ମହେଶ୍ୱରୀ
~~~~~~
ମାଡିଆସିଯିବ ଯଦି କେବେ ବାତ୍ୟା
ରଡି କରି ଘଡଘଡି
ଡ଼ରିକି କେବେ ତୁ ରହି ଯିବୁ ନାହିଁ
ପବନ କୁ ଭୟ କରି ||
ନାରୀ ଅଟୁ ତୁହି ଅଟୁ ମହେଶ୍ୱରୀ
ଅଟୁ ତୁ ଜଗତଜିତା
ହାରି ଯାଇ ମନେ କୌଣସି ସ୍ତିତି ରେ
ନୁଆଇଁବୁ ନାହିଁ ମଥା ||
ସାକ୍ଷୀ ଅଛି ଆମ ଜାତି ଇତିହାସ
ସବୁରି କେନ୍ଦ୍ର ରେ ନାରୀ
ପାପୀ ଜାତି କେତେ ଭସ୍ମ ହୋଇଛନ୍ତି
ଉଠେ ଯେବେ ସେ ଚି଼ଙ୍ଗାରି ||
ସଂଘର୍ଷ ର ତୋର ସୀମା ନାହିଁ କିଛି
ନାହିଁ କିଛି ପ୍ରାନ୍ତ ବିନ୍ଦୁ
ଚାହିଁଲେ ଜହ୍ନ କୁ ଯାଇପାରୁ ତୁହି
ତରି ଯାଇପାରୁ ସିନ୍ଧୁ ||
ତୋ' ପାଇଁ କେହି ଲଢ଼ି ଯିବ ବୋଲି
କାହିଁ ଏ ଆଶା ରଖିଛୁ?
ମନ ଖୋଲି ସବୁ ପ୍ରେମ ବାଣ୍ଟି ଦେଲୁ
ତୋ' ପାଇଁ କେତେ ରଖିଛୁ?
ଶିଖିଯା ଏବେ ତୁ ନିଜକୁ ଦେଖିବା
ପ୍ରେମ ଭରା ସେ ଆଖିରେ
କବାଟ ଖୋଲିକି ଖୁସି କୁ ଆଣିଦେ
ତାଲା ଲଗାଇ ବାକିରେ ||
କେବେ ତୁ ସୂର୍ଯ୍ୟ ଙ୍କ ତେଜ ପରି ଅଟୁ
ତତଲା ଦିନ ର ଖରା
କେବେ ପୁଣି ସେଇ ଶୀତଳ ଆକାଶେ
ସନ୍ଧ୍ୟା ର ପ୍ରଥମ ତାରା ||
ଲଢ଼ିବା ତୋ ପ୍ରତି ରକ୍ତ ରେ ଅଛି
ରହି ଯିବା କିନ୍ତୁ ନୁହେଁ
ଜନ୍ମ ହେବ ଠାରୁ, ଜନ୍ମ ଦେବା ଯାଏ
ବାଟ ତ ସହଜ ନୁହେଁ ||
ତୁ କେବେ ଦ୍ରୌପଦୀ, ତୁ ହିଁ ଅଟୁ ସୀତା
ଭାଙ୍ଗିବାର ଡର ଅଛି
ହେଲେ ଭୁଲିବୁନି ମହାକାଳୀ ବି ତୁ
ଡରିବାକୁ ନାହିଁ କିଛି ||
ବାଟ ତୋର କେବେ ସହଜ ରହିନୀ
ପ୍ରାରମ୍ଭ ରୁ କଣ୍ଟା ଭରା
କିନ୍ତୁ ରହିଯିବା ତୋ କାମ ନୁହେଁ
ମହେଶ୍ୱରୀ ଅଟୁ ପରା ||

ଆଞ୍ଚଲ ଆୟୁଷ୍ମତୀ

International women's day

Happy women's day // ଅନ୍ତର୍ଜାତୀୟ ମହିଳା ଦିବସ ର ଅନେକ ଶୁଭକାମନା