ବଲାଙ୍ଗୀର ଜିଲ୍ଲାର ପାଟଣାଗଡ଼ ଉପଖଣ୍ଡ ଅନ୍ତର୍ଗତ

ଗନ୍ଧମାର୍ଦ୍ଦନ ପର୍ବତରେ ହରିଶଙ୍କର ମନ୍ଦିର ଅବସ୍ଥିତ।।

ପୂଜା ପାଆନ୍ତି ଏଠାରେ ଉଭୟ ହରି ଓ ଶଙ୍କର

ସଦର ମହକୁମାରୁ ପ୍ରାୟ ୮୦ କି.ମି. ଦୂର।।

ଚୌହାନ ବଂଶର ରାଜାଙ୍କୁ ମିଳିଲା ପ୍ରତିମୂର୍ତ୍ତି

ସେବେଠୁ ହରି ଶଙ୍କର ପୂଜା ଯେ ପାଆନ୍ତି।।

ଦୂର୍ଲଭା ଦେବୀଙ୍କ ନିର୍ଦ୍ଦେଶେ ମନ୍ଦିର ହୋଇଲା ନିର୍ମାଣ

ଉତ୍ତମ ନିର୍ମାଣଶୈଳୀ କରେ ଦୃଷ୍ଟି ଆକର୍ଷଣ।।

ଯମୁନା ନାମେ ଜଣେ କନ୍ଧ କରିଥିଲେ ପ୍ରଥମ ଦର୍ଶନ

ଆଦିବାସୀ ସଂସ୍କୃତି ଅନୁଯାୟୀ ସେଠି ହୁଅଇ ପୂଜନ।।

ସନ୍ଧ୍ୟା ଆଳତୀରେ ପିଟକନ୍ଦା ଭୋଗ ଲାଗିଥାଏ

ଅନ୍ୟ ଦିନମାନଙ୍କରେ ସ୍ଥାନୀୟ ଫଳ ଭୋଗ ହୁଏ।।

ଭରି ରହିଛି ଏଠାରେ କେତେ କିମ୍ବଦନ୍ତୀ

ପର୍ବପର୍ବାଣୀ ସାଙ୍ଗକୁ କେତେ ରୀତିନୀତି।।

ପଞ୍ଚୁପାଣ୍ଡବ କରିଥିଲେ ବନବାସ ଅତିବାହିତ

ଗନ୍ଧମାର୍ଦ୍ଦନରେ ହୋଇଥିଲା ନାରଦଙ୍କ ସହ ସାକ୍ଷାତ।।

ଦେବର୍ଷି ଦେଇଥିଲେ ସେମାନଙ୍କୁ ପିତାଙ୍କ ସମ୍ବାଦ

କହିଥିଲେ ପିତୃ ଶ୍ରାଦ୍ଧ ଦେଇ କର ତାଙ୍କୁ ମୁକ୍ତ।।

ଗଣ୍ଡା ମାଂସ ଦେବ ଯଦି ଯିବେ ସେ ସ୍ୱର୍ଗକୁ

ତୁରନ୍ତ ପଠାଇଲେ ଯୁଧିଷ୍ଠିର ଭ୍ରାତା ଅର୍ଜୁନଙ୍କୁ।।

ଅଜବ ଜନ୍ତୁଟେ ଦେଖି ଚଲାଇଲେ ବାଣ

ଅର୍ଜୁନ କରିଲେ ପଶୁର ମସ୍ତକ ଛେଦନ।।

ଦେଖିଲେ ପଶୁଟି ଅଟେ ଏକ ଗାଈ

ଅର୍ଜୁନଙ୍କ ବୁଦ୍ଧି ଗଲା ଶୂନ୍ୟ ହୋଇ।।

କାନ୍ଦି କାନ୍ଦି ସ୍ମରଣ କଲେ ସେ କୃଷ୍ଣଙ୍କୁ

ଗୋହତ୍ୟା ପାପରୁ ତାଙ୍କୁ ମୁକ୍ତ କରିବାକୁ।।

କିପରି କଟିବ ଗୋହତ୍ୟାର ଦୋଷ

ଉପାୟ ବତାଅ ଆହେ ପୀତବାସ।।

ଏହ ଶୁଣି ଶ୍ରୀହରି ଚିନ୍ତାରେ ପଡ଼ିଲେ

ସଖାଙ୍କୁ ଉଦ୍ଧାରିବାକୁ ଉପାୟ କହିଲେ।।

ଗୋ-ସଂସ୍କାର ଯଜ୍ଞ କର ଡକାଇ ମୁନି ଋଷି

ତେବେ ଯାଇ ହେବ ନାହିଁ ତୁମେ ଆଉ ଦୋଷୀ।।

ଯଜ୍ଞ ପାଇଁ ଗାଈଟି ପାଇଲା ଜୀବନ୍ୟାସ

ଅର୍ଜୁନ ହୋଇଲେ ମୁକ୍ତି କଟିଲା ତାଙ୍କ ଦୋଷ।।

ଶ୍ରୀହରି ଓ ଶିବ ଏ ସ୍ଥାନେ ଏକତ୍ର ହୋଇ

ସେଥିପାଇଁ ହରିଶଙ୍କର ନାମ ଏ ବୋଲାଇ।।

ବିଷ୍ଣୁ ଓ ଶିବଙ୍କର ଦେଖି ଯୁଗଳ ମୂରତି

ଭକ୍ତଙ୍କର ବଢ଼ିଥାଏ କେତେ ଯେ ପିରତି।।

ଭକ୍ତମାନଙ୍କର ମନ ହୁଏ ଦେଖି ଗଦଗଦ

ମନସ୍କାମନା ପୂର୍ଣ୍ଣ କରି ପ୍ରଭୁ ଦିଅ ଆଶୀର୍ବାଦ।।

ହରିଶଙ୍କର