" କେହି ରହି ନାହିଁ ରହିବେ ନାହିଁ

ଭବରଙ୍ଗ ଭୂମି ତଳେ

ସର୍ବେ ନିଜନିଜ ଅଭିନୟ ସାରି

ବାହୁଡିବେ କାଳ ବଳେ"।।

ପରମେଶ୍ବର ଙ୍କ ଅସୀମ କୃପା ବଳେ ସର୍ବ ଶ୍ରେଷ୍ଠ ମାନବ ଜୀବନ ପାଇଛେ। ପ୍ରତ୍ୟେକ ଜୀବଜନ୍ତୁ ଓ ପ୍ରାଣୀ ଜଗତ ମଧ୍ୟରେ ମାନବ ଶ୍ରେୟସ୍କର ହୋଇ ବୁଦ୍ଧିଜୀବୀ ରୂପେ ବାସ କରୁଛେ।

"ମାଟିର ମଣିଷ ମାଟିରେ ମିଶିବ

ତଥାପି କରୁଛି କାହିଁ ଏତେ ଗର୍ବ

ସାଥିରେ ନେବ ଭଲମନ୍ଦ ପସରା

ହୃଦୟେ ସ୍ଥାପନ ମୂର୍ତ୍ତି ପ୍ରୀତି ଭରା "।।

ପ୍ରଭୂଙ୍କ ଶୁଭାଶିଷ ର ଅନୁକମ୍ପା ମୂଳେ ଏକ ନବୀନ କରଣ ଚିନ୍ତାଧାରା ସହ ସରଳ ଓ ନମ୍ରଭାବ ରଖି ଜୀବନ ଶୈଳୀ କୁ ଉନ୍ନତି କରିବା ଉଚିତ। କିନ୍ତୁ ସଂସାର ବକ୍ଷରେ କେବଳ ମିଥ୍ୟା କ୍ରୁର,ହିଂସା ,ପରଶ୍ରୀ- କାତରତା ,ଦ୍ବେଷ,କପଟ, ସ୍ୱାର୍ଥପର,ହୋଇ ମରୀଚିକା ପଛେ ଧାଇଁ ଥାଏ।ମନୋମାଳିନ୍ୟ, ଅବୁଝାମଣା, ମତାନ୍ତର,ସନ୍ଦେହ, ଏକତାର ଅଭାବ,ଅବିଶ୍ବାସ,ଅଶାନ୍ତ ,ମନାନ୍ତର,କଳହ,କ୍ଲେଶ, ପ୍ରତିକ୍ରିୟା ରୂପ ନେଇଥାଏ ଯୁଦ୍ଧ।

ଯୁଦ୍ଧର ପ୍ରକାର ଭେଦ---

ମହାଭାରତ ଏକ ଯୁଦ୍ଧ

ଶୀତଳ ଯୁଦ୍ଧ

ଗୃହଯୁଦ୍ଧ

ସମରଯୁଦ୍ଧ

କ୍ଷେତ୍ରୀୟ ଯୁଦ୍ଧ

ହସ୍ତୀ ଯୁଦ୍ଧ

ମେଷ ଯୁଦ୍ଧ

ଘୋଡ଼ା ଯୁଦ୍ଧ

ଗଞ୍ଜାଯୁଦ୍ଧ

ମଲ୍ଲଯୁଦ୍ଧ

ମୁଷ୍ଟିଯୁଦ୍ଧ

ପରମାଣୁ ଯୁଦ୍ଧ

ବିଶ୍ଵଯୁଦ୍ଧ

ମହାଭାରତ ଯୁଦ୍ଧ ରେ ରାଜସିଂହାସନ, ଉପାଧି

ଓ ବଂଶ ପରମ୍ପରାର ଉତ୍ତରାଧିକାରୀ,ନେଇ ବିରାଟକାୟ ହିଂସାତ୍ମକ ଭାବ ସୃଷ୍ଟି ହୋଇଥିଲା।ଭାଇ ଭାଇ ମଧ୍ୟରେ ଜମିବିବାଦ,

ସମ୍ପତ୍ତି ବିବାଦ,ମାଆ ବାପାଙ୍କ ବୃଦ୍ଧା କାଳରେ ସେବାର ଦାୟିତ୍ୱ ତୁଲାଇବା,ଗୃହବିବାଦ କୁ କେନ୍ଦ୍ର କରି ମତଭେଦର ଆକାର ଯୁଦ୍ଧହୋଇ ସବୁକିଛି ଧ୍ୱଂସ କରି ଭୟାଭୟ ସୃଷ୍ଟି କରିଥାଏ। ପରିଣାମ ଭୟଙ୍କର ହୋଇଥାଏ।

ବର୍ବରତା ଓ ହିଂସ୍ର ରୂପ ନେଇ ପାଉଁଶ କରିଦିଏ।

ମହାଭାରତ ଯୁଦ୍ଧ ରେ କୌରବପତି ଯୁକ୍ତରାଷ୍ଟ୍ର ଙ୍କ ୧୦୦ ପୁତ୍ର ସହ ପାଣ୍ଡବମାନଙ୍କର ମହାପ୍ରଳୟ ଯୁଦ୍ଧ ହୋଇଥିଲା। ଏଥିରେ ଶ୍ରୀକୃଷ୍ଣ ସାରଥି ସାଜି ରଣ କୌଶଳନୀତି, ଜ୍ଞାନ ଓ ବୁଦ୍ଧି ଉପାୟରେ ଜୟଯୁକ୍ତ କରାଇଥିଲେ।

ଭୀଷ୍ମ ପିତାମହ ସହ ସଂପୂର୍ଣ୍ଣ କୌରବ ବଂଶର ନିପାତ ହୋଇଥିଲା ଓ ଅସଂଖ୍ୟ ସୈନ୍ୟ ସାମନ୍ତ ଙ୍କ ପରିବାର ଛାରଖାର ହୋଇ ବିପଦପୂର୍ଣ୍ଣ ହୋଇଥିଲା ଏହାହିଁ ଯୁଦ୍ଧର ପରି ସମାପ୍ତି ।

କଳିଙ୍ଗ ଯୁଦ୍ଧରେ ଲକ୍ଷାଧିକ ସୈନ୍ୟ ଙ୍କ ରକ୍ତରେ ଦୟାନଦୀ ରକ୍ତର ନଦୀ ପାଲଟିଥିବା ଦେଖି ଚଣ୍ଡାଶୋକ ଧର୍ମାଶୋକ ରେ ରୂପାନ୍ତର ହୋଇ ବୌଦ୍ଧଧର୍ମ ର ପ୍ରଚାରକ ହୋଇଥିଲେ।

ରକ୍ତପାତ ହେବା ପରେ ପଶ୍ଚାତାପ ହେବା ବ୍ୟତୀତ ଅନ୍ୟ ଉପାୟ ନଥାଏ।

ପଞ୍ଜାବ ର ଜାଲିଆନାୱାଲାବାଗ ହତ୍ୟାକାଣ୍ଡ ରେ ଲକ୍ଷ ଲକ୍ଷ ଲୋକଙ୍କ ରକ୍ତପାତ ହୋଇଥିଲା। ହୀରୋ ସୀମା ଓ ନାଗାସାକି ପରମାଣୁ ବୋମା ପ୍ରଭାବରେ ଆଜିବି ଦୂବଘାସ ବୃକ୍ଷ ରୋପଣ ହୋଇପାରୁନାହିଁ। କେବଳ କ୍ଷତିଗ୍ରସ୍ତ ହେବାର ବ୍ୟତୀତ ଅନ୍ୟ କୌଣସି ଉନ୍ନତିମୂଳକ ପ୍ରକଳ୍ପ ହୋଇପାରୁନି। କାହାର ରୋଜଗାର କ୍ଷମ ପୁତ୍ର ମରିଯାଏ,କାହାର ଆଶାର ବାଡି ଅନ୍ଧଲହୁଡି ହଜିଯାଏ, କେଉଁ ନବବଧୂର ଶଂଖାସିନ୍ଦୂର ପୋଛିଦିଏ, କେଉଁ ଶିଶୁ ସନ୍ତାନର ପିତୃବିୟୋଗ ହୋଇଥାଏ। ପ୍ରଳୟର ବିଭୀଷିକା ସୃଷ୍ଠି କରେ। କେବଳ କ୍ଷତି ବ୍ୟତିତ ଲାଭର କୌଣସି ହିସାବ ନଥାଏ। ଅହଂକାର ଓ ଅହଂଭାବକୁ ଦୂରେଇଏକ ଅଭିନବ ଉପାୟରେ ପାରଦର୍ଶିତା ପ୍ରଦର୍ଶନ କରି ସଂସ୍କାର ଓ ସଭ୍ୟତା ରେ ଏକତାର ସୂତ୍ରରେ ଆବଦ୍ଧ କରି ଯୁଦ୍ଧର ଅନ୍ତ ଘଟାଇବା।

ଚାଲ ସମାଜରେ ଉଦାହରଣର ଏକ ନମୁନା ଗଢି ଯୁଦ୍ଧକୁ ଦୂରିଭୂତ କରାଇ ଏକତାର ସୂତ୍ରରେ ସଂସାର ଗଠନ କରି ଠାକୁରଙ୍କୁ ମିଳିତ ଆନୁକୂଲ୍ୟରେ ପୁଷ୍ପ ମାଲ୍ୟ ଅର୍ପଣ କରିବା।

"ଜାଗି ଉଠ ଦେଶବାସୀ ଜାଗ୍ରତ ପ୍ରହରୀ

ଅଳ୍ପଦିନ ର ଆୟୂଷ ଯାଉଛି ସରି

କାହିଁପାଇଁ ଅସତ୍ୟର ପଥିକ ହୋଇଛୁ

ନିଜ ଗୋଡରେ ନିଜେ କୁରାଢି ମାରୁଛୁ"।।

ମଧୁସ୍ମିତା ସାହୁ

ବ୍ରହ୍ମା ନଗର ପ୍ରଥମ ଗଳି

ବ୍ରହ୍ମପୁର

ଜିଲ୍ଲା-ଗଞ୍ଜାମ

ଓଡ଼ିଶା

ମୋ------୯୩୪୮୨୮୫୪୧୬

ଯୁଦ୍ଧ ସମାଧାନ ନୁହେଁ( War is not solution)

ଯୁଦ୍ଧ କୌଣସି ସମସ୍ୟାର ସମାଧାନ ନୁହେଁ।