ଶିଶୁକନ୍ୟା ଟିଏ ଯେତେବେଳ ଜନ୍ମନିଏ ପରିବାର ପାଇଁ ଖୁସି ସାଉଁଟି ଆଣିଥାଏ, ଏବଂ ପରିବାରର ସମସ୍ତ ସଦସ୍ୟ ତାକୁ ପରିପୂର୍ଣ୍ଣ କରିଥାନ୍ତି। କିଏ ତାକୁ ଚାଲିଚଳନ ଶିଖାଇଥାଏ ତ କିଏ ତା ବେଶଭୂଷା ପ୍ରତି ଧ୍ୟାନଦିଏ। ଝିଅଟିକୁ ଏପରି ବଢ଼ାଯାଇଥାଏ ଯେପରି ସେ ଭବିଷ୍ୟତରେ ସମସ୍ତ ପ୍ରକାର ପରିସ୍ଥିତି ରେ ଖାପ ଖୁଏଇ ପାରିବ। ସମସ୍ତେ ଚାହିଁଥାନ୍ତି ଝିଅଟିଏ ସର୍ବଦା ଶାନ୍ତ, ଶିଷ୍ଟ, ଭଦ୍ର, ନମ୍ର, ସୁଶୀଳା ହେଉଥାଉ। ଏବଂ ବୟସ ହେବା ପରେ ବିବାହ କରି ଶାଶୁଘରେ ସମସ୍ତଙ୍କ ମନ ନେଇ ଚଳୁ।

କିନ୍ତୁ କାହିଁକି?

ଝିଅଟିଏ ଯେତେବେଳ ଜନ୍ମ ହୁଏ ତାକୁ କିଛି ପରିବାର ବୋଝ ମାନିଥାନ୍ତି କାହିଁକି?

ପୁଅଟିଏ କୁ ଯେତିକି ସ୍ଵାଧୀନତା ମିଳେ ଝିଅଟିକୁ ମିଳେନାହିଁ କାହିଁକି?

ଯେତେବେଳେ ପୁଅଟିକୁ ପିତଳ ସହ ତୁଳନା କରାଯାଏ ଝିଅକୁ ମାଟିହାଣ୍ଡି କାହିଁକି?

ଝିଅଟି ଜନ୍ମ ହେବପରଠୁ ଗୋଟିଏ ପରିବାର ରେ ବଢ଼ିଥାଏ କିନ୍ତୁ ପରେ ତାକୁ ଆଉ ଗୋଟିଏ ପରିବାରକୁ ପଠେଇ ସେ ପରିବାରର ଦାୟିତ୍ଵ ଦିଆଯାଏ କାହିଁକି?

ଝିଅଟିଏ ନିଜ ଘରେ ରହିପରେନି କାହିଁକି?

ପୁଅଟିଏ ଚାହିଁଲେ ଅବିବାହିତ ରହିପାରିବ କିନ୍ତୁ ଝିଅଟିଏ ରହିପାରିବନାହିଁ କାହିଁକି?

ଝିଅଟିରୁ ଆଶା କରାଯାଏ ଯେ ସେ ବିବାହ ପରେ ତା ଶାଶୁ ଶଶୁରଙ୍କ ସେବା ତା ଦାୟିତ୍ଵ କିନ୍ତୁ ତା ନିଜ ବାପାମାଆ ଙ୍କ ସେବା କଣ ତା ଦାୟିତ୍ଵ ନୁହଁ?

ଯେତେବେଳେ ବିବାହ ପରେ ଝିଅଟିଏ ପାଖରେ ତା ବାପାମାଆ ରହିଥାନ୍ତି ସେତେବେଳେ ସମସ୍ତେ ତା ବାପାମାଆ ଙ୍କୁ ସମସ୍ତେ ଖରାପ କହିଥାନ୍ତି କାହିଁକି ନା ସମାଜ ଭାବେ ସେମାନେ ତାଙ୍କ ଝିଅ ର ପରିବାର ରେ ଅଶାନ୍ତି ର କାରଣ କାହିଁକି?

ଶାଶୁଘରେ କିଛି ବି ଅସୁବିଧା ହେଇଥାଉ ସମସ୍ତେ ପ୍ରଥମେ ବୋହୁଟି ଉପରେ ପ୍ରଶ୍ନବାଚୀ ଲଗାଇଥାନ୍ତି ଏୟା କହି ଯେ ସେ ପରିବାର କୁ ସମ୍ଭାଳି ପାରିଲାନି କାହିଁକି?

ସମାଜ ସର୍ବଦା ଦେବୀଙ୍କୁ ପୂଜା କରିଥାଏ କିନ୍ତୁ ନାରୀକୁ ହତାଦର କାହିଁକି?

କଣ ସତରେ ସମାଜ ଝିଅଟିଏ ପାଇଁ ଅଧିକ କଠୋର ହେଇଯାଇଛି?

କାହିଁକି??? (WHY?)

କାହିଁକି ଝିଅଟି ଜୀବନ ରେ ଏତେ ସଂଘର୍ଷ କରିଥାଏ? କଣ ସମାଜ ଏଥିପାଇଁ ଦାୟୀ ଅଟେ?