ଆଜିର ଯୁବପିଢି ହେଉଛନ୍ତି ଆମ ଦେଶର ଭବିଷ୍ୟତ। ଯେଉଁ ଦିଗକୁ ଯୁବସମାଜ ଚାଲିବେ, ଦେଶ ସେଇ ଦିଗକୁ ଚାଲିବ। ତେଣୁ ଯୁବମନଙ୍କର ସଠିକ୍ ମାର୍ଗଦର୍ଶନ ବହୁତ ଜରୁରୀ। ଭାଗବତ ପୁରାଣ ହେଉଛି ଜୀବନର ଏକ ପୂର୍ଣ୍ଣାଙ୍ଗ ଗାଇଡ୍ ଲାଇନ୍ ବହି। ଯଦି ଯୁବପିଢି ଭାଗବତ ମନସ୍କ ହୁଅନ୍ତି, ତାହେଲେ ସେମାନଙ୍କର ଜୀବନ ନିଶ୍ଚୟ ଆଦର୍ଶମୟ ହୋଇପାରିବ।

ଭାଗବତ କାହିଁକି ଜରୁରୀ?:

ଭାଗବତ ଶୁଣିବାବା ପଢିବା ଫଳରେ ଯୁବମନଙ୍କୁ ଯେଉଁ ଲାଭ ମିଳେ:

୧. ନୈତିକ ଶିକ୍ଷା: ଭାଗବତରେ ଅନେକ କାହାଣୀ ଓ ଉପଦେଶ ରହିଛି ଯାହା ଜୀବନଯାପନର ସଠିକ୍ ରାସ୍ତା ଦେଖାଏ। ଏହା ସତ୍ୟ, ଅହିଂସା, ଦୟା ଓ ପରୋପକାରର ମହତ୍ତ୍ୱ ଶିଖାଏ।

୨.ଆଧ୍ୟାତ୍ମିକ ଶାନ୍ତି: ଆଜିର ଯୁବସମାଜ ଚାପ, ଚିନ୍ତା ଓ ଅଶାନ୍ତିରେ ରହୁଛନ୍ତି। ଭାଗବତ ମନକୁ ଶାନ୍ତ ଓ ଦୃଢ଼ କରିବାରେ ସାହାଯ୍ୟ କରେ।

୩.ଜୀବନର ଲକ୍ଷ୍ୟ ବୁଝିବା: ଭାଗବତ ପଢିଲେ ଜୀବନ କେବଳ ପଢା-ଲେଖା, ଚାକିରି ଓ ଟଙ୍କା ରୋଜଗାର ନହେବା ବୁଝାଯାଏ। ଜୀବନର ମୂଳ ଲକ୍ଷ୍ୟ କ'ଣ, ତାହା ବୁଝିବାକୁ ସହାୟକ ହୋଇଥାଏ।

ଯୁବଜୀବନରେ ପ୍ରଭାବ:

ଭାଗବତ ମନସ୍କ ଯୁବକଯୁବତୀଙ୍କ ଜୀବନ କିପରିବଦଳିଯାଇପାରେ:

· ଭଲ ସାଥି ବଛା: ଭାଗବତ ଜଣାଏ କି ଭଲ ସାଥି ଜୀବନକୁ କିପରି ଉନ୍ନତ କରିପାରେ ଏବଂ ଖରାପ ସାଥି କିପରି ନଷ୍ଟ କରିପାରେ।

· ଆତ୍ମନିର୍ଭରଶୀଳତା: ଭାଗତର କାହାଣୀଗୁଡିକ ଆମକୁ ଶିଖାଏ ଯେ କଠିନ ପରିଶ୍ରମ, ଧୈର୍ଯ୍ୟ ଓ ଆତ୍ମବିଶ୍ୱାସରେ ଯେକୌଣସି ସମସ୍ୟାକୁ ଅତିକ୍ରମ କରାଯାଇପାରିବ।

· ସମାଜ ସେବା: ଭାଗବତ ପରୋପକାର ଓ ସେବାଭାବନାର ମହତ୍ତ୍ୱ ବୁଝାଇଥାଏ। ଏହା ଯୁବମନଙ୍କୁ ସ୍ୱାର୍ଥପର ନ ହୋଇ ସମାଜ ପାଇଁ କାମ କରିବାକୁ ପ୍ରେରଣା ଦେଇଥାଏ।

କିପରି ଆରମ୍ଭ କରିବେ?:

ଯୁବପିଢି ଭାଗବତକୁ ନିଜ ଜୀବନରେ କିପରି ଅନ୍ତର୍ଭୁକ୍ତ କରିପାରିବେ:

· ଅଳ୍ପ ସମୟ ଦେବା: ପ୍ରତିଦିନ ମାତ୍ର ୧୫-୨୦ ମିନିଟ୍ ଭାଗବତ ପଢିବା ବା ଶ୍ରବଣ କରିବା।

· ଆଧୁନିକ ମାଧ୍ୟମ ବ୍ୟବହାର: ଆଜିକାଲି ଭାଗବତ ଅଡିଓ, ଭିଡିଓ, ପଡିକାଷ୍ଟ ଆଦି ରୂପେ ଉପଲବ୍ଧ। ମୋବାଇଲ୍ ଫୋନ୍ ବ୍ୟବହାର କରି ମଧ୍ୟ ଶୁଣିହେବ।

· ଆଲୋଚନା କରିବା: ବନ୍ଧୁବାନ୍ଧବ ବା ପରିବାର ସହିତ ଭାଗବତ ବିଷୟରେ ଆଲୋଚନା କରିବା, ତାହାକୁ ବୁଝିବାର ଭଲ ଉପାୟ।

ଭାଗବତ ହେଉଛି ଜୀବନର ଏକ ଅମୂଲ୍ୟ ସଂପଦ। ଯୁବପିଢି ଯଦି ଏହି ଜ୍ଞାନର ଆଲୋକକୁ ନିଜ ଜୀବନରେ ଧାରଣ କରନ୍ତି, ତାହେଲେ ନିଶ୍ଚୟ ସେମାନଙ୍କର ଜୀବନ ଆଦର୍ଶମୟ, ସମୃଦ୍ଧ ଓ ସାର୍ଥକ ହୋଇଉଠିବ। ସେମାନେ ନିଜେ ଏକ ସୁନ୍ଦର ଭବିଷ୍ୟତ ଗଢିବା ସହିତ ଦେଶ ଓ ସମାଜକୁ ମଧ୍ୟ ଏକ ଉଜ୍ଜ୍ୱଳ ଭବିଷ୍ୟତ ଆଡକୁ ନେଇଯିବେ। ତେଣୁ, ଆସନ୍ତୁ, ଆମେ ସମସ୍ତେ ଭାଗବତ ପଢିବା ଓ ଶ୍ରବଣ କରିବା ଆରମ୍ଭ କରିବା।

!! ସୁଶାନ୍ତ କୁମାର ସାସମଲ

ହନୁମାନ ନଗର ଆସ୍କା ରୋଡ଼

ବ୍ରହ୍ମପୁର ଗଞ୍ଜାମ !!

ଯୁବପିଢି ଭାଗବତ ମନସ୍କ ହେଲେ ଜୀବନ ଆଦର୍ଶମୟ ହୋଇପାରିବ

ଯୁବପିଢି ଭାଗବତ ମନସ୍କ ହେଲେ ଜୀବନ ଆଦର୍ଶମୟ ହୋଇପାରିବ