ଶ୍ରୀଯୁକ୍ତ ଦୁଷ୍ମନ୍ତ କୁମାର ମିଶ୍ର

ହେ ବିଶ୍ୱ- ମଙ୍ଗଳ-କାରକ !ହେ ବିଭୋ!,ହେ ଜଗଦୀଶ ! ହେ ନନ୍ଦନନ୍ଦନ !ହେ ନୃସିଂହ !ହେ ନରେନ୍ଦ୍ର !ହେ ମୁକ୍ତି ଦାୟକ !ହେ ମୁକୁନ୍ଦ !ହେ ମୁରାରେ !ହେ ଶ୍ରୀପତେ ମୋର ଅଶେଷ ଦୁଃଖର ଶାନ୍ତି ବିଧାନ କର ।ହେ ପ୍ରଭୁ ! ଆପଣଂକ ନାମ ଓ ଗୁଣ ପ୍ରଚାର ଓ ପ୍ରସାର କରିବାରେ ଯଦି କୌଣସିଠାରେ ତ୍ରୁଟି ରହି ଯାଉ ଥାଏ ତେବେ ଏ ଅଧମକୁ କ୍ଷମା କରିବା ହେବେ।।ଜୟ ଶ୍ରୀହରି ।।🌹🌹

#ନନ୍ଦରାଜାର_ଦେବାର୍ଚ୍ଚନ_ଓ_ରାଧିକାଙ୍କର_ନଟୁଚୋରୀ

****************************************

ରାଜାପରୀକ୍ଷିତ ଶୁକମୁନିଙ୍କୁକହିଲେ ;ଭୋ ଦେବ!ଆପଣମୋତେ ଶ୍ରୀକୃଷ୍ଣଙ୍କ କଥା ଶୁଣାଇ ଆସୁଛନ୍ତି ।ଯାମଳା ଅସୁରମୃତ୍ୟୁ ପରେ ଗୋପପୁରରେଭଗବାନଶ୍ରୀକୃଷ୍ଣ ଆଉକଅଣକାଣ୍ଡ ଘଟାଉ ଥିଲେ ସେ ବିଷୟରେ ମୋତେ ବିସ୍ତାର କରି କୁହନ୍ତୁ ?।ପରୀକ୍ଷିତଙ୍କ କଥାଶୁଣି ଶୁକମୁନି କହିଲେ ହେ ରାଜନ !ଏବେ ଯାହା ସବୁ ମୁଁ କହିବି ତାହା ଗୋପପୁର କାହାଣୀ ।ତୁମେ ଏହି ହରି କଥା ଶୁଣ ।ଶୁକମୁନି କହିଲେ ............................................!!!!!!!!!!

ମଥୁରା ନରେଶ କଂସ ନନ୍ଦକୁ ଗୋପପୁରର ରାଜା କଲା ।ଯେଉଁ ଦିନ ଠାରୁ ନନ୍ଦ ରାଜ ଗାଦିରେ ବସିଲା ,ସେଇ ଦିନ ଠାରୁ ସମସ୍ତ ଗୋପାଳ ମାନଙ୍କୁ ଧରି ନନ୍ଦ ଅତି ଆରାମରେ ଦିନ କାଟୁଥାଏ । କଂସ ରାଜା ପାଇଁ ପ୍ରତ୍ୟେକ ଦିନ ଲକ୍ଷେ ଭାର ଦଧି ,ଦୁଧ ପଠାଇ ଦେଲା ପରେ ନନ୍ଦର ଆଉ କୌଣସି ଚିନ୍ତା ନଥାଏ ।କ୍ରମେ କ୍ରମେ ନନ୍ଦର ଖ୍ୟାତି ,ଧନ ସମ୍ପତ୍ତି ବଢ଼ିବାରେ ଲାଗିଲା । ନନ୍ଦ ଜାତିରେ ଗଉଡ଼ ହେଲେବି ପ୍ରତିଦିନ ଠାକୁର ପୂଜାରେ କିଛି ସମୟ କଟାଏ ।ଦେବାର୍ଚ୍ଚନ କରିବା ନନ୍ଦରାଜାଙ୍କର ଏକ ଅଭ୍ୟାସ କହିଲେ ଚଳେ ।ନନ୍ଦ ଙ୍କ ମନ ସାନୁବେଳେ ଶ୍ରୀହରି ଙ୍କ ଚରଣରେ ଥାଏ ।ରାଜା ହେବା ପରେ ନନ୍ଦ ଦେବାର୍ଚ୍ଚନା କାର୍ଯ୍ୟ କୁ ଅଧିକ ସକ୍ରିୟ କଲା ।ନୂତନ ଭାବେ ଏକ ଠାକୁର ଙ୍କ ଘର ନିର୍ମାଣ କରି ସେହି ଘରେ ଅନେକ ଶିଳା ମୂର୍ତ୍ତି ଆଣି ରଖିଲା। ଶିଳାମୂର୍ତ୍ତି ଗୁଡିକୁ ଭଗବାନ ଭାବି ନନ୍ଦ ପ୍ରଦିଦିନଭକ୍ତି ସହକାରେ ପୂଜା ପାଠ କରନ୍ତି ।ଶିଳାମୁର୍ତ୍ତି ଙ୍କ ପାଖରେ ଷଡ଼ରସ ଅମୃତ ଭୋଗ ଲଗାନ୍ତି ।ଏହା ନନ୍ଦ ରାଜାଙ୍କର ନୀତି ପ୍ରଦିଦିନ ର କାର୍ଯ୍ୟ ଥାଏ ।କିଛିଦିନ ଗଲାପରେ କୃଷ୍ଣ ଭଗବାନ ଜାଣିବାକୁ ପାଇଲେ ଯେ ପିତା ନନ୍ଦ ସବୁଦିନ ଶିଳା ମୂର୍ତ୍ତି ପୂଜା କରୁଛନ୍ତି !ପୁନଶ୍ଚ ତାଙ୍କୁ ଠାକୁର ମଣି ଷଡ଼ରସ ଭୋଗ ଲଗାଉଛନ୍ତି !ମନ କଥା ମନରେ ପ୍ରଭୁ ବନମାଳୀ ରଖିଲେ ......। ଦିନକର କଥା ।ମାତା ଯଶୋଦାଙ୍କ କୋଳରେ ଭଗବାନ କୃଷ୍ଣ ଥାଆନ୍ତି ।କିଛି ନାହିଁ ମିଛରେ ମାଆ ଯଶୋଦାଙ୍କକୋଳରେ ଥାଇ ଉଚ୍ଚସ୍ୱରରେ କାନ୍ଦିବାକୁ ଲାଗିଲେ ପ୍ରଭୁ କୃଷ୍ଣ ଭଗବାନ !ପୁତ୍ର କାନ୍ଦିବାର ଦେଖି ଯଶୋଦା ଭାବିଲେ କୃଷ୍ଣଙ୍କୁ ଜନ୍ଦା କି ପିମ୍ପୁଡି କାମୁଡି ଦେଉଛି !ଏହା ଭାବି କୃଷ୍ଣ ଙ୍କ ଦେହ ହାତ ଭଲ କରି ଝାଡ଼ି ଦେଲେ ।ତଥାପି କୃଷ୍ଣ କାନ୍ଦିବାରେ ଲାଗିଲେ ,ପ୍ରଭୁ ଶ୍ରୀକୃଷ୍ଣ ମାତା ଯଶୋଦାଙ୍କ ନିକଟରେ କାନ୍ଦି କାନ୍ଦି ପଚାରିଲେ ,ମାତା ,ମୋର ପିତା ନନ୍ଦ ରାଜା କୁଆଡେ ଯାଇଛନ୍ତି ?କାଇଁ ଏଠାରେ ତାଙ୍କୁ ମୁଁ ଦେଖିବାକୁ ପାଉନି ?।ମାତା ଯଶୋଦା କହିଲେ ପୁଅ ,ତୋର ପିତା ନନ୍ଦ ରାଜା ଏବେ ଠାକୁରଙ୍କ ପୂଜାରେ ଅଛନ୍ତି ।ଆଉ କିଛି ସମୟ ପରେ ଏଠାକୁ ଆସିବେ । ଶ୍ରୀକୃଷ୍ଣ ,କି ଛାଡିବାର ପିଲା ,ମାତା ଯଶୋଦାଙ୍କ ପାଖରେ ଅଳି କରି କହିଲେ "ମାତା ! ମୋହର ପିତା ଯେଉଁଠାରେ ଦେବାର୍ଚ୍ଚନ କରୁଛନ୍ତି ମୋତେ ସେହି ସ୍ଥାନକୁ ନେଇଚାଲ ...। "ମାତାଙ୍କ ମୁହଁ ଚାହିଁଣ କୃଷ୍ଣ ଅଳି କଲେ ପିତାଙ୍କ ଛାମୁକୁ ମୋତେ ନିଅଗୋ ବୋଇଲେ "। ପୁଅର ଅଝଟ ପଣ ଦେଖି ମାତା ଯଶୋଦା କୃଷ୍ଣଙ୍କୁ ସାଥିରେ ଧରି ନନ୍ଦଙ୍କ ନିକଟକୁ ଗଲେ ।ଯଶୋଦା ମାତା ତାଙ୍କୁ ପୂଜାର୍ଚ୍ଚନା ପୀଠ କୁ ନେଉଥିବାର ଜାଣି ନାରାୟଣ ହୃଦୟରେ ଆନନ୍ଦିତ ହେଉଥାଆନ୍ତି ଓ ମନେ ମନେ ବିଚାର କରୁଥାନ୍ତି ,ନନ୍ଦରାଜା ମୋତେ ଚିନ୍ହି ପାରିଲେ ନାହିଁ ?।ମୁଁ ଥାଉ ଥାଉପିତା ମୋର ଶିଳା ମୂର୍ତ୍ତି ପୂଜା କରୁଛନ୍ତି ?।ମୋ ପିତା ନନ୍ଦ ଏଡ଼େ ଅଜ୍ଞାନ ହେବେ ବୋଲି ମୁଁ ଜାଣି ନଥିଲି ?ଏବେ ଜାଣିବି ମୋ ପିତା କେଉଁ ଦେବତାଙ୍କୁ ପୂଜା କରୁଛନ୍ତି ?। ଏମିତି କେତେ କଥା ବ୍ରହ୍ମାଣ୍ଡର ଅଭୟଦାତା ଭାବୁଥାନ୍ତି । ଏମିତି ଭାବୁ ଭାବୁ ,ମାଆଙ୍କ ସହତି ଦୈତାରି ଯାଇଁ ପୂଜାର୍ଚ୍ଚନା ସ୍ଥାନରେ ପହଁଞ୍ଚିଗଲେ।ନନ୍ଦ ରାଜା ସେହି ସମୟରେ ଦେବ ପୂଜା କରୁଥିଲେ ।ଭଗବାନ ଶ୍ରୀକୃଷ୍ଣ ଯେମିତି ଯାଇଁ ନନ୍ଦ ରାଜାଙ୍କ ପୂଜା ପୀଠରେ ପହଞ୍ଚି ଛନ୍ତି ମାଆ ଯଶୋଦାଙ୍କୁ ଖାଇବାକୁ ଅଳି କଲେ ।ଯଶୋଦା ମାତାଙ୍କ ଅଞ୍ଚଳ କୁ ଧରି ଖାଇବାକୁ ଦିଅ ,ଖାଇବାକୁ ଦିଅ ବୋଲି ଜିଦି ଧରିଲେ କୃଷ୍ଣ ଭଗବାନ ।ପୁତ୍ରର ଏହି ଜିଦି ଦେଖି ମାତା ଯଶୋଦା କୃଷ୍ଣ ଙ୍କୁ ବୁଝାଇ ଦେଇ କହିଲେ "ବାବୁରେ ଏହିଠାରେ କିଛି ସମୟ ରହିଥା ,ତୋ ପିତା କିଛି କ୍ଷଣ ପରେ ପୂଜା ସାରି ଆସିଲେ ତାଙ୍କ ସାଙ୍ଗରେ ତୁ ଖାଇବୁ । ଭଗବାନ ଶ୍ରୀକୃଷ୍ଣ ଦେଖିଲେ ନନ୍ଦରାଜା ଆଖିବୁଜି ଜପ କରିବା ରେ ଲାଗିଛନ୍ତି ।ପାଖରେ ଆଉ କେହି ନାହାଁନ୍ତି !ଏକାକୀ ଜପି ଚାଲିଛନ୍ତି ନନ୍ଦ ରାଜା ।ନନ୍ଦ ରାଜାଙ୍କର ଆଖିବୁଜି ଜପିବା ଦେଖି ଶ୍ରୀକୃଷ୍ଣ ମାତା ଯଶୋଦାଙ୍କୁ କହିଲେ "ମୋ ବାପାଙ୍କ ଆଖିକୁ ବଡ଼ ନିଦ୍ରା ଘାରିଛି ?।ସବୁବେଳେ ଭାର ଧରି ଦିନ ସାରା ବୁଲୁଛନ୍ତି ।ଶୋଇବାକୁ ସମୟ ପାଉ ନାହାଁନ୍ତି ?।ନିରୋଳା ସ୍ଥାନ ଦେଖି ଏକାକୀ ଢୋଳାଉ ଛନ୍ତି !।ପୁତ୍ର କୃଷ୍ଣଙ୍କ କଥା ଶୁଣି ଯଶୋଦା କଅଣ କହିବେ ?ଖାଲି ପୁତ୍ରକୁ କହିଲେ "ମୋ କଥା ଭଲଭାବେ ପୁତ୍ର ! ନନ୍ଦ ରାଜା କେଭେବି ଢୋଳାଉ ନଥିବେ ?ସେ କେବଳ ଜପ କରୁଛନ୍ତି ?।।ମାଆ ଯଶୋଦାଙ୍କ କଥାକୁ ବିଶ୍ୱାସ କଲେ ନାହିଁ କୃଷ୍ଣ ଭଗବାନ !ପୁନଶ୍ଚ କହିଲେ ମାତେ ....ପିତାଙ୍କ ପାଇଁ ଆପଣ ଗୋଟିଏ ସୁଖାସନ ଟିଏ ବ୍ୟବସ୍ଥା କରନ୍ତୁ ?ମୋ ପିତା ସେଠାରେ ଆଉ ନ ଢୋଲାଇ ଶୁଖରେ ଶୁଅନ୍ତୁ ?।ପିତାଙ୍କ ଆଖି ରେ ବହୁତ ନିଦ ଘାରି କି ଅଛି ?। ଯଶୋଦା କହିଲେ "ପୁତ୍ର ମୋର ! ତୁ ,ତୋ ପାଟିରେ ଏମନ୍ତ କଥା ଆଉ ଧରିବୁ ନାହିଁ ?। ଦେବତାମାନଙ୍କୁ କେବେ ନିନ୍ଦା କର ନାହିଁ ?।ତୁ ଶୀଘ୍ର ଯାଇ ଦେବତା ମାନଙ୍କୁ ନମସ୍କାର କର କାରଣ ସେହି ଚକ୍ରଧର ତୋତେ ମହାସୁଖରେ ରଖିବେ ?ମାତାଙ୍କ କଥା ଶୁଣି କୃଷ୍ଣ ଭଗବାନ କହିଲେ ମାତା କେଉଁ ସ୍ଥାନରେ ତୁମର ସେ ଶଙ୍ଖ ,ଚକ୍ର ଗଦା ଧାରୀ ଅଛନ୍ତି ମୋତେ ଦେଖାଇଲେ ? "ମାତାଙ୍କୁ ଚାହିଁ ବୋଲନ୍ତି ପ୍ରଭୁ ନରହରି କେଉଁ ସ୍ଥାନରେ ଅଛନ୍ତି ଶଙ୍ଖଚକ୍ର ଧାରୀ "। ପୁଅର ଏପରି କଥାଶୁଣି ମାତା ଯଶୋଦା କହିଲେ ପୁତ୍ର ଏହି ଖଟୁଲିରେ ପରଂବ୍ରହ୍ମ ମୂର୍ତ୍ତି ରୂପରେ ପ୍ରଭୁ ଚକ୍ରଧର ବିଜେ କରି ଛନ୍ତି।ଗୋବିନ୍ଦ କହିଲେ ମାତା ଏହି ଖଟୁଳିରେ ଦିଅଁ କାଇଁ ?ଖାଲି ପଥର ମୂର୍ତ୍ତୀ ଗୁଡାକ ଅଛି ଯାହାକୁ ମୋ ପିତା ବସି ପୂଜା କରୁ ଛନ୍ତି ?।ମାତା ,ପିତାଙ୍କୁ କହିବୁ ଏ ପଥର ଶିଳା କୁ ଆଉ ପୂଜା କରିବେ ନାହିଁ ? "ଗୋବିନ୍ଦ ବୋଇଲେ ମାତାଦିଅକାହିଁ ଅଛି ପଥର ଗୁଡାଏ ପିତା ବସି ପୁଜୁଅଛି "। ପୁତ୍ର ଶ୍ରୀକୃଷ୍ଣଙ୍କ କଥାଶୁଣି ନନ୍ଦ ରାଜାଙ୍କର ଧ୍ୟାନ ଭାଙ୍ଗିଗଲା।ସେ ଅତିଶୟ ରାଗି ଯାଇ କହିଲେ "ବାଇଆ ପୁତ୍ରକୁ ଏଠାକୁ କିଏସେ ଆଣିଲା ?।ଦେଖିଲେ ଯଶୋମତି ଠିଆ ହୋଇଛନ୍ତି ।ପୁତ୍ରକୁ ବାଇଆ କହିଦେଲି ବୋଲି ଯଶୋଦା ଶୁଣି ନାହାଁନ୍ତି ତ ?ଯଶୋଦା ଶୁଣିଲେ କାଳେ ମନ ଖରାପ କରିବେ ସେଥିପାଇଁ ନନ୍ଦ କଥାକୁ ବଦଳାଇ କହିଲେ "ପୁତ୍ର କୃଷ୍ଣ ତୁ ଏହିଠାରେ ଠାକୁରଙ୍କୁ ପ୍ରଣିପାତ କର ?।ଏ ଦେବତା ମାନେ ତୋତେ ସୁଖ ରେ ରଖିବେ ?।ପିତାଙ୍କ କଥା ଶୁଣି ପ୍ରଭୁ ଶ୍ରୀହରି କହିଲେ କାଇଁ ମୁଁ କାହାକୁ ତ ଏଠାରେ ଦେଖୁନାହିଁ ? ,କିଏ ମୋତେ ରଖିବ ଯେ ମୁଁ କାଇଁ ଜାଣି ପାରୁନାହିଁ ?।ପିତା କାହାକୁ ମୁଁ ପ୍ରଣାମ କରିବି ? ଯଦି ଏ ପଥର ଗୁଡିକ ମୋତେ କଥା ନ କୁହନ୍ତି ତେବେ କେଉଁଠାରେ ଦେବତା ଅଛନ୍ତି ବୋଲି ମୁଁ ଜାଣିବି ?।ପିତାଶ୍ରୀ ଆପଣ ଯେଉଁ ପଥର କୁ ଦେବତା ଭାବେପୂଜା କରୁଛନ୍ତି ସେହି ଦେବତାଙ୍କ ନାମ କଅଣ ମୋତେ କହି ପାରିବେକି ?।ପିତା ନନ୍ଦ ରାଜା କହିଲେ ହଁ ପୁତ୍ର ମୁଁ କହିପାରିବି । ନନ୍ଦ ଗୋଟିଏ ଶିଳା କୁ ଧରି କହିଲେ ପୁତ୍ର ଏ ଶିଳା ରୁପୀ ମୂର୍ତ୍ତୀ ହେଉଛନ୍ତି ଜନାର୍ଦ୍ଦନ ।ଆର ଶିଳା କୁ ଦେଖାଇ କହିଲେ ପୁତ୍ର ଏ ହେଉଛନ୍ତି ଦାମୋଦର । ଲକ୍ଷ୍ମୀନାରାୟଣ ,ଗୋବର୍ଦ୍ଧନ ,ଗିରିଧାରୀ ,ନରସିଂହ ,ଏମିତି ଶିଳା ରୁପୀ ମୂର୍ତ୍ତୀ ଙ୍କୁ ନାମ ନନ୍ଦ ପ୍ରଭୁ ଶ୍ରୀକୃଷ୍ଣ ଙ୍କୁ ଦଖାଇ ତାଙ୍କ ନାମ କହି ଚାଲିଲେ ..।ଶ୍ରୀକୃଷ୍ଣ ଭଗବାନ ନନ୍ଦ ଙ୍କର କଥା ଶୁଣି ଖୁବ ଯୋରରେ ହସି ଉଠିଲେ ଓ କହିଲେ ପିତା ଏମାନଙ୍କୁ କାହିଁକି ଆପଣ ପୂଜା କରୁଛନ୍ତି ? ଏତେ ବଡ଼ ରାଜା ହୋଇ ଆପଣ ବୁଝି ପାରୁ ନାହାଁନ୍ତି କେମିତି ?। "ପଥର ଗୁଡାଏ ପିତା ପୁଜୁ କିସ ପାଇଁ ଏହାକୁହିଁ ପୁଜିବାର କିଛି ଫଳ ନାହିଁ "। ପୁଅର ଏମନ୍ତ କଥା ଶୁଣି ନନ୍ଦ ଚିନ୍ତା କଲା ,ମୋ ପୁଅ କହ୍ନେଇ ବାଇଆ ହୋଇଗଲାଣି ବୋଧେ ,ନହେଲେ ଏମିତି ଅଜ୍ଞାନ କଥା କାହିଁକି କହୁଥାନ୍ତା ?।ଦେବତାଙ୍କୁ ବି ଉପହାସ କରୁଛି ସାମାନ୍ୟ ଏ ଛୋଟ ପିଲା ?।କୋଳକୁ ନେଇ ପୁତ୍ର କୁ ବୁଝାଇଲେ ନନ୍ଦ.. ପୁତ୍ର ମୋର ତୁ ଦେବତା ମାନଙ୍କୁ ଉପହାସ କରନାହିଁ ?ସେମାନେ କୋପ କରିବେ ?ଯାହା କହିଲୁ ,କହିଲୁ ,ଏବେ ତାଙ୍କ ପାଦ ତଳେ ପ୍ରଣିପାତ କରି କ୍ଷମା ମାଗିନେ !ପ୍ରଭୁ ଚକ୍ରଧର ତୋତେ ରକ୍ଷା କରିବେ ।ଏହି ପ୍ରଭୁ ଚକ୍ରଧର ତୋତେ ଶୟନେ କାଳରେ ବି ରକ୍ଷା କରିବେ ।ପୁତ୍ର ମନରୁ ସେ ସମସ୍ତ କଥା ଭୁଲି ଯାଇ ଦେବତା ମାନଙ୍କ ଠାରୁ କ୍ଷମା ମାଗି ନେଏ .... ନନ୍ଦ ଓ ଯଶୋଦା ଦେବତାଙ୍କ ପାଦତଳେ ପ୍ରଣତି ଜଣାଇ କହିଲେ ହେ ପ୍ରଭୁ !ମୋ ପୁତ୍ର ବାଳୁତ !କିଛି ଜାଣିନାହିଁ !,ଏହାକୁ କ୍ଷମା କରିଦେବେ ।ପ୍ରଭୁ ନରହରି ଏହା ଉପରେ କୃପା କର ।ଏହା କହି ପତି ପତ୍ନୀ ଉଭୟ ବାରମ୍ବାର ଶିଳାରୂପୀ ଦେବତାଙ୍କ ପାଦତଳେ ପ୍ରଣିପାତ କରୁଥାନ୍ତି ।ପିତାମାତାଙ୍କର ଏପରି ଆକୁଳ ନିବେଦନ ଦେଖି ଶ୍ରୀକୃଷ୍ଣ ଭଗବାନ ହସିଲେ ଓ କହିଲେ ଭୋ ପିତା ତୁମେ କାହାକୁ ପ୍ରଣିପାତ କରୁଛ ?ନନ୍ଦ କହିଲେ ଆମେ ପ୍ରଭୁ ଚକ୍ରହସ୍ତ ଙ୍କୁ ପ୍ରଣାମ କରୁଛୁ ?।ଏହାଙ୍କୁ ସେବିଲେ ବହୁକାଳ ପର୍ଯ୍ୟନ୍ତ ବଞ୍ଚି ପାରିବୁ ଧନ ।ତେଣୁ ତୁ ଏହାଙ୍କ ସେବା କର ?।ସେବା କଲେ ସବୁ ପାପ କ୍ଷୟ ହୋଇଯାଏ ।ପିତାଙ୍କର ଏମନ୍ତ କଥା ଶୁଣି ପୁନଶ୍ଚ ହସିଲେ ପ୍ରଭୁ କୃଷ୍ଣ ଭଗବାନ । କୃଷ୍ଣ ଭଗବାନ ପିତା ନନ୍ଦ ରାଜାଙ୍କୁ କହିଲେ ଆପଣ ଯେଉଁ ଚକ୍ରଧରଙ୍କ କଥା କହୁଛନ୍ତି ତାଙ୍କର ବର୍ଣ୍ଣ କିପରି ?ସେ ଦେଖିବାକୁ କିପରି ?ତାଙ୍କର ଆଉ ସବୁ କଅଣ କଅଣ ଚିହ୍ନ ଅଛି ମୋତେ କୁହନ୍ତୁ ?ହେ ମୋର ପିତା ଓ ମାତା ତୁମେ ତାଙ୍କର ମୂର୍ତ୍ତୀ କୁ କେବେ ଦେଖିଛକି ?।ସେ କେଉଁଠାରେ ଓ କେଉଁ ଭୁବନରେ ଅଛନ୍ତି ଜାଣିଛକି ?।ପୁତ୍ର ଠାରୁ ଏହି ପ୍ରଶ୍ନ ଶୁଣି ନନ୍ଦ ଓ ଯଶୋଦା କହିଲେ ,ଏହା ଆମ ଗୋଚରରେ ନାହିଁ ?।ତୁ ଏତେ ଛୋଟ ପିଲାଟିଏ ହୋଇ ଆମକୁ ଏତେ ପ୍ରଶ୍ନ କଅଣ ପଚାରୁଛୁ ?।ସାଂସାରିକ ମତରେ ଆମେ ଚକ୍ରଧର ଙ୍କୁ ପୂଜା କରୁଛୁ । ଗୋବିନ୍ଦ କହିଲେ ପିତା ସେ ହରି କେଉଁଠି ଅଛି ତାହା ତୁମେ ଜାଣି ପାରୁନା ।ଥରେ ଭକ୍ତି ମନରେ ହରି ବୋଲି ଡାକନ୍ତୁ ଆପଣ ନିଶ୍ଚିତ ଚକ୍ରଧାରୀ ଙ୍କୁ ଦେଖିବେ ?ତୁମ ଆଗରେ ପ୍ରତ୍ୟକ୍ଷ ଭାବେ ଚକ୍ରଧର ଠିଆ ହୋଇଛନ୍ତି ।ଭୋ ପିତା ଓ ମାତା ଆପଣ ଏହାଙ୍କୁ ପୂଜା କରନ୍ତୁ ।ପଥରକୁ ନୁହେଁ ?।ପୁତ୍ର କୃଷ୍ଣ ର କଥାଶୁଣି ନନ୍ଦ କହିଲେ ସେ ଚକ୍ରଧର କେଉଁଠାରେ ଅଛନ୍ତି ମୋତେ କହ ଓ ତାଙ୍କ ସଙ୍ଗରେ ମୋର ଭେଟ କରାଇଦେ ?ଦେଖିବା ତୁ ମୋର କେତେ ସତୁଆ ପୁଅ ହୋଇଛୁ ?ପିତାଙ୍କ ବଚନ ଶୁଣି କୃଷ୍ଣ ଭଗବାନ କହିଲେ ମୁଁ ଯେମିତି ହେଉ ଆପଣଂକୁ ଚକ୍ରଧର ଙ୍କ ସହିତ ଭେଟ କରାଇ ଦେବି ?ଏହା ନିଶ୍ଚିତ !।ତୁମେ ଯାହାକୁ ଭକ୍ତି କରୁଛ ସେ ତୁମକୁ ଅଜୟ ବ୍ରହ୍ମପଦ ଦେଇପାରିବେ କି ?ନନ୍ଦ ପୁଅର କଥା ଶୁଣି କହିଲେ ସେହି ହୃଷୀକେଶ କାହାନ୍ତି ?ତାଙ୍କୁ ଦର୍ଶନ କଲେ ସବୁ ପାପ ଧ୍ୱଂସ ହୋଇଯିବ ....କହ ପୁତ୍ର କହ ତାଙ୍କୁ ଆମେ ପାଇବୁ କେମିତି ... ଗୋବିନ୍ଦ ,ବନମାଳୀ ,କୃଷ୍ଣ ଭଗବାନ କହିଲେ ହେ ମୋର ପିତା ଓ ମାତା ତୁମେ ଦୁଇଜଣ ମୋ କଥାକୁ ଶୁଣ !ମୋ ମଥାରେ ଦୁବ ଅକ୍ଷତ , ଧୁପ ,ଦୀପ ଦେଇ ଦୁଇ ହାତ ଟେକି ଭକ୍ତିରେ ପୂଜା କର ।ମୋତେପୂଜା କଲେ ମୁଁ ତୁମକୁ ବହୁତ ଫଳ ଦେବା ସହିତ ବୈକୁଣ୍ଠ ପୁରରେ ନେଇ ବସାଇ ଦେବି ।ତୁମେ ଯାହା ମାଗିବ ମୁଁ ତାହା ତୁମ ଦୁଇଜଣଙ୍କୁ ଦେବି ଏହା ନିଶ୍ଚିତ କଥା ।ମୁଁ ସେଇ ପରଂବ୍ରହ୍ମ ଅନନ୍ତ ଅଟେ । "ଯାହା ମାଗିବ ତାହା ମୁଁ ଦେବଇଁ ନିଶ୍ଚିତ ମୁହିଁ ସେହି ପରଂବ୍ରହ୍ମ ଅଟଇ ଅନନ୍ତ "। ହେ ମୋର ପିତାମାତା ତୁମେ ଜାଣିରଖ ମୁ ,ହିଁ ପ୍ରତ୍ୟକ୍ଷ ରେ ତୁମର ଆରାଧ୍ୟ ଦେବତା ଚକ୍ରଧର ,ମୋତେ ତୁମେ ପୂଜାକର ।ମୋତେ ତୁମେ ପୂଜାକଲେ ମୁଁ ତୁମକୁ ବ୍ରହ୍ମପଦ ଦେବି ।ସବୁ ଜନ୍ମରେ ତୁମେ ମୋର ପିତୃପଦ ଲାଭ କରିବ ।ମୋତେ ସେବା ନକରି ଅନ୍ୟକୁ କାହିଁକି ସେବାକରୁଛ ?ମୁଁ କଅଣ ତୁମକୁ ବୈକୁଣ୍ଠ ପୁରକୁ ନେଇ ପାରିବିନି ?।ପ୍ରଭୁ ଜନାର୍ଦ୍ଦନ ଏସବୁ କଥା ନନ୍ଦ ଓ ଯଶୋଦାଙ୍କୁ କହିବାରୁ ଉଭୟଙ୍କର ଚୈତନ୍ୟ ଉଡ଼ିଗଲା ।ପୁଅର ଏହି ଜ୍ଞାନ ଶୁଣି ନନ୍ଦ କହିଲା "ଏ ପୁତ୍ର ସତରେ କଅଣ ବଞ୍ଚିବ ?କାହିଁକି କେଜାଣି ଦେବତା ମାନଙ୍କ ଉପରେ ଏମିତି ଖେଳ ଖେଳୁଥିଲା ।ପୁଅ ବାଇଆ ହୋଇଗଲା ବୋଲି ନନ୍ଦରାଜା କାନ୍ଦିବାରେ ଲାଗିଲେ ।ଯଶୋଦା ପୁଅ କୁ ନେଇ କୋଳରେ ଧରି ଥୁ ,ଥୁ ,କରି କୃଷ୍ଣ ଙ୍କ ଶରୀର ରେ ଛେପ ପକାଇଲେ କାରଣ ଯଶୋଦା ଭାବିଲେ ପୁଅକୁ କାଳେ କୌଣସି ଭୂତ କି ପ୍ରେତ ଲାଗିଥିବ !ଛୋଟ ଛୁଆ କିଛି ଜାଣି ନପାରି ଏୟାଡୁ ସିୟାଡୁ କଅଣ ଗୁଡାଏ କହିଯାଉଛି । ନନ୍ଦ ମନ ଦୁଃଖରେ ବସି ଭାବିଲେ ସାତଶହ ପଚାଶବର୍ଷ ପରେ ମୋର ପୁଅଟିଏ ହେଲା ।ଏହି ପୁଅକୁ ଦେଖି ମୋ ମନରୁ ଦୁଃଖ ଲିଭି ଯାଇଥିଲା ।ଏବେ ମୁଁ ସ୍ପଷ୍ଟ ଦେଖିବାକୁ ପାଉଛି ଏହି ପୁତ୍ରର ଆୟୁଷ କ୍ଷୟ ହେବାକୁ ଯାଉଛି ।କାହାକୁ କହିବି ?କି ଉପାୟ କରିବି ?।ମୋର ଏ ପୁତ୍ରକୁ କିଏ ବଞ୍ଚାଇଦେଵ ?।ହେ ଗୋବିନ୍ଦ ମୋ ପୁତ୍ର କେମିତି ବଞ୍ଚିବ !ଦଇବ ଯୋଉଠି ମନ୍ଦ ହେଲା ସେଠି ଆଉ ଏ ପୁତ୍ର କଅଣ ବଞ୍ଚିବ ?। ନନ୍ଦ ଯଶୋଦାଙ୍କୁ ଡାକି କହିଲେ ସତରେ କଅଣ ଯଶୋଦା ଆମ ପୁଅ ଆମ ଘରେ ବଞ୍ଚି ରହିବ।ମୋତେ କାଇଁ ବିଶ୍ୱାସ ହେଉନି !।ହେ ଯଶୋମତି ମୋ ଘର ଆଜିଠାରୁ ସରିଗଲା ବୋଲି ଜାଣିଥାଅ ।ଏମିତି ମନଦୁଃଖ ରେ ନନ୍ଦ ବିଳାପ କରୁଥାନ୍ତି । କ୍ରମଶଃ ......................

ହରିବଂଶ ( ଭାଗ -୪୯)

ହରିବଂଶ ( ଭାଗ -୪୯)