ଓଁ କାର ମନ୍ତ୍ରସାର ଓଁ କାର ଅଘହର

ଓଁ କାର ଆକାର ଧରିଲ

ଓଁ କାର ବର୍ଣ୍ଣ ମାତ୍ରା ଓଁ କାର ସର୍ବଜ୍ଞତା

ଓଁ କାର ବ୍ରହ୍ମରୂପ ନେଲ

ହେ ନୀଳାଦ୍ରୀଶ

ଓଁ କାର ଅପ୍ରକଟ ସ୍ବର

ଓଁ କାର ବ୍ରହ୍ମର ବିକାର

ଓଁ କାର ତତ୍ବ ବାରି ଓଁକାର ନିର୍ବିକାର

ଓଅ ବୋଇଲେ ଓଅ କର॥

ଅନୁବାଦ:ଓଁ ଇତି ଅକ୍ଷର ମନ୍ତ୍ରୀମାନଙ୍କ ମଧ୍ୟରେ ଶ୍ରେଷ୍ଠ ଓ ପାପହର ବର୍ଣ୍ଣ ହୋଇଥିବାରୁ ସେହି ରୂପକୁ ଗ୍ରହଣ କରିଲ। ଓଁ କାରର ପ୍ରତ୍ୟକ ମାତ୍ରା ମଧ୍ୟ ପ୍ରକଟ ହେଲା, ଓଁ କାର ଜାଣିବା ବ୍ୟକ୍ତି ସର୍ବଜ୍ଞ ଅଟନ୍ତି ତେଣୁ ଓଁ କାର ରୂପକ ବ୍ରହ୍ମ ସ୍ବରୂପ ଧାରଣ କରିଲ ସେ ଓଁକାର ଅପ୍ରକଟ ନାଦ ଓ ବ୍ରହ୍ମର ସୂଚକ ଅଟନ୍ତି ତାହା ସେହି ନିର୍ବିକାର ତତ୍ବ ନେଇ ରୂପବନ୍ତ ହୋଇଛ ଓ ଡାକିଲା ମାତ୍ରେ ଶୁଣୁଅଛ। ଅର୍ଥାତ୍ ଆପଣଙ୍କର ଏହି ଅପ୍ରକଟ ରୂପ ହିଁ ପ୍ରଣବ ରହସ୍ୟ ଅଟେ।‍"ଇତିସ୍ତୃତା ସୁରେଶାନାଂ ଦେବ ପ୍ରଣବ ରୂପୀଣଃ ରୂପରେ ଶାସ୍ତ୍ର ଆପଣଙ୍କୁ ସ୍ବୀକାର କରିଛି,"ସୂତସଂହିତା" "ଇନ୍ଦ୍ରନୀଳମଣି ପୁରାଣ" ପ୍ରଭୃତି ପ୍ରାଚୀନ ଗ୍ରନ୍ଥମାନଙ୍କରେ ଜଗନ୍ନାଥ ଓଁ କାର ରୂପର ପ୍ରତୀକ ବୋଲି ଗୃହିତ।

ଆବିର୍ଭାବ ଜଗନ୍ନାଥ ନୀଳାଦ୍ରୀ କନ୍ଦରାଳଯେ

ଅକ୍ଷର ବ୍ରହ୍ମରୂପାୟ ସଚ୍ଚୀଦାନନ୍ଦ ରୂପିଣେ

ଅକାର ନେତ୍ର ଯୁଗ୍ମଶ୍ଚ ଉକାର ଅଧରାମୃତଂ

ମକାର ମୌଳୀ ମଧ୍ୟେଚ ନାଦ ବିଦୁ ସମନ୍ବିତ

ନୀଳଦ୍ରୀ ମହୋତ୍ସବର ଅଭିଷେକ ପ୍ରାର୍ଥନା

ମତ ଲିଖିତ ଓଁ କାର ଉପସନା ଇତି ପୁସ୍ତକ ଦ୍ରଷ୍ଟବ୍ୟ

କବି ଉପେନ୍ଦ୍ର ଭଞ୍ଜଙ୍କ ବିରଚିତ ଶ୍ରୀ ନୀଳାଦ୍ରିଶ ଚଉତିଶା ଭାଗ ୫

କବି ସମ୍ରାଟ ଉପେନ୍ଦ୍ର ଭଞ୍ଜଙ୍କ ବିରଚିତ ଶ୍ରୀ ନୀଳାଦ୍ରିଶ ଚଉତିଶା ଭାଗ ୫