ଯେଉଁ ପ୍ରଭୁ ପ୍ରକୃତିରେ ଅଧିଷ୍ଠାନ କରି ଜିବାତ୍ମଭାବ ପ୍ରାପ୍ତହୋଇ ପଞ୍ଚ ମୁଖରେ ଭୋଗ୍ୟପଦାର୍ଥ ସବୁ ଅଜସ୍ର ଭୋଗ କରୁଛନ୍ତି , ଏକମାତ୍ର ଚନ୍ଦ୍ର ଯେପରି ଜଳ ମଧ୍ୟରେ ନାନା ଚନ୍ଦ୍ରରୂପରେ ଅର୍ଥାତ ଜଳପାତ୍ର ଭେଦରେ ଅନେକ ଚନ୍ଦ୍ର ପରି ପ୍ରତୀୟମାନ ହେଉ ଅଛନ୍ତି ,ସେଇ ସଂସାର ଅନ୍ଧକାର ନାଶକାରୀ ହରିଙ୍କୁ ମୁଁ ସ୍ତୁତି କରୁଅଛି ।ହେ ପ୍ରଭୁ !ଆପଣଙ୍କ ନାମ ,ଗୁଣ ପ୍ରସାର ଓ ପ୍ରସାର କରିବାରେ ଯଦି କୌଣସି ଠାରେ ତ୍ରୁଟି ରହିଯାଉଥାଏ ତେବେ ଏ ଅଧମକୁ କ୍ଷମା କରିବାହେବେ ।ଜୟ ଶ୍ରୀ ହରି ।

#ଭଗବାନ_ଶ୍ରୀକୃଷ୍ଣ_ଜନ୍ମ🌹🌹

*******************

ରାଜା ପରୀକ୍ଷିତ ଶୁକମୁନିଙ୍କୁ କହିଲେ ହେ ବ୍ୟାସସୁତ !ଆପଣ

ଶ୍ରୀକୃଷ୍ଣ ଜନ୍ମ ବିଷୟରେ ମୋତେବିସ୍ତାର କରି କୁହନ୍ତୁ।ପରୀକ୍ଷିତ

ଙ୍କ କୃଷ୍ଣ ଜନ୍ମ ଶୁଣିବାର ଆଗ୍ରହ ଦେଖି ଶୁକମୁନି କହିଲେ ହେ ରାଜନ !ମୁଁ ଯାହା ଶୁଣିଛି ତାହା ଆପଣଂକ ଆଗରେ ବର୍ଣ୍ଣନା କରୁଛି ।ଶୁକମୁନି କହିବା ଆରମ୍ଭ କଲେ .....

ମାୟାଧର ଙ୍କ ମାୟା ତାଙ୍କୁ ହିଁ କେବଳ ଜଣା ।ଦେବକୀଙ୍କ ନିକଟରେ ଶ୍ରୀକୃଷ୍ଣ ଭଗବାନ ଅଦୃଶ୍ୟ ରେ କଥୋପକଥନ କରୁଥିଲେ ।ଶେଷରେ ଦେବକୀଙ୍କ ଉପରେ ପ୍ରଭୁ ପୀତବାସ ମାୟା ରଚନା କଲେ ଓ କହିଲେ "ମୁଁ ତୁମରି ଗର୍ଭରେ ନିଶ୍ଚିତ ଜନ୍ମ ନେବି ।ଏହା ସତ୍ୟ ଅଟେ ।ପୌଷମାସ କୃଷ୍ଣପକ୍ଷ ଦଶମୀ ତିଥି ଗୁରୁବାର ଦିନ ରୋହିଣୀ ଯୋଗେ ରେ ପ୍ରଭୁ ଶ୍ରୀକୃଷ୍ଣ , ଦେବକୀଙ୍କ ଉଦରରେ ପ୍ରବେଶ କଲେ । ଯେତେବେଳେ ଦେବକୀଙ୍କର ଗର୍ଭବାସ ର ଶୁଭ ପଡିଲା ,ସେଇ ସମୟରେ ଶୁନ୍ୟରୁ କିଛି ଶବ୍ଦ କଂସ ଉଦ୍ଦେଶ୍ୟ ରେ ଭାସି ଆସିଲା ।କଂସ ସେହି ସମୟରେ ରାଜ ସିଂହାସନ ଉପରେ ବିଜେ କରିଥାଏ ।ଶୁନ୍ୟ ମାର୍ଗରୁ ସେଇ ଶବ୍ଦ ଆସି କଂସର କର୍ଣ୍ଣରେ ବାଜିଲା ।ଶୁନ୍ୟରୁ ଆସିଥିବା ଶବ୍ଦ ଏହିପ୍ରକାରରେ କଂସର କାନରେ କହୁଥାଏ ଯେ "ହେ ବୀର କଂସାସୁର ଧ୍ୟାନ ଦେଇ ଶୁଣ !ଏବେ ନିଶ୍ଚିତ ତୋହର ମୃତ୍ୟୁ ବେଳ ପାଖେଇ ଆସିଲା ।ଏବେମରିବା ପାଇଁ ପ୍ରସ୍ତୁତହୋଇଯାଅ ।ଦେବକୀର ଯେତେକ ପୁତ୍ରକୁ ତୁ ମାରିଲୁ ତାହା କିଛି ଫରକ ପଡିନଥିଲା ।ତୋତେ ଯିଏ ମାରିବ ସେ ବର୍ତ୍ତମାନ ଦେଵକୀ ଗର୍ଭରେ ରହିଛି ।ଦେବକୀର ଅଷ୍ଟମ ପୁତ୍ର ଜନ୍ମନେଇ ତୋତେ ହିଁ ମାରିବ ।

"ଅଷ୍ଟମ ଗର୍ଭ ଯେ ତୋର ହୋଇବରେ କାଳ

ପାରୁ ଯେବେ ନିର୍ବନ୍ଧରେ ବନ୍ଦୀଘରେ ଭର "।

ଶୁନ୍ୟରୁ ଏହିପରି ଶବ୍ଦମାନ ଶୁଣି କଂସାସୁର ଅସ୍ତବ୍ୟସ୍ତ ହୋଇ

ପଡିଲା ।ତା ଶରୀର ରୁ ଗମଗମ ଝାଳ ବୋହିବାରେ ଲାଗିଲା ।

ମୁଣ୍ଡରେ ହାତ ଦେଇ କଂସ ଭାବିଲା ,ଏ କଅଣ ମୁଁ ଶୁଣୁଛି ?

ଶୁନ୍ୟରୁ ଆସୁଥିବା ଶବ୍ଦ ନିଶ୍ଚିତ ସତ୍ୟ !ସତରେ କଅଣ ମୋର

ମୃତ୍ୟୁ ହେବ ?।କଂସ ଏକଥା କହୁଥାଏ ଓ ଖୁବୁ ଜୋରରେ ହସୁଥାଏ ।କଅଣ କରିବ ,କଅଣ କରିବ ଏହିପରି ଭାବି ଭାବି କଂସ ସେନାପତି ବୀରବର ଙ୍କୁ କହିଲା ,ସେନାପତି ମଥୁରା ରେ ଥିବା ସମସ୍ତ ଯୋଦ୍ଧା ଅଛନ୍ତି ସମସ୍ତଙ୍କୁ ମୋ ନିକଟକୁ ଡାକି ଆଣ ।କଂସାସୁର ନିର୍ଦ୍ଦେଶ ପାଇ ସେନାପତି ବୀରବର ସମସ୍ତ ଯୋଦ୍ଧା ମାନ ଙ୍କୁ ଧରି କଂସ ରାଜା ଙ୍କ ନିକଟକୁ ଆସିଲା ।

ମଥୁରାର ସମସ୍ତ ଯୋଦ୍ଧା ଙ୍କୁ କଂସ କହିଲା "ହେ ମଥୁରାର

ସମସ୍ତ ବୀର ପୁରୁଷ ମୋ କଥା ଶୁଣ ।ଭଉଣୀ ଦେବକୀର ଛଅ ପୁତ୍ର କୁ ମୁଁ ନାଶ କଲାପରେ ସପ୍ତମ ଗର୍ଭ ଆକାଶରେଅନ୍ତର୍ଦ୍ଧାନ

ହୋଇଗଲା ।ଏବେ ମୁଁ ଶୁଣିବାକୁ ପାଉଛି ଦେବକୀ ଅଷ୍ଟମ ଗର୍ଭ

ଧାରଣ କରିଛି ।ଏହି ଅଷ୍ଟମ ଗର୍ଭ ରେ ଯେଉଁ ସନ୍ତାନ ଅଛି ସେ

ସବୁଠାରୁ ବଳବାନ ବୋଲି ମୋତେ ଶୁନ୍ୟବାଣୀ ହୋଇଛି ,ହଁ ଆହୁରୁ ମଧ୍ୟ ଏହି ଅଷ୍ଟମ ଗର୍ଭ ରୁ ଜାତ ସନ୍ତାନ ହିଁ ମୋର ମୃତ୍ୟୁ କାରଣ ହେବ ବୋଲି ଶୁନ୍ୟବାଣୀ ମୁଁ ନିଜେ କାନରେ ଶୁଣିଛି ।ହେ ମଥୁରାର ବୀର ଯୋଦ୍ଧା ମାନେ ତୁମେ ବର୍ତ୍ତମାନ ଦେବକୀ ଓ ବସୁଦେବଙ୍କୁ ଆଣି ବନ୍ଦୀ ଘରେ ରଖ ।

"ବସୁଦେବ ଦେଵକୀଙ୍କୁ ନିର୍ବନ୍ଧେ ଜଗିବ

ପୁତ୍ରର ପ୍ରସବ ପରେ ତାଙ୍କୁ ଛାଡ଼ିଦେଵ "।

କଂସାସୁର ,କାଳଘଣ୍ଟ ଓ ଉଗ୍ରସେନ ଙ୍କୁ ନିର୍ଦ୍ଦେଶ ଦେଲା ଯେ ଦେବକୀ ଓ ବାସୁଦେବଙ୍କୁ ଖୁବ ଶୀଘ୍ର ଆଣି ବନ୍ଦୀ ଘରେ ରଖ। ଉଗ୍ରସେନ , ବସୁଦେବ ଓ ଦେଵକୀଙ୍କୁ କଂସ ନିକଟରେ ହାଜର କରାଇଲା । କଂସ କହିଲା ଏହି ଦୁଇଜଣଙ୍କୁ ନେଇ ବନ୍ଦୀ ଘରେ ଛାଡିଦିଅ ।ଦେଵକୀ କହିଲା ଭାଇ ,ମୁଁ ମୋ ଅଷ୍ଟମ ପୁତ୍ର କୁ ତୁମ ହସ୍ତରେ ଦେଇଦେବି ,ପୁଣି ମୋ ପାଇଁ ବନ୍ଦୀ ଘର କାହିଁକି ?।

ଦେବକୀ କଥାଶୁଣି କଂସ ବିରକ୍ତ ହୋଇ କହିଲା ତୋତେ ବିଶ୍ୱାସ ନାହିଁ ଦେଵକୀ ।ତୋର ସପ୍ତମ ଗର୍ଭ ଆକାଶ ରେ ଉଭେଇ ଗଲା କି କୁଆଡେ ଗଲା ମୁଁ ଜାଣି ପାରିଲି ନାହିଁ ।ଯଦି ତୁ ବନ୍ଦୀଘରେ ଥାଆନ୍ତୁ ତେବେ ମୋ ଲୋକମାନେ ନିଶ୍ଚିତ ମୋତେ ସଠିକ ଖବର ମୁଁ ଜାଣି ପାରିଥାନ୍ତି ।ଏବେ ତୋହର କିଛି କଥା କଂସ ରଖିବ ନାହିଁ ଭଉଣୀ ...!

ଉଗ୍ରସେନ ଙ୍କୁ ବନ୍ଦୀ ଘର ଦ୍ୱାର ଜଗିବା ଦାଇତ୍ୱ ଦେଇ କଂସ କହିଲା ଯେତେବେଳେ ଦେବକୀର ପୁତ୍ର ଜନ୍ମ ହେବ ତୁ ସଂଗେ ସଂଗେ ମୋତେ ଆଣି ହିଁ ଦେବୁ ।

ଏକଥା ଅନ୍ୟଥା ହେଲେ ତୋ ମୁଣ୍ଡ ରହିବନି ଜାଣିଥା ବୃଦ୍ଧ ଉଗ୍ରସେନ ।ଏହାପରେ ଚୌରାଶୀ ସହସ୍ର ସୈନ୍ୟ ଙ୍କୁ ବନ୍ଦୀ ଘର ଚାରି ପାଖେ ଜଗି ରହିବାପାଇଁ କଂସ ଆଦେଶ ଦେଲା ।ଜରସନ୍ଧକୁ ତିରିଶ ଖର୍ବ ସୈନ୍ୟ ଦିଆଗଲା ।କଂସ କହିଲା ଏହି ସୈନ୍ୟ ମାନଙ୍କର ଦାୟିତ୍ୱ ତୋ ହସ୍ତରେ ଦିଆଗଲା ।ବନ୍ଦୀଘର ଭିତରେ ତୁ ଏମାନଙ୍କୁ ନେଇ ପ୍ରହରା ଦେବୁ ।ଦେବକୀର ପୁତ୍ର ହେବାମାତ୍ର ମୋତେ ଆଣି ସେହି ପୁତ୍ରକୁ ହସ୍ତାନ୍ତର କରିବୁ ।ଏଥିରେ ବ୍ୟତିକ୍ରମ ହେଲେ କଂସ ତୋ ମୁଣ୍ଡରୁ ଗଣ୍ଡି କୁ ଅଲଗା କରିଦେବ ।ବତିଶ ଦ୍ୱାର ଓ ଛତିଶ କବାଟ ଥିବା ଏହି ବନ୍ଦୀ ଘରକୁ ବତିଶ ସହସ୍ର ରାଜା ଜଗି ଥାଆନ୍ତୁ ।ସହସ୍ରା ଅର୍ଜୁନଙ୍କ ନେତୃତ୍ୱରେ ବତିଶ ହଜାର ରାଜା ବନ୍ଦୀଘରେ କାର୍ଯ୍ୟ କରିବାକୁ କଂସ ଆଦେଶ ଦେଲା ।

ସମସ୍ତ ରାଜା ,ଉଗ୍ରସେନ ,ଓ ସୈନ୍ୟ ସାମନ୍ତଙ୍କୁ ବନ୍ଦୀଘର ର ଦାଇତ୍ୱ ଦେଇ ମଧ୍ୟ କଂସ ସର୍ଵଦା ଚିନ୍ତିତ ଥାଏ ।ପ୍ରତିଦିନ ଚିନ୍ତା କରୁଥାଏ କିପରି ଓ କେମିତି ଦେବକୀର ଅଷ୍ଟମ ସନ୍ତାନକୁ ମାରିବି ମୁଁ ।କଂସର ଭାବନା ଦେଖି ସମସ୍ତ ଦେବଗଣ କଂସ ନିକଟକୁ ଖଟିବା ପାଇଁ ଆସିଲେ ଓ ଦେଖିଲେ କଂସ ଘୁମ ହୋଇ ଏକାକୀ ବସି ଚିନ୍ତା କରୁଛି ?ଦେବଗଣ ମାନେ କଂସର ଚିନ୍ତାର କାରଣ କଅଣ ପଚାରିବା ପାଇଁ ସାହସ ନଥାଏ ।

ଇନ୍ଦ୍ର ,ବେଦପତି ବ୍ରହ୍ମାଙ୍କୁ ପଚାରିଲେ ହେ ବେଦବର! ଆମର କଷ୍ଟ କଅଣ ସତରେ ପାର ହେବାକୁ ଯାଉଛି ?।ପୁନଶ୍ଚ ଇନ୍ଦ୍ର କହିଲେ ଆମେ ଭଗବାନ ବିଷ୍ଣୁ ଙ୍କୁ କରିଥିବା ଗୁହାରୀ ବୋଧେ ଏବେ ସଫଳ ହେବାକୁ ଯାଉଛି ।ଏତେ କାଳପରେ ପ୍ରଭୁ ଅଚ୍ୟୁତ ଆମ ଗୁହାରି ଶୁଣିଲେ ।ଇନ୍ଦ୍ର ,ବ୍ରହ୍ମାଙ୍କୁ ପଚାରୁଥିବା କଥା କଂସ ଶୁଣିପାରିଲ ।କଂସ ସମସ୍ତ ଦେବଗଣ ଉପରେ କୋପ କରି ଗୋଟିଏ ଘରେ ତେତିଶ କୋଟି ଦେବତାଙ୍କୁ ବନ୍ଦୀ କରି ରଖିଲା ।ସେଇ ବନ୍ଦୀ ଘରେ ଆଗରୁ ଏକ ସହସ୍ର ଅସୁର ବନ୍ଦୀ ହୋଇଥିଲେ ।ଅସୁର ସହିତ ଦେବତା ମାନେ ଗୋଟିଏ ଘରେ ବନ୍ଦୀ ଅବସ୍ଥାରେ ରହି ନପାରି ଦେବଗଣ ଚିନ୍ତା କଲେ ଯେ ସମସ୍ତେ ବିଷ ଖାଇ ଜୀବନ ହାରିଦେବା ।ଏମିତି କହି ଦେବତା ମାନେ କାନ୍ଦିବାକୁ ଲାଗିଲେ ।

ପ୍ରଭୁ ଚକ୍ରଧର ଶୁନ୍ୟ ମାର୍ଗରେ ଥାଇ କହିଲେ "ଦେବଗଣ ତୁମେ

ଆଉ କିଛି ଦିନ ନିଜକୁ ସମ୍ଭାଳି ନିଅ ।କାନ୍ଦ ନାହିଁ ତୁମ୍ଭେ ମାନେ

କେବଳ ସେଇ ବନ୍ଦୀଘରେ ହରି ହରି ନାମକୁ ବଡ଼ ପାଟିରେ

ଉଚ୍ଚାରଣ କର ।ଦେବତାମାନେ ହରି ହରି ଉଚ୍ଚାରଣ କରିବାରେ

ଲାଗିଲେ ।ଏପରି ଶବ୍ଦ ଅସୁର ମାନଙ୍କ ପକ୍ଷେ ଶୁଣିବା ଅସହ୍ୟ ହେବାରୁ ସେ କଂସ ଙ୍କ ନିକଟକୁ ଡଗର ହାତରେ ଖବର ଦେଲେ ।କଂସ ସବୁ ଶୁଣିବା ପରେ ଅସୁର ମାନଙ୍କ ପାଇଁ ଅନ୍ୟ ଏକ ବନ୍ଦୀଘର ର ବ୍ୟବସ୍ଥା କରିଦେଲା ।

କିଛିମାସ ଗଲାପରେ ମନ୍ତ୍ରୀ ଅକ୍ରୁର କଂସକୁ କହିଲେ ରାଜା ତୁମେ ଅନ୍ୟାୟ କରୁଛ ?ଯାହାକି ଭବିଷ୍ୟତରେ ତୁମେ ଦୁଃଖ ଭୋଗିପାର ।କଂସ ,ଅକ୍ରୁର ଙ୍କ କଥାକୁ କିଛି ବୁଝିପାରିଲା ନାହିଁ ।କଂସ କହିଲା ମନ୍ତ୍ରୀ ତୁମର ଯାହା କହିବାର ଅଛି ମୋ ଆଗରେ ପରିଷ୍କାର ଭାବେ କୁହ ?।ମନ୍ତ୍ରୀ କହିଲେ ମହାରାଜ ଆପଣ ଦେବତା ମାନଙ୍କୁ ବନ୍ଦୀ ନକରି ମୁକ୍ତ କରି ଦିଅନ୍ତୁ ?ନଚେତ ଆପଣଂକ ମୃତ୍ୟୁ ର ଅନ୍ୟ ଏକ କାରଣ ଦେବତାମାନେ ହିଁ ହେବେ ?।ଅକ୍ରୁର ଙ୍କ କଥା ଉଚିତ ମନେକରି କଂସ ଦେବତା ମାନଙ୍କୁ ବନ୍ଦୀଘରୁ ମୁକ୍ତ କରିଦେଲା ।

ଦେବତାଗଣ ଚିନ୍ତାକଲେ କଂସ ଦେଇଥିବା ଦଣ୍ଡରୁ ଆମକୁ ପ୍ରଭୁ ଶ୍ରୀହରି ମୁକ୍ତ କଲେ ।ବ୍ରହ୍ମ କହିଲେ ହେ ଦେବଗଣ ଆମେ ଯାଇ ଦେବକୀଙ୍କ ସେବା କରିବା ,କାରଣ ଭଗବାନ କୃଷ୍ଣ ଦେବକୀ ଙ୍କ ଗର୍ଭରେ ଅଛନ୍ତି ?ଦେବକୀଙ୍କୁ ସେବା କରିବା ଅର୍ଥ କୃଷ୍ଣଙ୍କ ସେବା ବରାବର ସମାନ ।ଏପରି ସେବାକରିବାର ସୁଯୋଗ ଭାଗ୍ୟରେ ଥିଲେ ମିଳେ ।

ବ୍ରହ୍ମାଙ୍କ କଥାରେ ଦେବଗଣ ରାଜି ହୋଇଗଲେ ।ଇନ୍ଦ୍ର କହିଲେ ହେ ବେଦବର !ଆମେ ଦେଵକୀ ମାତାଙ୍କ ନିକଟକୁ ଯିବା କିପରି

? ଦେବକୀ ଙ୍କ ବନ୍ଦୀଘରକୁ କଂସ ସବୁଆଡେ ସୈନ୍ୟ ସାମନ୍ତ ଜଗାଇ ରଖିଛି ।ବ୍ରହ୍ମା କହିଲେ ପ୍ରତ୍ୟେହ ଦିନ ଆମେ ବାଣ୍ଟି ହୋଇ ଶୁନ୍ୟ ମାର୍ଗରେ ଯାଇ ଦେବକୀଙ୍କ ନିକଟରେ ସେବାକରି

ଫେରି ଆସିବା ।

"ଏତେ ବୋଲି ଦେବଗଣ ଗମିଲେ ଶୁନ୍ୟର

ପ୍ରବେଶ ହୋଇ ରହିଲେ ବନ୍ଦୀଘର ଦ୍ୱାର"।

କ୍ରମଶଃ ...............................

ହରିବଂଶ ( ଭାଗ -୨୭)

ହରିବଂଶ ( ଭାଗ -୨୭)