କିଏ କହୁଛେ ଇଟା ଆଏ

କିଏ କହୁଛେ ଇଟା ନାଇଁ

କିଏ ବଲୁଛେ ସେଟା ଆଏ

କିଏ ବଲୁଛେ ସେଟା ନାଇଁ

ଇଟା, ହେଟା ଆଉ ସେଟା କଥା

ଆଏ ବଢ଼େ ସନାଘଁଟା ।୦।

ଗୁପା ଗୁନ୍ଦଲିଆ, ଘଁଟାସଁଟା

ଘାଟି ସାନି ହେବ ସିନା

ଯେନ୍ତା କହ, ଯେନ୍ତା ସୁନ,

ସବୁ ସରିଯିବା ଇନେ

ସବୁ ଲିଭି ଯିବା ଦିନେ

ଜୀବନ୍ ଆଏ ଛୁଛାଟା ।୧।

ଜୀଇଁ ନାଇଁ ଜାନବ ବେଲେଁ

(ଲେକିନ୍) ଇଟା ଲାଗସି କଚୋ ପିତା

ବନେ କରି ଗଢ଼ି ଜାନଲେ

ତା’ର୍ ସୁଆଦ୍ ଖଁଡ଼୍ ମଧୁର

ଗୁଡ଼୍, ଅର୍ସା ବାଗିର୍ ଆଏ

ଚାଖି ଦେଖ

ଅବଗା ମିଠା ।୨।

ଓଡ଼ିଶା ରାଜ୍ୟ ମୁକ୍ତ ବିଶ୍ୱବିଦ୍ୟାଳୟ, ମୁଖ୍ୟ କାର୍ଯ୍ୟାଳୟ, ସମ୍ବଲପୁର

ବିଭାଗୀୟ ମୁଖ୍ୟ (ଓଡ଼ିଆ)

କୁଲିତାପଡ଼ା,ମୋଦିପଡ଼ା

ସମ୍ବଲପୁର

ପିନ୍ କୋଡ଼-୭୬୮୦୦୨

ଯୋଗାଯୋଗ -୭୯୭୮୮୬୪୬୧୨

ଜୀବନ୍ Jeevan