ଯୁବ ସମାଜ ହେଉଛି ଏ ରାଷ୍ଟ୍ର ର ଭବିଷ୍ୟତ । ଭାରତ ଏକ ଯୁବ ସମାଜ ପ୍ରଧାନ ରାଷ୍ଟ୍ର ଯେଉଁଠି ପାଖାପାଖି ଶତକଡ଼ା ୬୫ ଭାଗ ଯୁବଶକ୍ତି ରହି ଅଛି। ତେବେ ଏହା ଅବଶ୍ୟ ବୁଝିବାକୁ ବାକି ନଥିବ କି ଯେଉଁ ଦେଶରେ ଯୁବଶକ୍ତି ଏତେ ଅଧିକ ତେଣୁ ତାକୁ ଉନ୍ନତି କରିବାକୁ ହେଲେ ଯୁବପିଢି କୁ ସଶକ୍ତ ହେବାର ଆବଶ୍ୟକ ଅଛି। ତେଣୁ ତାକୁ ପ୍ରଥମେ କିଛି କାର୍ଯ୍ୟ ଉପରେ ଗୁରୁତ୍ବ ଦେବାର ଅଛି।

ପ୍ରଥମତଃ ଯୁବ ପୀଢ଼ି ଙ୍କୁ ନିଜ ଦାୟିତ୍ଵ ପ୍ରତି ସଜାଗ ହେବାର ଅଛି। ଯଦି କୌଣସି ନା କୌଣସି ଭାବରେ ଦେଶରେ ବା ସମାଜ ରେ ସକାରାତ୍ମକ value addition କରି ପାରୁଛନ୍ତି ସେମାନେ ନିଜ ପାଇଁ ପ୍ରଥମେ ଗର୍ବ ଅନୁଭବ କରିବା ଉଚିତ୍। ଯେ କୌଣସି କାମ ହେଉ ବା ଯେ କୌଣସି ବୃତ୍ତି ହେଉ ସମସ୍ତଙ୍କ ର ସମାଜ ପ୍ରତି ନିଜସ୍ୱ ନିର୍ଦ୍ଧାରିତ ଦାୟିତ୍ଵ ଥାଏ ତାହା ଯଦି ସେମାନେ ନିଜ ହିସାବରେ ଯୋଗଦାନ ଦେଇ ପାରୁଛନ୍ତି ତେବେ ତାହା ବହୁତ୍।

ସବୁ ଯୁଦ୍ଧ ଦେଶର ବୀର ସୈନିକ ଙ୍କ ଦ୍ଵାରା ସୀମା ରେ ଶତ୍ରୁ ଦେଶ ସହ ଲଢ଼ା ଯାଏନି ତାହା କେବେ ଶିକ୍ଷକ ଦ୍ଵାରା ଅଜ୍ଞାନତା ବିରୋଧରେ ଲଢ଼ାଯାଏ, କେବେ ଡ଼ାକ୍ତର ଦ୍ଵାରା ରୋଗ ବିରୋଧରେ, କେବେ ସମାଜ ସେବକ ଦ୍ଵାରା କୁସଂସ୍କାର ବିରୋଧରେ ତ କେତେବେଳେ ସଫେଇ କର୍ମଚାରୀ ହୋଇ ଆବର୍ଜନା ବିରୋଧ ରେ ଲଢ଼େଇ କରିବାକୁ ହୁଏ। ଆଉ କେହି କାହାଠୁ କମ୍ ନୁହନ୍ତି। ଗୋଟେ ଛାତ୍ର ବି ନିଜର କର୍ତ୍ତବ୍ୟ କରି ଦେଶର ସେବା କରି ପାରିବ।

ଦ୍ଵିତୀୟ ରେ ଆମକୁ ଶିକ୍ଷା ଗ୍ରହଣ କରିବା ଉଚିତ୍। କାହିଁକି ନା ଯେଉଁ ଜାତି ଶିକ୍ଷା କରେ ନାହିଁ ସେ କେବେବି ଦେଶର ଉନ୍ନତି କରେଇ ପାରିବ ନାହିଁ। ଖାଲି ପାଠକୀୟ ଶିକ୍ଷା ନୁହେଁ ତାହା ସହ ଆମ ର ଆଗକୁ ବଢ଼ିବା ପାଇଁ ସବୁ ପ୍ରକାର ଶିକ୍ଷା ଆବଶ୍ୟକ।

"ଯାହା ଅଛି ତହିଁ ଦେଖ ଶିଖିବାର କଥା

ତହୁଁ ଶିକ୍ଷା ଲଭେ ଜ୍ଞାନୀ ନତକରି ମଥା

ଯେଦିନୁ ମାନବ ଜାତି ସମ୍ଭୂତ ଜଗତେ

ସେଦିନୁ ଚାଲିଛି ତାର ଶିକ୍ଷା ଅବିରତେ

ତୃତୀୟ ରେ ଦେଶର ସମ୍ବିଧାନ ଉପରେ ସଚେତନ ରହିବା ଆବଶ୍ୟକ। ଖାଲି ସମ୍ବିଧାନ ପ୍ରଦତ୍ତ ଅଧିକାର ନୁହେଁ ସମ୍ବିଧାନ ଆମକୁ ଦେଇଥିବା ନାଗରିକ କର୍ତ୍ତବ୍ୟ କୁ ପାଳନ କରିବାର ଅଛି। ଆମେ ଯଦି ସମ୍ବିଧାନ ଉପରେ ସଚେତନ ରହିବା ତେବେ ଯଦି ଆମ ଉପରେ କିମ୍ବା ଆମ ପାଖ ରେ ହେଉଥିବା ଅନ୍ୟାୟ ଓ ପାତରଅନ୍ତର ଦୂରୀଭୂତ କରି ପାରିବା ।

ଚତୁର୍ଥ ରେ ଶିକ୍ଷିତ ଯୁବପିଢି କୁ କିଛି ମାତ୍ରା ରେ ରାଜନୀତି ଓ ଭୋଟ୍ ବିଷୟରେ ଜ୍ଞାତ ରହିବା ଆବଶ୍ୟକ। ପ୍ରଥମ କଥା ଯଦି ଶିକ୍ଷିତ ଓ ସଚେତନ ସାଧାରଣ ଯୁବପିଢି ଯଦି ରାଜନୀତି କେମିତି ଚାଲିଛି ସେଥିରେ ଯୋଗଦାନ ଦେବେ ତେବେ ରାଷ୍ଟ୍ର ର ଉନ୍ନତି ହେବ । ଯୁବ ସମାଜ ଙ୍କୁ ନିଜର ଭୋଟ ଦେଇ ମତ ସାବ୍ୟସ୍ତ କରିବା ଉଚିତ୍ ଯାହା ଫଳରେ ସେ ଜଣେ ସଠିକ୍ ପ୍ରତିନିଧି କୁ ବାଛି ପାରିବେ। ମନେ ରଖିବା ଉଚିତ୍ ଯେ ମତଦାନ କେବଳ ତୁମ ଅଧିକାର ନୁହେଁ ଏହା ତୁମ ଦାୟିତ୍ୱ ହୋଇ ରହିବା ଆବଶ୍ୟକ।

ପଞ୍ଚମ ରେ ଏବେ କା ସମୟରେ ଅନେକ ମିଥ୍ୟା ତଥ୍ୟ, ଗୁଜବ ଓ ବିଭ୍ରାନ୍ତିକର ତଥ୍ୟ ସୋସିଆଲ ମିଡ଼ିଆ ଯୁଗରେ ଉଡ଼ି ବୁଲୁଛି। ଯୁବ ସମାଜ ଯଥା ସମ୍ଭବ ଏହାକୁ ପ୍ରତିରୋଧ କରିବା ଆବଶ୍ୟକ। ଏଥିରୁ ନିବୃତ୍ତ ରହିବା ଆବଶ୍ୟକ ଓ ଏହାର ଚେନ୍ କୁ ଭାଙ୍ଗିବା ଆବଶ୍ୟକ। କାରଣ ଏହା ଏକ ରାଷ୍ଟ୍ର ର ଉନ୍ନତି ପାଇଁ ପଥାରୋଧ ର କାରଣ।

ଷଷ୍ଠ ରେ ଦେଶକୁ ସମ୍ମାନ କରିବା ଉଚିତ୍। ଦେଶ, ଦେଶର ଚିହ୍ନ, ଦେଶର ପ୍ରତୀକ କୁ ଭକ୍ତି କରିବା ଉଚିତ୍। ଜାତି, ଧର୍ମ , ବର୍ଣ୍ଣ ,ସମ୍ପ୍ରଦାୟ ଓ ସ୍ଥାନ ବିଶେଷ ରୁ ଉର୍ଦ୍ଧ୍ୱ ରେ ନିଜ ରାଷ୍ଟ୍ର କୁ ରଖିବା ଆବଶ୍ୟକ। ଯୁବ ପୀଢ଼ି କୁ ନିଶା ଠାରୁ ଦୂରରେ ରହିବା ଆବଶ୍ୟକ କାରଣ ନିଶା ଠୁ ନ ଦୁରେଇଲେ ତାହା ନିଜ ସହ ସଂପୂର୍ଣ୍ଣ ରାଷ୍ଟ୍ର କୁ ବି ନଷ୍ଟ କରିଦେବ।

ଶେଷ ରେ ଏତିକି କହିବି ଯୁବ ସମାଜ କୁ ନିଜର ଓ ନିଜ ରାଷ୍ଟ୍ର ର ସର୍ବାଙ୍ଗୀନ ବିକାଶ କଥା ଚିନ୍ତା କରିବା ଆବଶ୍ୟକ। ଗୁଣ୍ଡୁଚି ମୂଷା ହୋଇ ଯଦି ବି ରାଷ୍ଟ୍ର ନିର୍ମାଣ ରେ ସହଯୋଗ କରି ପାରିଲେ ଏହାଠୁ ବଡ଼ କଥା କିଛି ନାହିଁ।

ମୋର ସ୍ବରଚିତ ଏକ କ୍ଷୁଦ୍ର କବିତା -

ଉଠରେ ଭାରତ ନକରି ଡେରି

ରାଷ୍ଟ୍ର ନିର୍ମାଣ ରେ ବ୍ରତୀ ହୋଇବା

ବାଜିଲାଣି ତୂରୀ ଜଗିଛି ପ୍ରହରୀ

ଦେଶ ପାଇଁ ଆମେ ଜୀବନ ଦେବା।

ନାହିଁ ଆଫଗାନି ନାହିଁ ତ ଫିରଙ୍ଗି

ସ୍ୱାଧୀନତା କିନ୍ତୁ ପଡ଼ିଛି ବାଜି

ଦେଶର ନିଜର ଜଗି ବସିଛନ୍ତି

ମହା ଠାରୁ ମହା ଦାନବ ସାଜି।

ଅଣ୍ଟି ଛୁରୀ ହୋଇ ତନ୍ଟି କାଟି ଦେବେ

କେହି ନପାରିବେ ଟିକିଏ ଜାଣି

ଶୋଇ ରହିବାକୁ ବେଳ ନାହିଁ ଆଉ

ଉଠି ପଡ଼ ମୋର ଭାଇ ଭଉଣୀ।

ଦେଶର ଛିଦ୍ର କୁ ବାହାରେ ପକାନ୍ତି

ପକାଇ ମାରନ୍ତି ସେମାନେ ତାଳି

ଦେଶ ସେବକ କୁ ଆତଙ୍କି ସଜାଇ

ତାଙ୍କରି ନାମ ରେ ଦିଅନ୍ତି ଗାଳି।

ରକ୍ତେ ରକ୍ତେ ତୁମ ବହ୍ନି ଜଳୁ ଆଜି

ଜୟୀ ରାଜଗୁରୁ ଦାୟଦ ତୁମେ

ଶିବାଜୀ ଙ୍କ ନାରା ଗୀତା ଜ୍ଞାନ ଧାରା

ମିଶି ଯାଉ ଏହି ପାଣି ପବନେ।

ଉଠ ଉଠ ତୁମେ ପ୍ରତି ରକ୍ତ ବିନ୍ଦୁ

ଉଚ୍ଚ ନୀଚ ଜାତି କରି ପଛରେ

ଦାଣ୍ଡ ଦୁଆର ରେ ଶତ୍ରୁ ନାହିଁ ଆଜି

ଶତ୍ରୁ ଅଛି ତୁମ ଘର ଭିତରେ।

ପଢ଼ିଥିବା ପାଇଁ ଧନ୍ୟବାଦ।

କୈବଲ୍ୟ ନାୟକ

Kaibalya Nayak

ଯୁବ ସମାଜ ର ରାଷ୍ଟ୍ର ରେ ଭୂମିକା Role of Youth

ଉଠ ଉଠ ତୁମେ ପ୍ରତି ରକ୍ତ ବିନ୍ଦୁ ଉଚ୍ଚ ନୀଚ ଜାତି କରି ପଛରେ , ଦାଣ୍ଡ ଦୁଆର ରେ ଶତ୍ରୁ ନାହିଁ ଆଜି ଶତ୍ରୁ ଅଛି ତୁମ ଘର ଭିତରେ।