କହିଲେ କହିବ କହୁଛି....

କହିଲେ କହିବ କହୁଛି...

ନିର୍ବାଚନ ପାଇଁ ରାଜ୍ୟସାରା ଏବେ ହଇଚଇ ଖାଲି ପଡ଼ିଛି

ଏମ୍ ଏଲ୍ ଏ ପଦଟା ଚାଲିଯିବ ବୋଲି ମୁଣ୍ଡରେ ଚଡ଼କ ପଡ଼ିଛି

ମିଛ ପ୍ରତିଶ୍ରୁତି, ପ୍ରଚାର ପ୍ରସାର ଘାଇଁ ଘାଇଁ କିରି ଚାଲିଛି

କହିଲେ କହିବ କହୁଛି....

ଆମ ବିଧାୟିକା ଶ୍ରୀମତୀ ଲତିକା

ପୁଣି ଟିକଟଟେ ପାଇଛି

ଖୁସିରେ କୁରୁଳି ଉଠୁଛି

ତାଙ୍କ ବିପକ୍ଷରେ ବିଜେଡ଼ି ଦଳରେ ଗୋଷ୍ଠୀ କନ୍ଦଳଟେ ଚାଲିଛି

ଅନ୍ୟାୟ, ଦୁର୍ନୀତି କରି ପାଞ୍ଚ ବର୍ଷ

ଲୋକଙ୍କୁ କେତେ ସେ ଠକିଛି

କହିଲେ କହିବ କହୁଛି....

ପୂର୍ବଥର ପରି ମିଛ ପ୍ରତିଶ୍ରୁତି ଆଉ ଫାଙ୍କା ଆୱାଜ୍ ଚାରିଆଡ଼େ ସିଏ ଝାଡୁଛି

ମହିଳା-ଶିଶୁଙ୍କ ବିକାଶ ପାଇଁ କି ବଡ଼ ଯୋଜନା ସେ କରୁଛି

ଶିକ୍ଷା-ସ୍ବାସ୍ଥ୍ୟ ଆଉ infrastructure ବଦଳାଇ ଦେବ କହୁଛି

ଜନତା ଜବାବ ମାଗୁଛି

ଉନ୍ନତି ହେବ କି ଅବନତି ହେବ ଭଗବାନ ଏକା ଜାଣୁଛି

କହିଲେ କହିବ କହୁଛି....

ହାତ ଯୋଡ଼ି ସିଏ ଗ୍ରାମ ଗ୍ରାମ ବୁଲି ଭୋଟ ଭିକ୍ଷା କରୁଛି

ନବିନ ବାବୁଙ୍କ ବିକାଶଧାରାକୁ ଆଗେଇ ନେବାକୁ କହୁଛି

ନବିନ ଟଙ୍କାକୁ ଭସ୍ମସାତ୍ କରି ଫଲ୍ସ୍ ବିଲ୍ ହେଉଛି

ଭୋଟ ନାଁରେ ନୋଟ ଉଡୁଛି

କିସ ପାଲ୍ଲା ଏଠି ଚାଲିଛି

କହିଲେ କହିବ କହୁଛି....

ଆମ ଗାଁର ଉନ୍ନତି କଥା କହିବାକୁ ଲାଜ ମାଡୁଛି

୧୫ବର୍ଷରୁ ରୋଡ଼ ପଡ଼ିଛି

ଚାରି ଚକିଆ କି ଗଡୁଛି?

ଅଟୋ ଭଡ଼ା ବଢ଼ି ଯାଉଛି

ଅଟୋ ଭଡ଼ା ଦେଇ ଗରିବ ଲୋକଙ୍କ

ପ୍ରାଣବାୟୁ ଉଡ଼ି ଯାଉଛି

କହିଲେ କହିବ କହୁଛି.....

ଗାଁରେ ନାହିଁ ତ ଟାୱାର ଗୋଟିଏ

କଥା ଫଡ଼ ଫଡ଼ ଶୁଭୁଛି

କଥା ହେବା ପାଇଁ ଛାତ ଉପରକୁ ଦୌଡ଼ିବାକୁ ପଡୁଛି

ବଡ଼ ସମସ୍ୟା ଯେ ଘାରୁଛି

କହିଲେ କହିବ କହୁଛି....

ଗାଁରେ ଅଛି ପୋଖରୀ ଗୋଟିଏ

ପାଣି ଦୂଷିତ ଯେ ହୋଇଛି

ପାଇପ୍ ପାଣି ମିଳୁନାହିଁ ଏଠି

ଶୋଷରେ ମଣିଷ ମରୁଛି

କହିଲେ କହିବ କହୁଛି....

ବିଦ୍ୟାୟଳେ ଆଉ ରହୁନି ଶିକ୍ଷକ

ଛୁଟି ଘନ ଘନ ମାରୁଛି

ହେଡ୍ ସାର୍ ଏଠି ପେଟେ ଖାଇକରି କୁମ୍ଭକର୍ଣ୍ଣ ପରି ଶୋଉଛି

ଶିକ୍ଷା ଅଧଃଗତି ହେଉଛି

କହିଲେ କହିବ କହୁଛି....

ପ୍ରାଥମିକ ଚିକିତ୍ସା କେନ୍ଦ୍ରରେ ପୁଣି ଡ଼ାକ୍ତରାଣୀଟିଏ ଆସିଛି

ରୋଗୀ ଦେଖୁ ଦେଖୁ ଛାନିଆ ହେଉଛି

ଦୂରକୁ ସେ ଠେଲି ଦେଉଛି

ହୋମିଓପାଥିକ ଔଷଧ ପୁଡ଼ିଆ ଦୂରରୁ ଟେକିକି ଦେଉଛି

ସାତ ଦିନର ସେ ହାଜିରା ପକାଇ

ଦୁଇ ଦିନ ପାଇଁ ଆସୁଛି

କହିଲେ କହିବ କହୁଛି....

କେନ୍ଦ୍ରରୁ ଚାଉଳ ଆସିଲେ ଏଇଠି

ବିକିରି ତ ହୋଇ ଯାଉଛି

ଫଲ୍ସ୍ ରିପୋର୍ଟ ପଠାଇ ପୁଣି ଚାଉଳ ତ ଅଣାଯାଉଛି

ଅଧାଙ୍କୁ ମିଳିଲେ ଅଧାଙ୍କୁ ମିଳୁନି

ମନ ଦୁଃଖେ କିଏ ଫେରୁଛି

କହିଲେ କହିବ କହୁଛି....

ଚାଷୀ ପାଇଁ ଉନ୍ନତ ବିହନ ସାର

ଟ୍ରକ୍ ଟ୍ରକ୍ ଆସୁଛି

ଚାଷୀ ପାଉ ନାହିଁ ବିହନ ସାର

ଚୋରା ବିକିରିରେ ଯାଉଛି

ନବିନ ସର୍କାର ଧେଣ୍ଡରା ପିଟୁଛି

ଓଡ଼ିଶା ପ୍ରଗତି କରୁଛି

କହିଲେ କହିବ କହୁଛି....

ଚାଷ ପାଇଁ ଚାଷୀ ପୁଳା ପୁଳା ଟଙ୍କା

ଝାଳ ବୁହାଇ ସେ ସାରୁଛି

ଅମଳ କରିକି ମଣ୍ଡିକୁ ଦେଲେ ବି

ୠଣ ବାକି ତା'ର ରହୁଛି

କୃଷି ୠଣ ଆଣି ସୁଝି ନ ପାରି

ଆତ୍ମହତ୍ୟା ସେ କରିଦେଉଛି

କହିଲେ କହିବ କହୁଛି....

ମଦ, ମାଫିଆ ଗୁଣ୍ଡାକୁ ଧରି ସରପଞ୍ଚ ରାଜୁତି କରୁଛି

ମଦ, ଟଙ୍କା ଆଉ ମାଉଁସ ଖୁଆଇ ଟୋକାଙ୍କୁ ବର୍ବାଦ କରୁଛି

ରାଜନୀତି କିଛି ଜଣା ନଥାଇବି

କୁଜିନେତା ସିଏ ସାଜୁଛି

କହିଲେ କହିବ କହୁଛି....

ଗାଁ ମଶାଣିଟା ୫ବର୍ଷ ହେଲା ଟଙ୍କା ମାଗି ଯାଚି ତୋଳା ଚାଲିଛି

ଶବଦାହ ଏଠି ବାହାର ଯାଗାରେ ହେଉଛି

ସେଥିପ୍ରତି କିଏ ଧ୍ୟାନ ଦେଉଛି

ପାର୍କ, ମନ୍ଦିର , ଖେଳ ପଡ଼ିଆ ହେବାକୁ

ସରପଞ୍ଚ ଭାଷଣ ଛାଡୁଛି

କହିଲେ କହିବ କହୁଛି....

ପ୍ରଧାନମନ୍ତ୍ରୀ ଆବାସ ଯୋଜନା ପାଇଖାନାସବୁ

ହିତାଧିକାରୀଙ୍କ ପାଇଁ ଆସୁଛି

ଗରିବ ଲୋକଙ୍କୁ ମିଳୁନି ଆବାସ

ଧନୀ ଚଳୁ କରି ନେଉଛି

ବାକି ସରପଞ୍ଚ ଚାଞ୍ଛୁଛି

କହିଲେ କହିବ କହୁଛି....

ମୋ ଗୁହାଳ ଯୋଜନା ଧନୀମାନେ କରି

ଘର ପରେ ଘର ତୋଳା ଚାଲିଛି

ଗୁହାଳ ନାଁ ରେ ମଦ ଦୋକାନକୁ ଆଜାଦ୍ ରେ ସିଏ ଖୋଲୁଛି

କଜଳପାତିଆ ଭଦ୍ର ଲୋକ ଏଠି ସରପଞ୍ଚ ସାଜି ଯାଉଛି

କହିଲେ କହିବ କହୁଛି....

ସରପଞ୍ଚ ଏଠି ସ୍ବାମୀ ହୋଇଥିଲେ

କାର୍ଯ୍ୟକାଳ ଶେଷ ହେଲାକ୍ଷଣି ସ୍ତ୍ରୀ ପୁଣି ଛିଡ଼ା ହୋଇଯାଉଛି

ରାଜନୀତି ସ୍ବାଦ ପାଟିରୁ ଛାଡୁନି

ପିଢ଼ି ପରେ ପଢ଼ି ଲୁଟି ଚାଲିଛି

କହିଲେ କହିବ କହୁଛି....

୨୪ ବରଷେ ବିଜେଡି ଶାସନେ

ଆମ ଗାଁ ଏମିତି ଉନ୍ନତି ହୋଇଛି

କହିଲେ ତ କୁଳ କୁଟୁମ୍ବକୁ ଲାଜ

ନ କହିଲେ କୁଳ ଭାସି ଯାଉଛି

କହିଲେ କହିବ କହୁଛି....

ଏବେ ବିଜେଡ଼ିର ସବୁ କାରନାମା

ଧରା ପଡ଼ି ପଡ଼ି ଯାଉଛି

କେତେ କିଳା ଲିଳା, କଳାଧନ୍ଦାସବୁ ପର୍ଦ୍ଦାଫାଶ ହୋଇଯାଇଛି

ଦଳ ଛାଡ଼ି ସବୁ ଗୋଟି ଗୋଟି କରି ନେତା ମନ୍ତ୍ରୀ ବିଜେପିରେ ମିଶି ଯାଉଛି

ବିଜେଡ଼ିର ଏବେ ବୁଦ୍ଧିବଣା ହୋଇ

ନୂଆ ଯୋଜନା ସେ କାଢୁଛି

ଓଡ଼ିଶା ସ୍ବୟମ୍ ସ୍କିମ୍, ଲକ୍ଷ୍ମୀ ବସ୍ ଯୋଜନା ପରି ବହୁ ଶାଖା ସିଏ ଖୋଲୁଛି

କହିଲେ କହିବ କହୁଛି....

ଦେଖିବା କ'ଣ ହେଉଛି?...

ଷାଠିଏ ମହଣ ଘିଅ କି ହେବ,

ରାଧା କିବା ଆଉ ନାଚୁଛି?....

---×---×----

=•ସମାପ୍ତ•=

ନାମ - ରବୀନ୍ଦ୍ରନାଥ ସାହୁ

ଗ୍ରା/ପୋ - ବି. ନୂଆଁ ପଲ୍ଲୀ

ବ୍ଲକ୍ - କବିସୂର୍ଯ୍ୟନଗର

ଜିଲ୍ଲା - ଗଞ୍ଜାମ

ରାଜ୍ୟ - ଓଡ଼ିଶା

ପିନ୍ କୋଡ୍ ନଂ - ୭୬୧୧୦୪

ମୋବାଇଲ୍ ନଂ - ୭୮୭୩୨୯୩୫୦୮

କହିଲେ କହିବ କହୁଛି....

ରାଜନୀତି ବ୍ୟଙ୍ଗବାଣ