାଣିରଖ ଗାଈ ଏହି ସୁନ୍ଦର ପୁଅ ଜନ୍ମ କରିଛି ମାନେ କଂସାସୁର ଉପରେ ବିପତ୍ତି ପଡି ଲା ବୋଲି ଜାଣ ।ଏବେ ଠାରୁ କଂସ ନାଶ ପାଇଁ ପଥ ପରିଷ୍କାର ହୋଇଗଲା "।ଏହିପରି ଘଟଣା ଯଦି ପୃଥିବୀ ରେ ଦେଖାଯାଏ ତାହାଲେ ଏକ ବର୍ଷ ଭିତରେ ସେ ଦେଶର ରାଜା ନାଶ ଯାଆନ୍ତି

।

"ଏକ ଆରେକ ଗୋପାଳ ବୋଲନ୍ତି ବଚନ

ନିଶ୍ଚୟ ନାଶ ହୋଇବ ଦ୍ରୁମିଳା ନନ୍ଦନ "।।

ଜଣେ ଅତି ଭଦ୍ର ଓ ଜ୍ଞାନୀ ଗୋପାଳ ସେମାନଙ୍କ ମଧ୍ୟରୁ କହିଲା

କଂସ ପଛେ ନାଶ ହେଉ ,କିନ୍ତୁ ଏ ରୋହିଣୀପୁତ୍ର ଦୀର୍ଘାୟୁ ହେଉ

।ସମସ୍ତ ଗୋପାଳ ମାନେ ଦେଖିଲେ ନନ୍ଦ ଏପର୍ଯ୍ୟନ୍ତ ଦେଖିନି ଯେ ତା ରୋହିଣୀ ଗାଈ ମନୁଷ୍ୟ ପୁତ୍ର ଟିଏ ଜନ୍ମ ଦେଇଛି ।ଜଣେ ଗୋପାଳ ଯାଇ ନନ୍ଦ ଙ୍କୁ ଖବର ଦେଲା ଓ ସମସ୍ତ କଥା କହିଲା ।

"ଶୁଣ ଆହୋ ନନ୍ଦ ତୁମ ପୁତ୍ରକଷ୍ଟ ଗଲା

ରୋହିଣୀ ଗାଈ ଗୋଷ୍ଠ ରେ ପୁତ୍ର ପ୍ରସବିଲା "।

ଯଶୋଦା ଏ କଥା ଶୁଣି ନନ୍ଦଙ୍କୁ କହିଲା -ଆହେ ତୁମେ ଗୋଷ୍ଠକୁ

ଯାଇ ଦେଖ ଆମ ଗାଈ ରୋହିଣୀ ସତରେ କଅଣ ପୁତ୍ର ଜନ୍ମ ଦେଇଛି ।ନନ୍ଦଙ୍କ ଗୋଡ଼ ତଳେ ଲାଗିଲା ନାହିଁ ।ସେ ତରତର ହୋଇ ଗୋଷ୍ଠ କୁ ବାହାରି ପଡିଲେ ।ଗୋଷ୍ଠରେ ଯାଇ ଦେଖିଲେ ସମସ୍ତ ଗାଈମାନେ ରୋହିଣୀ ଗାଈର ଚାରିପଟେ ଏକମୁହଁ ହୋଇ ଠିଆ ହୋଇଛନ୍ତି ।ରୋହିଣୀ ଗାଈ ଗୋଟିଏ ପୁତ୍ର ଜନ୍ମ ଦେଇଛି ।

ସୁନ୍ଦର ପୁତ୍ର ଗୋଟିଏ ଅଛି ଅବତରି ।ତାର ବର୍ଣ୍ଣ ଅତ୍ୟନ୍ତ ଧବଳ , ପୃଥିବୀ ରେ କନ୍ଦର୍ପ ଯେପରି ସୁନ୍ଦର ତାଙ୍କ ଠାରୁ ଶହେଗୁଣରେ ଏହି ପୁତ୍ର ସୁନ୍ଦର ଦେଖାଯାଉଛି ।ଏହା ପରେ ନନ୍ଦ ମନେ ମନେ ବିଚାର କରିଛି "ଆଜିଠାରୁ ମୋର ପୁତ୍ର କଷ୍ଟ ଗଲା । ମୁଁ ଏହି ରୋହିଣୀ ଗାଈର ପୁତ୍ରକୁ ନେଇ ପିତାର ସେହ୍ନ ଦେବି "।ଏହାକହି ପୁତ୍ରଟିକୁ ନନ୍ଦ କୋଳକୁ ନେଲା ଓ ମନରେ ଶ୍ରୀହରିଙ୍କୁ ସ୍ମରଣା କରି କହିଲା ହେ ପ୍ରଭୁ !ଆପଣ ଦୁଃଖୀ ର ମନକଥା ଜାଣି ପାରନ୍ତି ।ତୁମେ ଅନାଦି ପୁରୁଷ ତୁମେ ହିଁ ମହାନ ।ନନ୍ଦ ଈଶ୍ୱରଙ୍କୁ ଡାକି ବଳଦେବ ଙ୍କୁ କୋଳରେ ଧରି ଘରକୁ ଗଲା ।ଖଣ୍ଡେ ଦୂରରେ ଯଶୋଦା ସ୍ୱାମୀ ଙ୍କ ବାଟକୁ ଚାହିଁ ରହିଥିଲେ ।ପୁତ୍ରକୁ ଦେଖି ବହୁତ ଆନନ୍ଦିତ ହେଲେ ।କୋଳରେ ପୁତ୍ରକୁ ଧରି ଗେଲକଲେ ଓ ସ୍ୱାମୀ ନନ୍ଦଙ୍କୁ କହିଲେ ହଇଏ ଜାଣିଛ ମୋ ଅଙ୍ଗ ଆଜି ପବିତ୍ର ହୋଇଗଲା ।ଏହି ପୁତ୍ର ମୋର ଅଙ୍ଗରେ ଯେତେ ପାପଥିଲା ତାକୁ ଧ୍ୱଂସ କରିଦେଲା ।

ଗୋପପୁରରେ ସମସ୍ତଙ୍କ ମନରେ ଆନନ୍ଦ ଥାଏ ,ପୁଣି ଡର ବି ଥାଏ ।କେତେକ ଗୋପାଳ କୁହାକୁହି ହେଲେ ଏ ପୁତ୍ର ଗୋପର କଣ୍ଟା ହେବନାହିଁତ ?।ସମସ୍ତଙ୍କ ମନରେ ଭୟ ଓ ବିଷାଦ ଦେଖାଦେଲା ।"ଗୁଣମନ୍ତ "ନାମକ ଗୋପାଳ କହିଲା ମୋର କାହିଁକି ଏ ଶିଶୁ ଉପରେ ସନ୍ଦେହ ହେଉଛି ?ଏହାକହି ମଥୁରା ପୁର ରୁ ଏକ ବିଶିଷ୍ଟ ପଣ୍ଡିତ କୁ ଗୋପାଳ ଗୁଣବନ୍ତ ଡକାଇ କହିଲା -ପଣ୍ଡିତେ ଏହି ପିଲାକୁ ଗୋଟିଏ ଗାଈ ଜନ୍ମ କରିଛି !ଦେଖିଲେ ଏହି ପିଲାଟି ଆମ ଗୋପପୁର ପାଇଁ ଶୁଭ କି ଅଶୁଭ !

ପଣ୍ଡିତଙ୍କ ନିକଟରେ ନନ୍ଦ ଓ ଯଶୋଦା ଉପସ୍ଥିତ ଥିଲେ ।

ପଣ୍ଡିତେ ଖଡ଼ି ବାହାର କରି ଗଣନା କରି ଦେଖିଲେ ଯେ ଏହି ପିଲା ଗୋପପୁର ପାଇଁ ଶୁଭ ।କିନ୍ତୁ କଂସ ରାଜ୍ୟ ପାଇଁ ଅଶୁଭ ।

ପଣ୍ଡିତେ ଖଡ଼ି କରି ଦେଖିଲେ ଯେ -"ବଳଦେବ ଙ୍କର ଶ୍ରବଣା ନକ୍ଷତ୍ର ଓ ମକର ରାଶି ।ଏହି ରାଶିରେ ଲଗ୍ନ ଠିକ୍ ଅଛି ।ବୃହଷ୍ପତି ପଞ୍ଚମ ରେ ଥିବାରୁ ଏହି ପିଲା କୀର୍ତ୍ତିବାନ ଓ ବଳବାନ ବ୍ୟକ୍ତି ହେବ ।ଗୋପବାସୀ ମାନେ ପଣ୍ଡିତଙ୍କ ଠାରୁ ଏପରି କଥା ଶୁଣି ଆନନ୍ଦିତ ହେଲେ ।

ପରୀକ୍ଷିତ ଶୁକମୁନିଙ୍କୁ ପୁନଶ୍ଚ ପଚାରିଲେ ଭୋ ବ୍ୟାସ ସୁତ !ନାରଦ ମୁନି ଯେତେବେଳେ ରୋହିଣୀଙ୍କ ମଥୁରାରୁ ଆଣିଲେ ସେତେବେଳେ କଂସ ଏକଥା ଜାଣି ପାରିଲା !ନା ଜାଣି ପାରିଲା ନାହିଁ ?ମୋତେ ବୁଝାଇ କୁହନ୍ତୁ ?

ଶୁକମୁନି କହିଲେ ଯେତେବେଳେ ନାରଦ ଦେବକୀର ଗର୍ଭରୁ ବଳଦେବ ଙ୍କୁ ରୋହିଣୀ ଗର୍ଭ କୁ ଆଣିଲେ ସେତେବେଳେ ନାରଦ କଂସଙ୍କୁ କହିଲା ହେ ରାଜନ ଦେବକୀ ର ସପ୍ତମ ଗର୍ଭ ନଷ୍ଟ ହୋଇଗଲା ।ଦେଵକୀ ଗର୍ଭରେ ଭ୍ରୁଣ ସଞ୍ଚାର ହୋଇଥିଲା ସତ ମାତ୍ର ଗର୍ଭର ହାତ କି ଗୋଡ଼ କିଛି ଗଠନ ହୋଇନଥିଲା ।ଦେବକୀଙ୍କ ଦେହରୁ କେବଳ ରୁଧିର ପ୍ରବଳ ବେଗରେ ବାହାରି ଗର୍ଭ ନଷ୍ଟ ହୋଇଗଲା ।ଦେଵକୀ ଓ ବସୁଦେବ ଙ୍କୁ ଧରି ନାରଦ ଦେବକୀଙ୍କର ରକ୍ତ ଭିଜା ଲୁଗା ସହ କଂସ ନିକଟରେ ପହଁଞ୍ଚି କଂସ କୁ ଦେଖାଇଥିଲେ ।କଂସ ନାରଦ ଙ୍କ କଥାରେ ବିଶ୍ୱାସ କରିଗଲା ଓ କହିଲା ....!

ଶୁଣି କରି କଂସରାଜା ହୋଇଲା ହରଷ

ମୋହର ଅଇରୀ ଏବେ ଏବେ ଲଭିଲା ବିନାଶ ।

ନାରଦ ପ୍ରମାଣ ସ୍ୱରୂପ ଦେଵକୀ ଙ୍କ ରକ୍ତସ୍ରାବ ଲୁଗା ଦେଖାଇ ବିଶ୍ୱାସ ଜନ୍ମାଇ ଖସି ଆସିଲେ ।ଏପଟେ ରୋହିଣୀ ଧରି ନନ୍ଦ ର ଗୋଗଷ୍ଟରେ ଗାଈ କରି ଲୁଚାଇ ରଖିଲେ ।ନନ୍ଦ ,ବୃଦ୍ଧା ଗାଈ ଦେଖି କରି ତାଙ୍କୁ ସେବା ଯତ୍ନ କଲା ।

"ଅତି ଯତ୍ନ କରି ନନ୍ଦ ସେବା କରିଥାଇ

ପରର ଗାଈ ବୋଲିଣ ତାକୁ ନଜାଣଇ "।

ଏଣେ କଂସ ସିନା ନାରଦ କଥାରେ ବିଶ୍ୱାସ କରି ଦେବକୀ ଓ ବାସୁଦେବଙ୍କୁ କିଛି ନକହି ଛାଡିଦେଲା ।ପରମୁହୂର୍ତ୍ତରେ ଚିନ୍ତା କଲା ନାରଦ ମୋତେ ମିଛ କହୁ ନାହାନ୍ତି ତ ?।ମନରେ ସନ୍ଦେହ ଜାତ ହେଲା କଂସର ।କଂସ ସଂଗେ ସଂଗେ ଅଷ୍ଟ ମଲ୍ଲ ଙ୍କୁ ଡକାଇ ଚାରି ପାର୍ଶ୍ଵ ରେ ଜଗାଇ ଦେଇ କହିଲା "ମୋହର ଶତ୍ରୁ ବାଳକ ରୂପେ କୁଆଡେ ଯିବାର ତୁମେ ଦେଖିଛଅଷ୍ଟ ମଲ୍ଲ ?

ଅଷ୍ଟ ମଲ୍ଲ କଂସାସୁର କୁ କହିଲେ ହେ ନୃପବର !ଆମେ ଏ ବିଷୟରେ କିଛି ଜାଣିନୁ !।କଂସ ଅଷ୍ଟମଲ୍ଲ ସହିତ ସବୁ ଅସୁରକୁ ନିର୍ଦ୍ଦେଶ ଦେଇ କହିଲା "ହେ ଅସୁର ଗଣ ତୁମେ ମୋ ରାଜ୍ୟ ଠାରୁ ପୂର୍ବ , ପଶ୍ଚିମ , ଉତ୍ତର ,ଦକ୍ଷିଣ ଦିଗ ର ଦଶକୋଷ ଭିତରେ ଏକ ଦିନ ଠାରୁ ଏକ ବର୍ଷ ପର୍ଯ୍ୟନ୍ତ ଜନ୍ମିତ ଶିଶୁ କୁ ଦୁଇଖଣ୍ଡ କରି ହାଣୀ ଦିଅ "।କଂସର ଆଦେଶ ରେ ପୃଥିବୀର ରେ ଯେତେ ବାଳକ ଜନ୍ମ ହୋଇଥିଲେ ଦାନବ ଗଣ ଦୁଇଖଣ୍ଡ କରିଦେଲେ ।

"ଏହିରୂପେ ଚାରିଦିଗେ ବାଳକ ବଧିଲେ

ଶତ୍ରୁ ହତ୍ୟା କଲୁ ବୋଲି ରାଜାଙ୍କୁ କହିଲେ"

ଦାନବ ଗଣ ଠାରୁ ଏହି ଖବର ଶୁଣି କଂସ ଆନନ୍ଦରେ ନିଜ ଆସ୍ଥାନରେ ବସିଲା ଓ ଶତ୍ରୁ ନାଶ ହୋଇଗଲା ବୋଲି ମନରେ ଭାବିଲା ।

ରାଜା ପରୀକ୍ଷିତ ଶୁକମୁନି ଙ୍କୁ ପଚାରିଲେ ହେ ବ୍ୟାସସୁତ !ବଳଦେବ ଜନ୍ମ ହେବାର କଂସ ଜାଣିଲା ନା ଜାଣି ପାରିଲ ନାହିଁ? ଯଦି ଜାଣି ପାରିଲା ତାହାଲେ ଦ୍ରୁମିଳା ଶିଷ୍ୟ ର କଅଣ ପ୍ରତିକ୍ରିୟା ଥିଲା ?ଏବିଷୟରେ ମୋତେ କୁହନ୍ତୁ ....?।ଶୁକମୁନି କହିଲେ ହେ ଅର୍ଜୁନଙ୍କ ନାତି ସେହି ବିଷୟରେ ମୁଁ କହୁଛି ଶୁଣନ୍ତୁ ........!!!।

କଂସର ଡଗର ସର୍ବାଦ ସବୁ ନଗରରେ ବୁଲୁଥାଆନ୍ତି ।ଏକଦିନେ

କଂସର ଡଗର ଗୋପପୁର କୁ ଯାଇଥାଏ ।ଗାଈ ଟିଏ ମନୁଷ୍ୟ

ଛୁଆ ଜନ୍ମ କରିବାରୁ ଗୋପପୁରରେ ଶଙ୍ଖ ଧ୍ୱନି ହେଉଥାଏ ।ଗୋପାଳ ମାନେ ଘଣ୍ଟ ବଜାଇ କୀର୍ତ୍ତନ କରୁଥାନ୍ତି ।କିଛି ଲୋକ ଏକାଠି ବସି କଥା ହେଉଥାନ୍ତି।କଂସ ଡଗର ଗୋପପୁରରେ ଏପରି ଶଙ୍ଖ ଧ୍ୱନି ଦେଖି ବସିଥିବା ଲୋକଙ୍କୁ ପଚାରିଲା , ଏଠାରେ କାହିଁକି ଏପରି କୀର୍ତ୍ତନ ଚାଲିଛି ?।କିଛି ଗୋପାଳ କଂସର ଡଗରକୁ କହିଲେ -"ନନ୍ଦ ର ଗାଈ ରୋହିଣୀ ଗୋଟିଏ ମଣିଷ ଛୁଆ ଜନ୍ମ କରିଛି , ସେଥିପାଇଁ ଏହି ସବୁ ଆୟୋଜନ ଗୋପପୁର ତରଫରୁ କରାଯାଇଛି "।କଂସର ଡଗର ଆଉ ସେଠାରେ ନରହି ଶୀଘ୍ର ମଥୁରା କୁ ଫେରିଆସିଛି ।

କଂସର ଦରବାର ଚାଲିଥାଏ ।ଲକ୍ଷ ରାଜା ଙ୍କ ସହିତ ମନ୍ତ୍ରୀ ଅକ୍ରୁର ଥାଆନ୍ତି ।କଂସର ପାଦତଳେ ଦେବତା ମାନେ ଠିଆ ହୋଇ ରହିଥାନ୍ତି ।ପୁରୋହିତ ଗାର୍ଗ୍ୟ ତାଙ୍କ ଆସନରେ ବସିଥାନ୍ତି ।କଂସ କହୁଥାଏ ମୋ ଠାରୁ ବୀର ତିନି ଭୁବନରେ ଆଉ କେହି ନାହାନ୍ତି ।କାଳଘଣ୍ଟ ଓ ଯମଘଣ୍ଟ କେବଳ କଂସର କଥାରେ ହଁ , ହଁ କରୁଥାନ୍ତି ।ଠିକ୍ ଏହି ସମୟରେ କଂସର ଡଗର ଆସି ରାଜଦରବାରେ ଖବର ଦେଲା -ମଣିମା !ଗୋପପୁର ନନ୍ଦ ଗୋପାଳ ର ରୋହିଣୀ ନାମକ ଗାଈ ଗୋଟିଏ ମଣିଷ ଛୁଆ ଜନ୍ମ ଦେଇଛି ।ଏହି ଗାଈ ଶ୍ରାବଣ ପୂର୍ଣ୍ଣିମା ଦିନ ଛୁଆ ଜନ୍ମ କରିଛି ବୋଲି ଗୋପ ଗୋପାଳ ମାନେ କହୁଛନ୍ତି ।ଡଗର କହିଲା ମୁଁ ହଜୁର ଏକଥା ଯେମିତି ଶୁଣିଛି ଆଉ ଗୋପପୁରରେ ନରହି ସଂଗେ ସଂଗେ ଖବର ଧରି ଆପଣଂକ ପାଖକୁ ଆସିଲି ।

ଡଗର ଠାରୁ ଏମନ୍ତ ଖବର ଶୁଣି କଂସ ପୁରୋହିତ ଗାର୍ଗ୍ୟ ଙ୍କୁ କହିଲା ହେ ଋଷି ଏହା କଅଣ ସତ୍ୟ ?।ଗାଈ କଅଣ ମଣିଷ ଛୁଆ ଜନ୍ମ କରିପାରେ ?।ପୁରୋହିତ ଗାର୍ଗ୍ୟ କଂସ ପ୍ରଶ୍ନ ର ଉତ୍ତର ଦେବାପାଇଁ ଶ୍ରୀହରିଙ୍କୁ ସ୍ମରଣା କରି ଧ୍ୟାନରେ ବସିଲେ ।

ଗାର୍ଗ୍ୟ ଜାଣି ପାରିଲେ ଯେ କଂସ ଓ କେଶୀ ତଥା ଅନ୍ୟାନ୍ୟ ଅସୁରଙ୍କୁ ନାଶ କରିବା ପାଇଁ ଭଗବାନ ବଳଦେବ ରୋହିଣୀ ରୂପକ ଗାଈ ଠାରୁ ଜନ୍ମ ନେଇଛନ୍ତି ।ଗାର୍ଗ୍ୟ ଋଷି ହୃଦୟ ଭିତରେ ଏକଥା ରଖିଲେ ଓ କଂସକୁ କହିଲେ -"ଗାର୍ଗବ

"ବୋଇଲେ ରାଜା କହଇ ମୁଁ ସତ୍ୟ

ଏଥିରେ ଅରିଷ୍ଟ ହୁଏ ରାଜାକୁ ନିଶ୍ଚିତ "।

ହେ ରାଜନ ଆପଣ ଆଜିଠାରୁ ଗୋପପୁର କୁ ଯିବେ ନାହିଁ ।

"ଆଜିଠାରୁ ତୋର କେହି ଗୋପକୁ ନଯିବ

କଂସକୁ ବୋଇଲେ ତୋତେ ବିପତ୍ତି ପଡିବ "

ଗାର୍ଗ୍ୟ ପୁରୋହିତ ଙ୍କ କଥା ଶୁଣି କଂସ କହିଲା ହେ ପୁରୋହିତ

ମହାଶୟେ ମୁଁ ଛୋଟ ଦିନରୁ ଗୋପପୁର କୁ ଯାଏନାହିଁ ।ଆଉ ଏସମୟରେ ମୁଁ କାହିଁକି ଗୋପ ପୁରକୁ ଯିବି ?।

"କଂସତ ବୋଇଲା ମୋତେ ଶାପହିଁ ଅଛଇ

ବାଳକ କାଳରୁ ମୁହିଁ ଗୋପେ ଯାଉନାହିଁ "।

ପୂର୍ବ ଅଭିଶାପ ଓ ଗାର୍ଗ୍ୟ ପୁରୋହିତ ଙ୍କ ଠାରୁ ଗୋପପୁର ବିଷୟରେ ସମସ୍ତ କଥାକୁ ଆଲୋଚନା କରି ସେହି ଦିନଠାରୁ ଆଉ କୌଣସି ଡଗରକୁ ଗୋପ ପୁରକୁ ପଠାଇଲା ନାହିଁ କି ନିଯେ ମଧ୍ୟ ଗୋପପୁରକୁ ଗଲାନାହିଁ । ନନ୍ଦ ଓ ଯଶୋଦା ,ମହା ଆନନ୍ଦରେ ଦିନ କାଟିଲେ ।ବଳଦେବ ଙ୍କୁ ପୁତ୍ର ରୂପେ ପାଇ ଓ ପୁତ୍ର ସେହ୍ନ ଦେଇ ସମୟ ଅତିବାହିତ କଲେ ।

ରାଜା ପରୀକ୍ଷିତ ଶୁକମୁନିଙ୍କ ଠାରୁ ବଳଦେବଙ୍କଜନ୍ମ ବିଷୟରେ

ସମସ୍ତ ବୃତ୍ତାନ୍ତ ଶୁଣି କୃତ କୃତ ହେଲେ ଓ ଶୁକମୁନିଙ୍କୁ ପ୍ରଣିପାତ କଲେ ।

କ୍ରମଶଃ ....................

ହରିବଂଶ ( ଭାଗ -୨୫)

ହରିବଂଶ ( ଭାଗ -୨୫)