ଘଟଣ ଦେଖିବାରେ ଘନ ଘୋଟିଛି ଘୋରେ

ଘେନିଛ ପ୍ରଭୁ ଗୁଢ଼ ତନୁ

ଘଟସୂତ୍ର ଭିଆଣି ଘର କୋଣେ ରୋହିଣୀ

ଘୋଟିବା ରାଧା ରସ ଦିନୁ

ହେ ନୀଳାଦ୍ରିଶ !!

ଘରେ ସେ ଅପ୍ରକଟ ଛଟ

ଘଡ଼ିଏ ନ ସହିଲ ହଟ

ଘଉଡ଼ାଇ ହଳୀଙ୍କୁ ଘେନିଣ ଭଗିନୀଙ୍କୁ

ଘେନାଇ ଘେନିଲ ଏ ଘଟ ।।

ଆପଣଙ୍କର ଆକାର ଦେଖି ମହାସନ୍ଦେହର ଅନ୍ଧକାର ମାଡ଼ି ବସୁଛି। ପ୍ରଭୁ ବାସ୍ତବରେ ଆପଣ ଏକ ତତ୍ତ୍ୱପୂର୍ଣ୍ଣ ଶରୀର ବହନ କରିଅଛନ୍ତି। ଏହି ଘଟଣାର ଏକ ସୂତ୍ର "ମହାଭାବ ପ୍ରକାଶା" ଦି ଗ୍ରନ୍ଥମାନଙ୍କରେ ଦେଖାଯାଏ ଯେ ମାତା ରୋହିଣୀଙ୍କର ବଚନାନୁସାରେ ଏକ ନିଭୃତ କୁଞ୍ଜରେ ରାଧାତତ୍ତ୍ୱ ପରି ଅପ୍ରକଟ ନିର୍ଗୁଣ ତତ୍ତ୍ୱର ଗଭୀର ଆଲୋଚନା ହେବା ଦେଖି ହେ ନୀଳାଦ୍ରିନାଥ ସେ ସ୍ଥାନରେ ଅପ୍ରକଟ ଲୀଳା ପ୍ରକାଶ କରିଲ ସାମାନ୍ୟ ମାତ୍ର ଅପେକ୍ଷା ନକରି ହଳଧର ଓ ଭଗିନୀ ଯୋଗମାୟାଙ୍କ ଗହଣରେ ଶୁଣୁ ଶୁଣୁ ନିର୍ଗୃଣ ସୂଚକ ଶରୀରରେ ପ୍ରକଟିତ ହେଲ।

କବି ଉପେନ୍ଦ୍ର ଭଞ୍ଜଙ୍କ ବିରଚିତ ଶ୍ରୀ ନୀଳାଦ୍ରିଶ ଚଉତିଶା ଭାଗ ୪

କବି ସମ୍ରାଟ ଉପେନ୍ଦ୍ର ଭଞ୍ଜଙ୍କ ବିରଚିତ ଶ୍ରୀ ନୀଳାଦ୍ରିଶ ଚଉତିଶା ଭାଗ ୪