ଶ୍ରୀଯୁକ୍ତ ଦୁଷ୍ମନ୍ତ କୁମାର ମିଶ୍ର

ଯାହାଙ୍କ ଠାରୁ ଶ୍ରୀବୃଦ୍ଧି ହୁଏ ଏବଂ ଯିଏ କମଳାଙ୍କର ପତି ,ଯିଏ

ଶ୍ରୀଧର ଓ ଶ୍ରୀଦାତା ଏବଂ ବରଦାତା ;ଯିଏ ଶ୍ରୀବତ୍ସ ନାମକ ଚିହ୍ନ ରେ ବିରାଜିତ ଏବଂ ସୌମ୍ୟମୂର୍ତ୍ତି ସେଇ ସୁରଶ୍ରେଷ୍ଠ ଙ୍କୁ ମୁଁ ବନ୍ଦନା କରୁଅଛି ।ହେ ପ୍ରଭୁ !ଆପଣ ଙ୍କ ନାମ ଗୁଣ ପ୍ରଚାର ଓ ପ୍ରସାର କରିବାରେ ଯଦି କିଛି ତ୍ରୁଟି ରହିଯାଉଥାଏ ତେବେ ଏ ଅଧମ କୁ କ୍ଷମା କରିବା ହେବେ ।ଜୟ ଶ୍ରୀହରି ।🌹🌹

#ନନ୍ଦର_ଗୋପପୁରେ_ରାଜପଦପ୍ରାପ୍ତି🌹🌹

****************************

ରାଜା ପରୀକ୍ଷିତ ଶୁକମୁନିଙ୍କ ଚରଣରେ ପ୍ରଣିପାତ କରି କହିଲେ

ହେ ବ୍ୟାସ ସୁତ !ନାରାୟଣ ବାଳକ ରୂପରେ ନନ୍ଦ ଘରେ ରହି

କି ,କି ,କ୍ରୀଡା କଲେ ?ମୋତେ ସେ ବିଷୟରେ ବିସ୍ତାର କରି କୁହନ୍ତୁ ?।ଶୁକମୁନି କହିଲେ ହେ ରାଜନ !ମୁଁ ଯାହା ଶୁଣିଛି ତାହା

ତୁମ ଆଗରେ କହୁଛି ଶୁଣ ।ଶୁକମୁନି କହିଲେ ......................

ଏକ କୋଟି ଅଶୀଲକ୍ଷ ଋଷି ନନ୍ଦ ଘରେ କୃଷ୍ଣ ଭଗବାନଙ୍କ ନାମ

କରଣ କରି ବଦ୍ରିକା ଆଶ୍ରମ କୁ ଚାଲିଗଲେ।ନନ୍ଦ ଘରେ କହ୍ନେଇ

ନାମକରଣ ଉତ୍ସବ ସରି ସରି ଆସୁଥାଏ ।ଭୋଜି ଭାତ ଖାଇ ଗୋପଳ ମାନେ ନିଜ ନିଜ ଘରକୁ ଯିବା ପାଇଁ ବାହାରି ଥାଆନ୍ତି ।ଏହି ସମୟରେ ବୃଷଭାନୁ ତାଙ୍କ ପତ୍ନୀ କୀର୍ତ୍ତି ଙ୍କୁ ଧରି ନନ୍ଦ ଘରେ ପହଁଞ୍ଚିଲେ। ନିଜର ଏକମାତ୍ର ଝିଅ "ରାଧିକା"କୁ ତାଙ୍କ ସାଙ୍ଗରେ ଆଣିଥିଲେ ।ରାଧିକା ବହୁ ଦିନ ଆଗରୁ ଜନ୍ମନେଇ ସାରିଥିଲେ ମଧ୍ୟ ତାଙ୍କ ଆଖି ଖୋଲୁ ନଥାଏ ।କୀର୍ତ୍ତି ,ରାଧିକାଙ୍କୁ ଧରି କୃଷ୍ଣ ଙ୍କ ନିକଟକୁ ଯେମିତି ଯାଇଛନ୍ତି କୃଷ୍ଣ ଭଗବାନ ରାଧିକା ଙ୍କୁ ଚାହିଁଦେବାରୁ ରାଧିକାଙ୍କ ଆଖି ଖୋଲି ଗଲା ।ବୃଷଭାନୁ ଓ କୀର୍ତ୍ତି ଝିଅ ରାଧିକାର ଆଖି ଖୋଲି ଯିବାରୁ ବହୁତ ବହୁତ ଆନନ୍ଦିତ ହେଲେ । ଏହା କିପରି ସମ୍ଭବ ହୋଇପାରିଲା ଜାଣିବା ପାଇଁ ବୃଷଭାନୁ ଋଷି ଗାର୍ଗ୍ୟ ଙ୍କୁ ନିଜ ଘରକୁ ନିମନ୍ତ୍ରଣ କଲେ ।

ଋଷି ଗାର୍ଗ୍ୟ ବୃଷଭାନୁ ଙ୍କ ଗୃହକୁ ଗଲେ । ବୃଷଭାନୁ ଦମ୍ପତ୍ତି ଋଷି ଗାର୍ଗ୍ୟ ଙ୍କୁ ପ୍ରଣିପାତ କରି କହିଲେ ହେ ମୁନିବର !ଆମେ ଆମ ଝିଅର ନାମ ରାଧା ରଖିଛୁ ।ଆପଣ ଏହାର କୋଷ୍ଠୀ ଦେଖି ଝିଅର ଭଲ ମନ୍ଦ ବିଷୟରେ ଆମଙ୍କୁ କହିବା ହୁଅନ୍ତୁ ?। ଆମ ଝିଅର ଆଖି ଜନ୍ମ ଦିନରୁ ବନ୍ଦ ହୋଇଥିଲା ।ଭଗବାନ କୃଷ୍ଣ ଙ୍କୁ ଦେଖିବା ମାତ୍ର କିପରି ଖୋଲିଗଲା ?ସେ ବିଷୟରେ ପ୍ରଥମେ କୁହନ୍ତୁ ମୁନିବର ?।

ଋଷି ଗାର୍ଗ୍ୟ ନିଜର ଯୋଗ ବଳରେ ଜାଣି ପାରିଲେ ।ଗାର୍ଗ୍ୟ ,ବୃଷଭାନୁ ଙ୍କୁ କହିଲେ ଏହି ଝିଅ ନାମ ରାଧା ରଖିଛି ଯାହାକି ଉପଯୁକ୍ତ ।ବୈକୁଣ୍ଠ ଧାମରେ ଏହି ଝିଅ ନିତ୍ୟ ରାସ ଶ୍ରୀକୃଷ୍ଣଙ୍କ ସହିତ କରେ ।ଏହି ଝିଅ ଶ୍ରୀକୃଷ୍ଣଙ୍କ ଅର୍ଦ୍ଧାଙ୍ଗିନୀ ଥିଲା ।ଭଗବାନ ଶ୍ରୀକୃଷ୍ଣ ମର୍ତ୍ତ୍ୟ ରେ ଏକା ରହିପାରିବେ ନାହିଁ ତେଣୁ ସେ ମର୍ତ୍ତ୍ୟ କୁ ଆସିବା ପୂର୍ବରୁ ରାଧିକା ଙ୍କୁ ମର୍ତ୍ତ୍ୟ କୁ ପଠାଇ ଥିଲେ ।ରାଧା ,ଶ୍ରୀକୃଷ୍ଣ ଙ୍କ ବ୍ୟତୀତ ଅନ୍ୟ କାହା ମୁହଁ ଦେଖିବେ ନାହିଁ ବୋଲି ଶପଥ ନେଇଥିଲେ ।ସେଥିପାଇଁ ତାଙ୍କ ଆଖି ବନ୍ଦ ହୋଇ ଥିଲା ।କୃଷ୍ଣଙ୍କୁ ଦେଖିବା ମାତ୍ର ତାଙ୍କର ଆଖି ଖୋଲିଗଲା ।ବୃଷଭାନୁ ତୁମେ ଭାଗ୍ୟବାନ ।ଏଭଳି ଝିଅକୁ ଜନ୍ମ ଦେଇଛ !।ଏ ଗୋପପୁର ,ଗୋପପୁର ର ଗୋପାଳ ଓ ଗୋପୀ ମାନଙ୍କ ସହିତ କୃଷ୍ଣ ଙ୍କ ବାଳ ଲୀଳା ସବୁ ତାଙ୍କର ଲୀଳା ।ଏହା କହି ଋଷି ଗାର୍ଗ୍ୟ ଚାଲିଗଲେ ।

ମଥୁରା ନରେଶଦ୍ରୁମିଳା ନନ୍ଦନ କଂସ ଆସ୍ଥାନ ଉପରେ ବସିଥାଏ

।ମନ୍ତ୍ରୀ ଅକ୍ରୁର ସମେତ ଅନ୍ୟ ଅମାତ୍ୟ ମାନେ କଂସ ନିକଟରେ

ବସି ଥାଆନ୍ତି ।ଖଣ୍ଡେ ଦୂରରେ ଗାର୍ଗବ ଋଷି ବସିଥାନ୍ତି ।କଂସା

ମନଦୁଃଖରେ ଦୀର୍ଘ ନିଃଶ୍ବାସ ମାରୁଥାଏ ।କିଛି ସମୟ ପରେ

ମନ୍ତ୍ରୀ ଅକ୍ରୁର ଙ୍କୁ ଚାହିଁ କଂସ କହିଲା "କୁଆଡୁ ଆସି ମୋ ଶତ୍ରୁ ଗୋପପୁର ନନ୍ଦ ଘରେ ରହିଛି ?ମନ୍ତ୍ରୀ ତୁମେ ମୋର ରଥ ସଜାଇ ଦିଅ ଓ ସମସ୍ତ ସୈନ୍ୟ ମାନଙ୍କୁ ଖବର ଦିଅ ମୋ ସହିତ ଗୋପପୁର କୁ ଯିବେ ?ଆଜି ମୁଁ ଗୋପପୁର କୁ ଭାଙ୍ଗି ନନ୍ଦକୁ ମଥୁରା କୁ ଧରି ଆସିବି ।ଗୋପପୁର ବୋଲି ଏକ ନଗର ଆଜିଠାରୁ ରହିବ ନାହିଁ ?।ବଳରାମ ଓ କୃଷ୍ଣ ଦୁଇଜଣଙ୍କୁ ବିନାଶ କରି ମୋ ରାଜ୍ୟରେ ବିଜୟ ଉତ୍ସବ ପାଳନ କରିବି "।

କଂସ ସୈନ୍ୟମାନଙ୍କୁ ନିର୍ଦ୍ଦେଶ ଦେଇ କହିଲା ତୁରନ୍ତ ଗଜ ଓ ରଥ ପ୍ରସ୍ତୁତ କରି ମୋ ସହିତ ଗୋପପୁର କୁ ଯିବାକୁ ପ୍ରସ୍ତୁତ ହୁଏ ।

କଂସାସୁର ବଚନ ମନ୍ତ୍ରୀ ଅକ୍ରୁର ଶୁଣିଲେ ।ସେ କଂସକୁ କହିଲେ

"ହେ ନୃପବର ଆପଣଙ୍କ ନାମ ଧରିଲେ ବ୍ରହ୍ମାଣ୍ଡ କମ୍ପି ଉଠେ ।ସାମାନ୍ୟ ଗୋଟିଏ ଗଉଡ଼ ନନ୍ଦପୁରେ ରହୁଛି ?ନାମ ତାହାର ନନ୍ଦ ମହାଖୁଡ଼ ।ତାର ଯୋଗ୍ୟତା କେତେ ?।ଗୋଟିଏ ଗଉଡ଼ ସହ ଆପଣ ଲଢ଼ିବାକୁ ଯିବେ ?।ମଥୁରା ରେ ବଶତା ସ୍ୱୀକାର କରିଥିବା ରାଜା ଓ ମଥୁରା ବାସୀ ଆପଣଂକୁ କଅଣ କହିବେ ?

କହିବେ ଆମ ରାଜା ଏତେ ତଳକୁ ଯାଇ ପାରନ୍ତି ?ସାମାନ୍ୟ ଗୋଟେ ଗଉଡ଼ ସହିତ ଯୁଦ୍ଧ କରିବାକୁ ଯାଉଛନ୍ତି ?। ଆପଣ ଏହି କାର୍ଯ୍ୟ ଯଦି କରିବେ ଆପଣଂକ ପାଖରେ ଥିବା ଲକ୍ଷେ ରାଜା ଆପଣଙ୍କୁ ପସନ୍ଦ ନକରି ତାଙ୍କ ରାଜ୍ୟ କୁ ଚାଲିଯିବେ ।ହେ ନୃପମଣୀ ଆପଣ ବୋଧେ ଭୁଲି ଯାଉଛନ୍ତି ଗୌତମ ଋଷି ଙ୍କ ଅଭିଶାପ କଥା ।ଗୋପପୁର କୁ ଗଲେ ଆପଣଂକ ମୂର୍ଦ୍ଧନା ଫାଟି ଯିବ ?ଏକଥା ସତ୍ୟ ଅଟେ । ଏସବୁ କଥା ମନରୁ ପୋଛି ଦେଇ ମହାରାଜ ମୁଁ ଯାହା କହୁଛି ମୋ କଥା ଶୁଣନ୍ତୁ !।କଂସାସୁର କହିଲା କି କଥା କହୁଛ ମନ୍ତ୍ରୀ ଅକ୍ରୁର ?ତୁରନ୍ତ ମୋ ଆଗରେ ତାହା ପ୍ରକାଶ କର ?।

ମନ୍ତ୍ରୀ ଅକ୍ରୁର କଂସକୁ କହିଲେ "ଯଦି ଆପଣ ଭାବୁଛନ୍ତି ଯେ କୃଷ୍ଣ ଓ ବଳରାମ ଆପଣଙ୍କର ଶତ୍ରୁ ,ତାହାଲେ ନନ୍ଦକୁ ନମାରି ରାମ କୃଷ୍ଣ କୁ ମାରିବା ପାଇଁ ଏକ ଯୋଜନା ପ୍ରସ୍ତୁତ କରିବା ।ଯେଉଁ ଯୋଜନାରେ ଆପଣଂକ ଶତ୍ରୁ ସବୁଦିନ ପାଇଁ ବିନାଶ ହେବେ ।କଂସ ,ଅକ୍ରୁର ଙ୍କୁ କହିଲା ମନ୍ତ୍ରୀ ମୋତେ ସିଧା କଥା କୁହ ?କେମିତି ମୁଁ ରାମ କୃଷ୍ଣ ଙ୍କୁ ମାରିବି ?।

ମନ୍ତ୍ରୀ ଅକ୍ରୁର କହିଲେ ହେ ରାଜା ,ଗୋପପୁର ରେ ଥିବା ନନ୍ଦ ମହାଖୁଡ଼ କୁ ଆମେ ଶାଢ଼ୀ ଓ ମୁକୁଟ ପଠାଇ ତାକୁ ଗୋପପୁର ର ରାଜା ରୂପେ ଅଧିଷ୍ଠିତ କରାଇବା ।ଗୋପପୁର ରେ ଥିବା ସମସ୍ତ ଗୋପାଳଙ୍କ ଉପରେ ନନ୍ଦ ରାଜା ହୋଇ ଶାସନ କରିବ ।ନନ୍ଦ ରାଜା ହୋଇ ସାରିଲା ପରେ ସେ ଆପଣଂକ ବଶତା ସ୍ୱୀକାର କରିବାକୁ ବାଧ୍ୟ ହେବ ।ନନ୍ଦ ମହାଖୁଡ଼ ଆପଣଂକ ବଶତା ସ୍ୱୀକାର କଲା ପରେ ଆପଣ ତାକୁ ନିର୍ଦ୍ଦେଶ ଦେବେ ଓ କହିବେ ଗୋପପୁର ର ସମସ୍ତ ଦୁଗ୍ଧ ଓ ଦହି ପ୍ରତିଦିନ ସେ ଆଣି ମଥୁରାରେ ଦେଇଯିବ ।ଏଥିରୁ ସାମାନ୍ୟ ଊଣା ହେଲେ ତାର ସମସ୍ତ କୁଟୁମ୍ବ କୁ ବାନ୍ଧି ଆଣିବେ ଏକଥା ବି ନନ୍ଦ କୁ ସୂଚାଇ ଦେବେ !।ଅଧିକାର ନଦେଇ ଯେ ଭଲ ମନ୍ଦ କଥା ବିଚାର କରେ ସେଇ ଲୋକଧର୍ମ ଛଡା ହୁଏ ରାଜନ !।

ଭୋଜପତି କଂସ ମନ୍ତ୍ରୀ ଅକ୍ରୁରଙ୍କ କଥା ଶୁଣି ଆନନ୍ଦିତ ହୋଇଗଲା ।ମନ୍ତ୍ରୀ ଅକ୍ରୁର ଙ୍କୁ ଧନ୍ୟବାଦ ସହିତରତ୍ନମାଳ ଦେଇ ପୁରସ୍କୃତ କଲା ।

କଂସାସୁର ଡଗର କୁ ଡାକି କହିଲା "ଡଗର ତୁ ବର୍ତ୍ତମାନ ଗୋପ ପୁର କୁ ଯାଅ ।ଗୋପପୁରରେ ଥିବା ନନ୍ଦ ମହାଖୁଡ଼ କୁ ମଥୁରାକୁ ଡାକି ଆଣ ?। ରାଜା କଂସର ଆଦେଶ ପାଇ ଡଗର ଖୁବ ଶୀଘ୍ର

ଯାଇ ଗୋପପୁର ରେ ପ୍ରବେଶ କଲା । ବିଶ୍ୱକର୍ମା ଯେଉଁ ମଣ୍ଡପ

ଗୋପପୁର ରେ ନିର୍ମାଣ କରିଥିଲେ ସେହି ମଣ୍ଡପ ଉପରେ ଠିଆ ହୋଇ ଡଗର ବଡ଼ ପାଟିରେ କହିଲା -ନନ୍ଦ ମହାଖୁଡ଼ ଶୁଣ !ତୁମକୁ ମଥୁରା ନରେଶ କଂସ ଡକାଇ ଛନ୍ତି ?।

ତୁମକୁ ମୋ ସହିତ ମଥୁରା ଯିବାକୁ ମଧ୍ୟ ନିର୍ଦ୍ଦେଶ ଅଛି ।ଏଣୁ ଆଉ ବିଳମ୍ବ ନକରି ଶୀଘ୍ର ମୋ ସହିତ ଯିବା ପାଇଁ ପ୍ରସ୍ତୁତ ହୁଏ।ଗୋପପୁର ଗୋପାଳ ମାନେ ଡଗର ଠାରୁ ବାର୍ତ୍ତା ପାଇ ଭୟଭୀତ ହୋଇ ଯଶୋଦାଙ୍କୁ ଯାଇ କହିଲେ "ନନ୍ଦ କୁ କଂସ ମଥୁରା ଯିବା ପାଇଁ ଡଗର ହାତରେ ଖବର ଦେଇ ଡକାଇଛି ?ଗୋପାଳ ମାନଙ୍କ ଠାରୁ ଏକଥା ଶୁଣି ଯଶୋଦା ଚିନ୍ତିତ ହୋଇଗଲେ ।ପୁଅ କୃଷ୍ଣଙ୍କୁ ଗମ୍ଭୀର ଘରେ ଲୁଚାଇ ରଖିଲେ ।ଯଶୋଦା ମନେ ମନେ କହୁଥାନ୍ତି କଂସ କାହିଁକି ନନ୍ଦ ଙ୍କୁ ମଥୁରାକୁ ଡକାଇଛି ?କିଛି ଖରାପ ଉଦ୍ଦେଶ୍ୟ ନାହିଁତ କଂସର ?।ଏହି ସମୟରେ ନନ୍ଦ , ଯଶୋଦାଙ୍କ ନିକଟରେ ଆସି କହିଲେ "କଂସ ମୋତେ ଡକାଇଛି ଏଣୁ ମୁଁ ମଥୁରାକୁ ଯାଉଛି ।

ଯଶୋଦା କୋଳରେ କହ୍ନେଇ ଙ୍କୁ ଧରି ଥିଲେ ।ଯଶୋଦାଙ୍କ କୋଳରୁ କୃଷ୍ଣଙ୍କୁ ନେଇ ନନ୍ଦ କୋଳରେ ଧରିଲେ।ଶ୍ରୀକୃଷ୍ଣ ଙ୍କ ଦେହରେ କୁଙ୍କୁମ ,କସ୍ତୁରୀ ଯାହା ଥିଲା ନନ୍ଦ ଶ୍ରୀକୃଷ୍ଣଙ୍କୁ କୋଳ ରେ ଧରିବା ସଙ୍ଗେ ସଙ୍ଗେ ସେସବୁ ନନ୍ଦଙ୍କ ମୁହଁରେ ଲାଗି ଗଲା ।ଯଶୋଦା ଦେଖିଲେ ନନ୍ଦ ଙ୍କ ମସ୍ତକରେ କୁଂକୁମ ,ଖୁସି ହୋଇ ଯଶୋଦା କହିଲେ ହେ ନାଥ !ଏହା ତୁମ ଯିବାର ଅନୁକୂଳ ହୋଇଗଲା ।ତୁମେ ମଥୁରା କୁ ଯାଇ ଦେଖ ,କଂସ ରାଜା ତୁମକୁ ପ୍ରଶଂସା କରିବେ ।ତାଙ୍କ ଠାରୁ ତୁମେ ଯଶ ପାଇବ ନିଶ୍ଚିତ ।

ଗୋପପୁର ରେ ଥିବା ଏକ କୋଟି ନବେ ଲକ୍ଷ ଗୋପାଳମାନଙ୍କ ସହିତ ଦୁଧ ,ଦହି ନେଇ ନନ୍ଦ କଂସାସୁର କୁ ଭେଟିବା ପାଇଁ ମଥୁରା ନଗର ଅଭିମୁଖେ ...

କ୍ରମଶଃ...............................

ହରିବଂଶ ( ଭାଗ -୪୩)

ହରିବଂଶ ( ଭାଗ -୪୩)