ମଧୁସ୍ମିତା ସାହୁ

ବ୍ରହ୍ମା ନଗର ପ୍ରଥମ ଗଳି

ବ୍ରହ୍ମପୁର

ଜିଲ୍ଲା-ଗଞ୍ଜାମ

ଓଡ଼ିଶା

ମୋ--୯୩୪୮୨୮୫୪୧୬

ଜୀବନ ଏକ ନାଟକ ସଦୃଶ ,ଆମେ ମାନବ ଜାତି ଏକ କଳାକାର ରୂପ‌ ନେଇ ଅଭିନୟ କରି ବଞ୍ଚିରହି ସଂସାର ବକ୍ଷରେ କିଛିଦିନ କର୍ତ୍ତବ୍ୟ ସମ୍ପାଦନ କରିବା ପାଇଁ ଆସିଛୁ। ଈଶ୍ଵର ଆମକୁ ବହୁମୂଲ୍ୟ ଶରୀର ଦେଇ କର୍ମଠ ହେବାକୁ ସାମର୍ଥ୍ୟ କରିଛନ୍ତି। ଆମେ

କୃତଜ୍ଞତା ଜ୍ଞାପନ କରିବା ଆବଶ୍ୟକ ।

ଏହି ଶରୀରଟି ଏକ ଭଡାଘର ଅଟେ , ଯେଉଁ ଠି ଯେତେ ସୁନ୍ଦର ସାଜସଜ୍ଜା କରିଥିଲେ ମଧ୍ୟ ମାଲିକ କହିବ ଚାଲି ଯା କହିଲେ ,ସେ ଗୃହ ଛାଡି ଯିବାକୁ ବାଧ୍ୟ ହେବା, ଠିକ୍ ସେହି ପରି ଆମେ ଏହି ଶରୀରକୁ ପ୍ରଭୃଙ୍କ ନିର୍ଦ୍ଦେଶନାରେ

କାର୍ଯ୍ୟ କାରୀ କରିଥାଉ, ,ସେ ଯେତେବେଳେ ଆଦେଶ ଦେବେ ସେତେବେଳେ ଆମେ ଶରୀରକୁ ଛାଡି ଚାଲିଯିବା ଏଣୁ ସ୍ବାସ୍ଥ୍ୟ ହିଁ ସମ୍ପଦ ଅଟେ।

( ଯୋଗ ) ----ଭଗବାନ ସୃଷ୍ଟି ରଚନା ଅନୁସାରେ କର୍ମ କରିବା ଆମର କର୍ତ୍ତବ୍ୟ ।ମନ କୁ ଭଗବାନ ସହ ଲୀନ ଓ ସର୍ମପଣ କରିଦେବା ସହ ଏକାଗ୍ରତାର ସହ ଧ୍ୟାନ ମଗ୍ନ ହେବାକୁ ଯୋଗ କୁହାଯାଏ । ଏହା ଦ୍ବାରା ଆମର ସ୍ମୃତି ଶକ୍ତି ଫେରି ସ୍ଥିର ରହିବ। ଦିନ ଚର୍ଯ୍ୟାରେ ସକାଳ ବ୍ରହ୍ମ ମୁହୁର୍ତ୍ତରେ ଉଠି କିଛି ମନ୍ତ୍ର ପଢି କିଛି ଧ୍ୟାନମଗ୍ନ ଅବସ୍ଥାରେ ଯୋଗ କଲେ ବହୁତ ସୁନ୍ଦର ଆତ୍ମତୃପ୍ତି ଲାଘବ ହେବାସହ ନିଜସ୍ବ ମାନସିକ , ଆଧ୍ୟାତ୍ମିକ, ଶାରିରୀକ ସୁସ୍ଥ ହୋଇ ବିଭିନ୍ନ ନୂତନ ଉନ୍ମାଦ ଆସେ। ତିନିଥର ଓମ୍ ଉଚ୍ଚାରଣ କରି

ଗାୟତ୍ରୀ ମନ୍ତ୍ର,ମହାମୃତ୍ୟୁଞ୍ଜୟ ମନ୍ତ୍ର,ସଂକଳ୍ପ ମନ୍ତ୍ର, ପ୍ରାର୍ଥନା ମନ୍ତ୍ର, ସୂର୍ଯ୍ୟ ନମସ୍କାର୫-୭ଥର, ସହଜ ବ୍ୟାୟାମ (ଜଗିଙ୍ଗ,ମିଶ୍ର ଦଣ୍ଡ, ବାର ପ୍ରକାର ଦଣ୍ଡ ଓ ୮ ପ୍ରକାର ବୈଠକ ର ପୂର୍ଣ୍ଣ ଅଭ୍ୟାସ)

#ମଣ୍ଡୁକାସନ (୧,୨)

#ଶଶକାସନ

#ଗୋମୁଖାସନ

#ବଜ୍ରାସନ

#ମକରାସନ

#ଭୁଜଙ୍ଗାସନ,(୧,୨.୩)

#ଶଲଭାସନ(୧,୨)

#ମର୍କଟାସନ(୧,୨,୩)

#ପବନମୁକ୍ତାସନ(୧,୨,)

#ଅର୍ଦ୍ଧହଳାସନ

#ହଳାସନ

#ପାଦବୃତ୍ତାସନ

#ଦ୍ଵିଚକ୍ରିକାସନ(୧,୨,୩)

#ଶବାସନ

( ପ୍ରାଣାୟମ )ଅର୍ଥ --ପ୍ରାଣକୁ ବଞ୍ଚାଇ ରଖିବାକୁ ବ୍ୟାୟାମ । ଏହା କରିବା ଆମପାଇଁ ଅତ୍ୟନ୍ତ ଜରୁରୀ ପଦକ୍ଷେପ । ଏହା ସାଗଂଠନିକ ଭାବେ କରିବା ଦ୍ବାରା ପ୍ରଚୁର ଲାଭ ଦାୟକ ଅଟେ । ମୁଦ୍ରା ସନ ଓ ପ୍ରାଣାୟମ ଦ୍ବାରା ଆମର ସମସ୍ତ ଶିରାପ୍ରଶିରା, ରକ୍ତ ସଂଚାଳନ ଶ୍ଵାସ ପ୍ରକ୍ରିୟା ଇତ୍ୟାଦି ଜାଗ୍ରତ ରୂପେ ଆମକୁ ଆସ୍ତିକ ଭାବନା ସୃଷ୍ଟି କରିବା ସହ ବୟସର ପରାପକ୍ୱତା କୁ ସନ୍ତୁଳିତ କରି ଆମ ରୋଗ ପ୍ରତିରୋଧକ ଶକ୍ତି ଗଠନରେ ସହାୟକ ହୋଇ ଥାଏ।

#ଭସ୍ମିକା ପ୍ରାଣାୟମ

#କପାଳଭାତି ପ୍ରାଣାୟମ

#ବାହ୍ୟ ପ୍ରଣାୟମ (ଅଗ୍ମିସାର କ୍ରିୟା)

#ଉଦଜ୍ଜାୟୀ ପ୍ରାଣାୟମ

#ଅନୁଲୋମ ବିଲୋପ ପ୍ରାଣାୟମ

#ଭ୍ରାମରୀ ପ୍ରାଣାୟମ

#ଉଦଘିତ ପ୍ରଣାୟମ

#ପ୍ରଣବ ପ୍ରାଣାୟମ (ଧ୍ୟାନମଗ୍ନ)

ବିଭିନ୍ନ ପ୍ରକାର ରୋଗର ପ୍ରତିଷେଧକ ଶକ୍ତି ସହ ଦୂରୀକରଣର ଉପାୟ ଅନ୍ତର୍ଭୁକ୍ତ ଅଟେ ଏହା ନିରନ୍ତର ଅଭ୍ୟାସ ବଳରେ ଆମକୁ ସୁସ୍ଥ ରଖିବାରେ ସଂପୂର୍ଣ୍ଣ ରୂପେ ସହାୟତା କରେ ।

ଆଜିକାଲି ର ଅପମିଶ୍ରଣ ସାମଗ୍ରୀ ଓ ଖାଦ୍ୟପେୟ ରେ କିଟନାଶକ ଔଷଧ ବ୍ୟବହୃତ ହେବା ଦ୍ବାରା ଖାଦ୍ୟର ଗୁଣାତ୍ମକମାନ ଅପସରି ଯାଇଛି।

ସ୍ବାଦ ନଷ୍ଟହୋଇ ବହୁତ ଅଜଣା ରୋଗକୁ ଆମନ୍ତ୍ରିତ କରୁଛି । ଏଣୁ ଅଳ୍ପାୟୁ ହେବା ବାଧ୍ୟତାମୂଳକ ହୋଇ ପଡ଼ିଛି । ବିଭିନ୍ନ ପ୍ରକାର ରୋଗର ଶିକାର ହେଉଥିବାରୁ ବୈଜ୍ଞାନିକ ପଦ୍ଧତିରେ ଜ୍ଞାନ କୌଶଳ ପ୍ରଣାଳୀ ଜାରି ରହିଛି ମନୁଷ୍ୟ ର ରୋଗକୁ ଦୂରିଭୁତ କରିବା ପାଇଁ, ତଥାପି ପରିବେଶ କଳୁଷିତ ହୋଇପଡିଛି । ଏହିପରି ମନୁଷ୍ୟ ଔଷଧ ର ବଶିଃଭୂତ ହୋଇ ଶ୍ନଶାନ କୁ ଔଷଧ ଧରି ଯିବାକୁ ଅଭ୍ୟାସ ହୋଇଗଲାଣି। ଯେତେ କଷ୍ଟରେ ଧନ ଉପାର୍ଜନ କରୁଛି ସେତେ ସହଜରେ ଡାକ୍ତର ଓ ଔଷଧ ବ୍ୟବହୃତ ରେ ବ୍ୟୟ କରି ଜୀବନକୁ ଉପଭୋଗ କରିବା ଅସମର୍ଥ ହୋଇ ପଡ଼ିଛି ଏଣୁ ସଜାଗ ହୋଇ ଆଳସ୍ୟ ତ୍ୟାଗ କରି ନିଜ ସ୍ବାସ୍ଥ୍ୟ କୁ ସୁରକ୍ଷା ବ୍ୟବସ୍ଥା ପାଇଁ ପ୍ରତ୍ୟହ ଦିନ ସକାଳ ସମୟରେ ନିଜ ବହୁମୂଲ୍ୟ ସମ୍ପତ୍ତି ସ୍ଂରକ୍ଷିତ କରି ଈଶ୍ଵରଙ୍କୁ ସହାୟତା କରି ସୁନ୍ଦର ଜୀବନକୁ ଆନନ୍ଦ ଉଲ୍ଲାସେ ଉପଭୋଗ କରନ୍ତୁ । ନଚେତ୍ ନା ଭଗବାନ ନା ସ୍ବାସ୍ଥ୍ୟ ନା ଜୀବନ, କେବଳ

ଛଟପଟ ମିଳିବ।

ଏଣୁ ----" କରଯୋଗ ରୁହ ନିରୋଗ" ।

ଯୋଗ ଓ ପ୍ରାଣାୟାମ

ଯୋଗ ଓ ପ୍ରାଣାୟାମ ର ମହତ୍ୱ