ଯିଏ ପ୍ରଥମ କରତଳରେ ଦଧି ମିଶ୍ରିତ ଅନ୍ନ ପରେ ନବନୀତ ଓ

ଶେଷରେ ମୁରଲୀ ଧାରଣ କରନ୍ତି ,ଯିଏ ସଖା ମାନଙ୍କ ସହିତ ବାଲ୍ୟ ଲୀଳା କରୁ କରୁ କେବେ କେବେ ରମଣୀ ମାନଙ୍କ କୁଚ କୁମ୍ଭ ଉପରେ ପତ୍ରାବଳୀ ରଚନାରେ ଆସକ୍ତ ହୁଅନ୍ତି ,ସଜଳ ଜଳଦ ପରି ଶ୍ୟାମଳ ଅଟନ୍ତି ଯେଉଁ ଶ୍ରୀକୃଷ୍ଣ ,ତାଙ୍କର ସେବା କରିବା ସର୍ଵଦା କର୍ତ୍ତବ୍ୟ ।

।ଜୟ ଶ୍ରୀହରି ।।

#ଗଜ_କୁମ୍ଭୀରଙ୍କ_ପୂର୍ବ_ବୃତ୍ତାନ୍ତ🌹🌹

***********************

ରାଜା ପରୀକ୍ଷିତ ଶୁକମୁନିଙ୍କୁ ପ୍ରଣିପାତ କଲେ ଓ କହିଲେ ଭୋ ଦେବ !କୁମ୍ଭୀର ମିତ୍ର ଦ୍ରୋହ କଲା ?ସେ କିପରି ସ୍ୱର୍ଗପୁର ରେ ସ୍ଥାନ ପାଇଲା ?।ଏ ବିଷୟରେ ମୋତେ ସମ୍ୟକ ଧାରଣା ଦିଅନ୍ତୁ

?।ଶୁକମୁନି କହିଲେ ହେ ରାଜନ !ମୁଁ ଯାହା ଶୁଣିଅଛି ତୁମକୁ କହୁଛି ତୁମେ ଶୁଣ !ଶୁକମୁନି କହିଲେ ................!

ସତ୍ୟଯୁଗ କଥା ।ମକର ମାସ ଶୁକ୍ଳପକ୍ଷ ପଞ୍ଚମୀ ତିଥି ରୋହିଣୀ

ନକ୍ଷତ୍ର ।ରୋହିଣୀ ନକ୍ଷତ୍ର ସହିତ ବୃଷଲଗ୍ନ ସେଦିନ ଥିଲା ।

ସ୍ୱର୍ଗପୁର ରେ ଅପ୍ସରୀ ମାନେ ନୃତ୍ୟ ବାଦ୍ୟ କରୁଥିଲେ।ଇନ୍ଦ୍ର ଅପ୍ସରୀ ମାନଙ୍କୁ ନେଇ ମେରୁ ପର୍ବତ କୁ ଗଲେ ।ମେରୁଗିରି ରେ

ଅପ୍ସରୀ ମାନଙ୍କ ସହ ଇନ୍ଦ୍ର ବସିଥାନ୍ତି ।ଇନ୍ଦ୍ର ,ମଦନସେନ ନାମକ ଗନ୍ଧର୍ବ କୁ ଆଦେଶ ଦେଇ କହିଲେ ତୁମେ ପଦ୍ମମାଳ ଅପ୍ସରୀ କୁ ଏହି ମେରୁଗିରି କୁ ନେଇକରି ଆସ ?।ଆଜ୍ଞା ପାଇ ଗନ୍ଧର୍ବ ମଦନସେନ ଅପ୍ସରୀ ପଦ୍ମମାଳ ନିକଟକୁ ଗଲା ।ସେଠାରେ ପହଁଞ୍ଚି ପଦ୍ମମାଳ ଅପ୍ସରୀ କୁ କହିଲା "ତୋତେ ନେବାପାଇଁ ଇନ୍ଦ୍ର ମୋତେ ପଠାଇଛନ୍ତି ?ସୁନ୍ଦରୀ ତୁମେ ମୋ ସହିତ ଶୀଘ୍ର ବାହାରି ଆସ ?।ମୁଁ ତୁମକୁ ବିମାନ ଯୋଗେ ସେଠାକୁ ନେଇଯିବି ?

ଆସ ଆସ ସୁନ୍ଦରୀ ଗୋ ବେଗେ ଚଳିଯିବା

ବିମାନେ ବସିଣ ସ୍ୱର୍ଗପୁରକୁ ଗମିବା ।।

ଗନ୍ଧର୍ବ ମଦନସେନ ବଚନ ଶୁଣି ଅପ୍ସରୀ ପଦ୍ମମାଳ ନିଜକୁ ସଜେଇ ହେଲା ।ଅପୂର୍ଵ ବସନ ପରିଧାନ କଲା ।ପାଦରେ ନୁପୁର ,ଦୁଇ ପାଦରେ ଝୁଣ୍ଟିଆ ,କର୍ଣ୍ଣରେ ତାଟକ ନାକରେ ନୋଥ ଓ ମସ୍ତକରେ ସୀମନ୍ତ ,ପାଟ ଲୁଗା ,ଦୁଇ ହସ୍ତରେ ତାଡ଼ ହୃଦୟରେ ହାର ପରିଧାନ କଲା ।ସୁନ୍ଦର ବେଶ ଧାରଣ କରି ମଦନସେନ ନେଇଥିବା ବିମାନରେ ପଦ୍ମମାଳ ଅପ୍ସରୀ ବସିଲା ।

ମଦନସେନ ବିମାନରେ ବସାଇ ପଦ୍ମମାଳ କୁ ଗଲାବେଳେ ବାଟରେ ସେ ଦୁଇଜଣ ହସ ,ଖୁସି ହେଉଥିଲେ ।ଥଟ୍ଟା ମଜା ହୋଇ ଯାଉଥାଆନ୍ତି ଗନ୍ଧର୍ବ ଓ ଅପ୍ସରୀ ପଦ୍ମମାଳ ।ମଦନସେନ ଯୁବକ ଥିଲା ।ମଦନ କାମ ବାଣ ରେ ବଶୀଭୂତ ହୋଇଗଲା ଗନ୍ଧର୍ବ ମଦନସେନ ।ବାଟରେ ମଦନସେନ ,ପଦ୍ମମାଳ ଅପ୍ସରୀ ସହିତ ପ୍ରୀତି କଲା ।ଦୁଇଜଣ ପ୍ରେମ ପ୍ରୀତିର ମଜ୍ଜା ଉପଭୋଗ କଲେ ।ଅପ୍ସରୀ ପଦ୍ମମାଳ ସେତିକିରେ ସନ୍ତୁଷ୍ଟ ହେଲା ନାହିଁ?ଗନ୍ଧର୍ବ ମଦନସେନ କୁ ପୁନର୍ବାର ପ୍ରେମ ନିବେଦନ କଲା ।ଗନ୍ଧର୍ବ ପଦ୍ମମାଳ ର କଥା ରକ୍ଷାକରି ଆଉଥରେ ରତିକ୍ରିୟା ରେ ମାତିଲେ ..।

ବିମାନ ବାଟରେ ଅଟକାଇ ଅପ୍ସରୀ ପଦ୍ମମାଳ ସ୍ନାନ କରି ପୁନଶ୍ଚ ସୁବେଶ ହୋଇ ଇନ୍ଦ୍ର ଙ୍କ ସଭାକୁ ଚାଲିଲା ।ସଭାରେ ସୁନ୍ଦର ନୃତ୍ୟ କରି ସମସ୍ତଙ୍କ ହୃଦୟକୁ ଜିଣିନେଲା ଅପ୍ସରୀ ପଦ୍ମମାଳ ।ନୃତ୍ୟ କରୁଥାଏ ଅପ୍ସରୀ ପଦ୍ମମାଳ ଓ ମଝିରେ ମଝିରେ ନିଜର ପୁରିଲା ପୁରିଲା ବକ୍ଷୋଜ ଦୁଇଟିକୁ ଖୋଲି ଦେଉଥାଏ ।ବସ୍ତ୍ର କାଢି ଦେଖାଉଥାଏ ସୁନ୍ଦରୀ ପଦ୍ମମାଳ ।ବେଦ ପତି ବ୍ରହ୍ମା ସଭାରେ ବସିଥିଲେ ।ତାଙ୍କ ନଜରକୁ ଆସିଲା ପଦ୍ମମାଳ ର ଖୋଲା ବକ୍ଷୋଜ ।ସଂଗେ ସଂଗେ ବ୍ରହ୍ମା ନୃତ୍ୟ ବନ୍ଦ କରିବାକୁ ଅପ୍ସରୀ ପଦ୍ମମାଳ କୁ କହିଲେ । ସୁନ୍ଦରୀ ପଦ୍ମମାଳ ସ୍ତମ୍ଭିଭୁତ ହୋଇ ଠିଆ ହେଲା । ବ୍ରହ୍ମା କହିଲେ ମୁଁ ତୋତେ ଅଭିଶାପ ଦେବି ।ତୁ ଅବଳା ଯୁବତୀ ।ସଭାରେ ନାଚ କରିବାର ଢଙ୍ଗ ରଖିଲୁ ନାହିଁ ? ଏମିତି ଦେଖିବାକୁ ଗଲେ ତୁ ସମସ୍ତଙ୍କର ନାତୁଣୀ ବୟସର ହେବୁ ।କାହାକୁ କଅଣ ଭାବି ଏମିତି ନୃତ୍ୟ କରୁଛୁ ?।ତୁ କାହା କୁ ତୋ ଉରୁଜ ଦେଖାଉଥିଲୁ କହ ?ନହେଲେ ଏବେ ତୋତେ ଅଭିଶାପ ଦେବି ?

ସୁନ୍ଦରୀ ପଦ୍ମମାଳ କହିଲା ବିମାନ ଯୋଗେ ମୋ ସହିତ ଗନ୍ଧର୍ବ

ମଦନସେନ ଆସୁଥିଲା ।ତାଙ୍କ ସହିତ ବାଟରେ ପ୍ରୀତି ହେଲା ।

ତାଙ୍କ ଉଦ୍ଦେଶ୍ୟ ରେ ମୁଁ ଏ ସଭାରେ ମୋ ଉରୁଜ ଦେଖାଉଥିଲି

।ବେଦପତି ବ୍ରହ୍ମା ରାଗିଗଲେ ଓ ଅଭିଶାପ ଦେଲେ ।

ବେଦପତି ବୋଲେ ତୁହି ହୁଅ ଯା କୁମ୍ଭୀରି

ମଦନସେନ ଗନ୍ଧର୍ବ ହେଉ ଯାଇ କରି ।

ବ୍ରହ୍ମାଙ୍କ ଠାରୁ ଅଭିଶାପ ପାଇ ଗନ୍ଧର୍ବ ମଦନସେନ ଓ ଅପ୍ସରୀ ପଦ୍ମମାଳ ବ୍ରହ୍ମାଙ୍କୁ ପ୍ରଣିପାତ କଲେ ଓ ସେ ଦୁଇଜଣ କହିଲେ ଆମ୍ଭକୁ ମୁକ୍ତିର ବାଟ କହିଦିଅନ୍ତୁ ବେଦପତି ...।ବ୍ରହ୍ମା ହାତରେ କୁଶ ଧରି କହିଲେ ତୁମେ ଦୁଇଜଣ ସାତ ମନୁ ଯୁଗ ଭୋଗ କରିସାରିବା ପରେ ସତ୍ୟଯୁଗରେ ମୁକ୍ତି ପାଇବ ।

ମଦନସେନ ଗଜ ରୂପରେ ସମୁଦ୍ର କୂଳକୁ ଯିବ।ପଦ୍ମମାଳ କୁମ୍ଭୀର ହୋଇ ତାକୁ ଖାଇବାକୁ ଚାହିଁବ ?।ସେଠାରେ ତୁ ବିଶ୍ୱାସ

ଘାତକ ହୋଇ ଗଜେନ୍ଦ୍ର କୁ ଜଳକୁ ନେବୁ ।ଜଳ ଭିତରେ ଗଜ କୁ

ଖାଇବାକୁ ଚେଷ୍ଟା କରିବୁ ।ଗଜ ଯେତେବେଳେ ଜଳରେ ବୁଡି ଯିବ ସେ ନାରାୟଣ ଙ୍କୁ ସ୍ମରଣା କରିବ ।ଆତଙ୍କ ନାଶନ ହରି ଗଜକୁ ରକ୍ଷା କରିବେ ।ଗଜର ଗୁହାରୀ ପ୍ରଭୁ ନାରାୟଣ ଶୁଣି ଶଙ୍ଖ ଚକ୍ର ଧରି ସେଠାରେ ଉପସ୍ଥିତ ହେବେ ।ସୁଦର୍ଶନ ଚକ୍ର ପେଶୀ ତୋ ଶୀର କୁ ଛିଡାଇବେ ପ୍ରଭୁ ଶ୍ରୀହରି ଭଗବାନ ।ତାପରେ ତୁମେ ପୁନର୍ବାର ସ୍ୱର୍ଗପୁର କୁ ଫେରି ଆସିବ ।

ସମୁଦ୍ର କୂଳରେ କୃଷ୍ଣ ରୂପକୁ ଦେଖିବୁ

ମୁକ୍ତି ଗତି ପାଇ ତୁହି ସେଠାକୁ ଆସିବୁ ।

ନାରାୟଣ ଦରଶନେ ଦୁହେଁ ହେବ ମୁକ୍ତି

ଏହା ବୋଲି ଆଜ୍ଞା ଦେଲେ ତାକୁ ବେଦପତି।।

କ୍ରମଶଃ.........................

ହରିବଂଶ (ଭାଗ -୭୧)

ହରିବଂଶ (ଭାଗ -୭୧)