ଯଂ ବ୍ରହ୍ମାଖ୍ୟଂ ଦେବମମନ୍ୟଂ ପରିପୂର୍ଣ୍ଣଂ ହୃଦସ୍ଥଂ

ଭକ୍ତୈର୍ଲଭ୍ୟମଜଂ ସୁକ୍ଷ୍ମମତର୍କ୍ୟମ୍ ।

ଧ୍ୟାତ୍ଵାତ୍ସସ୍ଥଂ ଵ୍ରହ୍ମବିଦୋ ସଂ ବିଦୁରୀଶଂ ତଂ

ସଂସାର ଧ୍ଵାନ୍ତବିନାଶଂ ହରିମୀଡେ ।।

ଯିଏ ବ୍ରହ୍ମ ନାମରେ କଥିତ ,ଯାହାଙ୍କ ଅପେକ୍ଷା ଅନ୍ୟ (ଶ୍ରେଷ୍ଠ) ଦେବତା ନାହାଁନ୍ତି ,ଯିଏ ପରିପୂର୍ଣ୍ଣ ଯିଏ ହୃଦୟ ପ୍ରଦେଶରେ ଆତ୍ମାରୂପେ ଅଧିଷ୍ଠିତ ,ଭକ୍ତମାନଙ୍କର ପ୍ରାପ୍ୟ ,ଜନ୍ମ ରହିତ ସୁକ୍ଷ୍ମ ଅତର୍କ,ବ୍ରହ୍ମଜ୍ଞାନୀ ମାନେ ଧ୍ୟାନ ଯୋଗଦ୍ୱାରା ଯେଉଁ ଈଶ୍ୱରଙ୍କୁ ଆତ୍ମାସ୍ଥିତ ବୋଲି ଜାଣନ୍ତି ,ସେହି ସଂସାର ଅନ୍ଧକାରୀ ହରିଙ୍କୁ ମୁଁ ସ୍ତୁତି କରୁଅଛି । ହେ ପ୍ରଭୁ !ଆପଣଂକ ଗୁଣ ,ଗାନ ପ୍ରଚାର ଓ ପ୍ରସାର କରିବାରେ ଯଦି କୌଣସି ଠାରେ ତ୍ରୁଟି ରହୁଥାଏ ତେବେ ଏ ଅଧମ କୁ କ୍ଷମା କରିବା ହେବେ ।ଜୟ ଶ୍ରୀହରି ।

#କଂସାସୁର_ର_ସାମ୍ରାଜ୍ୟ_ପାଳନ🌹🌹

**************************

ରାଜା ପରୀକ୍ଷିତ ଶୁକମୁନିଙ୍କ ଅପେକ୍ଷାରେ ଥାଆନ୍ତି ।ଶୁକମୁନି ଠିକ୍ ସମୟରେ ପରୀକ୍ଷିତ ଙ୍କ ନିକଟରେ ଉପସ୍ଥିତ ହେଲେ ।ରାଜା ପରୀକ୍ଷିତ ଶୁକମୁନି ଙ୍କୁ ପ୍ରଣିପାତ ହୋଇ କହିଲେ -"ଭୋ ମୁନି !ଏବେ ଆପଣ ମୋତେ କଂସାସୁର କିପରି ସାମ୍ରାଜ୍ୟ ପାଳନ କରୁଥିଲା ତାହା ବିସ୍ତାର କରି କୁହନ୍ତୁ "।ଶୁକମୁନି ଅତି ଆନନ୍ଦିତ ହେଲେ ଓ ରାଜା ପରୀକ୍ଷିତ ଙ୍କୁ କଂସାସୁର ର ସାମ୍ରାଜ୍ୟ ପାଳନ ବିଷୟରେ କହିବା ଆରମ୍ଭ କଲେ ।

ଦିନକୁ ଦିନ କଂସ ପୃଥିବୀରେ ଅତି ଦୁଷ୍ଟ ପ୍ରକୃତି ଆରମ୍ଭ କଲା ।

କଂସର ଭୟରେ ଆଖପାଖ ରାଜ୍ୟର ରାଜା ଓ ତାଙ୍କର ସମସ୍ତ ସୈନ୍ୟ ସାମନ୍ତ ମାନେ ଆସି ଶରଣ ପଶିଲେ ।କଂସ ଏହି ରାଜା ମାନଙ୍କୁ ନିଜର ଭୃତ୍ୟ ପରି ବ୍ୟବହାର କରୁଥିଲା ।ଯାହାକୁ ଯେଉଁ ଆଦେଶ ଦେଉଥିଲା ,ସେମାନେ କଂସର ଆଦେଶ ପାଳନ କରୁଥିଲେ ।ଯଦି କୌଣସି ରାଜା କଂସର କଥାକୁ ଅମାନ୍ୟ କରୁଥିଲେ ,କଂସ ସେହି ରାଜାଙ୍କୁ କଠୋର ଦଣ୍ଡ ଦେଉଥିଲା ।କଂସର ଭୟରେ ମଥୁରାର ସମସ୍ତ ପ୍ରଜା ନ୍ୟାୟ ଓ ଅନ୍ୟାୟ କଅଣ ବିଚାର ନକରି କଂସର ଜୟ ଜୟ କାର କରୁଥିଲେ ।କଂସ ନିକଟରେ ଶରଣ ପଶିଥିବା ସମସ୍ତ ଦୈତ୍ୟ ମଧ୍ୟ କଂସର ଜୟ ,ଜୟ କାର କରୁଥିଲେ ।ରାଜା ହୁଅନ୍ତୁ କି ପ୍ରଜା ହୁଅନ୍ତୁ ,କି ଶରଣ ପଶିଥିବା ଅସୁର ହୁଅନ୍ତୁ ଏ ସମସ୍ତଙ୍କର କିଛି ସ୍ୱାଧୀନତା ନଥିଲା କଂସାସୁର ପାଖରେ ।

କଂସାସୁର ନିଜକୁ ଗର୍ବ ଅନୁଭବ କରୁଥିଲା ।ଗର୍ବ ଓ ଅହଂକାର ରେ ସେ ଫାଟି ପଡୁଥିଲା । ଶୁକମୁନି ଙ୍କୁ ପରୀକ୍ଷିତ ପଚାରିଲେ କଂସ ଗର୍ବ କାହିଁକି କରୁଥିଲା ?।

ମୁନି କହିଲେ -"ଏତେ ସୈନ୍ୟ ସାମନ୍ତ , ଅଶ୍ୱ , ଗଜ ଓ ନିଜ ଅଧୀନରେ ଥିବା ସମସ୍ତ ପାରିଷଦ ଙ୍କୁ ନେଇ କଂସ ଗର୍ବ କରୁଥିଲା ।କଂସ ଆଖିକୁ କେହି ଦେଖାଗଲେ ନାହିଁ ।କଂସ ଠାରୁ ବଳ ପାଇ ଅସୁରମାନେ ମଧ୍ୟ ପ୍ରବଳ ବେଗରେ ମାତି ଉଠିଲେ । କଂସାସୁର ଥିଲା ସେ ସମୟର ଏକ ଆତଙ୍କ କାରୀ ରାଜା ।ଶୁକମୁନି ଙ୍କ ଠାରୁ ରାଜା କଂସାସୁର ର ସାମ୍ରାଜ୍ୟ ବିଷୟରେ ସୂଚନା ପାଇ କୃତ କୃତ ହେଲେ ଓ ଶୁକମୁନିଙ୍କୁ ପ୍ରଣିପାତ କଲେ ।

କ୍ରମଶଃ .................

ହରିବଂଶ (ଭାଗ -୮)

ହରିବଂଶ (ଭାଗ -୮)