ଶ୍ରୀଯୁକ୍ତ ଦୁଷ୍ମନ୍ତ କୁମାର ମିଶ୍ର

ଆକାଶ ବାୟୁ ପ୍ରଭୃତି ପଞ୍ଚ ମହାଭୂତ ପ୍ରଧାନ ଏହି ସମଗ୍ର ଜଗତ ଯାହାଙ୍କ ଠାରୁ ଉତ୍ପନ ହୋଇଅଛି ,ଯିଏ ସ୍ଥିତି କାଳରେ ନିଜ ସୁଖାଂଶଦ୍ୱାରା ଏହି ଅସୀମ ଜଗତର ପାଳନକରୁଛନ୍ତି ,ଯିଏ ମଧୁ ନାମକ ଦୈତ୍ୟର ନିହାନ୍ତା ,ପ୍ରଳୟକାଳରେ ଯିଏ ନିଜ ଅଂଶଦ୍ୱାରା ନିଜଠାରେ ଜଗତକୁ ବିଲୀନ କରନ୍ତି ,ସେହି ବିଭୁ ଶରଣ୍ୟ ଲୋକେଶ୍ୱର ଶ୍ରୀକୃଷ୍ଣ ,ମୋର ନେତ୍ର ଗୋଚର ହୁଅନ୍ତୁ।

ହେ ପ୍ରଭୁ!ଆପଣଙ୍କ ନାମ ,ଗୁଣ ପ୍ରଚାର ଓ ପ୍ରସାର କରିବାରେ ଯଦି କିଛି ତ୍ରୁଟି ରହିଯାଇଥିବ ତେବେ ଏ ଅଧମ କୁ କ୍ଷମା କରିବା ହେବେ ।

ଜୟ ଶ୍ରୀହରି।🌹🌹

ରାଜା ପରୀକ୍ଷିତ ଶୁକମୁନିଙ୍କୁ କହିଲେ ଭୋ ଦେଵ!ଶ୍ରୀକୃଷ୍ଣ ଗୋପାଳ ପୁଅ ମାନଙ୍କ ସହିତ ବନଭୋଜି କରୁଥିଲେ ?ବ୍ରହ୍ମା ସେଠାରେ ଉପସ୍ଥିତ ହେଲେ ?କିନ୍ତୁ ବ୍ରହ୍ମା କାହିଁକି ଭଗବାନ ଶ୍ରୀକୃଷ୍ଣ ଙ୍କୁ ଚିହ୍ନି ପାରିଲେ ନାହିଁ ??।ଏହାର କାରଣ କଅଣ ମୋତେ ବିସ୍ତାର କରି କୁହନ୍ତୁ ?।ବ୍ୟାସସୁତ କହିଲେ ହେ ରାଜନ ମୁଁ ଯାହା ଶୁଣିଛି ତାହା ଆପଣଂକ ଆଗରେ କହୁଛି ଶୁଣନ୍ତୁ ?ଶୁକମୁନି କହିଲେ ..........!!!!

ଶ୍ରୀକୃଷ୍ଣ ଭଗବାନ ଗୋପପୁଅ ମାନଙ୍କ ସହିତ ବଣଭୋଜି କରିବା ସମୟରେ ମାୟା ରୂପ ଧରିଥିଲେ।ଯାହାଙ୍କର ମାୟା ଦେବତା ସକଳ ଙ୍କୁ ଜଣା ନାହିଁ ?ପୁନଶ୍ଚ ଚଉଦ ମନୁର ବ୍ରହ୍ମା ଜାଣିବେ କେମିତି ?।ସେ ଯେତେବେଳେ ମାୟା କରିବେ ତାଙ୍କ ମାୟାକୁ କିଏ ବା କିପରି ଜାଣି ପାରିବେ ?।ତେଣୁ ବେଦ ପତି ଚିନ୍ହି ପାରିଲେ ନାହିଁ ?ମନରେ ଭାବିଲେ ଶ୍ରୀକୃଷ୍ଣ ଭଗବାନ ଏଠାରେ ନାହାଁନ୍ତି ?।ବ୍ରହ୍ମା ପୁନଶ୍ଚ ମନେ ମନେ ଭାବିଲେ ଗୋପାଳଙ୍କ ଘରେ ଗୋପ ପୁଅ ଜନ୍ମ ନେଇଛନ୍ତି ।ଗଉଡ଼ ନ୍କ ଉଛିଷ୍ଠ ଭଗବାନ ଶ୍ରୀକୃଷ୍ଣ କାହିଁକି ଭକ୍ଷଣ କରିବେ ?କୃଷ୍ଣ ହେଉଛନ୍ତି ବ୍ରହ୍ମର ମୂର୍ତ୍ତିମନ୍ତ ପୁରୁଷ ସେ କାହିଁକି ଏ ଗୋପାଳ ପୁଅଙ୍କ ସହିତ ଥିବେ ?।ଏମନ୍ତ ବିଚାର କରି ବ୍ରହ୍ମା ଆଉ ସେଠାରେ ବେଶି ସମୟ ନରହି ଚାଲିଗଲେ ।

ଶ୍ରୀକୃଷ୍ଣ ଭଗବାନ କଦମ୍ବ ମୂଳରେ ଥାଇ ଗୋପପୁଅ ମାନଙ୍କୁ କହିଲେ ମୁଁ ଏହି କଦମ୍ବ ମୂଳରେ ଅଛି ।ତମେମାନେ ବତ୍ସା ମାନଙ୍କୁ ଧରି ଏଠାକୁ ଆସ ।ହୃଷୀକେଶ ଙ୍କ ଆଦେଶ ଅନୁଯାୟୀ ସମସ୍ତ ଗୋପପୁଅ ବତ୍ସା ଙ୍କୁ ଧରି କଦମ୍ବ ମୂଳରେ ଏକତ୍ରିତ ହେଲେ।

ଠିକ୍ ଏହି ସମୟରେ ବ୍ରହ୍ମା ଶୂନ୍ୟ ମାର୍ଗରେ ଯାଉଥିଲେ ।ବ୍ରହ୍ମା ଚିନ୍ତାକଲେ ପ୍ରଭୁ ମୋତେ ଦେଖାଦେଲେନି ,ଏହି ଗୋପ ପୁଅ ଓ ତାଙ୍କର ବତ୍ସା ମାନଙ୍କ ପାଇଁ ?ଏମାନଙ୍କୁ ପାଖରେ ରଖିଲେ କୃଷ୍ଣ ଭଗବାନ ନିଶ୍ଚୟ ଦେଖାଦେବେ ?ଏହାଭାବି ନିଜ ମନ୍ତ୍ର ବଳରେ କୋଟିଏ ନବେ ଲକ୍ଷ ଗୋପପୁଅ ଓ ତିନିକୋଟି ବତ୍ସାଙ୍କୁ ବ୍ରହ୍ମା ନିଜ କମଣ୍ଡଳୁ ଭିତରେ ପୁରାଇ ରଖିଲେ ।ବ୍ରହ୍ମା ଗୋପପୁଅ ଓ ବତ୍ସା ମାନଙ୍କୁ ନେଇ ଅନନ୍ତ ସାଗର ଭିତରେ ଲୁଚାଇ ରଖିଲେ।

କୃଷ୍ଣ ଭଗବାନ ଏସବୁ ଦେଖି ହଳଧର ଙ୍କୁ ପାଖକୁ ଡାକିଲେ ଓ

କହିଲେ ଭାଇ !ଗୋପ ପୁଅମାନେ ବତ୍ସା ଆଣିବା ପାଇଁ ଯାଇ ଥିଲେ ତ କୋଉଠି ସେମାନେ ରହିଲେ ? ମୁଁ କାଇଁ ଦେଖିପାରୁ ନାହିଁ ?।ହଳଧର ,,ନାରାୟଣ ଙ୍କୁ କହିଲେ ଆମକୁ ନପାଇ ଓ ଉଛୁର ହେବାରୁ ବତ୍ସା ମାନଙ୍କୁ ନେଇ ଗୋପପୁର କୁ ଯିବେଣୀ ।

ବଳରାମ କହିଲେ ନିଶ୍ଚିତ ଗୋପପୁଅମାନେ ବତ୍ସା ମାନଙ୍କୁ ନେଇ

ଗୋପପୁର କୁ ଗଲେଣି ।ବଳରାମଙ୍କ ଠାରୁ ଏହି କଥାଶୁଣି କୃଷ୍ଣ ଭଗବାନ ହରଷ ହୋଇଗଲେ ଓ କହିଲେ ଭାଇ !ଚାଲ ଆମେ ଘରକୁ ଯିବା ।

ବଳରାମ କହିଲେ କହ୍ନେଇ ଆମର ବହୁତ ଉଛୁର ହେଲାଣି ?

ଏ ଅରଣ୍ୟ ରେ ବାଘ ,ଭାଲୁ ଙ୍କୁ ମୋତେ ଡର ଲାଗୁଛି ?ବେଳ ଅସ୍ତହେବାକୁ ଆଉ ମାତ୍ର ଘଡିଏ ଅଛି ?ଆ କହ୍ନେଇ ଆମେ ଶୀଘ୍ର

ଶୀଘ୍ର ଘରକୁ ଚାଲିଯିବା ।ଏହାକହି ବଳରାମ ,କୃଷ୍ଣଙ୍କୁ ଆଗକୁ ଦେଇ ପଛରେ ଖଣ୍ଡିଏ ବାଡ଼ି ଧରି ଚାଲିଲେ ।ପ୍ରଭୁ କୃଷ୍ଣ ଭଗବାନ ନିଜ ହାତରେ ତିଆରି କରିଥିବା ଝାମ୍ପି କୁ ହାତରେ ଧରିଲେ ।

ବେଳ ଉଛୁର ହେବାଦେଖି ଗୋପପୁର ରେ ଚହଳ ପଡିଗଲା ।ବତ୍ସା ମାନଙ୍କୁ ନପାଇ ଗାଈମାନେ ହମ୍ଭା ରଡ଼ିଦେଲେ ।ସମସ୍ତ ଗୋପାଳୁଣୀ ପୁତ୍ର ମାନଙ୍କୁ ନଦେଖି ମନ ଦୁଃଖରେ ଖଣ୍ଡେ ବାଟ କୁ ଆସୁଛନ୍ତି ।ନନ୍ଦ ,ଯଶୋଦାଙ୍କ କଥା କଅଣ କହିବା?ସନ୍ଧ୍ୟା ହେବାକୁ ତିନି ଘଡି ଅଛି ସେମାନେ ଭାଳି ହେଉଛନ୍ତି ରାମକୃଷ୍ଣ ଙ୍କୁ ।

ଗୋପୀମାନେ ସମସ୍ତେହିଁ କରନ୍ତି ରୋଦନ

କେଉଁଆଡ଼କୁ ଗଲେ ବା ଆମ୍ଭର ନନ୍ଦନ "

ଗୋପାଳୁଣୀ ମାନେ କାନ୍ଦି କାନ୍ଦି ଯଶୋଦାଙ୍କୁ କହୁଛନ୍ତି ରାଣୀ ଗୋ !ତୁମରି ପୁଅ ପାଇଁ ଆମ ପୁଅମାନଙ୍କୁ ନିଶ୍ଚିତ ବିପଦ ପଡିଛି ?।ପୁତ୍ର ମାନଙ୍କୁ ନଦେଖି ସମସ୍ତ ଗୋପାଳ ଦୁଃଖରେ କ୍ରନ୍ଦନ କରୁଥାନ୍ତି ଓ କହୁଥାନ୍ତି ଏତେ ସବୁ ନନ୍ଦ ର ଦୁଲାଳ ପାଇଁ ଘଟୁଛି ?।ଗୋପପୁରରେ ଯେତେ ନରନାରୀ ଥିଲେ ସମସ୍ତ ନନ୍ଦ ଙ୍କୁ ଦୋଷ ଦେଲେ ।ନନ୍ଦଙ୍କୁ ପଚାରିଲେ ସମସ୍ତ ଗୋପବାସୀ କେଉଁ ବନ କୁ ତୁମ ପୁଅ ଆମ୍ଭ ପୁତ୍ର ମାନଙ୍କୁ ନେଇଛି କୁହ ?।ଗୋପବାସୀଙ୍କ କଥା ଶୁଣି ନନ୍ଦ ଓ ଯଶୋଦା ନିରବ !କିଛି ନକହି ଚୁପଚାପ ଖାଲି କାନ୍ଦୁଥାନ୍ତି ସେ ଦୁଇଜଣ ।

ଗାଈମାନେ ବତ୍ସା କୁ କ୍ଷୀର ଦେଇ ନଥିବାରୁ ତାଙ୍କର ସ୍ତନରୁ କ୍ଷୀର ବୋହିବାରେ ଲାଗିଲା ।ଏପଟେ ନନ୍ଦ ଓ ଯଶୋଦାଙ୍କୁ ବହୁ

କଟୁ ଶରବ୍ୟ ଗୋପବାସୀ ମାନଙ୍କ ଠାରୁ ଶୁଣିବାକୁ ପଡୁଥାଏ ।

କ୍ରମଶଃ............................

ହରିବଂଶ (ଭାଗ -୫୯)

ହରିବଂଶ (ଭାଗ -୫୯)