ଓଡ଼ିଆ ରେ ଗୋଟେ ଢଗ ଅଛି "କହି ବୋଲି ଜାଣେ ଯେ ପଚା ଚିଙ୍ଗୁଡ଼ି ବିକେ ସେ"। ଯଦିଓ ଏହି ଲେଖା ଟିକୁ ନକାରାତ୍ମକ ଭାବରେ ପରିପ୍ରକାଶ ହୋଇଛି କିନ୍ତୁ ଏହା ଆଜିର ସମୟରେ ବ୍ୟାବହାରିକ ଦକ୍ଷତା ତଥା communication skills ବିଷୟରେ ଯଥେଷ୍ଟ ବର୍ଣ୍ଣନା କରୁଛି। ଖାଲି ଆଜିର ସମୟ ନୁହେଁ କେଉଁ ଯୁଗରୁ ଯାହାକୁ କଥା କହିବାର ଓ ବ୍ୟବହାର ର କୌଶଳ ରେ ହାତ ମଜବୁତ୍ ଥାଏ ସେ ଭିଡ଼ ଭିତରେ ବି ନିଜ ଜାଗା ବନେଇଦିଏ।

ଆସନ୍ତୁ ଦେଖିବା communication skills ତଥା ବ୍ୟାବହାରିକ ଦକ୍ଷତା ର ଭିନ୍ନ ଭିନ୍ନ କ୍ଷେତ୍ର ରେ ଆବଶ୍ୟକତା।

ପ୍ରଥମତଃ ପରିବାର ରେ ବି ଏହାର ଅନେକ ଗୁରୁତ୍ଵ ରହିଛି। ସମସ୍ତେ କୁହନ୍ତି ପରିବାରରେ ଜଣେ ନିଜର real self କୁ ପ୍ରଦର୍ଶନ କରେ ତାର ଅର୍ଥ ଏହା ନୁହେଁ ସେମାନେ ପରିବାର ବର୍ଗ ବୋଲି ଆପଣ ତାଙ୍କୁ କଥା କହି ମନ କଷ୍ଟ କରିଦେବେ କଥା ଯେତେ ସତ ହୋଇଥାଇ ପାରେ। ଏହି communication skills ରେ ଆପଣ ପରିବାର ସହ ନିଜ ହସ, ରାଗ ଓ ଦୁଃଖ ସବୁ ବାଣ୍ଟି ପାରିବେ ଓ କାହାକୁ ଆଘାତ ବି ଦେବ ନାହିଁ। ନିଜର ମନ କୁ ପ୍ରକାଶ କରି ହାଲୁକା କରିବା ସହ ଆଉ କାହା ମନ ବି ଜାଣତରେ ଭାରି କରିବାକୁ ଦେବନି ଏହି ଦକ୍ଷତା। ଉଦାହରଣ ସ୍ୱରୂପ ଦୁଇ ଜଣ ଭାଇ ଥିଲେ ଯାହାଙ୍କ ଅଭିଭାବକ ପାଠ ନେଇ ତାଙ୍କ ଉପରେ ଅନେକ ଚାପ ପକାଉଥିଲେ। ବଡ଼ ପୁଅ ଯିଏ ସବୁଠାରୁ ଭଲ ପାଠ ପଢ଼େ ସେ ସବୁ ସହିଗଲା ହେଲେ ମନର କଥାକୁ ଠିକ୍ ଭାବରେ ପ୍ରକାଶ କରିପାରିଲା ନାହିଁ। ଶେଷ ରେ ମାନସିକ ସ୍ବାସ୍ଥ୍ୟ ର ହାନି ଘଟିଲା। ହେଲେ ସାନ ପୁଅ ଘରେ ବୁଝେଇଦେଲା ତା ପାଇଁ ପାଠ ପଢ଼ିବା ସହ ଖେଳ କୁଦ ଓ ମନୋରଞ୍ଜନ କେତେ ଦରକାର। ଘରେ ରାଜି କରେଇବା ସହ ସେ ବଡ଼ ଭାଇ ଠୁ ଭଲ ନ ପଢ଼ିବା ସତ୍ତ୍ବେ ସେ ଅଧିକ ସ୍ତର ରେ ପହଞ୍ଚିଲା। ଏହି ଯେଉଁ ପାର୍ଥକ୍ୟ ତାହା ର କାରଣ ହେଉଛି କମ୍ୟୁନିକେସନ skills।

ଏବେ ଆସିବା ଛାତ୍ର ଜୀବନରେ। ପାଠ ପଢ଼ି ପରୀକ୍ଷା ଖାତା ରେ ଲେଖି ସଫଳ ହେବା ତ ଅଲଗା କଥା କିନ୍ତୁ ଯାହା ପାଖରେ ବ୍ୟବହାର କରିବାର ଦକ୍ଷତା ଥାଏ ସେ ସମସ୍ତଙ୍କ ନଜର ରେ ଆସିବା ସହ ଶିକ୍ଷକ ମାନଂକ ପ୍ରିୟ ହୋଇଥାଏ , ତାହାର କଥା ସମସ୍ତେ ଶୁଣନ୍ତି , ଅନେକ ପିଲା ଭିତରେ ସେ ବାରି ହୋଇପଡ଼େ ଓ ତାହାର ନିଜର ଆତ୍ମ ବିଶ୍ୱାସ ବଢ଼ିଯାଏ। ଆଉ ଏକ ଉଦାହରଣ ଆସିବା। ମୋ ନିଜର ଉଦାହରଣ । ସ୍କୁଲ ଠାରୁ କଲେଜ ଠାରୁ university ଯାଏଁ ଅନେକ ପିଲା ମୋଠାରୁ ଭଲ ବି ପଢ଼ନ୍ତି କିନ୍ତୁ ଆଜି ଯାଏଁ ଯେବେ ବି କ୍ଲାସ୍ ରେ ଭଲ ପିଲା କିମ୍ବା ଶିକ୍ଷକ ମାନଙ୍କ ର ପ୍ରିୟ ଛାତ୍ର ଛାତ୍ରୀ କଥା ଉଠେ ତେବେ ମୁଁ ନିଜକୁ ସେଥିରେ ପାଇଛି। ଏହା ର ପ୍ରକୃତ କାରଣ ତ ଅଜଣା ମୋ ପାଇଁ କିନ୍ତୁ ଏହାର ଶ୍ରେୟ ମୁଁ ମୋ ନିଜ କମ୍ୟୁନିକେସନ ଷ୍କିଲ କୁ ଦେବା ପାଇଁ ଚାହିଁବି।

ତେବେ ଭଲ କମ୍ୟୁନିକେସନ skills କହିଲେ ଲୋକ ମାନେ ତେଲ ମାରି କଥା କହିବାକୁ ବୁଝି ନିଅନ୍ତି। କିଛି ଜଣ ଭାବନ୍ତି ଅଧିକ କହିଲେ ବା କମ୍ କହିଲେ ଏହା ଉତ୍ତମ ବ୍ୟାବହାରିକ ଦକ୍ଷତା ରେ ଗଣା ଯାଏ। ଏହାର ଉତ୍ତର ବିଲକୁଲ ନା। ଏହା ଏକ କଳା ଏଥିରେ କାହାକୁ ନକଲ କରି କରାଯାଇ ନପାରେ। Communication skills ବଢ଼ାଇବାକୁ ହେଲେ ନିଜ ର ମୌଳିକ ସ୍ବଭାବ ସହ କାମ କରିବାକୁ ପଡ଼େ। ଆପଣ ଅଯଥା ରେ ବହୁତ୍ ବହୁତ କଥା କହିଲେ ଅବା ଠିକ୍ ସମୟରେ ଠିକ୍ କଥା ନକହିଲେ ଏହା କେବେବି ଆକର୍ଷଣୀୟ ହୋଇ ପାରିବନି। ଆଉ ରହିଲା ତେବେ କଣ ଏହା ପାଇଁ ସବୁବେଳେ ସମସ୍ତଙ୍କ ଆଗରେ ହିଁ କରିବାର ଅଛି? ନାହିଁ ବିଲକୁଲ ନାହିଁ। ଯଦି ଆପଣ ଶାଲିନତା ସହ ନା କହି ପାରୁଛନ୍ତି ଅବା ଆବଶ୍ୟକ ସ୍ଥଳେ ଅସମ୍ମତି ପ୍ରକାଶ କରି ପାରୁଛନ୍ତି ସେହି ଠାରୁ ସ୍ଥିର ହୁଏ ଆପଣଙ୍କ communication skills କେତେ ଦୃଢ଼।

ସମାଜ ଠାରୁ ଆରମ୍ଭ କରି ବିଶେଷ କରି କର୍ମ କ୍ଷେତ୍ର ରେ ଏହି communication skills ହିଁ ଆପଣଙ୍କୁ ଭିଡ଼ ଭିତରେ ଅଲଗା କରିଦେଇଥାଏ। ଆପଣ ଯେତେ ଜ୍ଞାନୀ ଓ କୁଶଳୀ ହୋଇଥାଆନ୍ତୁ ନା କାହିଁକି ଯଦି ଆପଣଂକ ସଫ୍ଟ ସ୍କିଲ୍ସ ଦୃଢ଼ ନୁହେଁ ଅବା ଆପଣ ନିଜର କଥା କୁ ବୁଝାଇବାରେ ସକ୍ଷମ ନୁହଁନ୍ତି ତେବେ ଦେଖା ଯାଏ ଅନେକ କ୍ଷେତ୍ର ରେ ଭଲ communication skills ଲୋକଟି ଆଗକୁ ବଢ଼ିଯାଏ।

ହୁଏତ କେବଳ ହିଁ କେବଳ communication skills ଥାଇ ଆପଣ କିଛି କରିପାରିବେ ନାହିଁ କିନ୍ତୁ ଯଦି ଆପଣ କୁଶଳୀ ହେବା ସହ communication ଭଲ ଅଛି ତେବେ ଏହା ଆପଣଙ୍କ ଅସ୍ତ୍ର ଭଳି କାମ କରିବ।

ଶେଷ ରେ ଏତିକି କହିବି ଯଦିଓ ଏହାକୁ ଶିକ୍ଷା ଦିଆଯାଇପାରିବ ବିଦ୍ୟାଳୟ ରେ ତଥାପି ଏହା ଆତ୍ମ ବିଶ୍ଳେଷଣ ଉପରେ ନିର୍ଭର କରେ। ଶୁଣିଥିବେ "skill pays the bills" ଆଉ ଏହି ଭଳି soft skill ହିଁ ଆପଣଙ୍କୁ ଗୋଟେ ପାଦ ଆଗକୁ ନେଇଯିବ।

ଧନ୍ୟବାଦ।

କୈବଲ୍ୟ ନାୟକ

Kaibalya Nayak

କହି ବୋଲି ଜାଣେ ଯେ.... Communication Skills pays the bills

କହି ବୋଲି ଜାଣେ ଯେ ପଚା ଚିଙ୍ଗୁଡ଼ି ବିକେ ସେ।