ଧାର୍ମିକ ଏବଂ ଦାର୍ଶନିକ ଗ୍ରନ୍ଥ ଗୁଡ଼ିକର ଅନେକ ପଠନ ତଥା ପରିଶୀଳନ ପରେ ମଧ୍ୟ ଲୋକେ ଜାଣିପାରନ୍ତି ନାହିଁ ଯେ ନିଜର ବ୍ୟବହାର କେମିତି ହେବା ଦରକାର, ଯାହାଦ୍ଵାରା ଜୀବନର ଲକ୍ଷ ଆତ୍ମସାକ୍ଷତ୍କାର ପ୍ରାପ୍ତି ସମ୍ଭବ ହେବ ।

ଏଥିପାଇଁ ତିନୋଟି ବିଷୟ ପ୍ରତି ଦୃଷ୍ଟି ଦେବା ଆବଶ୍ୟକ :

୧ - ଈଶ୍ୱରଙ୍କୁ ସତତ ସ୍ମରଣ

୨ - ସଦଗୁଣର ଅର୍ଜନ

୩ - ସମସ୍ତ କାର୍ଯ୍ୟର ଆଧ୍ୟାତ୍ମିକରଣ ।

୧ - ସତତ ଈଶ୍ୱର ସ୍ମରଣ :

ପ୍ରାରମ୍ଭରେ କିଛି ତ୍ରୁଟି ହେଲେ ମଧ୍ୟ ବାରମ୍ବାର ଅଭ୍ୟାସ ଦ୍ଵାରା ଏହା ସମ୍ଭବ ହୋଇପାରେ । କୁଣ୍ଡଳିନୀ ଶକ୍ତିର ଜାଗରଣ ତଥା ବ୍ରହ୍ମାକାର ବୃତ୍ତିର ପାପ୍ତି ବହୁତ କଠିନ ହେଲେ ମଧ୍ୟ ମନ ଶୁଦ୍ଧ ହୋଇଗଲା ପରେ ତାହା ସ୍ଵତଃ ପ୍ରାପ୍ତ ହୋଇଯାଏ ।

୨ - ସଦଗୁଣ ଅର୍ଜନ :

ସମସ୍ତ ସଦଗୁଣ ମଧ୍ୟରେ ଅହିଂସା, ସତ୍ୟ ତଥା ବ୍ରହ୍ମଚର୍ଯ୍ୟ ମୁଖ୍ୟ ଅଟେ । ଏହି ତିନୋଟି ମଧ୍ୟରୁ ଯଦି ଆପଣ ଗୋଟିକରେ ପ୍ରତିଷ୍ଠିତ ହୋଇଯିବେ, ତାହାଲେ ଅନ୍ୟ ଗୁଡ଼ିକ ସ୍ଵତଃ ଆପଣଙ୍କ ପାଖକୁ ଆସିଯିବେ । ବୃତିଗୁଡିକୁ ନିରୀକ୍ଷଣ କରିବା । ଅନ୍ତର୍ନିରୀକ୍ଷଣ କରିବା । ମନ, ବାଣୀ ତଥା କର୍ମରେ ଶୁଦ୍ଧ ରହିବା । ପ୍ରାରମ୍ଭରେ କମ୍ ସେ କମ୍ ଶାରିରୀକ ବ୍ରହ୍ମଚର୍ଯ୍ୟ ପାଳନ କଲେ ମାନସିକ ବ୍ରହ୍ମଚର୍ଯ୍ୟ ସ୍ଵତଃ ହୋଇଯିବ ।

୩ - ସମସ୍ତ କର୍ମର ଆଧ୍ୟାତ୍ମିକ ରଣ :

ଈଶ୍ବରଙ୍କ ହାତରେ ଆମେ ଯେ ନିମିତ୍ତ ମାତ୍ର ଏହା ସଦା ଅନୁଭବ କରିବା । " ମୁଁ ତୁମର ଅଟେ, ସବୁକିଛି ତୁମର ଅଟେ, ତୁମର ଇଛା ପୂର୍ଣ୍ଣହେଉ" - ଏହି ମନ୍ତ୍ର ଉଚ୍ଚାରଣ କରିବା ।

ଏହା ଆତ୍ମ ସମର୍ପଣ ପାଇଁ ସୁନ୍ଦର ମନ୍ତ୍ର ଅଟେ । ନିଜର ଅହଙ୍କାର ପ୍ରଭାବରୁ ଆମେ ଏହା ଭୁଲି ଯାଇପାରନ୍ତି ; ମାତ୍ର ବାରମ୍ବାର ଅନ୍ତର୍ନିରୀକ୍ଷଣ ଦ୍ଵାରା ନିଜର ଦୋଷକୁ ଖୋଜି ବାହାର କରିବା ସହିତ ସୁଧାର ପ୍ରତି ଯତ୍ନଶୀଳ ରହିବା ।

" ମୁଁ ଈଶ୍ବରଙ୍କ ହାତରେ ଏକ ଯନ୍ତ୍ରମାତ୍ର" ......"ମୁଁ ସଦା ଈଶ୍ୱରଙ୍କ ଶ୍ରୀ ପୟରେ ସମର୍ପିତ"...... ମୋର ଇଚ୍ଛା ବୋଲି କିଛି ନ ରହୁ....ଏହି ଜୀବନ ରେ ସଦା ତୁମର ସଦିଚ୍ଛା ପୂର୍ଣ୍ଣ ହେଉ ।।

ଏହି ଭାବରେ ସ୍ଥିତ ରହିବାକୁ ସତତ ଚେଷ୍ଟା କରିବା । ସଦା ଭଗବତ କୀର୍ତ୍ତନ (ସ୍ବ ମନରେ) , ଚିନ୍ତନ , ମନନ ରେ ପ୍ରଭୁ ଙ୍କର ଚରଣାବିନ୍ଦ ରେ ମନ ଓ ହୃଦୟକୁ ସ୍ଥିର ରଖିବା । ସଭିଙ୍କୁ ବହୁତ ବହୁତ ଭଲପାଇବା..... ଓଁ ଶ୍ରୀ ରାମାର୍ପଣ ମସ୍ତୁ 🙏❤️🙏

ଈଶ୍ୱର - ସାକ୍ଷାତକାର ପାଇଁ ତିନୋଟି ପ୍ରମୁଖ ଉପାୟ

ଈଶ୍ୱର - ସାକ୍ଷାତକାର ପାଇଁ ତିନୋଟି ପ୍ରମୁଖ ଉପାୟ