କନ୍ୟା ହେଇ ଜନ୍ମ ହେଇଥିବା ଝିଅଟି ସମୟ କ୍ରମେ ବିବାହ ବନ୍ଧନରେ ଆବଦ୍ଧ ହେଲା ପରେ ବଧୂର ଆଖ୍ୟା ପାଏ। କିନ୍ତୁ ସେଇ ବଧୂ ପିଲାଟିଏ ଜନ୍ମ ଦେଲା ପରେ ହିଁ ମା' ହେବାର ସୌଭାଗ୍ୟ ପ୍ରାପ୍ତ କରିଥାଏ। ତାର ଅନେକ ରୂପ ମଧ୍ୟରୁ ମୁଁ ଆବିଷ୍କାର କରିଛି ତା "ମା" ରୂପକୁ।

"ମା"ରୂପରେ ବି ତାର ଅନେକ ଦିଗ ଅଛି କିନ୍ତୁ ମୁଁ ଆଜି ତାର ଖାଦ୍ୟ ପ୍ରସ୍ତୁତ କରିବା ଦିଗଟିକୁ ଉଲ୍ଲେଖ କରିବି। ମୋର ଜନ୍ମ ହେବାଠୁ ନେଇ ସେ ସାଙ୍ଗରେ ଥିବା ପର୍ଯ୍ୟନ୍ତ ତାର କେବଳ ଗୋଟେ ମୁଖ୍ୟ ଚିନ୍ତା,ମୋ ପିଲାଟି କଣ ଖାଇବ। ସେଥିପାଇଁ ତ ଭୃଣ ଥିଲା ବେଳେ ନିଜ ପେଟରେ ରଖି ମୋତେ ଖାଇବାକୁ ଦେଲା,ଜନ୍ମ ହେଲାପରେ ତା ଛାତିର ଖିର ମତେ ଖୁଆଇଲା,ଟିକେ ବଡ ହେଲା ପରେ ତା ହାତ ରନ୍ଧା ମୋତେ ଯୋଗେଇ ଚାଲିଲା ।

ଛୋଟ ଥିଲା ବେଳେ ମୋ ପାଇଁ ଖାଦ୍ୟ ବନେଇବା ସମୟରେ ବା ମୋତେ ଖୁଆଇବା ସମୟରେ ଯଦି ତାକୁ ଅନ୍ୟ କେଉଁ କାମ ପାଇଁ ଘରର ଅନ୍ୟ ସଦସ୍ୟ କୁହନ୍ତି ସେଇ ସମୟରେ ତା ମୁଖ ମଣ୍ଡଳରେ ସଫା ସଫା ମୁଁ ବିରକ୍ତି ଭାବର ଝଲକ ପରିଲିକ୍ଷିତ କରିପାରେ।

ଛୋଟ ଥିଲା ବେଳେ ମୁଁ କଣ ଖାଇ ପାରିବି ତାକୁ ପ୍ରସ୍ତୁତ କରିବା, ଟିକେ ବଡ ହେଲା ପରେ ମୁଁ କଣ ଖାଇବି ନାହିଁ ତାକୁ ବାଦ ଦେଇ ମୁଁ ଭଲ ପାଉଥିବା ଖାଦ୍ୟ ବନେଇବା,ଆଉ ବଡ ହେଇ ବିବାହ କରିବା ପରେ ତାର ବୋହୁ ବା ମୋର ପତ୍ନୀ ଯେତେବେଳେ ମୁଁ ମୋଟା ହେଇଯାଉଛି ବୋଲି ଖାଦ୍ୟ ରେ କଟକଣା ଲଗେଇଥାଏ,ମୋ ମାଆ ମୋର ବ୍ୟାକୁଳତା କୁ ଅନୁଭବ କରେ ଆଉ ତା ବୋହୁ ନଥିବା ବେଳେ ମୋତେ ଭଲ ଲାଗୁଥିବା ଖାଦ୍ୟ କୁ ମୋ ପାଇଁ ବୁଢ଼ୀ ବୟସରେ ବନେଇକି ଦିଏ।

ମୋର ସ୍କୁଲ ଛୁଟି ହୁଏ, ବାପାଙ୍କର ଅଫିସ ଛୁଟି ହୁଏ,ପାର୍ବପର୍ବାଣିରେ ସମସ୍ତଙ୍କର ଛୁଟି ହୁଏ କିନ୍ତୁ ଏହି ସବୁ ଛୁଟି ଦିନ ମାନଙ୍କରେ ମୋ ମାଆର କାମ ଦୁଇ ଗୁଣ ବଢ଼ି ଯାଇଥାଏ।ବିଶେଷ ଭାବରେ ରୋଷେଇ କରିବା କାମଟି।

ଛୋଟ ଠାରୁ ବଡ ହବା ଯାଏଁ ମାଆ କୁ ମୁଁ ଅଧିକାଂଶ ସମୟ

ରୋଷେଇ ଘରେ ହିଁ ଦେଖିଥାଏ। ସେଥିପାଇଁ ତ ମୁଁ ଭାବେ.....

ଝିଅ ଜନମ ପର ଘରକୁ

ମାଆ ଜନମ ରୋଷେଇ ଶାଳକୁ

🙏ଜୟ ⭕❗⭕ଜଗନ୍ନାଥ 🙏

" ଝିଅ ଜନ୍ମ ପର ଘରକୁ 'ମା'ର ଜନ୍ମ ରୋଷେଇ ସାଳକୁ "

ଭଗବାନଙ୍କ ନିକଟରେ ମୋର ଗୋଟିଏ ପ୍ରାର୍ଥନା 🙏 ମୋତେ ସବୁ ଜନ୍ମରେ ମୋତେ ଏଇ ମୋ "ବଉ"ର କୋଳରେ ମୋତେ ଜନ୍ମ ଦିଅନ୍ତୁ।