ଏହି ଦେହରେ କେଉଁ ଦେବତା ଅଧିଷ୍ଠିତ ଅଟନ୍ତି ?ଏହି ପ୍ରକାର

ରେ ସୁବିଚାର କଲେ ଯାହାଙ୍କୁ ଜ୍ଞତା ,ଶ୍ରୋତାଓ ଆନନ୍ଦୟିତା ଦେବ ବୋଲି ଜାଣିବାକୁ ହୁଏ ଏବଂ ଏହିପରି ଆଲୋଚନା କଲେ 'ମୁଁ ସେହି ଜ୍ଞାନମୟ ପୁରୁଷଙ୍କର ଅଂଶ 'ଏହିପରି ଯାହାଙ୍କୁ ଜାଣିପାରେ ସେହି ସଂସାର ଅନ୍ଧକାର ନାଶକାରୀ ହରିଙ୍କୁ ମୁଁ ସ୍ତୁତି କରୁଅଛି।ହେ ପ୍ରଭୁ !ଆପଣଙ୍କ ନାମ ,ଗୁଣ ପ୍ରଚାର ଓ ପ୍ରସାର କରିବାରେ ଯଦି କିଛି ତ୍ରୁଟି ରହିଯାଉଥାଏ ତେବେ ଏ ଅଧମକୁ କ୍ଷମା କରିବା ହେବେ ।।ଜୟ ଶ୍ରୀହରି।।🌹🌹

ରାଜା ପରୀକ୍ଷିତ ଶୁକମୁନି ଙ୍କୁ ପଚାରିଲେ ଭୋଦେଵ !ବସୁଦେବ

ନାରାୟଣ ଙ୍କୁ ନେଇ କେଉଁ ସ୍ଥାନରେ ଗୋପନରେ ନେଇ ଛାଡିଲେ ସେ ବିଷୟରେ ମୋତେ ବିସ୍ତାର କରି କୁହନ୍ତୁ ?ଶୁକମୁନି କହିଲେ ହେ ରାଜନ ହରିଙ୍କ କଥା ମୁଁ ତୁମ ଆଗରେ କହୁଛି ମନଦେଇ ଶୁଣନ୍ତୁ ..........!!

ଗୋପପୁର ।ନବେ ଲକ୍ଷ ଗଉଡ଼ ଏହି ଗୋପପୁରରେ ବାସ କରନ୍ତି।ସମସ୍ତ ଗୋପାଳ ହସଖୁସିରେ ଏହି ପୁରରେ ବାସ କରନ୍ତି ।ଗାଈ ଚରାଇବା ଓ ଗାଈ ଠାରୁ ମିଳୁଥିବା ଦୁଧ ,ଦହି , ଛେନା ,ଘିଅ କୁ ନେଇ ଏମାନେ ବିକ୍ରି କରି ଜୀବନ ଯାପନ କରନ୍ତି।

ଦିନେ ସମସ୍ତ ଗୋପାଳ ମାନଙ୍କୁ ନେଇ ଏକ ସଭା ସେହି ଗୋପ ପୁରରେ ଅନୁଷ୍ଠିତ ହେଲା ।ସଭାର ଉଦ୍ଦେଶ୍ୟ ଥିଲା ଗୋପପୁର ରେ ଥିବା ସମସ୍ତ ଗଉଡ଼ ମାନଙ୍କର କାହାର କେତେ ପୁତ୍ର ଅଛନ୍ତି

ସେମାନଙ୍କର ସଂଖ୍ୟା ଗଣନା କରିବା।ସମସ୍ତ ଗୋପାଳ ଗୋଟିଏ ଜାଗାରେ ଏକତ୍ର ହେଲେ । ଜଣ ଜଣ କରି ସମସ୍ତେ ନିଜ ନିଜ ପୁଅ ମାନଙ୍କର ତାଲିକା ସଭାରେ ଦେଲେ।ସେହି ଗୋପପୁରରେ ନନ୍ଦ ନାମକ ଏକ ଗଉଡ଼ ବାସ କରୁଥିଲା ।ସେ ହିଁ କେବଳ ଏକମାତ୍ର ଗୋପାଳ ଯେକି ଅପୁତ୍ରିକ ।ଅପୁତ୍ରିକ ଏଥି ପାଇଁ ଯେ ବିବାହର ସାତ ବର୍ଷରେ ସାତଗର୍ଭ ପୁତ୍ର କୁ ଯମ ନେଇଗଲା ,ଅର୍ଥାତ ସାତ ଗର୍ଭ ନଷ୍ଟ ହୋଇଗଲା ।ନନ୍ଦ କୁ ସେତେବେଳେ ସାତ ଶହ ପଚାଶ ବର୍ଷ ହୋଇଥାଏ ।ଗୋପପୁର ଗଉଡ଼ ମାନେ ଚିନ୍ତାକଲେ ନନ୍ଦ ବୁଢା ହୋଇଗଲାଣି ,ଆଉ କଅଣ ତା'ର ସନ୍ତାନ ସନ୍ତତି ହେବ ?।

ସେତେବେଳେ ଗୋପର ଗଉଡ଼ ମାନେ ଅପୁତ୍ରିକ କୁ ଏହି ଦୃଷ୍ଟିରେ ଦେଖୁଥିଲେ "-କୌଣସି ଶ୍ରାଦ୍ଧ ସମୟରେ ପୁତ୍ରହୀନ ଲୋକକୁ ଘରକୁ ଡାକିଲେ ପିତୃଲୋକମାନେ ଏହି ଶ୍ରାଦ୍ଧ ପାଆନ୍ତି ନାହିଁ ।ଦ୍ଵିତୀୟ ରେ ଯାତ୍ର କରୁଥିବା ସମୟରେ ଯଦି ପୁତ୍ରହୀନ ଲୋକକୁ ଦେଖି ଯାତ୍ରା କରାଯାଏ ତାହାଲେ ଯାତ୍ରା ସଫଳ ହୁଏ ନାହିଁ ।ତୃତୀୟରେ ଅପୁତ୍ରିକ ହୋଇ ଯେଉଁ ପ୍ରାଣୀ ନାଶ ଯାଏ ତାକୁ ଯମ ନେଇ ନର୍କରେ ପକାଇଥାଏ ।

ଗୋପପୁର ଗଉଡ଼ ମାନେ ବିଚାର କଲେ "ଗୋପପୁର ରେ ଯିଏ

ଅପୁତ୍ରିକ ଥିବ ତାକୁ ଗୋପପୁର ଗ୍ରାମରେ ରହିବା ପାଇଁ ସ୍ଥାନ ଦିଆଯିବ ନାହିଁ । ଗୋପପୁର ରେ ଅପୁତ୍ରିକ କିଏ ଅଛନ୍ତି ତାର ଏକ ତାଲିକା କରାଗଲା ।ଦେଖାଗଲାଯେ କେବଳ ନନ୍ଦ ହିଁ ଏକ ମାତ୍ର ଗୋପାଳ ଯାହାର ପୁତ୍ର ନାହିଁ ।ନବେ ଲକ୍ଷ ଗୋପାଳ ଏକତ୍ର ହୋଇ ନନ୍ଦ କୁ ଗୋପପୁର ଗ୍ରାମରୁ ବାହାର କରିଦେଲେ।

ନନ୍ଦ ଗୋପପୁର ଗ୍ରାମ ବାହାରେ ଥିବା ଶ୍ମଶାନରେ କୁଡ଼ିଆଟିଏ କରି ପତ୍ନୀ ଯଶୋଦାଙ୍କୁ ଧରି ଦୁଃଖରେ ଦିନ କାଟୁଥାଏ ।

"ଏମନ୍ତ ହୋଇ ଗୋପାଳ ମେଳ ହୋଇଛନ୍ତି

ନନ୍ଦ ଅପୁତ୍ରିକ ବୋଲି ଘର ନ ଦିଅନ୍ତି "।

ଅନେକ କାଳ ପର୍ଯ୍ୟନ୍ତ ନନ୍ଦ ଶ୍ମଶାନରେ ରହିଲେ ।କ୍ରମେ ତାଙ୍କୁ

ବାର୍ଦ୍ଧକ୍ୟ ଘୋଟିଲା ।ବନରେ ଗାଈ ଚରାଇବା ତାଙ୍କର ଥିଲା ଏକମାତ୍ର କାମ ।ତିନି ଶହ ପଚାଶ ଗାଈ ଙ୍କୁ ନେଇ ନନ୍ଦ ପ୍ରତିଦିନ ବନ କୁ ଯାଆନ୍ତି ।ଏହି ତିନି ଶହ ପଚାଶ ଗାଈ ମଧ୍ୟରୁ ଚାରୋଟି ଗାଈ ବର୍ଷ ସାରା ଦୁଧ ଦେଇ ଥାଆନ୍ତି ।ସେହି ଗାଈ ଙ୍କ ନାମ ଯଥାକ୍ରମେ ,ନନ୍ଦିନୀ ,ରୋହିଣୀ , ବଉଳା ଓ ପୃଥୁଳା ।

ଏହି ଚାରୋଟି ଗାଇଙ୍କୁ ଦୁହିଁଲେ କିଏ ପୋଷେ କିଏ ଦୁଇ ଛଟାଙ୍ଗି ଏମିତି ଦୁଧ ଦିଅନ୍ତି ।ନନ୍ଦ ଚଳିବାରେ ବହୁତ କଷ୍ଟ ଅନୁଭବ କରନ୍ତି ।ଚିରା ଲୁଗାକୁ ଡୋର କରି ନନ୍ଦ ପିନ୍ଧନ୍ତି ।ଯଶୋଦା ଯେଉଁ ଲୁଗା ପିନ୍ଧିଥାନ୍ତି ସେଥିରେ ଅତି କମ୍ ରେ ସାତ ରୁ ଆଠ ଗଣ୍ଠି ପଡିଥାଏ ।ଗୋପପୁରରୁ ଦୁଧ ନେଇ ମଥୁରାକୁ ବିକ୍ରି କରିବା ପାଇଁ ଯଶୋଦା ଯାଆନ୍ତି ।ଦୁଧ ବିକ୍ରି କରି ଯଶୋଦା ଯେଉଁ ପଇସା ଆଣନ୍ତି ସେଥିରେ ରୋଷେଇ କରାଯାଏ ।ଯାହା ରୋଷେଇ ହୁଏ ତାକୁ ନେଇ ସ୍ୱାମୀ ନନ୍ଦଙ୍କୁ ଦିଅନ୍ତି ।କୌଣସି ଦିନ ଯଦି ସ୍ୱାମୀ ଖାଦ୍ୟ ଛାଡିକରି ଯାଆନ୍ତି ତେବେ ଯଶୋଦା ଖାଇଥାନ୍ତି ନଚେତ ପ୍ରାୟ ଉପବାସରେ ରୁହନ୍ତି ।ଯଶୋଦା ଚିନ୍ତା କରନ୍ତି ...............!!

"ଆପଣେ ଯେ ପାଣିଫଳ କରଇ ଆହାର

ସ୍ୱାମୀ ଜୀଇଁଥିଲେ ସିନା ମୋର ଏହି ଘର "।

ନନ୍ଦ ସବୁଦିନକାନ୍ଧରେ ଛତା କୁ ପକାଇ ବନ କୁ ଗାଈ ଚରାଇବାକୁ ଯାଏ । ଛତା କହିଲେ -ସିଆଳି ପତ୍ରରେ ଗୁଡା ହୋଇଥିବା ଛତ୍ର ।ସେଇ ଛତା ରେତିନି ଖୁରା ବେଣ୍ଟ ଲାଗିଥାଏ ।ପବନ ହେଲେ ଛତାରେ ଥିବା ଶିଆଳି ପତ୍ର ଗୁଡାକ ଉଡି ପଳାଇ ଯାଏ ।ନନ୍ଦ ଆଉ କିଛି ପତ୍ର ଆଣି ପୁନଶ୍ଚ ଛତା ତିଆରି କରେ ।

ଦିନକର କଥା ।ସେଦିନ ଥାଏ ଗୁରୁବାର ।ବୃଷ ପଞ୍ଚମୀ ତିଥି ।

ନନ୍ଦ ଗାଈ ମାନଙ୍କୁ ନେଇ ବନ କୁ ଯାଇଥିଲା ।ଖରାବେଳ ,ନନ୍ଦ

ଘରକୁ ଆସି ଯଶୋଦାଙ୍କୁ କହିଲା "ମୋତେ ବହୁତ ଶୋଷ ଓ ଭୋକ ହେଉଛି କିଛି ଜଳ କି ଅନ୍ନ ଦିଅ ମୁଁ ଖାଇବି !।ଯଶୋଦା କେନ୍ଦୁ ପତ୍ର ପକାଇ ସେଥିରେ ଅନ୍ନ ,ବ୍ୟଞ୍ଜନ ଓ ଜଳ ପାତ୍ର ଦେଲେ। ଗାଈ ଯେପରି ଉପରକୁ ମୁହଁ କରି ପିଅନ୍ତି ଓ ଖାଆନ୍ତି ନନ୍ଦ ସେହିପରି ଉପରକୁ ମୁହଁ କରି ପିଇବାରେ ଲାଗିଲେ ।ତାପରେ ନନ୍ଦ ଆଉ ବାର ବର୍ଷ ପର୍ଯ୍ୟନ୍ତ ଖାଇବାକୁ ପାଇଲେ ନାହିଁ ।ଖାଇବାକୁ ନପାଇବାରୁ ଶରୀର ଦୃବଳ ହୋଇଗଲା ।ଆଖିରୁ ପାଣି ଗଡ଼ିବାରେ ଲାଗିଲା ।ଯଶୋଦା ସ୍ୱାମୀଙ୍କର ଏ ଅବସ୍ଥା ଦେଖି କାନ୍ଦିବାକୁ ଲାଗିଲେ ।ନନ୍ଦ ମଧ୍ୟ ଯଶୋଦା ଙ୍କୁ ଚାହିଁ କାନ୍ଦିବାରେ ଲାଗିଲେ ।ଗରିବ ଅର୍ଥାତ ଖାଇବାକୁ ପାଉନଥିବା ଲୋକ ବି ସେ ସମୟରେ ଥିଲେ ।

ନନ୍ଦ ,ଯଶୋଦାଙ୍କୁ କହିଲେ "ଆଗୋ ଯଶୋଦେ ମୁଁ କାନରେ ଶୁଣିଛି ବିଷ୍ଣୁ ଙ୍କୁ ସ୍ମରଣା କଲେ ଏହି କଷ୍ଟ ଆମଠାରୁ ଦୂର ହୋଇ ଯିବ ?ସେଇ ବିଷ୍ଣୁ ନାନା କଷ୍ଟ ରୁ ବହୁତ ଲୋକଙ୍କୁ ଉଦ୍ଧାର କରିଛନ୍ତି ?ଆମେ ବିଷ୍ଣୁଙ୍କୁ ଡାକିଲେ ଆମ ଦୁଃଖ ନିଶ୍ଚୟ ଦୂର ହେବ "।ଏହିପରି ନନ୍ଦ ଯଶୋଦା ଙ୍କୁ କହୁଥିବାବେଳେ ନନ୍ଦ ଦେଖିଲେ ତାଙ୍କ ଘର ଭିତରେ ସୂର୍ଯ୍ୟ ଙ୍କ କିରଣ ପଡ଼ିଛି।ଯେଉଁ ଘର ନନ୍ଦ ତିଆରି କରିଥିଲେ ସେଇ ଘରେ ଛଅ ବର୍ଷ ହେଲା ଛାଆଣି କରାଯାଇ ନଥିଲା ।ତାଳପତ୍ର ସବୁ ପବନରେ ଉଡାଇ ଅନ୍ୟ ଆଡେ ପକାଇ ଦେଇଥିଲା ।ଏତେ ଦୁଃଖ କଷ୍ଟ ପାଇ ନନ୍ଦ ଓ ଯଶୋଦା ଶ୍ମଶାନରେ ପଡି ରହିଥିଲେ ।

ବସୁଦେବଙ୍କୁ ଯେଉଁଦିନ କଂସ ବନ୍ଦୀ କରି ରଖିଲା ,ସେହିଦିନ

ନନ୍ଦ ଙ୍କର ଗାଈ ରୋହିଣୀ ଏକ ମନୁଷ୍ୟ ଛୁଆ ଜନ୍ମଦେଇଥିଲା।

ନନ୍ଦ ଓ ଯଶୋଦା ,ସେଇ ଛୁଆଟିକୁ ନିଜ କୁଡ଼ିଆକୁ ଆଣି ତାହାର ନାମ ରଖିଥିଲେ "ବଳରାମ "।ବଳରାମ ଙ୍କୁ ପୁତ୍ର ରୂପେ

ପାଇଲା ପରେ କିଛି ମାତ୍ରରେ ନନ୍ଦ ଓ ଯଶୋଦାଙ୍କର ଦୁଃଖ ଦୂର ହେଲା ।

ନନ୍ଦ ଓ ଯଶୋଦା ଅପୁତ୍ରିକ ଥିଲେ ।ଯଶୋଦାଙ୍କ ଅଷ୍ଟମଗର୍ଭରେ

ଅମ୍ବିକା ଆସି ରହିଲେ ।ଚାଂହୁ ଚାଂହୁ ଯଶୋଦାଙ୍କର ଗର୍ଭ ନଅ ମାସ ଯାଇ ଦଶମାସ ହୋଇଗଲା ।ଅର୍ଦ୍ଧ ରାତ୍ର ,ଯଶୋଦାଙ୍କର

ପେଟ ବ୍ୟଥା ହେଲା ।ଯଶୋଦା ଯେଉଁଘରେ ପ୍ରସବ କରିବା ପାଇଁ ଅପେକ୍ଷା କରିଥିଲେ ସେଇ ଘରେ ବର୍ଷା ଝିପି ଝିପି ହୋଇ

ପଡୁଥାଏ ।ପ୍ରସବ ଗୃହର କାନ୍ଥ କି ବାଡ଼ ନଥାଏ ।ସେଇଠାରେ

ଅର୍ଦ୍ଧ ରାଜନୀରେ ଯଶୋଦା ପ୍ରସବ କଲେ ।ଯଶୋଦା ଦେଖିଲେ

ତାଙ୍କର ଝିଅଟିଏ ହୋଇଛି ।ଝିଅକୁ ଦେଖି ଯଶୋଦା ବହୁତ ମନ ଦୁଃଖ କଲେ ।

"ଦେଖିଲା ଯଶୋଦା ଏକ ଦୁହିତା ଜନ୍ମିଲା

ଦେଖିଣ ତାହାରେ ମନେ ବହୁ ଦୁଃଖ ହେଲା "।

ଯଶୋଦା ଅଭିମାନ ମିଶ୍ରିତ ରାଗରେ ବିଧାତାଙ୍କୁ କହିଲା "ମୁଁ କି ପାପ କରିଥିଲି ପ୍ରଭୁ ?ମୋହର ସାତ ଗର୍ଭ ଆପଣ ନଷ୍ଟ କଲା ପରେ ଏ ବୁଢ଼ୀ କାଳରେ ମୋତେ ଆଉ ଏକ ଗର୍ଭ ଦେଲ !ଗର୍ଭ ଦେଲ ସହିଗଲି !ହେଲେ ପୁଅଟିଏ ଦେଇ ଥାଅନ୍ତେ !ଝିଅ ଟିଏ ଦେଲ ?।ମୁଁ ନିଜେ ଖାଇବାକୁ ପାଉନାହିଁ ପ୍ରଭୁ !ଏ ଝିଅ କଅଣ ଖାଇବ ?।କୋଉଠୁ ଯାନି ଯୌତୁକ ଆଣିବି ଯେ ଏହାକୁ ମୁଁ ବିଭାଦେବି ?।ଏମିତି କହି ଯଶୋଦା ବାହୁନି ବାରେ ଲାଗିଲେ ।

ମାୟାଧର ମାୟା ରଚନା କଲେ ।ବିଷ୍ଣୁ ଙ୍କ ମାୟାରେ ଯଶୋଦା

ମୋହ ହୋଇଗଲେ ।ଜନ୍ମିତ ଦୁହିତା କ୍ରନ୍ଦନ କରିବାରେ ଲାଗିଲା

।ସେଇ ଝିଅର କାନ୍ଦ ସ୍ୱର୍ଗ ,ମର୍ତ୍ତ ଓ ପାତାଳ ତିନି ପୁରରେ ଥିବା ଦେବ ,ଦାନବ ଓ ଲୋକ ମାନଙ୍କୁ ଏହି ମହା ରାଵ ଶୁଣା ଗଲା ।

ବସୁଦେବ ବ୍ୟସ୍ତ ହୋଇ ଗୋପପୁର କୁ ଆସୁଥିଲେ ।ଠିକ୍ ଗୋପ

ପୁର ଗାଆଁ ମୁଣ୍ଡ ଶ୍ମଶାନ ନିକଟରେ ହୋଇଛନ୍ତି ।ଶୁଣିପାରିଲେ

ବସୁଦେବ ଏକ ବାଳିକାର କୁଆଁ କୁଆଁ ରାଵ ।ଆନନ୍ଦିତ ହୋଇ ଗଲେ ବସୁଦେବ ଓ କହିଲେ ସେଇ ଘରେ ଚଣ୍ଡାଳ ରହୁ ଥିଲେବି

ମୁଁ ମୋ ପୁତ୍ରକୁ ସେଠାରେ ଦେଇ ଏହି ବାଳିକା କୁ ସାଥିରେ ନେଇ ମଥୁରା ଚାଲିଯିବି ।

ଭଗବାନ ଶ୍ରୀକୃଷ୍ଣ ଙ୍କୁ ମୁଣ୍ଡରେ ମୁଣ୍ଡାଇ ବସୁଦେବ ,ନନ୍ଦଙ୍କ ଘରେ

ପ୍ରବେଶ କଲେ ।ଯଶୋଦା ଯେଉଁଘରେ ପ୍ରସବ କରିଥିଲେଧୀରେ

ଧୀରେ ବସୁଦେବ ସେଇ ଘରକୁ ଗଲେ । ପ୍ରସବ ଘରର କାନ୍ଥ

ବର୍ଷାରେ ଭିଜି ଯାଇଥିଲା ।ବସୁଦେବ ଙ୍କ ହାତ ବାଜି ଗୋଟିଏ

ପାଖ କାନ୍ଥ ଖସି ପଡ଼ିଲା ।ଅତି ସତର୍କ ହୋଇ ବସୁଦେବ ପ୍ରଭୁ

ହୃଷୀକେଶ ଙ୍କୁ ଯଶୋଦାଙ୍କ ପାଖରେ ଥୋଇଦେଇ ନାଳ ଜର ଜର ନାଡ଼ ଲାଗିଥିବା ବାଳିକା ଅମ୍ବିକା ଙ୍କୁ ଖଟୁଲିରେ ଥୋଇ

ତର ତର ହୋଇ ସେଠାରୁ ବସୁଦେବ ବାହାରି ଆସିଲେ ।ବସୁଦେବ ମଥୁରା ଭୁବନ ଅଭିମୁଖେ ...........!!!

ରାଜା ପରୀକ୍ଷିତ ଶୁକମୁନିଙ୍କୁ ପଚାରିଲେ ହେ ବ୍ୟାସ ସୁତ !ନନ୍ଦ

ର ଭଙ୍ଗା ଘରେ ପ୍ରଭୁ ବନମାଳୀ କେମିତି ରହିଲେ ?।ଶୁକମୁନି

ପରୀକ୍ଷିତ ଙ୍କୁ କହିଲେ ...........!!!!

ବିଧାତା ଯେତେବେଳେ ସୃଷ୍ଟି ଭିଆଣ କଲେ ଅଷ୍ଟବସୁ ଙ୍କୁ ବ୍ରହ୍ମା

ଜାତ କରିଥିଲେ ।ତାଙ୍କର ଜ୍ୟେଷ୍ଠ ପୁତ୍ର ଥିଲେ "ଦ୍ରୋଣବସୁ"

ଦ୍ରୋଣବସୁଙ୍କୁ ତପସ୍ୟା ରେ ବସିବା ପାଇଁ ବ୍ରହ୍ମା କହିଲେ ।ପିତାଙ୍କ ଆଦେଶ ଦ୍ରୋଣବସୁ ମାନିଲେ ନାହିଁ କି ତପସ୍ୟା କଲେ

ନାହିଁ ।ବ୍ରହ୍ମାଙ୍କ କଥା ପୁତ୍ର ଦ୍ରୋଣବସୁ ନମାନିବାରୁ ପିତାମହ ଖୁବ ଜୋରରେ ରାଗିଗଲେ ।ପୁତ୍ର କୁ ଅଭିଶାପ ଦେଇ କହିଲେ "ତୁ ପିତାଙ୍କ ଆଦେଶ ଅବଜ୍ଞା କଲୁ ?ଏଣୁ ତୁ ଗୋପରେ ଜନ୍ମ ନେବୁ "? ।ଗୋପରେ ଜନ୍ମ ନେଇ ନାନା ଦୁଃଖ କଷ୍ଟ ପାଇବୁ ।ଗୋପରେ ତୋତେ ଗୋପାଳ ମାନେ ଠାବ ଦେବେନାହିଁ ।

ପିତାଙ୍କର ଏଭଳି ଅଭିଶାପ ପାଇ ଦ୍ରୋଣବସୁ ମ୍ରିୟମାଣ ହୋଇ ପଡିଲେ ।ସେ ପିତା ବ୍ରହ୍ମାଙ୍କର ବହୁ ସେବାକଲେ ।ବ୍ରହ୍ମା କହିଲେ

ଥରେ ମୁଁ ଅଭିଶାପ ଦେଇଛି ମାନେ ତାକୁ ଆଉ ଫେରାଇ ଆଣି

ପାରିବି ନାହିଁ ।"ତୁ ଦୃଢ଼ମନରେ ରେ ଶ୍ରୀକୃଷ୍ଣ ଙ୍କୁ ଧ୍ୟାନ କର ।ତୁ

ନିଶ୍ଚିତ ନାରାୟଣ ଙ୍କୁ ପାଇବୁ ।ତୋତେ ହୃଷୀକେଶ ନିଶ୍ଚିତ ଦୟା ହେବେ "।

ବ୍ରହ୍ମା ପୁନଶ୍ଚ ପୁତ୍ର ଦ୍ରୋଣବସୁ କୁ କହିଲେ ରେ ପୁତ୍ର ତୁ ଗଛର କୋମଳ ପତ୍ର ଓ ଝରଣାର ଜଳ ପିଇ କୃଷ୍ଣ ଙ୍କୁ ପାଇବା ପାଇଁ ତପସ୍ୟା କର ।ସର୍ବଦା ନାରାୟଣ ନାରାୟଣ ହୃଦରେ ଜପ କରୁଥିବୁ । ଦ୍ରୋଣବସୁ ପିତା ବ୍ରହ୍ମାଙ୍କ କହିବା ଅନୁଯାୟୀ ତପସ୍ୟା ରେ ବସିଲେ ।ଦ୍ରୋଣବସୁ ତପସ୍ୟା ରେ ବସିବା ଦେଖି ତାଙ୍କ ପତ୍ନୀ "ଧରଣୀ"ସ୍ୱାମୀଙ୍କ କାର୍ଯ୍ୟ ବିଧି ଗୋପନରେ ଥାଇ ଲକ୍ଷ୍ୟ କରୁଥିଲେ ନାରାୟଣ ,ଦ୍ରୋଣବସୁଙ୍କର ତପରେ ସନ୍ତୁଷ୍ଟ ହୋଇ ଶଙ୍କ ,ଚକ୍ର ,ଗଦା ,ପଦ୍ମ ଧରି ଦ୍ରୋଣବସୁ ଆଗରେ ଉପସ୍ଥିତ ହୋଇ କହିଲେ "କି ବର ମାଗୁଛ ମାଗ ଦ୍ରୋଣବସୁ "।

ନାରାୟଣ ଙ୍କୁ ଦେଖି ଦ୍ରୋଣବସୁଙ୍କର ପତ୍ନୀ ଧରଣୀ ସ୍ୱାମୀଙ୍କ ପଛରେ ଆସି ଠିଆ ହୋଇଗଲେ ।ଦ୍ରୋଣବସୁ ଦେଖିଲେ ପଛରେ ତାଙ୍କର ଭାରିଯା ଧରଣୀ ଙ୍କୁ ।ସେ ଧରଣୀଙ୍କୁ କହିଲେ କୁହ ଧରଣୀ ଆମେ କି ବର ମାଗିବା ପ୍ରଭଙ୍କୁ ?।ଧରଣୀ କହିଲେ ଏହିବର ମାଗ ଯେ ଆମେ ଦୁହେଁ ନାରାୟଣ ଙ୍କୁ ପୁତ୍ର ରୂପେ ପାଇ ପାଳନ କରିବା ।

"ମନେ ବିଚାରନ୍ତି ଦ୍ରୋଣବସୁର ଘରଣୀ

ତାହାକୁହିଁ ପୁତ୍ରରୂପେ ପାଳିବଇଁ ପୁଣି "।

ଧରଣୀ ଙ୍କ ବଚନ ଶୁଣି ଦ୍ରୋଣବସୁ ନାରାୟଣ ଙ୍କୁ କହିଲେ "ତୁମେ ମୋ ପତ୍ନୀଙ୍କ ଗର୍ଭରେ ଜନ୍ମ ନେବ ।ତୁମକୁ ଆମେ ପୁତ୍ର

ରୂପେ ପାଳନ କରିବୁ ।

ଶ୍ରୀକୃଷ୍ଣ ଭଗବାନ କହିଲେ ମୁଁ ଯଦୁବଂଶ ରେ ଜାତ ହେବି ଓ ଗୋପରେ ବଢିବି ।ଏ ମାୟା ସଂସାର ରେ ପଡି ତୁ ମୋତେ ଚିନ୍ହି

ପାରିବୁ ନାହିଁ ?।ବ୍ରହ୍ମାଙ୍କ ଅଭିଶାପରେ ତୁମେ ପତିପତ୍ନୀ ବହୁତ

ଦୁଃଖ କଷ୍ଟ ରେ ଚଳିବ ।ମୋତେ ଦେଖିବା ମାତ୍ର ତୁମର ସବୁ

ଦୁଃଖ ଦୂର ହେବ ।

ଏହିପାଇଁ ନନ୍ଦ ଗୋପପୁର ରେ ଦୁଃଖୀ ହୋଇ ଜନ୍ମ ନେଇଥିଲା ।ନନ୍ଦ ହେଉଛନ୍ତି ବ୍ରହ୍ମାଙ୍କ ପୁତ୍ର ।ବହୁ କଷ୍ଟ ପାଇ ସେ ଶ୍ମଶାନରେ

ରହୁଥିଲା ।

ଶ୍ରୀକୃଷ୍ଣ ଭଗବାନ ନନ୍ଦଙ୍କ ଭଙ୍ଗାଘର ଶୋଇ ଥାଆନ୍ତି ।ଉପରକୁ

ଚାହିଁଦେଲେ ପ୍ରଭୁ !ଘର ଭିତରେ ଆକାଶ ଦେଖାଯାଉଛି ।ନନ୍ଦ

ଓ ଯଶୋଦାଙ୍କ ଦୁଃଖ ଦୂର କରିବା ପାଇଁ ଦାମୋଦର , ବିଶ୍ୱକର୍ମାଙ୍କୁ ଆଜ୍ଞା ଦେଲେ "ଅମରପରୁ ଯେମିତି ତିଆରି ହୋଇଛି ସେଇପରି ଘର ଏଠାରେ ନିର୍ମାଣ କର ।ଆଜ୍ଞା ପାଇ ବିଶ୍ୱକର୍ମା ତେତିଶ କୋଟି ବିନ୍ଧାଣି ଙ୍କୁ ନେଇ ଏକ ଶହ ଆଠ ବଖରା ଘର ନନ୍ଦଙ୍କ ପାଇଁ ତିଆରି କଲା ।ସେହି ଘରେ ହୀରା ନୀଳା ମୋତି ମାଣିକ୍ୟ ସବୁ ଖଞ୍ଜା ହୋଇଥାଏ ।

ବିଶ୍ୱକର୍ମା ଏମିତି ଘର ନିର୍ମାଣ କଲେ ଯେ ଅମରା ବତୀ ଏହି ଘରତୁଳନାରେ ସମତୁଲ୍ୟ ହୋଇପାରିବ ନାହିଁ ।ଚିତ୍ରମୟ ପୁର

ରତ୍ନମୟ ପୁର ,ମୁକ୍ତା ରେ ଶୋଭା ପାଉଥାଏ ।ବ୍ରହ୍ମପୁର ସୁବର୍ଣ୍ଣ ରେ ଝଲସି ଉଠୁଥାଏ ।ବ୍ରହ୍ମନିଧି ପୁର ଓ ସୂର୍ଯ୍ୟ କାନ୍ତ ପୁର ଲୀଳା ରତ୍ନପୁର ,ମନମଥ ପୁର ,ଚନ୍ଦ୍ରକାନ୍ତି ପୁର ଏହିପରି ଯେତେ ପୁର ସବୁ ବିଶ୍ୱକର୍ମା ଗୋପପୁର ରେ ନିର୍ମାଣ କଲେ ।

'"ଯେତେପୁର ମାନ ବିଶ୍ୱକର୍ମା ଭିଆଇଲା

କିଏ ତାହା କହିବାକୁ ଭାଜନ ଟି ଭଲା ।

କ୍ରମଶଃ........................

ହରିବଂଶ ( ଭାଗ -୩୩)

ହରିବଂଶ ( ଭାଗ -୩୩)