ଜୀବନଟା ଭାରି ପିତା ଥିଲା ଶୁଗାର ପାଇଁ ମିଠା ମନା ଥିଲା।

ଭାବିଲି ଚଟପଟା କରିବି କିଛି ଶୁଖିଲା ଯୁଦ୍ଧ ପାଇଁ ଟିକେ ଡର ଥିଲା ।।

ନିଜ ସହ ଯୁଦ୍ଧ ଚାଲିଥିଲା ବୋଲି ମନକୁ ମାରି ବସିଥିଲି ।

ହଠାତ୍ କଣ ହେଲା କେଜାଣି ପାଖ ପଡିଶା ଘର ଖୁଡି ଚିଲେଇଲେଣି ।।

କିଛି ନଭାବି ଯାଇ ପଚାରିଲି ଖୁଡ଼ି କଣ ହେଲା ବୋଲି ।

କଣ କହିବିଲୋ ଝିଅ ମୋ ବାଡ଼ିରୁ ଫୁଲ କିଏ ନେଇଛି ଚୋରେଇ।।

ଅଶ୍ଳିଳ ଭାଷାରେ ପୁର୍ଣ୍ଣଚ୍ଛେଦ ନାହିଁ ଛାଡ଼ିବିନି ତାକୁ ଆଜି ଥାନାରେ ପୁରେଇବି।

ହେଁ ସାଧାରଣ ଫୁଲପାଇଁ ଥାନାକୁ ଯିବ, ହେ ପ୍ରଭୁ ଏ କି ପ୍ରକାର ଯୁଦ୍ଧ ।।

ଛାଡ଼ମ ଶୁଖିଲା ପାଲାରେ କିଏ ପଶିବ କହି ଚାଲିଆସିଲି ।

ଭାବିଲି ଯାଉଛି ଗାଁ ମୁଣ୍ଡ ଆଡେ ଟିକେ ବୁଲି ଆସିବି ।।

ଦେଖିଲି ଠାରେ ମେଞ୍ଚାଏ ସ୍ତ୍ରୀ ଲୋକ ବସିଛନ୍ତି ଏକାଠି ।

ବୁଝିଲା ବେଳକୁ କଣ ନା ସେଠି ଚାଲିଛି ମିଟିଙ୍ଗ ।।

ମିଟିଂ ନାଁରେ ଖାଲି ହାଉ ହାଉ ହେଉଥିଲେ ।

ଟଙ୍କା ପଇସାକୁ ନେଇ ଗୋଟେ ପ୍ରକାର କଳି ନାଁ ରେ ଯୁଦ୍ଧ କରୁଥିଲେ ।।

ଆରେ ଇଏ ପରା ଆମ ଗୃପ୍ ଯୋଜନା।

ଯୋଜନା ନାଁରେ ବଡ଼ ଘର ବଡ଼ ଗୁମର କଥା ।।

ପ୍ରଚଣ୍ଡ ରୌଦ୍ରତାପରେ ତାଣ୍ଡବ ଚାଲିଛି ମୁଣ୍ଡ ଉପରେ ।

ଚଳଚଞ୍ଚଳ ଗାଁଠୁ ସହର ଆଜି କୂଟନୀତିର ରାଜନୀତିରେ।।

ସୂର୍ଯ୍ୟ ଓ ଜନଜୀବନ ଭିତରେ ଚାଲିଛି ଗରମ ଯୁଦ୍ଧ ।

ଗରମ ନିଆଁରେ ଘିଅ ଢାଳୁଛୀ ଘଣ୍ଟିକିଆ ଜଳଛତ୍ର ।।

କି ରାଜନୀତି ହେଲା କେଜାଣି ଘରଠୁ ବାହାରେ ସେଇ କଥା ଶୁଣି ମୁଣ୍ଡ ବିନ୍ଧିଲାଣି ।

ଚା ଖଟି ଠାରୁ କଲେଜ ପଡ଼ିଆ ଏତିକି କମ୍ ଥିଲା ଯେ ।।

ଦଳ ପାଇଁ ଏବେ ଘରେ ବାପପୁଅ ଭାଇଭାଇ ଓ ସ୍ଵାମୀ ସ୍ତ୍ରୀ ରେ ଲାଗିଲାଣି କଳି।।

ସରିନି ସରିନି ଏବେର ବଡ ଯୁଦ୍ଧ ।

ପ୍ରେମ ପ୍ରତାରଣା ଓ ପରକୀୟା ପ୍ରୀତି ପାଇଁ ଦିନେ ହେବ ତୃତୀୟ ବିଶ୍ୱଯୁଦ୍ଧ।।

ବୟସ ଓ ସମ୍ପର୍କର ଯୋଉଠି ନାହିଁ ସାମଞ୍ଜ୍ଯସ ।

ମୁଖ୍ୟ ସମାଚାର ର ମୁଖ୍ୟ ଖବର ପ୍ରତିଦିନ ଏଇଟା ନିଶ୍ଚିତ ଥିବ।।

ମହାଭାରତ ଓ ରାମାୟଣ ଯାହା ପ୍ରଭୁ ରଚିଲେ ।

ପ୍ରଥମ ଦ୍ଵିତୀୟ ବିଶ୍ୱଯୁଦ୍ଧ ଯାହା ଇତିହାସରେ ପଢିଲେ ।।

ନିତିଦିନର ସାଧାରଣ କଳି ସଭିଙ୍କ ଜୀବନେ ରହିଛି ଭରି ।

ସାଧାରଣ କଳିରୁ ହିଂସାତ୍ମକ ଯୁଦ୍ଧ ହୋଇ ଅନେକ ଜୀବନ ଅକାରଣେ ଯାଉଛି ଚାଲି ।।

କଳିର କରାଳରେ ଏଠି ସବୁ ଚାଲିଛି ।

କଳିର ଅନ୍ୟନାମ ଯୁଦ୍ଧ ବୋଲି ପୁରାଣ ରହିଛି ।।

ମୋ ଲେଖା ପଢି ପାଠକେ ଭାବୁଥିବେ ସାଧାରଣ କଳି ଆଣି ଥୋଇଛି ।

କହୁଛି କଣ ନା ଯୁଦ୍ଧ ଚାଲିଛି ।।

ଆଜ୍ଞା ଏଇ ସାଧାରଣ ଘର କଳିରୁ ଆଜି ମହାଭାରତ ।

ଆଉ ନୁହେଁ ଅଠର ଦିନ ମୁହୂର୍ତ୍ତକେ ଖେଳ ଶେଷ ।।

ଦୋଷ ତୃଟି ମାର୍ଜନା କରି,ସ୍ମିତହାସ୍ୟ ଦେଇ ବ୍ୟଙ୍ଗରେ ପଢିବେ ବୋଲି ଅନୁରୋଧ କଲି 🙏

ବିଜୟଲକ୍ଷ୍ମୀ ସାହୁ

କଟକ

ଯୁଦ୍ଧ(war)