ସର୍ବଜ୍ଞୋ ଯୋ ଯଶ୍ଚହି ସର୍ବଃ ସକଳୋ ଯୋ

ଯଶ୍ଚାନନ୍ଦୋନନ୍ତଗୁଣୋ ଯୋ ଗୁଣଧାମା

ଯଶ୍ଚାବ୍ୟକ୍ତୋ ବ୍ୟସ୍ତସମସ୍ତଂ ସଦମୟ ଯସ୍ତଂ

ସଂସାରଧ୍ଵାନ୍ତବିନାଶଂ ହରିମୀଡେ ।

ଯିଏ ସର୍ଵଜ୍ଞ ,ସର୍ଵମୟ ହୋଇମଧ୍ୟ ଯେ କଳାଵିଶିଷ୍ଟ (ଅଂଶଦ୍ୱାରା ବିଭକ୍ତି ରୂପରେ ଦେଖାଯାଆନ୍ତି ),ଯିଏ ଆନନ୍ଦମୟ ଅନନ୍ତ ଗୁଣ ସମ୍ପର୍ଣ୍ଣ ,ସମସ୍ତଗୁଣର ଆଧାର ,ଯିଏ ଅବ୍ୟକ୍ତ ଏବଂ ବ୍ୟସ୍ତ ସମସ୍ତଭାବରେ ଅଧିଷ୍ଠିତ(ଜଗତରେ ଥିବା ସକଳ ବସ୍ତୁର ପୂର୍ଣ୍ଣ ସମଷ୍ଟି ହୋଇସୁଦ୍ଧା ସର୍ଵଗ୍ରତତ୍ତ୍ୱ ହେତୁରୁ ଅଂଶ ଅଂଶଭାବରେ ବିଭକ୍ତ)ଏବଂ ଯେ ସଦସତ୍ ସକଳ ପଦାର୍ଥ ସ୍ୱରୂପ ,ସେହି ସଂସାର ଅନ୍ଧକାର ନାଶକାରୀ ହରିଙ୍କୁ ମୁଁ ସ୍ତବ କରୁଅଛି।ହେ ପ୍ରଭୁ !ଆପଣଂକ ନାମ ଓ ଗୁଣ ଗାନ କରିବାରେ ଯଦି କିଛି ଭୁଲ କରୁଥାଏ ବା କୌଣସି ତ୍ରୁଟି ଥାଏ ତେବେ ଅଧମ କୁ କ୍ଷମା କରିବା ହେବେ ।

#ସଂସାର_ସର୍ଜନାର_ଦ୍ଵିତୀୟ_କାର୍ଯ୍ୟ🌹🌹

***************************

ରାଜା ପରୀକ୍ଷିତ ଶୁକମୁନି ଙ୍କୁ ପ୍ରଣିପାତ କରି କହିଲେ ଭୋ ଦେବ !ଆପଣ ମୋତେ ସଂସାର କିପରି ଗଠନ ହେଲା ତାହାର ପୂର୍ଣ୍ଣ ବିବରଣୀ ପ୍ରଦାନ କରିବା ହୁଅନ୍ତୁ ।ଶୁକମୁନି କହିଲେ ହେ ରାଜନ !ଶ୍ରୀହରି ଙ୍କ ଲୀଳା ବଡ଼ ବିଚିତ୍ର ।କାହାକୁ କିପରି ସୃଷ୍ଟି କଲେ ତାହା ମୁଁ ,ତୁମ ଆଗରେ ବର୍ଣ୍ଣନା କରୁଛି ,ଏବେ ଶୁଣିବା ହୁଅନ୍ତୁ ।ଶୁକଦେଵ କହିଲେ "ବ୍ରହ୍ମା ଯେଉଁ ତିନୋଟି ଦଣ୍ଡ କୁ ମେରୁ କିଳା ଭାବେ ଜଳରେ ପୋତିଥିଲେ ସେଥିରେ ସକଳ ବ୍ରହ୍ମାଣ୍ଡ ରହିଥିଲା ,ମାତ୍ର ଲହରୀ ର ଆଘାତ ପାଇ ସେ କିଳା କ୍ରମେ ହଲିବାକୁ ଲାଗିଲା ।କିଳା ହଲିବାରୁ ବସୁନ୍ଧରା କମ୍ପି ଉଠିଲା ।ବ୍ରହ୍ମା ଦେଖିଲେ ମେରୁ କିଳା କୁ ତିନି ଭାଗ ହୋଇଥିବାରୁ ଜଳର ସ୍ରୋତ ହଲାଇ ଦେଉଛି ।ବସୁଧା ହଲି ଯାଉଛି । ବେଦପତି ବ୍ରହ୍ମା ହୁଙ୍କାର ନାଦ କରି ଉଠିଲେ ,ନିଜ ଦେହରୁ ଗୋଟିଏ ଲୋମ ଉପାଡି ଗୋଟିଏ କିଳା କୁ ବାନ୍ଧିଲେ ।ବ୍ରହ୍ମାଙ୍କ ଗୋଟିଏ ଲୋମ ଚୌରାଶୀ ଯୋଜନା ଲମ୍ବା ଓ ନବେ ଶହ ଯୋଜନ ମୋଟା ।ନାଗଲୋକ ଠାରୁ ଶୁନ୍ୟ ଲୋକ ପର୍ଯ୍ୟନ୍ତ ଓ ମେରୁ ,ପାବଛ ଯାଏ ସେଇ ଲୋମ ଲମ୍ବିଥାଏ ।ଏହି ଲୋମ ସାହାଯ୍ୟ ରେ ସେ ତିନୋଟି ମେରୁ କିଳା କୁ ବାହାର କରି ଆଠ ଟି କିଳା କଲେ ଓ ଆଠଟି କିଳାରେ ଆଠ ଟି ଲୋମ ବାନ୍ଧି ଦେଲେ ।

ବ୍ରହ୍ମା ପ୍ରଥମ ଲୋମ ଟିକୁ ନିଜ ଦେହରୁ ଉପାଡି ପ୍ରଥମ କିଳାରେ

ଭିଡି ଦେଲେ ,ତାହାର ନାମ ରଖିଲେ -*"ମନ୍ଦର ଗିରି"। ପୁଣି ଆଉ ଏକ ଲୋମ କୁ ଦ୍ବିତୀୟ ମେରୁ କିଳା ର ପଶ୍ଚିମ ଭାଗେ ବାନ୍ଧିଦେଲେ ,ତାହାର ନାମ ରଖିଲେ "ବିନ୍ଧ୍ୟଗିରି"*।ତୃତୀୟ ଲୋମରେ ଅନ୍ୟ ଏକ କିଳା ବାନ୍ଧିଲେ ଓ ତାହାର ନାମ ରଖିଲେ "ନୀଳଗିରି"*।

"ଗୋଟିଏ ପରେ ଗୋଟିଏ ସ୍ଥାପିଲେ ସେମାନ

ତାହାପରେ ନିର୍ମାଣିଲେ ସୁଧର୍ମା ଯେ ପୁଣ "।

ଏହାପରେ ବ୍ରହ୍ମା ସ୍ୱର୍ଗପୁର ନିର୍ମାଣ କଲେ ।ଏହି ସ୍ୱର୍ଗପୁର କେବଳ ଦେବତା ମାନଙ୍କର ଘର ପାଇଁ ଉଦ୍ଧିଷ୍ଟ ଓ ଯେଉଁ ଜନ ପୁଣ୍ୟ କାର୍ଯ୍ୟ କରିଥିବ ସେହିଁ ସ୍ୱର୍ଗପୁରରେ ସ୍ଥାନ ପାଇବାର ବ୍ୟବସ୍ତା କରିଦେଲେ ।ପୁନଶ୍ଚ ବ୍ରହ୍ମା ଦେବତା ମାନଙ୍କୁ "ଏକ ଶହ "ଆୟୁଷ ବଣ୍ଟନ କଲେ ।ଆହୁରି ମଧ୍ୟ କହିଲେ ଯେ ଯଦି ଦେବତା ମାନଙ୍କର କାଳ ପୂରି ଯାଏ ତେବେ ସେ ନିଶ୍ଚୟ ନାଶ ହେବେ । ବ୍ରହ୍ମା ତ୍ରେତିଶ କୋଟି ଦେବତାଙ୍କୁ ସୃଷ୍ଟି କରି ଯିଏ ଯେଉଁ ଭୁବନ ର ମାଲିକ ହେବେ ସେହି ଅନୁସାରେ କାର୍ଯ୍ୟ ବଣ୍ଟନ କରି ସାରିବା ପରେ ,ଇନ୍ଦ୍ର ,କୁବେର ,ପବନ ଙ୍କୁ ଜଳର

ଅଧିପତି ଭାବେ ଦାୟିତ୍ୱ ଦେଲେ।

ଶୁକମୁନି କହୁଥାନ୍ତି ,ପରୀକ୍ଷିତ ଆଗ୍ରହର ସହ ଶୁଣୁଥାନ୍ତି ।ଶୁକ ମୁନି କହିଲେ ଭୋ ରାଜନ !ଏବେ ଆଗକୁ ଶୁଣ।"ବ୍ରହ୍ମା ନିଜ ନୟନରୁ ଆଦିତ୍ୟ ଦେବତାଙ୍କୁ ସୃଷ୍ଟିକଲେ ଓ ସୂର୍ଯ୍ୟ ମଣ୍ଡଳ ରଥ କୁ ନିଜେ ଭିଆଣ କରି ସୂର୍ଯ୍ୟ ଦେବ ଙ୍କୁ ଦେଲେ "।

ବ୍ରହ୍ମା ଏହାପରେ ନିଜ ଦକ୍ଷିଣ ଭୁଜରୁ ପ୍ରଜାପତି ଜାତ କରି ତାଙ୍କର ନାମ ରଖିଲେ "ଦକ୍ଷ"।ଦକ୍ଷ ପ୍ରଜାପତିଙ୍କ ଠାରୁ ଅଠାଵନ ଦୁହିତା ଜାତ ହୋଇଥିଲେ ।ଉପଯୁକ୍ତ ବରପାତ୍ର ଦେଖି ଦକ୍ଷ କନ୍ୟା ମାନଙ୍କୁ ବିବାହ କରାଇଥିଲେ ।କନ୍ୟା "ଶଚୀ"ଙ୍କୁ ଇନ୍ଦ୍ରଙ୍କ ନିକଟରେ ସମର୍ପଣ କରିଥିଲେ । ଦକ୍ଷଙ୍କ କନ୍ୟା ସତୀ ଙ୍କୁ ଆଦିତ୍ୟ ନିଜେ ବିଭା ହେଲେ ।କୁବେର ସମେତ ଅନ୍ୟ ଦେବତା ମାନଙ୍କୁ ଅନ୍ୟ ଛପନ ଝିଅଙ୍କୁ ଦକ୍ଷ ବିବାହ ଦେଇଥିଲେ ।ଏମାନେ ସମସ୍ତେ ଅମର ଭୁବନରେ ବାସକଲେ । ଏହାପରେ ବ୍ରହ୍ମା ତିନି ଭୁବନ ଉପରେ ଆଉ ଏକ ଭୁବନ ନିର୍ମାଣ କଲେ ।ତିନି ଭୁବନରୁ ଏହି ଭୁବନ ଶ୍ରେଷ୍ଠ ଭୁବନ ଭାବେ ଖ୍ୟାତ କଲେ ।ସେଇ ଭୁବନର ନାମ ଦେଲେ ବୈକୁଣ୍ଠ ।

ବୈକୁଣ୍ଠ ପୁରରେ ବ୍ରହ୍ମା ,ବିଷ୍ଣୁ ,ଶିବ ତିନି ଜଣ ଙ୍କ ପାଇଁ ସ୍ଥାନ ନିର୍ମାଣ କଲେ ।ତାପରେ ବ୍ରହ୍ମା "ଅମୋଘ କଳ୍ପବଟ "ଗୋଟିଏ ଉତ୍ପନ କଲେ ।

ଶୁକମୁନି କହୁଛନ୍ତି ପରୀକ୍ଷିତ ଙ୍କୁ -ବ୍ରହ୍ମା ସମୁଦ୍ର ତୀରରେ ଗୋଟିଏ ଭୁବନ ନିର୍ମାଣ କରି ଜଗନ୍ନାଥ ଙ୍କୁ ଅର୍ପଣ କଲେ ।କପିଳାସ ପର୍ବତ ନିର୍ମାଣ କରି ଶିବ ଭଗବାନଙ୍କୁ ଅର୍ପଣ କଲେ ।

"ଧ୍ରୁବ ଲୋକ ପାଶେ ଯଶୋବନ୍ତ ଯେ ଭୁବନ

ତହିଁରେ ରହିଲେ ଆପେ ଦେବ ପରଂବ୍ରହ୍ମ "।

ଋଷିମାନଙ୍କୁ ବ୍ରହ୍ମା ସୃଷ୍ଟିକରି ମର୍ତ୍ତ୍ୟରେ ରହିବା ପାଇଁ ଆଦେଶ ପ୍ରଦାନ କଲେ । ଦେବତା ମାନଙ୍କୁ ସୃଷ୍ଟି ପରେ ମାନବ ମାନଙ୍କୁ ସୃଷ୍ଟି କରିବା ପାଇଁ ମନ ବଳାଇଲେ । ସାତଦ୍ବୀପ ରେ ମାନବ ମାନଙ୍କ ପାଇଁ ଭୂମି ରଖିଦେଲେ ।ବ୍ରହ୍ମା ଙ୍କ ଆଦେଶରେ ଦକ୍ଷପ୍ରଜାପତି ଚାରି ଜାତି ରଚନା କଲେ ।ବ୍ରାହ୍ମଣ ,କ୍ଷତ୍ରିୟ ବୈଶ୍ୟ ,ଶୂଦ୍ର ଏହିପରି ଚାରି ଜାତି ସୃଷ୍ଟି ହେଲା । ଏହି ଚାରି ଜାତି ନିର୍ମାଣ କରିବା ପରେ ,ପତି ପତ୍ନୀ ଓ ସ୍ତ୍ରୀ ପୁରୁଷ ସୃଷ୍ଟି କଲେ ।

"ବ୍ରାହ୍ମଣଙ୍କ ବନିତା ଏ ଯାଚେ ବେଦବର

ବ୍ରାହ୍ମଣ ତା ନ ଆଣିଲା ବେଦ ବିହ୍ଵଳର

ସଂସାରରେ ଆସି ସେହି ବନ୍ଦି ରେ ରହିଲା

ବ୍ରାହ୍ମଣ ବନିତା ପାଇଁ ସେ ପୁଣି କହିଲା

ମୋତେ ତୁ ବନିତା ଦିଅ ମୁହିଁ ଯେ ନେବଇଁ

ଶୁଣିକରି ବେଦପତି ବିପ୍ର ମୁଖ ଚାହିଁ "।

ଉର୍ବଶୀ ନାମରେ ଆଉ ଏକ କନ୍ୟା ବ୍ରହ୍ମାଙ୍କ ପାଖରେ ଥିଲା ।ବ୍ରହ୍ମା ସେଇ ଉର୍ବଶୀ ନାମୀ କନ୍ୟାକୁ ବ୍ରାହ୍ମଣ କୁ ଦେଲେ ।ବ୍ରାହ୍ମଣ

ର ଭାର୍ଯ୍ୟା ଉର୍ବଶୀ ଙ୍କ ଠାରୁ ବ୍ରାହ୍ମଣ କୁଳ ଜାତ ହୋଇଛି ।

ଏହାପରେ ବ୍ରହ୍ମା ଅଷ୍ଟାଦଶ ବର୍ଣ୍ଣ ସୃଷ୍ଟି କଲେ । ବ୍ରାହ୍ମଣ ମାନେ ଏହି ସକଳ ବର୍ଣ୍ଣର ଗୁରୁ ହେଲେ । ବ୍ରହ୍ମା ଦେଖିଲେ ମାନବ ସକଳ ପାଇଁ ଜଳ ର ଆବଶ୍ୟକତା ଅଛି ।ଏଣୁ ଜଳ ପାଇବା ପାଇଁ "ମେଘ" କୁ ସୃଷ୍ଟି କଲେ । ଚାରି ମେଘ ସୃଷ୍ଟି କଲେ ବ୍ରହ୍ମା । ଆବର୍ତ୍ତକ , ସମ୍ବର୍ତ୍ତକ , ଦ୍ରୋଣ ,ପୁଷ୍କର ଓ ଏହାର ଦାଇତ୍ୱ ଇନ୍ଦ୍ର ଙ୍କୁ ନ୍ୟସ୍ତ କଲେ ।ବ୍ରହ୍ମା ,ଇନ୍ଦ୍ର ଦେବଙ୍କ କହିଲେ ତୁମେ ମର୍ତ୍ତ୍ୱପୁରରେ ଏହି ରୂପରେ ବର୍ଷା କରାଇବ ।ଜଳ ଥିଲେ ସିନା ସମସ୍ତ ଜୀଵ ସକଳ ବଞ୍ଚି ରହିବେ ?।ଏଣୁ ତୁମେ ବିଧି ଅନୁସାରେ ମର୍ତ୍ତ୍ୱପୁରରେ ଜଳ ପ୍ରଦାନ କରିବ ।

ପୁନଶ୍ଚ ବ୍ରହ୍ମା ଧାନ ରୂପକ ଫଳ କୁ ସୃଷ୍ଟିକଲେ ଓ ଏହାକୁ ମର୍ତ୍ତ୍ୱପୁରରେ ଅନ୍ନ ରୂପରେ ବ୍ୟବହାର କରିବା ପାଇଁ ବ୍ୟବସ୍ଥା କରିଦେଲେ ।ଏହି ଅନ୍ନ କୁ ଖାଇ ସବୁ ମଣିଷ ବଞ୍ଚିବେ ।ଆଉ ଦେବତା ମାନେ ଖାଲି ଏହାର ବାସ୍ନା କୁ ଘେନିବେ ।

ଏ ସମସ୍ତ କଥା ଶୁଣି ସାରିବା ପରେ ରାଜା ପରୀକ୍ଷିତ ,ଶୁକମୁନି ଙ୍କୁ ପରାରିଲେ -ଭୋ ଦେବ !ଆପଣ ସୃଷ୍ଟି ସର୍ଜନାର ସମସ୍ତ ବୃତ୍ତାନ୍ତ ବର୍ଣ୍ଣନା କଲେ ,ହେଲେ ଦାନବ ମାନେ କିପରି ସୃଷ୍ଟି ହେଲେ କହିଲେ ନାହିଁତ ?।ଶୁକଦେଵ ଅଳ୍ପ ହସି କହିଲେ ହେ ରାଜନ !ଆପଣ ଠିକ୍ ପ୍ରଶ୍ନ ପଚାରିଛନ୍ତି ,ଏବେ ଶୁଣିବା ଦାନବ ଙ୍କ ସୃଷ୍ଟି ରହସ୍ୟ ।

ଏକଦା ବ୍ରହ୍ମାଙ୍କ ଅଙ୍ଗରୁ ବୀର୍ଯ୍ୟ ଖସି ସେଇ ବୀର୍ଯ୍ୟ ଯାଇ କ୍ଷୀର ସମୁଦ୍ରରେ ପଡିଲା ।କ୍ଷୀର ସମୁଦ୍ରରେ ବ୍ରହ୍ମାଙ୍କ ବୀର୍ଯ୍ୟ ପଡିବାରୁ ସେଥରୁ ଦୁଇଟି ପୁରୁଷ ଜନ୍ମ ହେଲେ । ବ୍ରହ୍ମା ସେଇ ପୁରୁଷ ଦୁଇଙ୍କୁ ନିଜ ପୁତ୍ର ବୋଲି ସ୍ୱୀକୃତି ଦେଲେ ଓ ସଙ୍ଗେ ସଙ୍ଗେ କୋଳକୁ ନେଇ ନାମ କରଣ କଲେ ।ପ୍ରଥମ ପୁତ୍ର ନାମ ରଖିଲେ "କନକ ପ୍ରଭା "ଓ ଦ୍ଵିତୀୟ ଜଣଙ୍କ ନାମ ରଖିଲେ "ଚନ୍ଦ୍ର"।

ବ୍ରହ୍ମା ପ୍ରଥମ ପୁତ୍ର କନକ ପ୍ରଭା ସହିତ" ସିଂହିକା "କୁ ବିବାହ କରାଇଦେଲେ ।ତାଙ୍କଠାରୁ "ରାହୁ " ନାମକ ନନ୍ଦନ ଜାତ ହେଲା । କନକ ପ୍ରଭା ଓ ଚନ୍ଦ୍ର ଏ ଦୁଇ ଭାଇଙ୍କ ଭିତରେ ସର୍ବଦା କଳହ ଲାଗିରହେ ।ଏମିତି ପରିସ୍ଥିତି ସୃଷ୍ଟି ହେଲାଯେ ସ୍ୱର୍ଗ ,ମର୍ତ୍ତ୍ୟ ଓ ପାତାଳ ପୁର ରେ କେହି ଶାନ୍ତିରେ ରହି ପାରିଲେ ନାହିଁ ।ବିଧାତା ଏ ଦୁଇ ଭାଇଙ୍କର କୋପ ସମ୍ଭାଳି ନପାରି ଦୁଇ ଭାଇଙ୍କୁ ଅଭିଶାପ ଦେଲେ "ତୁମେ ଆଜିଠାରୁ ରାକ୍ଷାସ ହୋଇଯାଅ । ସେଇ ଦୁଇ ଭାଇଙ୍କ ଠାରୁ ରାକ୍ଷାସ ମାନେ ଜନ୍ମ ନେଲେ ।ଅସୁରଙ୍କ ବଂଶ ମେଦିନୀରେ ଦିନକୁ ଦିନ ବଢି ଚାଲିଲା ।ଦିନକୁ ଦିନ ଅସୁର ମାନେ ଅତି ନୃଶଂସ ହୋଇ ଉଠିଲେ।

ଏହାପରେ ବ୍ରହ୍ମା ଦିଗ ସୃଷ୍ଟି କଲେ ।ଗୋଟିଏ ଦିଗକୁ ଷାଠିଏ ଦଣ୍ଡ କଲେ ।ଏହି ବିଧିରେ ମାସ ତିଆରି କଲେ ଓ ତାହାର ଦିନ ସଂଖ୍ୟା ରଖିଲେ ତିରିଶ ଦିନ ।ବାର ମାସରେ ଗୋଟିଏ ବର୍ଷ ହେବ ,ଏକଥା ବ୍ରହ୍ମା ସଂସାର ନିର୍ମାଣ ବେଳେ କହିଥିଲେ । ପୁଣି ଯୁଗ କଥା ବ୍ରହ୍ମାଙ୍କ ନଜର କୁ ଆସିବାରୁ ସେ "ସତରଲକ୍ଷ ଅଠାଶୀ "ସସ୍ର ଯୁଗ ସୃଷ୍ଟି କଲେ ।କେଉଁ ଯୁଗ କେତେକାଳ ଭୋଗ ହେବ ତାହା ମଧ୍ୟ ଉଲ୍ଲେଖ କରିଦେଲେ ।ତାଙ୍କ ବଚନ ଅନୁସାରେ "ତ୍ରେତୟା ଯୁଗ -ବାର ଲକ୍ଷ ଛୟାନବେ ସସ୍ର ବର୍ଷ ।

ଦ୍ଵାପର ଯୁଗ -ଆଠଲକ୍ଷ ଚୌଷଠି ସହସ୍ର ବର୍ଷ ।କଳି ଯୁଗ -ଚାରି ଲକ୍ଷ ବତିଶ ହଜାର ।ଏହି ବିଧିରେ ବ୍ରହ୍ମା ନାରୀ ଆଉ ନର କୁ ସୃଷ୍ଟି କଲେ । ପୁନଶ୍ଚ ବ୍ରହ୍ମା ସାତ ଦ୍ୱୀପ ସହିତ ସାତ ସମୁଦ୍ର ମିଶାଇ ସୃଷ୍ଟି କଲେ । ଜମ୍ବୁ ଦ୍ୱୀପ କୁ ଲବଣ ସମୁଦ୍ର ସହିତ ,କୁଶ ଦ୍ୱୀପ କୁ କ୍ଷୀର ସମୁଦ୍ର ସହିତ ,କନ୍ଦର ଦ୍ବୀପ କୁ ମଧୁ ସମୁଦ୍ର ସହିତ ,ମନ୍ଦର ଦ୍ବୀପ କୁ ଘୃତ ସମୁଦ୍ର ସହିତ ,ସିଂହ ଦ୍ୱୀପ କୁ ଦଧି ସମୁଦ୍ର ସହିତ ,ମହୀ ଦ୍ବୀପ କୁ ସୁରା ସମୁଦ୍ର ସହିତ ସୃଷ୍ଟିକଲେ ।

ରାଜା ପରୀକ୍ଷିତ ସଂସାର ଭିଆଣ ର ସମସ୍ତ ବୃତ୍ତାନ୍ତ ଶୁକମୁନିଙ୍କ ଠାରୁ ଶ୍ରବଣ କରି ଆନନ୍ଦିତ ହେଲେ ଓ ମୁନିଙ୍କୁ ପ୍ରଣିପାତ କଲେ ।

କ୍ରମଶଃ .........................

ହରିବଂଶ (ଭାଗ -୪)

ହରିବଂଶ (ଭାଗ -୪)