ଯିଏ ଅନନ୍ତ ରୂପରେ ସମଗ୍ର ଭୁଭାର ଧାରଣ କରିଅଛନ୍ତି ,ଯିଏ ଭୁବନରେ ଆନନ୍ଦ ସ୍ୱରୂପ ,ଯିଏ ସର୍ଵଭୂତର ଅଧୀଶ୍ଵର ଓ ଯିଏ

ଭୂତ ମାନଙ୍କର ନାୟକ ଏବଂ ଯିଏ ଧ୍ୟାନର ଏକମାତ୍ର ବସ୍ତୁ ,ଯିଏ

ଅନନ୍ତ ରୂପରେ ଭୁଜଙ୍ଗ ଖଗର ଈଶ୍ୱର ଏବଂ ଯାହାଙ୍କଖଗ ଦ୍ୱାରା

ଭକ୍ତମାନଙ୍କର ଭଵପାଶ ଛିନ୍ନହୁଏ ,ତାହାଙ୍କୁ ମୁଁ ବନ୍ଦନା କରୁଅଛି ।ହେ ପ୍ରଭୁ !ଆପଣଙ୍କ ନାମ ,ଗୁଣ ପ୍ରଚାର ଓ ପ୍ରସାର କରିବାରେ

ଯଦି କୌଣସି ଠାରେ ତ୍ରୁଟି ରହିଯାଉଥାଏ ତେବେ ଏ ଅଧମକୁ

କ୍ଷମା କରିବା ହେବେ ।।ଜୟ ଶ୍ରୀହରି ।।🌹🌹

ରାଜା ପରୀକ୍ଷିତ ଶୁକମୁନି ଙ୍କୁ ପଚାରିଲେ ଭୋ ଦେବ !ଭଗବାନ ଶ୍ରୀକୃଷ୍ଣଙ୍କ ର ଛଅ ଦିନରେ ସଠି ଘର ହେଲା !ସପ୍ତମ ଦିନରେ

କଅଣ ଉଠିଆରି ହେଲାକି ?ନା ଆଉ କିଛି ହେଲା ନାହିଁ ?ଯଦି

କିଛି ହେଲା ସେ ବିଷୟରେ ମୋତେ କୁହନ୍ତୁ ?।ବ୍ୟାସସୁତ କହିଲେ ହେ ପରୀକ୍ଷ ମୁଁ ଯାହା ଶୁଣିଛି ତୁମକୁ କହୁଛି ତୁମେ ଶୁଣ।ଶୁକମୁନି କହିଲେ .........................!!!!!

ପ୍ରଭୁ ଚକ୍ରଧର ଙ୍କର ସଠି ଘର ଛଅ ଦିନରେ ସରିଗଲା ।ସପ୍ତମ ଦିନ ରେ ଉଠିଆରି କରାଗଲା ।ଯଶୋଦା ନିଜର ଲୁଗାପଟା

ଧୋବାଘରେ ପକାଇ ଦେଲେ ଓ ସ୍ନାନ କଲେ ।ଅଷ୍ଟମ ଦିନ ଯଶୋଦା କୁଙ୍କୁମ୍,ଅଗରୁ ,ଚନ୍ଦନ ଏକତ୍ର ମିଶାଇ କୃଷ୍ଣ ଭଗବାନ

ଙ୍କ ଶରୀରରେ ଲେପି ଦେଲେ ।ନନ୍ଦ ଘରେ ସବୁଦିନ ଗୋପୀ ଓ

ଗୋପାଳ ମାନେ କୃଷ୍ଣଙ୍କ ସହିତ ବାଳୟଲୀଳା କରୁଥାଆନ୍ତି ।

ବାଲ୍ୟଲୀଳା ଚାଲୁଥାଏ ।ଯଶୋଦା କୃଷ୍ଣ ନିକଟରେ ବସିଛନ୍ତି ।

କିଛି ସମୟ ପରେ ଯଶୋଦା ସ୍ୱାମୀ ନନ୍ଦ ଙ୍କୁ କହିଲେ "ଏମିତି

କେଉଁ ସମୟରେ ଆମ ପୁଅ ଜନ୍ମ ନେଲାଯେ ,ଜନ୍ମ ହେଉ ହେଉ

ଅଘଟଣ ଘଟିଲା ?।ଜନ୍ମମାତ୍ର ପୁତନା ରାକ୍ଷାସୀ ମଲା ?ଆମ ପୁଅର କେଉଁ ଗ୍ରହ କମ୍ ଅଛି କି ?"

ଯଶୋଦାଙ୍କ କଥା ଶୁଣି ନନ୍ଦ କହିଲେ "ଆଗୋ ଯଶୋଦେ ମୁଁ ସେଇକଥା ସବୁବେଳେ ମନରେ ଭାଳି ହେଉଛି ।କାହିଁକି ଜନ୍ମ ହେଉ ହେଉ ଏମିତି ଅଘଟଣ ଘଟିଲା "।

ଯଶୋଦା କହିଲେ "ତୁମେ ଦୈବଜ୍ଞ ଙ୍କୁ ଡାକ ,ଆମେ ତାଙ୍କଠାରୁ

ଆମ ପୁଅ ବିଷୟରେ ସବୁ ଜାଣି ପାରିବେ "।ତତ୍କ୍ଷଣେ ନନ୍ଦ ଦୈଵଜ୍ଞ କୁ ଘରକୁ ଡାକିଲେ ।ନନ୍ଦ ,ଯଶୋଦା ଦୁହେଁ ବୈଦଜ୍ଞ ଆଗରେ ବସିଲେ ।ଶ୍ରୀକୃଷ୍ଣ ପଲଙ୍କ ଉପରେ ଶୋଇ ଥାଆନ୍ତି ।

ନନ୍ଦ ମହାଖୁଡ଼ ବୈଦଜ୍ଞ କହିବା ଅନୁଯାୟୀ ସୁବର୍ଣ୍ଣ ଥାଳିରେ ଚାଉଳ ,ରତ୍ନ ଖୁମ୍ବ ଉପରେ ନଡ଼ିଆ ଥୋଇଲେ ।ଖମ୍ବ ଉପରେ ଦୁବ ,ଅକ୍ଷତ ,ବସ୍ତ୍ର ,ଆମ୍ବଡାଳ ରଖି ଗଣକ କୁ ବସାଇ ପଚାରିଲେ "ହେ ଗଣକ ମହାଶୟେ -କେଉଁ ବେଳାରେ ଆମ୍ଭ ପୁତ୍ର ଜନ୍ମ ନେଇଛି ?,ତାର ଗ୍ରହ ଯେଉଁ ସ୍ଥାନରେ ରହିବା କଥା ଠିକ୍ ରେ ଅଛି କି ନାହିଁ ?ଆମପୁତ୍ର ର ଭବିଷ୍ୟତ କଅଣ ଏସବୁ ଆପଣ ଆମକୁ କୁହନ୍ତୁ ?

ଦୈବଜ୍ଞ ସଙ୍ଗେ ସଙ୍ଗେ କୋଷ୍ଠିକୁ କାଟିଲେ ଓ ତା ଉପରେ ଗ୍ରହ ମାନଙ୍କୁ ବସାଣ କଲେ ।ଦୈଵଜ୍ଞ କହିଲେ "ଏହି ପୁତ୍ର ରାତି ଅର୍ଦ୍ଧ ରେ ଜନ୍ମ ନେଇଛି ।ତୁମ ପୁତ୍ରର ବୃଷ ଲଗ୍ନ ।ଏ ପୁତ୍ର ବହୁତ ଅସୁର ମାନଙ୍କୁ ମାରିବ ।ଏ ପୁତ୍ର ପାଦରେ ଲକ୍ଷ୍ମୀ ଠାକୁରାଣୀ ସର୍ବଦା ଖଟିବେ ।ଦେବତା ମାନେ ଏହି ପୁଅର ଚରଣ ରେ ଖଟିବେ ।ତୁମର ଏ ପୁତ୍ର ଚଉଦ ଭୁବନର ଅଧିପତି ହେବ ।ସିଂହଯୋଗେ ଏହି ପୁତ୍ରର ଜାତକ ନାମ ଶିରୀପତି ରଖାଗଲା ।

"ବାଛି ବାଛି ଦଇବଜ୍ଞ ନାମ ଗୋଟି ଦେଇ

ତେଣୁକରି ଶିରୀପତି ନାମ ସେ ବୋଲାଇ "।

ତୁମ ପୁତ୍ରକୁ କଂସ ଦେଖିଲେ କଂସର ବିନାଶ ହେବ ।ଅଷ୍ଟମଲ୍ଲ

ଙ୍କୁ ଏହି ଜନ୍ମିତ ପୁତ୍ର ମାରିବ ।ଭାଦ୍ରବ ମାସ କୃଷ୍ଣପକ୍ଷ ଅଷ୍ଟମୀ ତିଥି ରୋହିଣୀ ନକ୍ଷତ୍ର ବୁଧବାର ଦିନ ଶୁଭ ଯୋଗରେ ଏହି ପୁତ୍ର ଜନ୍ମ ହୋଇଛି ବୋଲି ନନ୍ଦ ଓ ଯଶୋଦାଙ୍କୁ ଦୈବଜ୍ଞ ଜଣାଇ

ଦେଲେ ।

"ଭାଦ୍ର କୃଷ୍ଣ ଅଷ୍ଟମୀ ରୋହିଣୀ ନକ୍ଷତ୍ରର

ପଣ୍ଡିତ ବାର ଅଟଇ ସେହି ଦିବସର"।

ତୁମ ଗୃହରେ ଏହି ପୁତ୍ର ଜନ୍ମ ହେବା ଦିନଠାରୁ ତୁମର ସମସ୍ତ ଦୁଃଖ କଷ୍ଟ ଦୂର ହୋଇଛି ଓ ଆଗକୁ ମଧ୍ୟ ସମସ୍ତ ଦୁଃଖ ଦୂର ହେବ ।ଏହି ପୁତ୍ରକୁ ବର୍ତ୍ତମାନ ଠାରୁ ଆଠ ବର୍ଷ ଯାଏ ରିଷ୍ଟ ଅଛି କାରଣ ଏହାର ଚତୁର୍ଥ ଘରେ ସିଂହିକା ସୁତ ଅର୍ଥାତ ରାହୁ ଅଛି ।ଚତୁର୍ଥ ଘରେ ରାହୁ ଥିଲେ ପିତାମାତ ରିଷ୍ଟ ଲାଗେ ।ତେଣୁ ଏହି ପୁତ୍ରକୁ ଆଠବର୍ଷ ପର୍ଯ୍ୟନ୍ତ ରିଷ୍ଟ ଲାଗିରହିବ ।ଜନ୍ମ ଦିନ ଏହି ପୁତ୍ରର ଗୋଟେ ବଡ଼ ରିଷ୍ଟ ଥିଲା ।ମାତ୍ର ଅଧା ମୃତ୍ୟୁ ରୁ ଏ ବାଳକକୁ ପ୍ରଭୁ ରକ୍ଷା କରି ସାରିଛନ୍ତି ।

ନନ୍ଦଓ ଯଶୋଦା ଜ୍ୟୋତିଷ ଙ୍କଠାରୁ ଅଷ୍ଟ ବର୍ଷ ରିଷ୍ଟ କଥାଶୁଣି

ଅତ୍ୟନ୍ତ ଆକୁଳ ହୋଇ ଦୈବଜ୍ଞ ପାଦଧରିଲେ କହିଲେ ଆପଣ କିଛି ଗୋଟିଏ ଉପାୟ ଏହି ରିଷ୍ଟ କଟିବା ପାଇଁ କରନ୍ତୁ ।ଆମେ ଏପରି ଦଶା ଆମ ପୁଅର ଦେଖି ପାରିବୁ ନାହିଁ ।

ଯଶୋଦା ଓ ନନ୍ଦ ଙ୍କର ଆକୁଳ ଦେଖି ଦୈଵଜ୍ଞ କହିଲେ -ଏହି

ରିଷ୍ଟ ଖଣ୍ଡନ ହେବାପାଇଁ କେବଳ ଦାନ ହିଁ ଉପଯୁକ୍ତ ବିଧି ।ଦାନ

ଦେଲେ ଏହି ରିଷ୍ଟ କ୍ଷୟ ହୁଏ ।ଯଶୋଦା ଓ ନନ୍ଦ କହିଲେ ଏହି

ରିଷ୍ଟ ପାଇଁ କି ,କି ,ଦାନ ଦେବାକୁ ପଡିବ କୁହନ୍ତୁ ?ଆମେ ନିଶ୍ଚିତ

ଭାବେ ଦାନ ଦେବୁ। ଦୈଵଜ୍ଞ କହିଲେ ......

"ସୁବର୍ଣ୍ଣ ପଲମ କୁ ରତ୍ନ ଦଉଡି ରେ ବାନ୍ଧି ଯେ କୌଣସି ମନ୍ଦିର

ଟାଙ୍ଗି ଗ୍ରହ ମାନଙ୍କର ପୂଜା କଲେ ତୁମ ପୁତ୍ରର ରିଷ୍ଟ ଖଣ୍ଡନ ହେବ।କଳା ବସ୍ତ୍ର ,କଳା ଗାଈ , ଏହି ଦୁଇଟି ଦାନ ଯେତେ ଶୀଘ୍ର ଦାନ କରିଦେବ ।ପ୍ରତିମାସରେ ଏ ଦୁଇଟି ଦାନ ଆଠ ବର୍ଷ ଯାଏ ଦେଇ ଚାଲୁଥିବ ।ପ୍ରତିମାସରେ ଦାନ ସହିତ ଦକ୍ଷିଣା ବ୍ରାହ୍ମଣ ମାନଙ୍କୁ ଦେବ ।ବ୍ରାହ୍ମଣ ମାନେ କଲ୍ୟାଣ କଲେ ପୁଅର ରିଷ୍ଟ ଖଣ୍ଡନ ହେବ । ଗଣ୍ଠିଲିଏ ଭଲ ଲୁଗା କୁ ବିପ୍ର ହସ୍ତରେ ଟେକିଦେଵ । ଉଭୟ ସ୍ୱାମୀ ଓ ସ୍ତ୍ରୀ ମିଶି ବାରୁଣୀ ହୋମ ପୁତ୍ର ନିମନ୍ତେ କରିବ ।ପ୍ରତିଦିନ ବ୍ରାହ୍ମଣଙ୍କୁ ନିଜ ଘରେ ଖାଇବାକୁ ଦେବ ।ଗୋ ଦହନ କରି ଭଗବାନ ଶିବଙ୍କ ଠାରେ ଲଗାଇବ।

ପୁନଶ୍ଚ ଶହେ ଯୋଡ଼ା ପାଣି ଶିବଙ୍କ ମୁଣ୍ଡରେ ଢାଳିବ । ଏସବୁ ଦାନ ଦେଲେ ତୁମ ପୁତ୍ରର ରିଷ୍ଟ ଖଣ୍ଡନ ହେବ ।ବୈଦେଜ୍ଞ ଠାରୁ ରିଷ୍ଟ ଖଣ୍ଡନ ର ଉପାୟ ସବୁ ଶୁଣି ନନ୍ଦ ଓ ଯଶୋଦା ଆନନ୍ଦିତ ହେଲେ ।

ଦୈବଜ୍ଞ ବଚନକୁ ଶ୍ରୀକୃଷ୍ଣ ଭଗବାନ ପଲଙ୍କ ଉପରେ ଶୋଇ ଶୁଣୁଥିଲେ ।ଦୈବଜ୍ଞ ଯାହା କହୁଛନ୍ତି ତାହା ସତ୍ୟ ବୋଲି ଶ୍ରୀକୃଷ୍ଣ ମନେ ମନେ ବିଚାରକଲେ ।ବୈଦଜ୍ଞଙ୍କ କଥା ଅନୁଯାୟୀ ସେହି ଦିନଠାରୁ ନନ୍ଦ ଦାନ ଦେଇ ଚାଲିଲେ ।ନନ୍ଦ ଏକଲକ୍ଷ ବିପ୍ରଙ୍କୁ ସୁବର୍ଣ୍ଣ ଦାନ ଦେଲେ ।ନନ୍ଦ ଓ ଯଶୋଦା ଦାନଦେଇ ଆନନ୍ଦିତ ଥାଆନ୍ତି ।ଏହି ସମୟରେ ଦୁଇ ଜଣଙ୍କ ଆଖି ପଡି ଗଲା କୃଷ୍ଣ ଉପରେ ।ଯଶୋଦା ଦେଖିଲେଶ୍ରୀ କୃଷ୍ଣଙ୍କ ପାଖରେ ବଳଦେବ ବସିଛନ୍ତି ।ଦୁଇଜଣଙ୍କୁ ଛୁଆଙ୍କୁ ଏକାଠି ଦେଖି ନନ୍ଦ ଓ ଯଶୋଦା ଙ୍କ ଆନନ୍ଦ କହିଲେ ନସରେ ।

କ୍ରମଶଃ..........................

ହରିବଂଶ (ଭାଗ -୪୦)

ହରିବଂଶ (ଭାଗ -୪୦)