ଲୋକେ କହନ୍ତି ମା ମମତା ର ସାଗର,

ହେଲେ ମା ହୋଇ ଆଜି କାହିଁ ଭାରି ଈର୍ଷା ହଉଚି।

ତୋ କାନ୍ଦ ରେ ଆଜି କମ୍ପୁଚି ମେଦିନୀ,

କମ୍ପୂଚି ମୋ ମନର ସତ ତରଙ୍ଗ।

ହେଲେ କୋଳେ ଧରି ଜେଜେମା ଯେ ଗାଉଚନ୍ତି ଗୀତ,

ତାକୁ ଦେଖି କାହିଁ ଭାରି ଈର୍ଷା ହଉଚି।

ଆଜି ଏନ୍ତୁଡ଼ି ରେ ଅବସ ହୋଇ ତୋ ସ୍ପର୍ଶ ରୁ ମୁଁ ଯେ ବଞ୍ଚିତ,

ସେଥି ପାଇଁ ଆଜି ଭାରି ଈର୍ଷା ହଉଚି।

ଦଶ ମାସ ଯାଏଁ ଖାଲି ମୋର ଥିଲୁ,

ହେଲେ ତୋ ଉପସ୍ଥିତି ର ଅନୁଭୂତି ଯେ ସଭିଙ୍କୁ ହଉଚି

ସେଥିପାଇଁ ଆଜି କାହିଁ ଭାରି ଈର୍ଷା ହଉଚି।

ତୋ ବାପା କୁହନ୍ତି ତୁ କାଳେ ତାଙ୍କ ପରି ଦିଶୁଚୁ,

ହାତ ପାଦ ସବୁ କାଳେ ତାଙ୍କର ଛଡ଼େଇ ଆଣିଚୁ

ଇଚ୍ଛା ନଥାଇ ସତକୁ ଯେ ମାନିବାକୁ ପଡ଼ିଛି,

ସେଥିପାଇଁ ଆଜି ଭାରି ଈର୍ଷା ହଉଚି।

ଉତ୍ତରାଧିକାରୀ କହି ବନ୍ଧୁ ମାନେ କେଡେ ଖୁସି ହୁଅନ୍ତି

ତୋ ଭିତରେ ବଂଶ ର ଅଂଶ ପାଇ ଗର୍ବ ରେ ଫାଟି ପଡ଼ନ୍ତି।

ଅଜାଣତରେ ତୋ ଭିତରୁ ମୋ ଅସ୍ଥିତ୍ଵକୁ ହରାଇ

ଆଜି କାହିଁ ଭାରି ଈର୍ଷା ହଉଚି।

ତୋ ରକ୍ତ, ମାଂସ, ଶିରା ପ୍ରଶିରା ମୋ ରକ୍ତ କଣିକା ରୁ ଗଢା ହେଲେବି

ତୁ ତୋ ବାପା ର ଅଂଶ ଶୁଣି ଭାରି ଈର୍ଷା ହଉଚି।

ମୁଁ ଜଣେ ମା, ଯିଏ ଦୟା ର ସାଗର

ତଥାପି ତୋତେ ଅନ୍ୟ ସହ ବାଣ୍ଟି ଭାରି ଈର୍ଷା ହଉଚି।