ମନ କହେ ତମ୍ବାଖୁ ବୋଧେ

ସମୁଦ୍ର ର ଢେଉ ଭଳି ଅସ୍ଥିର,

ଉଜାଡି ପକାଏ ନିରୀହ ଆଖିର

ଅସରନ୍ତି ସ୍ବପ୍ନ ର ବାଲିଘର ।

ମନ କହେ ତମ୍ବାଖୁ ବୋଧେ

ନିରବ ହତ୍ୟାକାରୀ ଦାନବ,

ପିଲାଙ୍କୁ ଛେଉଣ୍ଡ ସଜେଇ ଦିଏ

ବିଧବା ପତ୍ନୀ ପାଲଟି ଯାଏ

ଅସହାୟ ଜିଅନ୍ତା ଶବ ।

ମନ କହେ ତମ୍ୱାଖୁ ବୋଧେ

ବିସ୍ତାରିତ କମଣ୍ଡଳୁ ବୃକ୍ଷ,

କର୍କଟ,ହୃଦଘାତ,ମସ୍ତିଷ୍କାଘାତ ଆଉ

ଶ୍ୱାସରୋଗ ରୂପେ ଆସ୍ତେ

ନିରବେ ବ୍ୟାପି ଜାଳିଦିଏ ବକ୍ଷ ।

ଗ୍ରାସ ପାଏ ପରା

ରୋଗ ପ୍ରତିରୋଧକ କ୍ଷମତା

ପୁଣି ମାନସିକ ଅବସାଦର ବିସ୍ତୃତି,

ଭଡ଼ା ବିଷ କହିଲେ ତମ୍ବାଖୁ କୁ

ନ ହୁଏ ତିଳେ ଅତ୍ୟୁକ୍ତି ।

ଦୋକାନ, ବଜାର ଯୁଆଡେ ଦେଖିଲେ

ଗୁଟଖା, ତମ୍ବାଖୁ ମାଳମାଳ,

କାହିଁ କେତେ ଯେ' ଜୀବନ କୁ

କରୁଥାଏ ହନ୍ତସନ୍ତ ଆଉ କଲବଲ ।

ମନ କହେ ତମ୍ବାଖୁ ବୋଧେ

ନୀର ରୂପୀ ମରୀଚିକା,

ଜୀବନ କୁ ପଥଭ୍ରଷ୍ଟ କରେ

ସାଜି ଦୁଷ୍ଟ ଖଳନାୟିକା ।

ମନ କହେ ତମ୍ୱାଖୁ ବୋଧେ

ଗ୍ରୀଷ୍ମ ର ତତଲା ଗରଳ,

ସନ୍ତୁଳି ଦେଉଛି ସଭିଙ୍କୁ

ନିଃଶ୍ୱାସ ନେବା କୁ ନାହିଁ ବେଳ।

କେବେ ପ୍ରଜନନ, ଋତୁସ୍ରାବ ଆଉ

ଗର୍ଭଧାରଣ ର ବିରୋଧୀ ହୋଇ,

ଅଥଳ ସାଗର ସ୍ରୋତ ରେ

ଲକ୍ଷେ ସଂସାର ଦିଏ ଭସେଇ ।

ପ୍ରତିବର୍ଷ ବିଶ୍ଵ ରେ ଷାଠିଏ ଲକ୍ଷ୍ୟ

ତହିଁ ରୁ ଦଶ ଲକ୍ଷ ଭାରତ ର

ତମ୍ୱାଖୁ ଆକ୍ରାନ୍ତ,

ତମ୍ୱାଖୁ ଜାଳିଦିଏ ହୃଦୟ

ଏହା ଅକାଟ୍ୟ ସତ୍ୟ ।

ମନ କହେ ତମ୍ବାଖୁ ବୋଧେ

ଆଦ୍ୟ କଳି ର କାଳ,

କିନ୍ତୁ କଲମ ମୁନ କାହିଁକି ଆଜି

ମାନୁ ନାହିଁ ମନ ର ବୋଲ ।

ବିଚଳିତ ହୋଇ ଲେଖି ହେଇ ଯାଏ

ନିଜର ମୃତ୍ୟୁ କୁ ନିଜେ ରଚୁଛ,

ନିର୍ଜୀବ ବିଷ କୁ କାହିଁ ନିନ୍ଦୁଛ ।

ଜଳଜଳ ଦିଶେ ତମ୍ବାଖୁ ଛାତିରେ

ସେ ବିଭତ୍ସ କର୍କଟ ଚିତ୍ର,

ଅଣଦେଖା କରି ସେବନ କଲେ

ବଦଳି ଯାଏ ଟି ଜୀବନ ସୂତ୍ର ?

ସଫଳ କି' ହୁଏ ତୁମ

ଦେଖାଣିଆ ସଚେଚନତା,

ଆଉ ଅଧେ ଦାୟୀ

ପ୍ରଶାସନିକ ଉଦାସୀନତା ।

ତମ୍ବାଖୁ ର ଯେତେ କାରଖାନା ଅଛି

କର ଆଗେ ତା'ର ମୂଳୋତ୍ପାଟନ,

ତେବେ ତମ୍ବାଖୁ ଯୁକ୍ତ ଦେଶ ହେବ

ତମ୍ବାଖୁ ମୁକ୍ତ ରାଷ୍ଟ୍ର ରୂପେ ପରିବର୍ତ୍ତନ।

ସବୁରି ମୂଳରେ ନିଜ ପଦକ୍ଷେପ

କରି ପାରନ୍ତା ତମ୍ବାଖୁ ଜାତି ବିଲୋପ ।

କେବଳ ଯେ' ମେ ୩୧ ନୁହେଁ

ବରଂ ପ୍ରତିକ୍ଷଣେ ତମ୍ବାଖୁ କୁ କର ପର,

ନିଜ ସଂସାର ସାଙ୍ଗେ ହସିବ

ଆଉ କେତେ ପରିବାର ।

ନିଜ ସ୍ବାସ୍ଥ୍ୟ ଦାୟିତ୍ଵ ନିଜ ହାତ ରେ,

ତମ୍ବାଖୁ ନୁହେଁ ଜୀବନ କୁ ବାଛନ୍ତୁ

ବିନା ସଙ୍କୋଚ ରେ ।

ନାମ : ଭାଗ୍ୟଲକ୍ଷ୍ମୀ ସାହୁ ।

ଜୀବନ କୁ ସଶକ୍ତ କରିବା : ତମ୍ବାଖୁ ମୁକ୍ତ ଭବିଷ୍ୟତ ପାଇଁ ପ୍ରତିଶ୍ରୁତି

Tobacco Nishedh Divas