ରାଜୀବ ର ଘର ଲୋକ ପ୍ଲାନ୍ କରିଛନ୍ତି ରାଜୀବ ଓ ମିତାଙ୍କୁ ହନିମୁନ ପାଇଁ ଚିଲିକା ପଠେଇବାକୁ। ମିତା ବି ବହୁତ୍ ଖୁସି ଅଛି ବାହାଘର ପରେ ପ୍ରଥମ ଥର ପାଇଁ ବୁଲିବାକୁ ଯାଉଛି। ହେଲେ ରାଜୀବ ଜମା ବି ରାଜି ନୁହେଁ ଚିଲିକା ପ୍ଲାନ୍ ରେ।

ରାଜୀବ - ନା ଚିଲିକା ନୁହେଁ। ତମେ ମାନେ ସବୁ ଜାଣିଛ ସେହି ଜାଗା ମୋ ପାଇଁ କଣ। ମୁଁ ସେହି ଜାଗା କୁ ଜମା ବି ଯିବା ପାଇଁ ଚାହେଁନି।

ରାଜୀବ ର ବାପା - ଓଃ ଚାରି ବର୍ଷ ତଳର କଥା କୁ ଆଉ କେତେ ଦିନ ଧରି ବସିବୁ। ଯାହା ହେଇଛି ଭଲ ହେଇଛି ଭଗବାନ ଯାହା କରନ୍ତି ମଙ୍ଗଳ ପାଇଁ କରନ୍ତି।

ରାଜୀବ - ବାପା ବନ୍ଦ କରନ୍ତୁ।

ମିତା - କଣ ହୋଇଥିଲା ସେଠି ? ମୁଁ ତ କିଛି ଜାଣିନି। ମୋତେ କାହିଁ କିଛି କେହି କହୁ ନାହଁ ?

ରାଜୀବ ର ବାପା - କିଛି ନାହିଁ ମାଆ ତୁ ଚିନ୍ତା କରନି ତମେ ଚିଲିକା ହିଁ ଯାଉଛ। ତୁ ବ୍ୟାଗ୍ ପ୍ୟାକ କର ତମେ ରବିବାର ହିଁ ବାହାରୁଛ।

ରବିବାର ର ସମୟ। ଉଭୟ ରାଜୀବ ଓ ମିତା ବାହାରିଲେ ହନିମୁନ ଚିଲିକା କୁ। ରାଜୀବ ଗାଡ଼ି ରେ ବ୍ୟାଗ୍ ଥୋଇ ବସି ଗଲା କାର ରେ ଟିକେ ଡିଷ୍ଟର୍ବ ଲାଗୁଥାଏ।

ମିତା କହିଲା ତମର କଣ ହୋଇଥିଲା ଚିଲିକା ରେ ସେଦିନ କହିଲନି ତ। ମୋତେ କିଛି ଅତୀତ ଲୁଚାଉ ନାହଁ ତ? ରାଜୀବ କହିଲା ଦେଖ ମୁଁ ବାହାଘର ପୂର୍ବରୁ ବାରମ୍ବାର ମୋ ଅତୀତ କଥା କହିବାକୁ ଚେଷ୍ଟା କରିଛି। ତମେ ନିଜେ କହିଥିଲ ଅତୀତ ସହ ତୁମର କୌଣସି ସମ୍ପର୍କ ନାହିଁ ତେବେ ଆଜି ଏ ପ୍ରଶ୍ନ କାହିଁ। ତେବେ କହୁଛି ଶୁଣ ସେଠି ମୋର ଜଣେ ସମ୍ପର୍କୀୟ ମରି ଯାଇଥିଲେ ସେଥିପାଇଁ।

ମିତା କହିଲା ମରି ଯାଇଥିଲେ ନା କିଏ ମାରି ଦେଇଥିଲା? ରାଜୀବ ଉତ୍ତର ଦେଲା କଣ ସବୁ କହୁଛ। ମିତା କହିଲା ଆରେ ରିଲାକ୍ସ ତମେ ଯେମିତି ଚମକି ପଡ଼ୁଛ ଯେମିତି ମୁଁ ତୁମକୁ ଦୋଷୀ ବୋଲି କହିଦେଲି। ବୋଧ ହୁଏ ସମ୍ପର୍କୀୟ ଜଣଙ୍କ ଅତି ନିଜର ହୋଇଥିବେ ନହେଲେ ଆଜି କାଲି ସମ୍ପର୍କୀୟ ମାନଂକୁ କିଏ ମିସ୍ କରେ। ରାଜୀବ ହୁଁ କହି ରହିଗଲା।

ଗାଡ଼ି ରେ ଦୁହେଁ ସେମିତି ଅଳ୍ପ ଅଳ୍ପ କଥାରେ ବିତେଇ ଦେଇ ଆସିଲେ। ସେମାନେ ଆସି ଚିଲିକା ରେ ପହଞ୍ଚି ଗଲେ। ଚିଲିକା ରେ ପହଞ୍ଚି ସେମାନେ ହୋଟେଲ ରେ ପହଁଚିଗଲେ। ରାଜୀବ ମୁହଁ ଶୁଖେଇ ଛିଡ଼ା ହୋଇଥାଏ ହୋଟେଲ ବାହାରେ । ମିତା ଆସି ପଚାରିଲା କମନ ରାଜୀବ ଏଟା ଆମ ହନିମୁନ ଆଉ ତମେ ମୁହଁ ଫୁଲେଇ ବାହାରେ ବୁଲୁଛ ଥରେ ଭାବିଲ ଲୋକ ମାନେ କଣ ଭାବିବେ ଚୁପ୍ ଚାପ୍ ଭିତରକୁ ଆସ। ରାଜୀବ ଉତ୍ତର ଦେଲା ତମେ ଭଲରେ ଜାଣିଛ ଏଇ ହନିମୁନ ରେ ମୋର କୌଣସି ଇଚ୍ଛା ନାହିଁ ତେବେ କାହିଁ ଡ୍ରାମା କରୁଛ। କିଛି ସମୟ ପରେ ପୁଣି ମିତା ର କଲ୍ ଆସିଲା ଏବେ ତ ରୁମ୍ କୁ ଆସ ତୁମ ପାଇଁ ଗୋଟେ ସରପ୍ରାଇଜ ଅଛି।

ଅଧା ଖଣ୍ଡିଆ ସିଗାରେଟ ଟା କୁ ବାହାରେ ଫିଙ୍ଗି ଦେଇ ରାଜୀବ ଭିତରକୁ ପଶିଲା। ରୁମ୍ କୁ ଦେଖି ସେ ଚମକି ପଡ଼ିଲା। ଆଉ ସେହି ଅନ୍ଧାରିଆ ରୋମାଣ୍ଟିକ ଡିମ୍ ଲାଇଟ୍ ରେ ପଛକୁ ଅନେଇ ବସିଥିବା ମିତା କୁ ଦେଖି ରାଜୀବ ର ରକ୍ତ ଶୁଖିଗଲା। ପାଟିରୁ ବାହାରି ପଡ଼ିଲା ବର୍ଷା। ସେତେବେଳେ ମିତା ପଛକୁ ବୁଲି କହିଲା ବର୍ଷା ଏ ବର୍ଷା ପୁଣି କିଏ। ରାଜୀବ ଟିକେ ନିଶ୍ଵାସ ମାରି କହିଲା ଓଃ ତମେ। ସେ କେହି ନୁହେଁ କିନ୍ତୁ ତମେ ଏମିତି କାହିଁ ସଜ ହେଇଛ। ମିତା କହିଲା କେମିତି ସଜ ହୋଇଛି ପୁଣି। ଆଜି ଆମର ହନିମୁନ ଆଉ ଏହି ଲାଇଟ୍ ପିଙ୍କ ଡ୍ରେସ ତମ ମା ହିଁ ଦେଇଥିଲେ ଯାହାକୁ ମୁଁ ପିନ୍ଧିଛି ଭଲ ଲାଗିଲାନି ଯଦି ତାକୁ ବଦଳେଇ ଦେବି। ମୋର କିଛି ଇଚ୍ଛା ଅଛିକି ନାହିଁ। ରାଜୀବ କହିଲା ନା କିଛି ଦରକାର ନାହିଁ ତମକୁ ଯାହା ଇଚ୍ଛା ହଉଛି ପିନ୍ଧ ଯଦି ତୁମର ଫଟୋ ଉଠେଇବାର ଥିବ ମୋତେ କହିବ କିନ୍ତୁ ମୋ ପାଖରୁ କିଛି ଅଧିକ ଆଶା ରଖିବନି। ଆଉ ହଁ କାଲି ଜଲଦି ବାହାରିବ ଆମେ ଚିଲିକା ବୁଲିବାକୁ ଯାଉଛନ୍ତି ତମେ ପ୍ରଥମ ଥର ଆସିଛ ବିନା କିଛି ଭାବି ଆରାମରେ ବୁଲ। ରାତି ସାରା ରାଜୀବ ଆଖିରେ ଖାଲି ସେହି ବର୍ଷା ର କଥା ସେ ବାହାରେ ଏପଟ ସେପଟ ହେଉଥାଏ । କେମିତି ବର୍ଷା ଏମିତି ଲାଇଟ୍ ପିଙ୍କ ଡ୍ରେସ୍ ପିନ୍ଧି ସଜେଇ ହୋଇ ତାର ନିକଟତର ହୋଇଥିଲା ଏମିତି ହୋଟେଲ ରୁମ୍ ରେ ଯେମିତି ଆଜି ମିତା ସଜେଇ ହୋଇଥିଲା। ହଠାତ୍ ତାର ନଜର ହୋଟେଲ ଆଣ୍ଡ ରୁମ୍ ନମ୍ବର ଉପରେ ପଡ଼ିଲା ତାକୁ ଭାରି ଚିହ୍ନା ଚିହ୍ନା ଲାଗିଲା। ସେ ଜଣେ ୱର୍କର କୁ ପଚାରିବାରୁ କହିଲା ଆଜ୍ଞା ଏହି ହୋଟେଲ ର ନେମ୍ ଅଲଗା ଥିଲା ହେଲେ ଯେବେଠୁ ଜଣେ ଝିଅ ଏଠି ମରିଛି ଲୋକଙ୍କୁ ଭୁଲେଇବାକୁ ନାଁ ସହ ଏହାର ସାଜ ସଜା ଚେଞ୍ଜ କରା ଯାଇଛି। ରାଜୀବ ର ମନେ ପଡ଼ିଗଲା ଏଇଟା ସେହି ହୋଟେଲ ଓ ରୁମ୍ ବି ଥିଲା। ଆଶ୍ଚର୍ଯ୍ୟ ଲଗୁଥାଏ ଏହା ସବୁ କଣ ସଂଯୋଗ ?

ସକାଳୁ ସକାଳୁ ରାଜୀବ ଉଠିଲା ବେଳକୁ ମିତା ତାର ମିରର ଆଗରେ ସଜେଇ ହେଉଥାଏ ପୁଣି ବର୍ଷା ଭଳି। ସବୁଜ ରଙ୍ଗ ର ଖସରା ଶାଢ଼ୀ ପିନ୍ଧି କାନିକୁ ମାଟି ଯାଏଁ ଲମ୍ବେଇ ଥାଏ ଠିକ୍ ବର୍ଷା ଭଳି। ରାଜୀବ କହିଲା ପୁଣି ଆଜି ଇଏ କି ବେଶ ଯାଅ ତମେ ଚେଞ୍ଜ କରିବ। ମିତା କହିଲା କାଲି ତ କହିଥିଲ ଯେମିତି ଇଛା ହେଉଛି ପିନ୍ଧ ତେବେ ଆଜି କଣ ଅସୁବିଧା। ରାଜୀବ କହିଲା ଭଲ ଦେଖା ଯାଉନାହଁ , ମିତା କହିଲା ଏହି ଶାଢ଼ୀ ରେ ବର୍ଷା କିନ୍ତୁ ତୁମକୁ ଭାରି ସୁନ୍ଦର ଲାଗୁଥିଲା। ରାଜୀବ କିଛି ନକହି ବାହାରକୁ ଆସିଗଲା ତା ମନରେ ସନ୍ଦେହ ଆସୁଥାଏ ଆଉ ସେ ଯାହା ଭାବୁଛି ସେଇୟା ନୁହେଁ ତ ? ନା ନା ଏଟା ହେଇ ପାରିବନି ଆଜି କାଲିକା ସମୟରେ ଭୂତ ପ୍ରେତ ନା ନା।

ଚିଲିକା ର ସୁନ୍ଦର ଜଳରାଶି ଦେଇ ନୌକା ଯାଉଥାଏ। ଆଉ ନୌକା ରେ ବସିଥାନ୍ତି ରାଜୀବ ଓ ମିତା ପୁରା ଗୁମ୍ ସୁମ୍ ହୋଇ ସତେ ଯେମିତି ପ୍ରକୃତି ରାଣୀ ର ଓଢ଼ଣା ରେ ହୋଇ ଦୁଇଟି ଅଜଣା କପୋତ କପୋତୀ ଛନ୍ଦି ହୋଇଯାଇଛନ୍ତି। ଦିନେ ରାଜୀବ ଏମିତି ନୌକା ରେ ବସି ଚିଲିକା କୁ ଉପଭୋଗ କରୁଥିଲା ବର୍ଷା ସହ। ଆଗକୁ ଆସିଲା ବ୍ରେକଫାଷ୍ଟ ଆଇଲାଣ୍ଡ। ସତରେ ବ୍ରେକଫାଷ୍ଟ ଆଇଲଣ୍ଡ କିନ୍ତୁ ସ୍ବର୍ଗ ର ଅନୁଭୂତି ଦେଇ ପାରିବ। ପାଣି କୁ ମୁହଁ କରି ମିତା ପୁରା ବର୍ଷା ପରି ଲାଗୁଥାଏ ରାଜୀବ କହିବାକୁ ଚାହିଁ ବି କିଛି କହି ପାରୁନଥାଏ। ମିତା କହିଲା ମୋର ଗୋଟେ ଫୋଟୋ ଉଠାଅ ଠିକ୍ ବର୍ଷା ଭଳି। ତମେ ବର୍ଷା କୁ କେମିତି ଜାଣିଲ ବୋଲି ପ୍ରଶ୍ନ କଲା ରାଜୀବ । ମିତା ଉତ୍ତର ଦେଲା ବିଚାରୀ କୁ କଣ ବା ଆଉ ଜାଣିବି ସିଏ ମିଷ୍ଟର ରାଜୀବ ଙ୍କ ଭୂତପୂର୍ବ ପ୍ରେମିକା ଏତିକି ହିଁ ଜାଣେ। ରାଜୀବ ପୁରା ଆଶ୍ଚର୍ଯ୍ୟ ଚକିତ।

ହୋଟେଲ ରେ ପସୁ ପସୁ ମିତା କହିଲା ରାଜୀବ ତମକୁ ଲାଗୁନି ଆରଥର ଅପେକ୍ଷା ଚିଲିକା ଟିକେ ବେଟର ହୋଇ ଯାଇଛି କିନ୍ତୁ ଏଥର ଘଣ୍ଟ ଗୁମ୍ଫା ରେ ଗଳି ହେଲାନି ଭଲ ଲାଗିଲାନି। ରାଜୀବ ଉତ୍ତର ଦେଲା ଆତ୍ମା ମାନେ ମନ୍ଦିର ଗୁମ୍ଫା ରେ କେମିତି ପଶିବେ ନା କଣ କହୁଛ ବର୍ଷା। ମିତା କହିଲା ମୁଁ ମିତା। ରାଜୀବ କହିଲା ମିଛ କୁହନି ତୁମେ ବର୍ଷା। ମିତା କହିଲା ବହୁତ୍ ଜଲଦି ଜାଣିଗଲ। ମୁଁ ସେହି ବର୍ଷା ର ଆତ୍ମା ଯାହାକୁ ତମେ ମାରି ଦେଇଥିଲ । ରାଜୀବ ମିଛ କୁହନି ମୁଁ ମାରିନି ତମକୁ ଓଲଟି ତମେ ଧୋକା ଦେଇଛ ଓ ସିଏ ତମକୁ ମାରି ଦେଇଛି। ମିତା ଭୀଷଣ ଜୋରରେ ଚିଲେଇଲା ନା ନା ନା ତମେ ମୋ ମରଣ ପାଇଁ ଦାୟୀ ଏଇଟା ହିଁ ସତ। ତମେ ସତରେ ମାନିଯାଅ କି ତମେ ଦୋଷୀ ବୋଲି ମୋ ଆତ୍ମା ଶାନ୍ତି ପାଇଯିବ ନହେଲେ ମୁଁ ଏମିତି କଷ୍ଟ ପାଉଥିବି ଓ ଅତୃପ୍ତ ହୋଇ ତୁମ ପାଖରେ ଘୁରି ବୁଲୁଥିବି। ରାଜୀବ କାନ୍ଦି କହୁଥାଏ ହଁ ବର୍ଷା ମୁଁ ତୁମ ମରଣ ପାଇଁ ଦାୟୀ ହଁ ମୁହିଁ ଦାୟୀ। ମୋ ଯୋଗୁଁ ତମେ ଆଜି ମରି ଯାଇଛ। ରାଜୀବ କୁ ଅନ୍ଧାର ଦେଖାଗଲାଣି ସେ ମୂର୍ଚ୍ଛା ହୋଇଗଲା। ସକାଳୁ ଆଖି ଖୋଲିଲା ବେଳକୁ ପୋଲିସ୍ ଆସି ହୋଟେଲ ପାଖରେ କି ମିଷ୍ଟର ରାଜୀବ ୟୁ ଆର୍ ଅଣ୍ଡର ଆରେଷ୍ଟ।

ରାଜୀବ ପ୍ରଶ୍ନ କରୁଥାଏ କଣ ପାଇଁ ମୋ ଦୋଷ କଣ । ଚାରି ବର୍ଷ ତଳର ମିସ୍ ବର୍ଷା ମର୍ଡର କେଶ୍ ରେ ତମେ confession କରିଛ କି ତମେ ହିଁ ଦୋଷୀ ବୋଲି ପୋଲିସ୍ ଉତ୍ତର ଦେଲେ। କହିଲେ ତୁମ ୱାଇଫ ମିସେସ ମିତା ଅଗସ୍ତି ଭିଡିଓ ଭାବରେ ଆପଣଙ୍କ ପ୍ରୁଫ କୁ ଦେଇଛନ୍ତି ଯେ ଆପଣ ନିଜ ମୁହଁ ରେ ଦୋଷ ସ୍ବୀକାର କରିଛନ୍ତି। ରାଜୀବ ର ମୁଣ୍ଡ କିଛି କାମ କରୁନଥାଏ।

ଚିଲିକା ଥାନା ରେ ମିତା ଯାଇ ପହଁଚିଲା । କହିଲା ଓଃ କେତେ ବୋକା ତମେ ଏତେ ଜଲଦି ଭାସିଗଲ ମୋର ଅଭିନୟ ରେ ମୁଁ ତ ବୁଝି ପାରୁନି ମୁଁ ଭଲ ଅଭିନେତ୍ରୀ ନା ତମେ ଗୋଟେ ମୂର୍ଖ। କେତେ ବର୍ଷ ର ପରିଶ୍ରମ ଆଜି ମୋର ସଫଳ ହେବାକୁ ଯାଉଛି। ରାଜୀବ କହିଲା କାହିଁକି ଏମିତି କଲ ମୋ ସହ ଏତେ ବଡ଼ ଛଳନା। ମିତା କହିଲା ଏତେ ଜଲଦି କହିଦେବି ନା କଣ ସମୟ ଅଛି ଆରାମ ରେ କହିବି । ଏବେ ତୁମେ ବର୍ଷା କଥା ଭାବ କିମ୍ବା ଚିଲିକା ରେ ତୁମର ଏହି ରୋମାଣ୍ଟିକ ହନିମୁନ କଥା ମନେ ପକାଅ ତୁମ ଇଚ୍ଛା।

ମିତା ଫେରୁଥାଏ ଥାନା ରୁ ଭାବୁଥାଏ କେତେ ବିଚରା ଆଉ ବିଚାରୀ ସେ ବର୍ଷା ଆଉ ରାଜୀବ। ଏ ଜନ୍ମ ପାଇଁ ଦୁହିଁ ଙ୍କ କାହାଣୀ ପୁରାପୁରି ସମାପ୍ତ ଓ ଆମର କାହାଣୀ ଆରମ୍ଭ କହି ଜୋରରେ ହସୁଥାଏ। ସେପଟେ ପଛପଟ ସିଟ ରେ ବର୍ଷା ବସିଥିବାର ଦେଖା ହେଲା ମିରର ରେ। ବର୍ଷା କହିଲା ଏତେ ଜଲଦି କାହିଁକି ମିତା ଆଗାମୀ କାହାଣୀ ରେ ମୋର ଗେଷ୍ଟ appearance ଅଛି ଯେ ମୁଁ ଥାଉ ଥାଉ କାହାଣୀ କଣ ଏତେ ଜଲଦି ସରିଯିବ।

ଆଗାମୀ ଭାଗ ରେ କଣ ହେବ , ଦୋଷୀ କିଏ , ରାଜୀବ କଣ ସତରେ ଦୋଷୀ , ମିତା କାହିଁକି ଏମିତି କଲା , ବର୍ଷା ର ଆତ୍ମା କଣ ସତରେ ଫେରିଛି ଆପଣ ଜାଣିବାକୁ ପାଇବେ। ସେବେ ଯାଏଁ ଆପଣ ନିଜର ଭାବନା ର ଜାଲ ବୁଣି କାହାଣୀ କୁ ଯୋଡ଼ିବାକୁ ଚେଷ୍ଟା କରନ୍ତୁ। ମୁଁ ଫେରିବି ଖୁବ୍ ଶୀଘ୍ର।

ଆପଣଙ୍କ ପ୍ରିୟ ର ଗାଳ୍ପିକ

କୈବଲ୍ୟ ନାୟକ

Kaibalya Nayak

#odiastory #horrormystery #murdermystery #kaibalyanayak

ହନିମୁନ ଇନ୍ ଚିଲିକା- ଓଡ଼ିଆ କାହାଣୀ|Honeymoon in Chilika

ଆଗାମୀ କାହାଣୀ ରେ ମୋର ଗେଷ୍ଟ appearance ଅଛି ଯେ ମୁଁ ଥାଉ ଥାଉ କାହାଣୀ କଣ ଏତେ ଜଲଦି ସରିଯିବ।