ସମାଜ କୁ ଗଢ଼ିବା, ତାକୁ ଆଗକୁ ବଢେଇବା ପୁଣି ସେଇ ସମାଜରେ ସଠିକ୍ ଭାବରେ ବଞ୍ଚିବା ଏବଂ ତିଷ୍ଠି ରହିବା ପାଇଁ ସମସ୍ତଙ୍କୁ ଶିକ୍ଷାର ଆବଶ୍ୟକତା ହୋଇ ଥାଏ। ଶିକ୍ଷାର ଅର୍ଥ କେବଳ ଶିକ୍ଷା ଗତ ପ୍ରମାଣ ପତ୍ର ହାସଲ କରିବା ନୁହେଁ ବରଂ ଭିନ୍ନ ଭିନ୍ନ କାର୍ଯ୍ୟ ପାଇଁ ଦକ୍ଷତା ହାସଲ କରିବା ସହ କୌଣସି ବିଶେଷ କାର୍ଯ୍ୟରେ ପାରଙ୍ଗମତା ହାସଲ କରିବା ଏବଂ ତାକୁ ନିଜ ଜୀବନ ଜୀବିକା ଭାବରେ ଅବଲମ୍ବନ କରିବା ତଥା ସମାଜରେ ନିଜର ଏକ ପରିଚୟ ବନେଇବା ହେଉଛି ପ୍ରକୃତରେ ଶିକ୍ଷା ଗ୍ରହଣ ମହତ୍ତ୍ଵ |

ତେବେ ଆମ ପୁରୁଷ ପ୍ରାଧାନ୍ୟ ସମାଜରେ ମହିଳା ମାନଙ୍କ ଶିକ୍ଷା କୁ ନେଇ ବହୁତ୍ ମାତ୍ରାରେ ଅବହେଳା କରାଯାଉଛି | ପୂର୍ବରୁ ଶିଶୁ କନ୍ୟା ମାନଙ୍କୁ ପାଠ ପଢ଼ାଇବାକୁ ଅନୁମତି ମିଳୁନଥିଲା | ପରବର୍ତ୍ତୀ ମୁହୂର୍ତ୍ତରେ ସେଥିରେ ବ୍ୟତିକ୍ରମ ଘଟିଲେ ହେଁ ମହିଳା ମାନଙ୍କୁ ଉଚ୍ଚ ଶିକ୍ଷା ପାଇଁ ଅନୁମତି ମିଳୁନି ଅନେକଙ୍କ ଘରେ | ତେବେ ଏହିପରି ପରିସ୍ଥିତି ଏବଂ ମନସ୍ତତ୍ତ୍ୱ ଭିତରେ ମହିଳା ମାନଙ୍କ ଆତ୍ମସମ୍ମାନ ରେ ଆଞ୍ଚ ଆସିବା ସହ ତାଙ୍କ ଆତ୍ମବିଶ୍ବାସ କମ୍ ହୋଇ ଯାଉଛି | ଯାହା ଦ୍ଵାରା ସେମାନେ ପାଠ ପଢୁଆ ଗୋଷ୍ଟି ଙ୍କ ଆଗରେ ନ୍ୟୁନ ଅନୁଭବ କରୁଛନ୍ତି | ଏହିସବୁ ସମସ୍ୟା କୁ ଆଖି ଆଗରେ ରଖି ଆମ ସମସ୍ତଙ୍କୁ ନାରୀ ଶିକ୍ଷା ଉପରେ ଅଧିକ ଧ୍ୟାନ ଦବାକୁ ପଡ଼ିବ |

ଗୋଟିଏ ନାରୀ ଶିକ୍ଷିତ ହେଲେ ସେ ନିଜ ପରିବାରକୁ ଶିକ୍ଷିତ କରିବା ସହିତ ସମାଜର ଅନେକ ବର୍ଗରେ ନିଜର ପ୍ରଦର୍ଶନ କରି ପାରିବେ | ପୁଣି ଅନେକ ସର୍ଭେରୁ ଜଣା ପଡ଼ିଛି ଯେ ମହିଳା ମାନେ ବ୍ୟବସାୟ କ୍ଷେତ୍ରରେ ହେଉ କିମ୍ବା ଚାକିରି କ୍ଷେତ୍ରରେ ଅନେକ କର୍ମ ତତ୍ପର ତଥା ଅଧିକ ଉନ୍ନତି ମୂଳକ କାର୍ଯ୍ୟ କରିବାରେ ସକ୍ଷମ ହୋଇ ପାରିଛନ୍ତି | ତେବେ ମହିଳା ମାନଙ୍କୁ ସେଭଳି ସ୍ଥାନରେ ପହଞ୍ଚିବା ଦ୍ୱାରା ଆମର ସମାଜର ଅର୍ଥନୈତିକ ଅଭିବୃଦ୍ଧି ହବା ସହ କଳାତ୍ମକ ଅଭିବୃଦ୍ଧି ହୋଇ ପାରିବ |

ମହିଳା ମାନେ ଶିକ୍ଷିତ ହେବା ଦ୍ବାରା ପରିବାରରେ ଅନେକଙ୍କ ଶିକ୍ଷା ଗ୍ରହଣରେ ସାହାଯ୍ୟ କରିବ ସଙ୍ଗେ ସଙ୍ଗେ ଘରର ବିଭିନ୍ନ ପ୍ରକାରର ସମସ୍ୟାର ଉଚିତ୍ ସମାଧାନ ବାହାର କରି ପାରିବେ | ଘରର ଆର୍ଥିକ ଅବସ୍ଥାକୁ ଉନ୍ନତ କରିବାରେ ସାହାଯ୍ୟ କରି ପାରିବେ |

ମହିଳା ସଶକ୍ତିକରଣର ପ୍ରଥମ ସୋପାନ ହେଉଛି ମହିଳା ମାନଙ୍କ ଶିକ୍ଷା | ମହିଳା ମାନେ ଶିକ୍ଷିତ ହେବା ଦ୍ବାରା ସମାଜର ଭିନ୍ନ ବର୍ଗରେ ନିଜର ମତଦାନ ଦେଇ ପାରିବେ | କ୍ଷୁଦ୍ର ବ୍ୟବସାୟ ମାନ କରି ନିଜର ଗୁଜୁରାଣ ମେଣ୍ଟାଇବା ସହ ଦେଶର ଆର୍ଥିକ ବ୍ୟବସ୍ଥା ରେ ନିଜର ଯୋଗଦାନ ଦେଇପାରିବ | ଏହା ଛଡ଼ା ରାଜନୀତିରେ ନିଜର ପରିପକ୍ୱତା ପ୍ରଦର୍ଶନ କରି ପାରିବେ | ଖାଦ୍ୟ ଜନିତ ବିଭାଗ କିମ୍ବା ପୋଷଣ ଜନିତ ବିଭାଗରେ ମହିଳା ମାନେ ନିଜର ଉତ୍କୃଷ୍ଟ ଅବଦାନ ଦେଇପାରିବେ | ପୋଷାକ ପ୍ରସ୍ତୁତି ବିଭାଗ ପୁଣି ଚର୍ମ ସମସ୍ୟା ତଥା ସୌନ୍ଦର୍ଜିକରଣ ବିଭାଗରେ ମଧ୍ୟ ନିଜର ନାମ ଅର୍ଜନ କରିପାରିବେ |

ଏହି ସବୁ ବର୍ଗ ଯାହାକି ପୁରୁଷ ମାନଙ୍କ ତୁଳନାରେ ନାରୀ ମାନେ ଅଧିକ ଉନ୍ନତି କରି ପାରିବେ, ସେଥି ପାଇଁ ସେମାନଙ୍କୁ ଉଚିତ୍ ଶିକ୍ଷା ଅବଲମ୍ବନ କରିବା ଆବଶ୍ୟକ | ନିଜର ଦକ୍ଷତା ପ୍ରଦର୍ଶନ ପୁଣି ଯୁଗ ପରିବର୍ତ୍ତନ ସହ ତାଳଦେଇ ଚାଲିବାକୁ ଉଚିତ ଶିକ୍ଷାର ଆବଶ୍ୟକତା ରହିଛି |

ସରକାରଙ୍କ ଦ୍ଵାରା ଅନେକ ବୃତ୍ତି ତଥା ଉଚ୍ଚ ଶିକ୍ଷା ମୂଳକ ନିୟମ ସବୁ ମହିଳା ମାନଙ୍କ ପାଇଁ ବନା ହୋଇଛି ଯାହା ଦ୍ଵାରା ମହିଳା ମାନେ ଉଚିତ ଶିକ୍ଷା ନେଇପାରିବେ ପୁଣି ଖାଇଡ୍ର ବ୍ୟବସାୟ ମଧ୍ୟ ସୁରୁଖୁରରେ ଆରମ୍ଭ କରି ପାରିବେ | ତେବେ ଏତେସବୁ ବ୍ୟବସ୍ଥା ସତ୍ତ୍ୱେ ଆମର ପ୍ରଥମ କର୍ତ୍ତବ୍ୟ ହେଉଛି ଆମେ ସେସବୁ ବ୍ୟବସ୍ଥାର ଲାଭ ଉଠେଇବା ସହ ମହିଳା ସଶକ୍ତିକରଣ ପ୍ରତି ଧ୍ୟାନ ଦେବା ଯାହାଦ୍ଵାରା ଆମ ମହିଳା ମାନେ ଆତ୍ମନିର୍ଭରଶୀଳ ହେବା ସହ ସମାଜର ଉନ୍ନତିରେ ହାତ ବଢ଼ାଇ ପାରିବେ ଏବଂ ଦେଶ ବିଦେଶର ନିଜର ଗୌରବ ଅର୍ଜନ କରିପାରିବେ |

ସୁସ୍ମିତା ଜେନା

ବିଶାଖପାଟଣା

Importance of education for women: empowerment through education

ମହିଳା ମାନଙ୍କ ଶିକ୍ଷାର ଗୁରୁତ୍ଵ: ଶିକ୍ଷା ମାଧ୍ୟମରେ ସଶକ୍ତିକରଣ