ଯେତେବେଳେ ଆମେ ଆକାଶରେ ଏକ ଭୟଙ୍କର ଶବ୍ଦ ଶୁଣୁ, ଯାହା ଆମକୁ ଏକ ଅଜବ ଶଦ୍ଦ, ଏବଂ ମନକୁ ଅସ୍ଥିର କରିଦିଏ — ସେ ହେଉଛି "ଯୁଦ୍ଧସାଇରନ ଶଦ୍ଦ"। ଏହି ଶଦ୍ଦ କୌଣସି ସାଧାରଣ ଶବ୍ଦ ନୁହେଁ, ଏହା ଏକ ଆପତ୍କାଳୀନ ଇସାରା — ଯେଉଁଥିରେ ମଣିଷ ଜୀବନ ବଞ୍ଚାଇବା ପାଇଁ ତୁରନ୍ତ ପଦକ୍ଷେପ ନେବାକୁ ବାଧ୍ୟ ହୁଏ।

ଯୁଦ୍ଧସାଇରନ ଶଦ୍ଦ କାହିଁକି ଦିଆଯାଏ?

ଯୁଦ୍ଧସାଇରନ ଏକ ବିଶେଷ ଧ୍ୱନି ଯାହା ଯୁଦ୍ଧ ସମୟରେ ବା ଯେତେବେଳେ ଆକାଶରୁ ବୋମା ପଡ଼ିବା, ବିମାନ ଆକ୍ରମଣ କିମ୍ବା ଶତ୍ରୁ ଚଢ଼ାଉ ହେବା ଭୟ ରହେ, ସେପରି ସମୟରେ ଲୋକଙ୍କୁ ସତର୍କ କରିବା ପାଇଁ ଦିଆଯାଏ। ଏହା ଏକ ଆପତ୍କାଳୀନ ସିଗ୍ନାଲ — ଯେଉଁଥିରେ ଲୋକମାନେ ତୁରନ୍ତ ଗୋଟିଏ ସୁରକ୍ଷିତ ସ୍ଥାନକୁ ଯିବା ଉଚିତ।

ଇତିହାସର ଦୃଷ୍ଟିରେ ଯୁଦ୍ଧସାଇରନ

ଦ୍ୱିତୀୟ ବିଶ୍ୱଯୁଦ୍ଧ ସମୟରେ ବ୍ରିଟେନ, ଜର୍ମାନୀ, ଇଟାଲୀ ଓ ଅନ୍ୟ ଦେଶରେ ଏହି ସାଇରନ ଶଦ୍ଦ ବ୍ୟପକ ଭାବରେ ବ୍ୟବହୃତ ହୋଇଥିଲା। ଯେତେବେଳେ ଶତ୍ରୁ ବିମାନ ଆକାଶ ଉପରେ ଗୁଞ୍ଜି ଆସୁଥିଲା, ସେପରି ସମୟରେ ଏହି ସାଇରନ ଚାଲୁ ହୋଇଯାଉଥିଲା। ଲୋକମାନେ ଏହି ଶବ୍ଦକୁ ଶୁଣି ବୁଝିଯାଉଥିଲେ ଯେ ତାଙ୍କୁ ଆଶ୍ରୟଗୃହରେ ଲୁଚିବାକୁ ହେବ।

ଓଡ଼ିଶା ଓ ଯୁଦ୍ଧସାଇରନ

ଓଡ଼ିଶା ଆମ ଶାନ୍ତିମୟ ରାଜ୍ୟ। କିନ୍ତୁ ଯେତେବେଳେ କୌଣସି ଜାତୀୟ ଆପତ୍କାଳ ଘଟେ, ସେଥିରେ ମଧ୍ୟ ଯୁଦ୍ଧ ସାଇରନ ଚାଲୁ ହୋଇପାରେ। ଉଦାହରଣ ସ୍ୱରୂପ, ୧୯୬୨ ରେ ଭାରତ-ଚୀନ ଯୁଦ୍ଧ, ୧୯୬୫ ଓ ୧୯୭୧ ରେ ଭାରତ-ପାକିସ୍ତାନ ଯୁଦ୍ଧ ସମୟରେ ଏହି ଶଦ୍ଦ ମାନେ ଲୋକଙ୍କ ମନରେ ଆତଙ୍କ ସୃଷ୍ଟି କରିଥିଲା।

ଯୁଦ୍ଧସାଇରନ ଶଦ୍ଦର ରୂପ ବିବେଚନା

ଏହି ଶଦ୍ଦ ସାଧାରଣ ସାଇରନ ନୁହେଁ। ଏହା ତୀବ୍ର ଧ୍ୱନି ସହିତ ଉପରୁ ତଳକୁ ଯାଏ ଓ ପୁନି ତଳରୁ ଉପରକୁ ଯାଏ — ଯାହା ଏକ ଭୟଙ୍କର ଅନୁଭୂତି ଦିଏ। ଏହା ସାଧାରଣତଃ ଟାୱାର, ଅଧିକାରୀ କାର୍ଯ୍ୟାଳୟ କିମ୍ବା ସୁରକ୍ଷା କେନ୍ଦ୍ରରୁ ଚାଲୁ କରାଯାଏ।

ଲୋକମାନେ କଣ କରିବେ ଏହି ଶଦ୍ଦ ଶୁଣିଲେ?

(୧) ତୁରନ୍ତ ସୁରକ୍ଷିତ ଜାଗାକୁ ଯିବା।

(୨) ଆଶ୍ରୟ ଘର, ବେସମେଣ୍ଟ ବା ଭିତର ଘରରେ ଲୁଚିବା।

(୩) ବିନାକାରଣ ଚିତ୍କାର ବା ଭୀଡ଼ ହେବା ନୁହେଁ।

(୪) ବାହାର ଆଲୋକ ନିବାଇ ଦେବା — ଶତ୍ରୁକୁ ଲକ୍ଷ୍ୟ ନ ମିଳିବା ପାଇଁ।

(୫) ବିଜୁଳି, ଗ୍ୟାସ ବନ୍ଦ କରିଦେବା।

ଆଧୁନିକ ପ୍ରସ୍ତୁତି

ଆଜିକାଲି ଗୋଟିଏ ସ୍ଥାନୀୟ ବା ଜାତୀୟ ସତର୍କତା ସାଇରନ ବ୍ୟବସ୍ଥା ଥିବା ଏବଂ ଏହା ଟେଲିଭିଜନ, ମୋବାଇଲ ଓ ରେଡିଓ ଦ୍ୱାରା ମଧ୍ୟ ଘୋଷିତ କରାଯାଏ। ଲୋକମାନେ ଏହା ପାଇଁ ସଚେତନ ଓ ସାବଧାନ ରହିବା ଆବଶ୍ୟକ।

ସାଇରନ ଶବ୍ଦ ଆମ ସମାଜର ଜନଜାଗରଣ

ଏହି ଶଦ୍ଦ କେବଳ ଭୟ ଦେବା ପାଇଁ ନୁହେଁ, ଏହା ଏକ ସତର୍କ ସଙ୍କେତ। ଏହି ସାଇରନ ଶଦ୍ଦ ଆମେ ଶୁଣିଲେ ଆମ ପରିବାର, ଦେଶ ଓ ନିଜ ଜୀବନ ପାଇଁ କିପରି ପଦକ୍ଷେପ ନେବା ଉଚିତ, ଏହା ଶିଖିବାକୁ ପାଉ।

ପରିଶେଷରେ

ଯୁଦ୍ଧସାଇରନ ଶଦ୍ଦ ଏକ ଜୀବନ ରକ୍ଷା ଘୋଷଣା । ଏହି ଶଦ୍ଦ ଆମକୁ ସତର୍କତା, ଶିକ୍ଷ୍ୟା, ସମୟର ମୂଲ୍ୟ ବୋଝାଇଦିଏ। ଯେପରି ଅଗ୍ନିଶମ ସାଇରନ ଆଗ୍ନିକାଣ୍ଡ ଦେଖାଏ, ସେପରି ଯୁଦ୍ଧସାଇରନ ଶଦ୍ଦ ଏକ ଦେଶର ଆପତ୍କାଳ ଘୋଷଣା ଅଟେ । ଯାହାକୁ ଅଣଦେଖା କରିବା ମାନେ ଜୀବନ ନଷ୍ଟ କରିବା।

!! ସୁଶାନ୍ତ କୁମାର ସାସମଲ

ହନୁମାନ ନଗର ଆସ୍କା ରୋଡ଼

ବ୍ରହ୍ମପୁର ଗଞ୍ଜାମ !!

ଯୁଦ୍ଧ ସାଇରନ ଶଦ୍ଦ

ଯୁଦ୍ଧ ସାଇରନ ଶଦ୍ଦ