ବିଧୌତ ସୌନ୍ଦର୍ଯ୍ୟ, ସମାଜ, ପରମ୍ପରା, ଭାଷା ଏବଂ ଜୀବନର ପ୍ରଣାଳୀକୁ ଏକତାରେ ଗୁନ୍ଥି ଏକ ପ୍ରାନ୍ତ ଓଡିଶା, ଉତ୍କଳ, କଳିଙ୍ଗ କିମ୍ବା ଉଡ୍ରଦେଶ ଭାରତବର୍ଷର ଏକ ସବୁଜିମା ଭରା ରାଜ୍ୟ | ଯାହା ପ୍ରଧାନତଃ ଧନୀକ ସଂସ୍କୃତି ଏବଂ ଉତ୍କୃଷ୍ଟ କଳା ପାଇଁ ପ୍ରସିଦ୍ଧ | ଏ ଜାତି ଏବଂ ଜାତକର ନାମ ଜଗନ୍ନାଥ | ଏହାର ଜନଜୀବନ ଅଧିକାଂଶ ଭାବରେ ଗ୍ରାମୀଣ ଯାହା ପରମ୍ପରା ଗୁଡିକର ପୂର୍ଣ୍ଣତାରେ ନିଜକୁ ସମ୍ପୂର୍ଣ ଭାଗିଦାରୀ ଦେଇଥାନ୍ତି | ଏହା ଏକ ଶାନ୍ତିକୁ ଜନ୍ମଦିଏ ଯାହା ପ୍ରତ୍ୟେକ ଦିନକୁ ସ୍ୱତନ୍ତ୍ର ବନାଏ | ଏ ରାଜ୍ୟରେ ସନାତନ ଧର୍ମର ବିଶିଷ୍ଟତା ଅଧିକ ଏଣୁ ଏହାର ପରମ୍ପରା ଗୁଡିକ ଉପରେ ଏହା ଅନେକ ପ୍ରଭାବ ପକାଏ |

ଇଷିକା ଋତୁଟିକୁ ଡେଉଁଡେଉଁ ଶାରଦୀୟ ଦୁର୍ଗାପୂଜାଟି ସରିଯାଏ | ପ୍ରାରମ୍ଭ ହୁଏ କାର୍ତ୍ତିକ ମାସର | ଓଡ଼ିଆ ପରମ୍ପରାରେ 'କାର୍ତ୍ତିକ ମାସ'ର ଏକ ସ୍ୱତନ୍ତ୍ରତା ରହିଛି | ଏହାକୁ ପୁଣ୍ୟର ମାସ କୁହାଯାଏ | ଓଡ଼ିଆ ଜୀବନଚର୍ଯ୍ୟା ଅନୁସାରେ ଏ ମାସରେ ସୂର୍ଯ୍ୟଦୟ ପୂର୍ବରୁ ସ୍ନାନାଦି ନିତ୍ୟକର୍ମ ସାରି ଈଶ୍ୱରଙ୍କ ନିକଟରେ ପ୍ରାର୍ଥନା ଏବଂ ବିଭିନ୍ନ ଦେବକାର୍ଯ୍ୟ ସମ୍ପୂର୍ଣ କରିବାର ପ୍ରାଧାନ୍ୟ ରହିଛି | ବିଭିନ୍ନ ପୂଜକର୍ମ ସାଥେ ଆନ୍ତରିକ ସ୍ୱଭାବକୁ ମଧ୍ୟ ଶାନ୍ତ ରଖିବା ମଧ୍ୟ ପରମ୍ପରାଗତ |

କାର୍ତ୍ତିକ ମାସର ପୂର୍ଣ୍ଣିମା ଉତ୍କଳର ସ୍ମୃତି ଅବଗୁଣ୍ଠନ ତଳେ ଲୁଚିଯାଇଥିବା କିଛି ସମ୍ପୂର୍ଣ ବାସ୍ତବର ଛାୟାଚିତ୍ର ମାତ୍ର | ସାଧବ ଅତୀତରେ ଉତ୍କଳର ବ୍ୟବସାୟୀ ଥିଲେ | ବୋଇତ ଏକ ପ୍ରକାର ଜଳଜାହାଜ ଯାହାଦ୍ୱାରା ଉତ୍କଳର ସାଧବମାନେ ଜଳପଥରେ ଦୂର ଦେଶକୁ ଯାଇ ବ୍ୟବସାୟ କରୁଥିଲେ | କାର୍ତ୍ତିକ ପୂର୍ଣ୍ଣମୀରେ ତାଙ୍କ ଯାତ୍ରା ପ୍ରାରମ୍ଭ ହେଉଥିଲା | ଯାହା ଏକ ଲମ୍ବା ସମୟ ଯାଏଁ ଚାଲୁଥିଲା ଏଣୁ ଏହିଦିନ ସାଧବମାନଙ୍କ ସଖା, ସହୋଦର, ବନ୍ଧୁ ପ୍ରିୟଜନ ତାଙ୍କ ସଫଳ ଯାତ୍ରା ପାଇଁ ତାଙ୍କୁ ଏକ ଲମ୍ବା ସମୟ ପାଇଁ ବିଦାୟ ଦେବାର ପରମ୍ପରା ରହିଆସିଛି | ଆଜିକାର ସମୟରେ ନୂତନତା ଏସବୁ ଲୁଚେଇ ଦେଇଛି କିନ୍ତୁ ଏହାକୁ ଉତ୍କଳ ଏକ ପ୍ରଥା ଏବଂ ପରମ୍ପରା ସ୍ୱରୂପ ଆଦରି ନେଇଛି | ଏଥିରେ କଦଳୀ ପାଟୁଆରେ ତିଆରି ଛୋଟ ସୁସଜିତ ବୋଇତରେ ଏକ ଦୀପ ସହିତ ଜଳାଶୟ କିମ୍ବା ନଦୀରେ ଭସେଇ ଦିଆଯାଏ |

ସମ୍ପୂର୍ଣ୍ଣତା ମିଳେନା କିନ୍ତୁ ପରମ୍ପରା ରୂପେ ଉତ୍କଳ ଅନେକ କିଛି ସାଇତି ରଖିଛି | ଯାହା ଏ ପ୍ରଦେଶକୁ ଭିନ୍ନ ବନାଏ | ଆଉ ଲୁଚେଇ ରଖିଛି ଅନେକ ସ୍ମୃତି ଯାହା ପରମ୍ପରା ରୂପେ ବହିଯାଏ ଶାନ୍ତିବୁଣି | ସମ୍ମାନ ଦିଏ ଅତୀତକୁ |

କାର୍ତ୍ତିକ ପୂର୍ଣ୍ଣିମା, ବୋଇତ ବନ୍ଦାଣ ଏବଂ ଉତ୍କଳୀୟ ନୌବାଣିଜ୍ୟ

କାର୍ତ୍ତିକ ପୂର୍ଣ୍ଣିମା, ବୋଇତ ବନ୍ଦାଣ ଏବଂ ଉତ୍କଳୀୟ ନୌବାଣିଜ୍ୟ