ହିମାଳୟ ସମାରଭ୍ୟମ୍ ଯାବତ୍ ଇନ୍ଦୁ ସରୋବରମ୍

ତ୍ଵମ୍ ଦେବ ନିର୍ମିତ ଦେଶମ ହିନ୍ଦୁସ୍ଥାନ ପ୍ରଚକ୍ଷତେ

ହିମାଳୟ ଠାରୁ ଆରମ୍ଭ କରି ଇନ୍ଦୁ ସୋରବରମ୍ ତଥା ହିନ୍ଦୁ ସାଗର ପର୍ଯ୍ୟନ୍ତ ପ୍ରଲମ୍ବିତ ଦେବ ନିର୍ମିତ ଭୂଖଣ୍ଡ କୁ ଭାରତ ନାମରେ ନାମିତ କରାଯାଇଛି। ଆଉ ଏହି ଭାରତ ବର୍ଷ ର ଆଧାର ହେଉଛି ହିନ୍ଦୁ ସଭ୍ୟତା ଓ ଏହାର ସଂସ୍କୃତି କାରଣ ହିନ୍ଦୁ ଏକ ଧର୍ମ ନୁହେଁ ଏହା ଏକ ଜୀବନ ଶୈଳୀ। ଆଉ ଏହି ହିନ୍ଦୁ ମାନଙ୍କ ର ନବବର୍ଷ ହେଉଛି ଚୈତ୍ର ଶୁକ୍ଳ ପ୍ରତିପଦ ଯାହା ବିକ୍ରମ ସମ୍ବତ ହିସାବରେ ମନାଯାଇ ଥାଏ। ତେଣୁ ଆପଣ ସମସ୍ତଙ୍କୁ ହିନ୍ଦୁ ନବବର୍ଷ ର ଅନେକ ଅନେକ ଶୁଭେଚ୍ଛା ଓ ଶୁଭକାମନା।

ଏବେ ଆମେ ହିନ୍ଦୁ ନବ ବର୍ଷ ସହ ଏହାର କାରଣ ସହ ପରିଚିତ ହେବା । ଚୈତ୍ର ମାସ ଶୁକ୍ଳ ପକ୍ଷ ପ୍ରତିପଦ ରେ ଖ୍ରୀଷ୍ଟ ପୁର୍ବ ୫୭ ରେ ବିକ୍ରମ ସମ୍ବତ ର ପ୍ରଚଳନ ହୋଇଥିଲା ଓ ଏହି ବର୍ଷ ୨୦୮୧ ବିକ୍ରମ ସମ୍ବତ ରେ ଆସି ପହଞ୍ଚିଲା। ଏହି ବିକ୍ରମ ସମ୍ବତ କୁ ରାଜା ବିକ୍ରମାଦିତ୍ୟ ଶାକ୍ୟ ମାନଙ୍କ ଉପରେ ବିଜୟ ହାସଲ କରି ସାରିବା ପରେ ପ୍ରଚଳନ କରିଥିଲେ। ଯଦିଓ ଭାରତ ର ପ୍ରାୟ ସମସ୍ତ ରାଜ୍ୟ ର ନିଜସ୍ଵ ଏକ ନବବର୍ଷ ଅଛି କିନ୍ତୁ ଏହି ତିଥି ରେ ହିନ୍ଦୁ ନବବର୍ଷ ପାଳନ କରାଯାଏ ଓ କିଛି ରାଜ୍ୟ ରେ ବର୍ଷ ର ପ୍ରଥମ ମାସ ଭାବରେ ଚୈତ୍ର ର ଆରମ୍ଭ ଯାହାକି ସାଧାରଣତଃ ଭାରତ ର ପଶ୍ଚିମ ଭାଗରେ ଓ ନେପାଳ ଦେଶରେ ମନା ଯାଇଥାଏ।

ଆସନ୍ତୁ ଜାଣିବା ଏହି ହିନ୍ଦୁ ନବବର୍ଷ ର ଦିନ ର ବିଶେଷତ୍ଵ କଣ।

ଆମ ସୃଷ୍ଟି ର ସୃଷ୍ଟିକର୍ତା ହେଉଛନ୍ତି ପରମପିତା ବ୍ରହ୍ମା। ଆଉ ଆପଣ କଣ ଜାଣନ୍ତି ସେ ସୃଷ୍ଟି ର ସର୍ଜନା କେବେ ଆରମ୍ଭ କରିଥିଲେ ? ତାହା ହେଉଛି ଏହି ଚୈତ୍ର ଶୁକ୍ଳ ପ୍ରତିପଦ ତିଥି ଯାହାକୁ ଆମେ ନବବର୍ଷ ରେ ପାଳନ କରୁଛୁ। ଏହା ଠାରୁ ବିଶେଷ ତିଥି କଣ ବା ହୋଇପାରେ ଯେଉଁ ଦିନ ସ୍ଵୟଂ ପ୍ରଜାପିତା ବ୍ରହ୍ମା ସର୍ଜନା ଆରମ୍ଭ କରିଥିଲେ।

ଆସନ୍ତୁ ଦ୍ଵିତୀୟ ବୈଶିଷ୍ଟ୍ୟ ଦେଖିବା। ତ୍ରେତେୟା ଯୁଗ ରେ ଆମ ର ଆରାଧ୍ୟ ପୁରୁଷୋତ୍ତମ ଶ୍ରୀ ରାମ ଚନ୍ଦ୍ର ଙ୍କ ର ଏହି ତିଥି ରେ ହୋଇଥିଲା। ଚଉଦ ବର୍ଷ ବନବାସ ପରେ ପ୍ରଭୁ ଙ୍କୁ ଏହି ପୁଣ୍ୟ ତିଥି ରେ ରାଜ୍ୟାଭିଶେକ କରାଯାଇଥିଲା। ସତରେ ଏହି ଭଳି ଏକ ପୁଣ୍ୟ ତିଥି ଯାହା ଏହି ଦିନ ର ବିଶେଷ କୁ ସହସ୍ର ଗୁଣ କରିଦିଏ।

ଏବେ ସମୟ ତୃତୀୟ ବିଶେଷତା ଦେଖିବାର। ଏହି ଦିନ ଦ୍ଵାପର ଯୁଗରେ ଧର୍ମ ରାଜ ଯୁଧିଷ୍ଠିର ଙ୍କ ର ମଧ୍ୟ ରାଜ୍ୟାଭିଶେକ ହୋଇଥିଲା ।

ଯଦି ଆପଣ ଭାବୁ ଥାଆନ୍ତି ହିନ୍ଦୁ ନବବର୍ଷ କେବଳ ବିକ୍ରମ ସମ୍ବତ ସହ ଜଡ଼ିତ ତେବେ ଆହୁରି କିଛି ବାକି ଅଛି। ଆଜିର ଦିନରୁ ହିଁ ଯୁଗାବ୍ଦ ର ଗଣନା ଆରମ୍ଭ ହୋଇଥିଲା ଆଜି ତାହା ୫୧୨୬ ରେ ଆସି ଉପନୀତ ହେଲାଣି । ଆଜିର ଦିନରୁ ମଧ୍ୟ ଶକ ମାନଙ୍କ ଦ୍ଵାରା ଶକାବ୍ଦ ର ପ୍ରଚଳନ ହୋଇଥିଲା ତାହା ଆଜି ୧୯୪୭ ରେ ପହଞ୍ଚିଛି।

ଏହି ଦିନରେ ହିଁ ସ୍ଵାମୀ ଦୟାନନ୍ଦ ସରସ୍ୱତୀଙ୍କ ଦ୍ଵାରା ଆର୍ଯ୍ୟ ସମାଜ ର ପ୍ରତିଷ୍ଠା ହୋଇଥିଲା। ସଂଘ ର ସଂସ୍ଥାପକ କେଶବ ବଳିରାମ ହେଡଗୱାର ଙ୍କ ର ମଧ୍ୟ ଏହି ତିଥି ରେ ଜନ୍ମ ଗ୍ରହଣ କରିଥିଲେ।

ଆମର ହିନ୍ଦୁ ନବବର୍ଷ ର ଏତେ ସବୁ ବିଶେଷତ୍ଵ କୁ ଜାଣି ସାରିଲା ପରେ ଲାଗେ କୋଉଠି ନା କୋଉଠି ଆମେ ଆମ ସଂସ୍କୃତି , ଆମ ପରିଚୟ , ଆମ ସଭ୍ୟତା ଓ ଆମ ଅସ୍ମିତା କୁ ବହୁତ ପଛରେ ଛାଡ଼ି ଦେଇ ଆସିଛୁ। କିନ୍ତୁ ସମୟ ବେଶୀ ବିଳମ୍ବ ହୋଇ ନାହିଁ ନିଜ ମୂଳକୁ ଚିହ୍ନନ୍ତୁ ଓ ଏହା ସହ ଯୋଡ଼ି ହୁଅନ୍ତୁ।

ଉଠରେ ଭାରତ ନକରି ଡେରି

ରାଷ୍ଟ୍ର ନିର୍ମାଣ ରେ ବ୍ରତୀ ହୋଇବା

ବାଜିଲାଣି ତୂରୀ ଜଗିଛି ପ୍ରହରୀ

ଦେଶ ପାଇଁ କିଛି କାମ କରିବା।

କାରଣ ଯେତେବେଳେ କୌଣସି ଜାତି କୁ ଗୁଲାମ ବନାଇବାର ଥାଏ ପ୍ରଥମେ ସେ ଲୋକଙ୍କୁ ନିଜର ଗୌରବ ମୟ ଇତିହାସ ଓ ସଂସ୍କୃତି ଠୁ ଦୂରେଇ ଦିଆଯାଏ। ଆଉ ଦୁଃଖ ର କଥା ଆମେ ଭାରତୀୟ ମାନେ ଏହାର ଶିକାର ହୋଇଛନ୍ତି। ଆପଣ ଗ୍ରିଗୋରିଆନ ନବବର୍ଷ ବି ପାଳନ୍ତୁ , ଆପଣ ହିନ୍ଦୁ ନବବର୍ଷ ବି ପାଳନ୍ତୁ ଓ ଆପଣ ମହା ବିଷୁବ ସଂକ୍ରାନ୍ତି ରେ ଓଡ଼ିଆ ନବବର୍ଷ ବି ପାଳନ କରନ୍ତୁ ଓ ଖୁସି ବାଣ୍ଟି ଚାଲନ୍ତୁ ସମୟ ସ୍ରୋତ ରେ।

ହିନ୍ଦୁ ନବବର୍ଷ ର ଅନେକ ଶୁଭେଚ୍ଛା।

Wish you a happy Hindu new year.

ପଢିଥିବା ପାଇଁ ଅଶେଷ ଧନ୍ୟବାଦ।

କୈବଲ୍ୟ ନାୟକ

Kaibalya Nayak

ହିନ୍ଦୁ ନବବର୍ଷ ଓ ବିଶେଷତା

ହିନ୍ଦୁ ନବବର୍ଷ ର ଅନେକ ଅନେକ ଶୁଭେଚ୍ଛା ଓ ଶୁଭକାମନା।