ହେ ନାରାୟଣ !ହେ ନାରାୟଣ !ହେ ଗୋବିନ୍ଦ ! ହେ ହରେ!ଆପଣଙ୍କର ଜୟ ହେଉ ,ହେ ନାରାୟଣ ! ହେ ଗୋପାଳ !ହେ ହରେ !ଆପଣଙ୍କର ଜୟ ହେଉ ।ହେ ନାରାୟଣ ।ଆପଣଙ୍କର କରୁଣା ବରୁଣାଳୟ ତୁଲ୍ୟ ଗଭୀର ,ତାହାର ସୀମା ନିର୍ଦ୍ଦେଶ କରି ହେଉନାହିଁ ,ହେ ନାରାୟଣ ! ହେ ଗୋପାଳ ! ହେ ହରେ !ଆପଣଙ୍କର ଜୟ ହେଉ।

ହେ ନାରାୟଣ ! ,ଆପଣଂକର ନାମ , ଗୁଣ ପ୍ରଚାର ଓ ପ୍ରସାର କରିବାରେ ଯଦି କୌଣସି ଠାରେ ତ୍ରୁଟି ରହିଯାଉଥିବ ତେବେ ଏ ଅଧମକୁ କ୍ଷମା କରିବା ହେବେ ।

।।ଜୟ ଶ୍ରୀହରି ।।🌹🌹

#ଶ୍ରୀକୃଷ୍ଣଙ୍କର_ନାମକରଣ

********************

ରାଜା ପରୀକ୍ଷିତ ଶୁକମୁନିଙ୍କୁ ଦିବ୍ୟପୂଜା କରି କହିଲେଭୋଦେଵ

!ଶ୍ରୀକୃଷ୍ଣ ଏନ୍ତୁଡ଼ିଶାଳରେ ଥିଲେ ,ତାଙ୍କର ନାମକାରଣ ମର୍ତ୍ତ୍ୟରେ

କିପରି ହେଲା ?ପ୍ରଭୁ କିପରି ବାଳଲୀଳା କଲେ ?ସେ ବିଷୟରେ

ମୋତେ ବିସ୍ତାର କରି କୁହନ୍ତୁ ?।ଶୁକମୁନି ,ରାଜା ପରୀକ୍ଷିତ ଙ୍କର

କୃଷ୍ଣ କଥା ଶୁଣିବା ଆଗ୍ରହ ଦେଖି ଖୁସି ହୋଇକହିଲେ ହେ

ରାଜନ ମୁଁ ସେଇ ଅନନ୍ତ ଙ୍କ ବିଷୟରେ କହୁଛି ଶୁଣ ।ଶୁକମୁନି

କହିଲେ..................!!!!

ଗୋପପୁରରେ ଥିବା ସମସ୍ତ ଗୋପାଳୁଣୀ ନନ୍ଦଙ୍କ ଘରେ ପ୍ରଭୁ

ଶ୍ରୀକୃଷ୍ଣଙ୍କ ଚାରିପାଖରେ ବେଢ଼ି ଥାଆନ୍ତି ।ଗୋପାଳୁଣୀ ମାନଙ୍କୁ

ପ୍ରଭୁ ଚାହିଁ ରହିଥାନ୍ତି ।ଶ୍ରୀକୃଷ୍ଣ ଓ ଗୋପୀ ମାନଙ୍କ ଚାହାଁଣି ରେ

ଅପୂର୍ଵ ଦିବ୍ୟଭାଵ ଦେଖାଯାଉଥାଏ ।ଗୋପାଳ ମାନେ ଶ୍ରୀକୃଷ୍ଣ

ଭଗବାନଙ୍କ ପାଖରେ ରହି ସୁମଧୁର ବେଣୁ ଓ ବାଦ୍ୟ ମାନ ପରି

ବେଷଣ କରୁଥାନ୍ତି ।ଗୋପପୁର ରେ ଭୂରି ଭୋଜନ ଚାଲିଥାଏ ।

ସମସ୍ତ ଗୋପବାସୀ,ଶ୍ରୀକୃଷ୍ଣ ଭଗବାନ ଙ୍କୁ ଦେଖିବାକୁ ଆସୁଥିବା

ସମସ୍ତ ଆଗାନ୍ତୁକ ମାନେ ଭୂରିଭୋଜନରେ ଆପାୟିତ ହେଲେ ।

ସକଳ ଦେବଗଣ ଜଣଙ୍କ ପରେ ଜଣେ ଆସି ପ୍ରଭୁ ଙ୍କୁ ଦର୍ଶନ କରି ଫେରି ଯାଉଥାଆନ୍ତି ।ଶେଷରେ ଶିବ ଭଗବାନ ପାର୍ବତୀଙ୍କୁ

ଧରି ଗୋପପୁର କୁ ଆସି ଭଗବାନ ଶ୍ରୀକୃଷ୍ଣ ଙ୍କୁ ଦର୍ଶନକରି ଚାଲି

ଗଲେ ।ଗୋପପୁର ରେ ସମସ୍ତ ଦେବତା ଓ ଦେବ ଙ୍କୁ ଦେଖି ଗୋପାଳ ମାନେ ଧନ୍ୟ ଧନ୍ୟ ହୋଇଗଲେ ।

ପ୍ରଭୁ ଶ୍ରୀକୃଷ୍ଣ ଯେଉଁଦିନ ଗୋପରେ ଜନ୍ମନେଲେ ସେହିଦିନ ପୁତ ନାକୁ ସଂହାର କଲେ ।ଏହିପରି ଭାବେ ଦୁଇ ,ତିନି ଦିନ ଗୋପୀ

ଓ ଗୋପଙ୍କ ମେଳରେ ପ୍ରଭୁ ଅନ୍ତର୍ଯ୍ୟାମୀ ଦିନ ବିତାଇ ଦେଲେ ।

ଚତୁର୍ଥ ଦିନ -ଗୋପପୁର ରେ ଥିବା ଏକକୋଟିନବେଲକ୍ଷ ଗଉଡ଼

ଙ୍କର ଯେତେ ଗାଈ ଥିଲେ ସମସ୍ତେ ଦୁଗ୍ଧ ଧରି ଗୋପ ମନ୍ଦିରରେ

ଉପସ୍ଥିତ ହେଲେ ।ସବୁ ଦୁଗ୍ଧ ଏକତ୍ର କରାଯାଇ ସେଥିରେ ତରଣ ତିଆରି କରାଗଲା ।ସେଇ ତରଣ କୁ ଗୋପାଳ ମାନେ ଆନନ୍ଦରେ ଭୋଜନ କରି କହୁଥାନ୍ତି "ଆମେ ଧନ୍ୟ ହୋଇଗଲୁ ପ୍ରଭୁ ,ଆମେ ମୋକ୍ଷ ପାଇ ଗଲୁ ପ୍ରଭୁ !।ଗୋପାଳୁଣୀ ମାନେ ତରଣ କୁ ଭୋଜନକରି ଆନନ୍ଦରେ ମଜ୍ଜି ଯାଇଥାନ୍ତି ।ଗୋପପୁର ରେ ଉତ୍ସବ ପାଳିତ ହେଉଥାଏ ।ଗୋପୀମାନେ ସୁମଧୁର ସଙ୍ଗୀତ ଗାନ କରୁଥାଆନ୍ତି ।ଏହି ଚତୁର୍ଥ ଦିନରେ ଗୋପପୁର ପରିବେଶ ବେଶ ରଙ୍ଗାରଙ୍ଗ ଥାଏ ।

ପଞ୍ଚମ ଦିନ-ଜନ୍ମ ହେବାର ପାଞ୍ଚଦିନ କୁ 'ପଞ୍ଚୁଆତି' କୁହନ୍ତି ।ପ୍ରଭୁ

ଶ୍ରୀକୃଷ୍ଣ ଭଗବାନଙ୍କର ପଞ୍ଚୁଆତି ।ମାମୁଁ ଚନ୍ଦ୍ରସେଣାଙ୍କୁ ଡକାଯାଇଛି ପଞ୍ଚୁଆତି ଦଉଡି ବଳିବା ପାଇଁ । ଏହି ଦିନ ସମସ୍ତ ଗୋପବାସୀ ନନ୍ଦ ମନ୍ଦିରରେ ଭୂରି ଭୋଜନ କଲେ ।ଗୋପାଳ ମାନେ ନିଜ ଘର ଛାଡ଼ି ନନ୍ଦଙ୍କ ମନ୍ଦିର ଅର୍ଥାତ କୃଷ୍ଣ ଭଗବାନଙ୍କ ନିକଟରେ ଘେରି କରି ଶୋଇଲେ ।

ଷଷ୍ଠ ଦିନ -ଏହାକୁ ସଠିଘର କୁହନ୍ତି ।ଭଗବାନ ଶ୍ରୀକୃଷ୍ଣ ଙ୍କ ସଠି

ଘର କୁ ବିଶ୍ୱକର୍ମା ନିର୍ମାଣ କଲେ ।ପୁଞ୍ଜି ,ପୁଞ୍ଜି ମଣି ମାଣିକ୍ୟ ,

ରତ୍ନ ରେ ଖଞ୍ଜିତ ହୋଇଥାଏ ଏହି ସଠିଘର ।ସୁବର୍ଣ୍ଣ ର ଫୁଲ ରେ ଶୋଭା ପାଉଥାଏ ଘରଟି।ସଠିଘରୁ ସୁବାସିତ ଗନ୍ଧ ବହୁ ଦୂରକୁ ଖେଳି ଯାଉଥିଲା ।ସୁବାସିତ ଗନ୍ଧ ସ୍ୱର୍ଗ ପୁର ପର୍ଯ୍ୟନ୍ତ ପହଁଞ୍ଚି ଯାଉଥିଲା ।ବିଶ୍ୱକର୍ମା ଭଗବାନ ଶ୍ରୀକୃଷ୍ଣ ଙ୍କ ପାଇଁ ଯେଉଁ ଘର ନିର୍ମାଣ କରିଥିଲେ ସେଇ ଘରକୁ ପ୍ରଭୁ ବନମାଳୀ ବିଜେ କଲେ ।ପ୍ରଭୁ ଶ୍ରୀକୃଷ୍ଣ ଗୃହ ପ୍ରବେଶ ସମୟରେ ଗୋପପୁର ନାରୀମାନେ ହୁଳହୁଳି ପକାଇଲେ ।ଗୋପାଳ ମାନେ ହରିବୋଲ ,ହରିବୋଲ କହି ଚାଲିଲେ ।ହଳଦୀ ରଙ୍ଗର ବସ୍ତ୍ର , ପାଟ ଝୁମ୍ପା ଧରି ଅନେକ ଲୋକ ଧାଡ଼ି ଧାଡ଼ି ହୋଇ ଠିଆ ହୋଇଥାଆନ୍ତି ।ସୁବର୍ଣ୍ଣ କଉଡ଼ି ଆଣି ଘରେ ସଜାଇ ରଖିଲେ ।ସଠି ଦେବୀଙ୍କୁ ଆହ୍ୱାନ କରାଗଲା ।ନନ୍ଦ ଓ ଯଶୋଦା ସଠି ଦେବୀଙ୍କୁ ପୂଜାକରି କହିଲେ "ହେ ଦେବୀ ମୋ ପୁତ୍ରକୁ ରକ୍ଷାକର "।

"ଏତେ ବୋଲିଣ ଯଶୋଦା ପୂଜାବିଧି କରି ।

ଏ ପୁତ୍ର ଗୋଟିକୁ ମୋର ରଖ ଆଦିନାରୀ "।

ଯଶୋଦା ସଠି ଦେବୀଙ୍କୁ ପ୍ରଣିପାତ ହୋଇ କହୁଛନ୍ତି -,ସାତ ଗର୍ଭ ମୋର ନଷ୍ଟ ହେଲା ପରେ ଏ ପୁତ୍ରଟି ହୋଇଛି ଏହାକୁ ତୁହିଁ ରକ୍ଷା କରିବୁ ।ଅନ୍ତୁଡ଼ିଶାଳରେ ରହି ଅନ୍ତର୍ଯ୍ୟାମୀ ସବୁ ଦେଖୁଥାଆନ୍ତି ଓ ଶିଶୁମନ ନେଇ ହସୁଥାନ୍ତି ।ଯଶୋଦା ପୁଅକୁ ଯେଉଁଠାରେ ଶୁଆଇ ଦେଇଥିଲେ ,ସେଠାରୁ ନେଇ ଅନ୍ୟଠାରେ ଶୁଆଇଦେଲେ ।ଅର୍ଦ୍ଧ ରାତ୍ରି ପର୍ଯ୍ୟନ୍ତ ସଠି ଯୁଇ ଜଳୁଥିଲା ।ପ୍ରଭୁ ଶ୍ରୀକୃଷ୍ଣଙ୍କ ସଠି ନିଆଁ ପାଖକୁ ଚାରି ଯୁଗର ବୀର ମାନେ ଅର୍ଦ୍ଧ ରାତ୍ରିରେ ଆସି ପ୍ରଭୁ ଚକ୍ରଧର ଙ୍କୁ ଦର୍ଶନ କଲେ ।

କ୍ରମଶଃ ........................

ହରିବଂଶ ( ଭାଗ -୩୮)

ହରିବଂଶ🌹🌹( ଭାଗ -୩୮)