ଆଲୋ.....
ଯାଉନୁ ଆଉ କାହା ଦୁଆରକୁ
ମୋ ଘରକୁ କାହିଁ ଟିକ୍ କଥାରେ ଧାଇଁ ଆଉଚୁ
ଚିନି ଟିକେ ଦେଲୁ
ଚାଉଳ ଦି ସେରେ ଦେଲୁ
ଲୁଣ ଟିକେ ଦେଲୁ
ଭଣ୍ଡା ଦିଇଟା ଦେଲୁ
ଟଙ୍କା ସଏ ଧାରେ ଦେଲୁ
ଆଲୋ ତୁ ତ ଏମିତି ସବୁ ବୋହି ନବୁ
ଆମେ ଚଳିବୁ କେମିତି

ଇଏ ପୋଡାମୁହିଁ ଖଣ୍ଡେ ଆଇଚି ଯେ ବାହା ହେଇ
ଘରେ ଦାନା କନା ଖଣ୍ଡେ ରଖୁନି
ଯିଏ ଯାହା ମାଗିଲା ଝଟ୍ କିନା ଧରେଇ ଦଉଚି
ସତେ ବାପା ଯୋଗେଇ ଦଉଚି ଯେମିତି ସବୁ ଆଣି

ଆଲୋ ତୋର କଣ ବୁଦ୍ଧି ଶୁଦ୍ଧି କିଛି ନାଇଁ
ପିଲା ଦିଇଟା ହେଲେଣି
ମୁଁ ବୁଢିଟା
ତମେ ଘଇତା ମାଇପ ଦି ଜଣ
ତୁ ତୋ ଘର ସଂସାର ଦେଖିବୁ ନା ଯିଏ ଯାହା ମାଗିଲା ହାତ ଟେକି ଦେଇ ଦବୁ

ଆଜି ଟଙ୍କାଏ କାଲିକୁ ଦିଟଙ୍କା
ଆଜି ସଂଚିଲେ ସିନା କାଲିକୁ ଗେମ୍ଫିବୁ
ନହେଲେ ଆସିବ କୋଉଠୁ

ଆଜି ଧନ ଅଛି ବୋଲି ତୋଠି ସଭିଙ୍କର ମନ
ଧନ ସଇଲେ ସବୁ ବୁଲି ପଡ଼ିବେ
ଯାହା ଦୂଆରେ ଯିବୁ ସିଏ ଗୋଇଠାଏ ଦେବ
କେହି କାହାର ନୁହଁଲୋ...

ଆମ ବେଳେ ଥିଲେ ସେମିତି ଲୋକ
ବିନା ଛନ୍ଦରେ ପାଖେ ଠିଆ ହେଉଥିଲେ
ଏବେ ଆଉ କାହାନ୍ତି ସେମିତି
ସବୁ ମିଠା କଥା କୁହା ଆମ୍ବୁଲ ଚଟା
କାହାକୁ ଆଉ ବିଶ୍ୱାସ ନାହିଁ l

ମତେ ଏଇଠି କେତେ ଲୋକ କେତେ କଥା କହୁଛନ୍ତି
ମୁଁ କଳିହୁଡି
ମୁଁ କାହା ଭଲ ଦେଖୁନି
ଦେହ ଧୂଳି ଟିକେ ଦିଉନି
ରାଣ୍ଡି ବୁଢ଼ୀ ଖାଲି ଗଜର ଗଜର ହଉଚି
ଆହୁରି କେତେ କଥା l
ହେଲେ ମୋ ଦେହ ମୁଣ୍ଡ ଆସି କିଏ ଦେଖୁଚି
ମୋ ମନର ବେଦନା କିଏ ବୁଝୁଚି
ସେଇ ତମେ ଘଇତା ମାଇପା ଦି'ଟା ହିଁ କରୁଚ
ଆଉ କିଏ ଆସି ଟିକେ ହାତ ମାରୁଚି l

ମୁଁ କଣ କାହାର କିଛି କରିନି ମୋ ଜୀବନ କାଳରେ....
କିଛି ନାଇଁ...
ଏ ଯୁଗରେ କେହି କାହାର ନୁହଁ
ନିଜ ବାଟ ନିଜେ ଦେଖ
ସାହାଯ୍ୟ କର କିନ୍ତୁ ସୀମା ଭିତରେ ରହିକର
ବେଶୀ ହେଲେ ଏମାନେ ସହିବେନି....l

କଳିହୁଡ଼ି

ଲୋକେ କୁହନ୍ତି ମୁଁ ଗୋଟେ ସ୍ୱାର୍ଥପର