ଶ୍ରୀଯୁକ୍ତ ଦୁଷ୍ମନ୍ତ କୁମାର ମିଶ୍ର

ହେ ନାରାୟଣ!ଆପଣ ବିଷ୍ଣୁ(ସର୍ବବ୍ୟାପୀ),ଆପଣ ବିଷ୍ଣୁ(ଜୟ ଶୀଳ) ଶଙ୍ଖପାଣି ,ଚକ୍ରଧର ,ରୁକ୍ମଣୀଙ୍କ ପ୍ରତି ଅନୁରାଗୀ , ଜାନକୀଙ୍କର ପତି ,ଗୋପୀମାଙ୍କର ବଲ୍ଲଭ ,ସର୍ଵଜନ ପୂଜିତ, ଆତ୍ମସ୍ୱରୂପ ,କଂସ ନିହାନ୍ତା ଓ ବଂଶୀଧାରୀ ଅଟନ୍ତି।ଆପଣଂକୁ ନମସ୍କାର ।ହେ ପ୍ରଭୁ!ଆପଣଙ୍କ ନାମ ,ଗୁଣ ପ୍ରସାର ଓ ପ୍ରଚାର କରିବାରେ ଯଦି କୌଣସି ଠାରେ ତ୍ରୁଟି ରହିଯାଇଥାଏ ତେବେ ଏ ଅଧମକୁ କ୍ଷମା କରିବା ହେବେ ।ଜୟ ଶ୍ରୀହରି।🌹🌹

କୃଷ୍ଣ ଭଗବାନ ବତ୍ସା ମାନଙ୍କୁ ଧରି ଯମୁନା କୂଳରେ ପହଁଞ୍ଚିଲେ ।ସାଥିରେ ପ୍ରଭୁ ଶଙ୍କର୍ଷଣ ଓ ସମସ୍ତ ଗୋପ ବାଳକ ମାନେ ଥାଆନ୍ତି । ବତ୍ସା ମାନଙ୍କୁ ଚରିବା ପାଇଁ ଛାଡିଦେଇ ନନ୍ଦ କୁମର କଦମ୍ବ ଗଛ ମୂଳରେ ବସିଲେ ।ଗୋପାଳ ପୁଅମାନଙ୍କୁ ଡାକିଲେ ପ୍ରଭୁ କୃଷ୍ଣ ଭଗବାନ ଓ କହିଲେ "ଯମୁନା ନଦୀରେ ବହୁତ ସୋଲ ଗଛ ଦେଖାଯାଉଛି ?ତୁମେମାନେ ଯାଇ ସେହି ସୋଲ କୁ ଆଣି ମୋ ନିକଟକୁ ଆସ "।

ଶ୍ରୀକୃଷ୍ଣଙ୍କ ଆଦେଶ ପାଇ ଗୋପାଳ ପୁଅମାନେ ସୋଲ ଧରି ଆସିଲେ ।ଭଗବାନ କୃଷ୍ଣ ସୋଲ କୁ ଗୁନ୍ଥି ସେଥିରେ ମାଳ ତିଆରିକଲେ ଓ ମାଳ କୁ ନେଇ ନିଜ ଗଳା ରେ ପକାଇଲେ ।ଗୋଟିଏ ସୋଲ ଫୁଲକୁ ପ୍ରଭୁ କପାଳରେ ଓ ଆଉ ଦୁଇଟି ଫୁଲକୁ ନେଇ କାନରେ ଖୋସି ଦେଲେ ।ଶ୍ରୀକୃଷ୍ଣଙ୍କ କଳା ଦେହକୁ ସୋଲ ଫୁଲ ଖୁବ ସୁନ୍ଦର ଦେଖାଗଲା ।ସୋଲ ଫୁଲରେ ସଜାଇ ହୋଇ କୃଷ୍ଣ ଭଗବାନ ଯମୁନା ନଦୀ କୂଳରେ ଥିବା କଦମ୍ବ ଗଛ ତଳେ ଠିଆ ହେଲେ ।ନିଜେ ଭଗବାନ ଶ୍ରୀକୃଷ୍ଣ ଗୋପାଳ ପୁଅମାନଙ୍କୁ କହିଲେ ଦେଖ ମୁଁ କେତେ ସୁନ୍ଦର ଦେଖାଯାଉଛି ? ଗୋପାଳ ପୁଅ ମାନେ ଏକ ସ୍ୱରରେ କହିଲେ କହ୍ନେଇ ଆଜି ତୁମେ ବହୁତ ସୁନ୍ଦର ଦେଖା ଯାଉଛ ।ଗୋପାଳ ପୁଅମାନେ ଭଗବାନ ଶ୍ରୀକୃଷ୍ଣ କହିଲେ ଆପଣ ଏହିବେଶରେ ଥରେ ନୃତ୍ୟ କରନ୍ତୁ ?ଆମେ ସେହି ନୃତ୍ୟ କୁ ଆଖିରେ ଦେଖିବୁ ?।ଗୋବିନ୍ଦ କହିଲେ ତୁମେମାନେ ସମସ୍ତେ ତାଳି ବଜାଅ ,ମୁଁ ନାଚ ଆରମ୍ଭ କରୁଛି ?।

ସମସ୍ତ ଗୋପାଳ ବାଳକ ତାଳିମାରି ଆନନ୍ଦରେ କୃଷ୍ଣ ,କୃଷ୍ଣ ଜୟ

ଜୟ କରି ଆନନ୍ଦିତ ହେଉଥିଲେ ।ଏହି ସମୟରେ ଗୋବିନ୍ଦ ଖେମଟା ଗୀତ ଗାଇଲେ ।ଖେମଟା ଗୀତର ତାଳେ ତାଳେ ଗୋବିନ୍ଦ ନାଚ କରିବାରେ ଲାଗିଲେ ।ଗୋପାଳ ପୁଅମାନଙ୍କ ଭଗବାନ ବଳରାମଙ୍କୁ ଅନୁରୋଧ କଲେ ଶ୍ରୀକୃଷ୍ଣଙ୍କ ସହିତ ନାଚିବା ପାଇଁ ।ବଳରାମ ଆସିଲେ ।କୃଷ୍ଣଙ୍କ ସହିତ ନାଚ ଆରମ୍ଭ କରିଦେଲେ । ରାମ ଓ କୃଷ୍ଣଙ୍କର ନାଚରେ ବ୍ରହ୍ମାଣ୍ଡ ମଣ୍ଡଳ ଶୋଭା ପାଇଲା ।ଗୋପାଳ ପୁଅମାନେ ରାମକୃଷ୍ଣ ଙ୍କର ନୃତ୍ୟ ଦେଖି ନିସ୍ତରିଲୁ ନିସ୍ତରିଲୁ ବୋଲି କହି ଚାଲିଲେ ....।

ନାଚ ସରିଗଲା ।ବଳରାମ ଙ୍କୁ ପ୍ରଭୁ ଜନାର୍ଦ୍ଦନ କହିଲେ ଭାଇ ଭୋକ ଲାଗିଲାଣି ?ମାତା ଯଶୋଦା ଦେଇଥିବା ଅଧାମ ଓ ଲୁଚି ବାହାର କର ଖାଇବା ।ବଳରାମ ବୁଜୁଳି ଖୋଲିଦେଲେ ।କୃଷ୍ଣଙ୍କ ପାଖକୁ ଖାଇବା ନେଇଗଲେ ।କୃଷ୍ଣ ଭଗବାନ ,ଭାଇ ବଳରାମଙ୍କ କହିଲେ ସମସ୍ତ ଗୋପାଳ ପୁଅମାନଙ୍କୁ ଡାକନ୍ତୁ ଆମେ ମିଶିକରି ଭୋଜନ କରିବ ?।

ସେଦିନ ଥାଏ ବୈଶାଖ ମାସ ଶୁଳ୍କପକ୍ଷ ତୃତୀୟା ,ମୂଳା ନକ୍ଷେତ୍ର

କଦମ୍ବ ମୂଳରେ ପ୍ରଭୁ ଭଗବାନ ରାମ କୃଷ୍ଣ ଙ୍କ ସହିତ ,ଗୋପାଳ ବାଳକ ଏକତ୍ର ବସି ଭୋଜନ କଲେ।କୃଷ୍ଣ ଭଗବାନ ଘରୁ ଆଣିଥିବା ଖାଦ୍ୟକୁ ଗୋପାଳ ପୁଅ ମାନଙ୍କୁ ଖଣ୍ଡେ ଖଣ୍ଡେ ବାଣ୍ଟି କରି ଦେଲେ ।ତାଙ୍କ ପାଇଁ ଆଉ କିଛି ଖାଦ୍ୟ ରହିଲା ନାହିଁ ?।ଖାଦ୍ୟ ନିଅଁଣ୍ଟ ପଡିବା ରୁ କୃଷ୍ଣ ସମସ୍ତଙ୍କୁ କହିଲେ ଚାଲ ଆମେ ବଣଭୋଜି କରିବା।ବଳରାମ ସହିତ ସମସ୍ତ ଗୋପାଳ ପୁଅ ବଣଭୋଜି କରିବାକୁ ବାହାରିଲେ ।

ଆମ୍ବ ଗଛରେ ଆମ୍ବ ପାଚିଥାଏ ।ଯେଉଁ ଆମ୍ବ ଗଛରୁ ପଡିଲା ସେହି ଆମ୍ବ କୁ କୃଷ୍ଣ ଭଗବାନ ଖାଇଲେ ।ଗୋପାଳ ପୁଅ ମାନଙ୍କୁ କୃଷ୍ଣ ଭଗବାନ କହିଲେ ମୋତେ ସୁସ୍ୱାଦୁ ଫଳ ତୁମେ ମାନେ ଦିଅ ?ମୁଁ ସେଇ ସୁସ୍ୱାଦୁ ଫଳ ଖାଇବି ?ଏ ଆମ୍ବ ବହୁତ ଖଟା ,ଏହାକୁ ମୁଁ ଖାଇ ପାରୁନାହିଁ ?।

ଗୋପାଳ ପୁଅ ମାନେ ଚିନ୍ତାରେ ପଡିଗଲେ ?କେଉଁ ଫଳ ସୁସ୍ୱାଦୁ ଜାଣିବେ କେମିତି?ଜଣେ ବାଳକ କହିଲା ଆମେ ଚାଖି କରି ଜାଣି ପାରିବା ।ସବୁ ଗୋପାଳ ପୁଅ ଫଳକୁ ଚାଖିଲେ ଯେଉଁ ଫଳ ସୁସ୍ୱାଦୁ ତାକୁ ଆଣି କୃଷ୍ଣ ଭଗବାନ ଙ୍କୁ ଦେଲେ ।

ଏମନ୍ତ କୁମାର ମାନେ ଥୋକାଏ ଭକ୍ଷନ୍ତି

ଯାହା ମିଷ୍ଟ ଲାଗେ ତାକୁ କୃଷ୍ଣଙ୍କୁ ଦିଅନ୍ତି ।

ଭଗବାନ ଶ୍ରୀକୃଷ୍ଣ ଅତି ଆନନ୍ଦରେ ଆମ୍ବ ଫଳ ସହିତ ଅନ୍ୟ ଫଳ ଭକ୍ଷଣ କରିନ୍ତି ।ଅଇଁଠା ବୋଲି ସେ କେଭେ ମନରେ ଭାବନ୍ତି ନାହିଁ !ଗୋପାଳ ପୁଅମାନେ କୃଷ୍ଣ ଙ୍କୁ ଏତେ ଭଲ ପାଇଗଲେ ଯେ ସେମାନେ ପରସ୍ପର କୁହାକୁହି ହୋଉଥାନ୍ତି ଯେ କୃଷ୍ଣ ଆମ ଜୀବନ ।କୃଷ୍ଣ ଆମ ପ୍ରାଣ ! ଗୋପାଳ ପୁଅମାନେ ଏତେ ଭୋଳ ହୋଇଗଲେ ଯେ ସେମାନେ କୃଷ୍ଣଙ୍କୁ ଅଇଁଠା ଦେଇଛନ୍ତି ବୋଲି ଭୁଲିଗଲେ ! ।କୃଷ୍ଣ ଭଗବାନଙ୍କ ସହ ଗେଲ ରହସ୍ୟ ଚାଲିଲା । ଗୋପାଳ ପୁଅମାନେ ଧନ୍ୟ ।ଧନ୍ୟ ତାଙ୍କର ଜୀବନ ।କେତେ ଜନ୍ମ ସେବା କରି ଯେଉଁ ମୁନି ଋଷି ମାନେ ଭଗବାନଙ୍କୁ ପାଇ ପାରି ନାହାଁନ୍ତି ,ଏହି ଗୋପାଳ ପୁଅ ମାନେ ଭଗବାନ ଙ୍କ ସହିତ ମିଶି ଖେଳୁଛନ୍ତି ।ତାଙ୍କ ଉଛିଷ୍ଠ ବି ଭଗବାନ ଶ୍ରୀକୃଷ୍ଣ ଭକ୍ଷଣ କରୁଛନ୍ତି ?।

ଏହାଠୁ ଭଳି ଭାଗ୍ୟ ଆଉ କଅଣ ଥାଇପାରେ ?।ଗୋପାଳ ପୁଅମାନେ ଖୁସି ,ଭଗବାନ ଶ୍ରୀକୃଷ୍ଣ ମଧ୍ୟ ଖୁସି । ଏହି ପରି ଭାବେ ସେଦିନ କୃଷ୍ଣ ଭଗବାନ ଗୋପାଳ ବାଳକ ମାନଙ୍କୁ ନେଇ ବଣ ଭୋଜି କରିଥିଲେ ।

କ୍ରମଶଃ.................

*ଜୟ ଶ୍ରୀହରି ଶରଣଂ*🌹🌹

ହରିବଂଶ (ଭାଗ -୫୭)

ହରିବଂଶ (ଭାଗ -୫୭)