ଅହଲ୍ୟା

ଗାଆଁ ର ଅଙ୍କା ବଙ୍କା ଏରୁଣ୍ଡି ଡେଇଁ
ସମାଜ ସହ ଲଢ଼ିଲ ପ୍ରେମ ପାଇଁ

ବୟସ ର ସବୁ ଋତୁ ସହ ଲୁଚକାଳି ଖେଳି

ହେମନ୍ତ ଋତୁ ର ଅତିପ୍ରିୟ ହେଇଗଲ ଚିରଦିନ ପାଇଁ

ଦିଗହରା ହେଇ ବୁଲୁଥିଲା ଶାଶୁ ଘର ର କଷଣ
ଅହଲ୍ୟା ହୋଇ ଉଦ୍ଧାରିଲ ପାଷାଣ

ପଥହରା ହେମନ୍ତ ର ହେଲ ଆଶାବାଡି

ସଜେଇଦେଲ କଣ୍ଟକିତ ପଥ ତାର ଫୁଲ ଅଜାଡ଼ି

ପ୍ରୀତି, ସ୍ମୃତି ଓ ଶକ୍ତି ଲଗାଇ ଦେଲ ବଳିଦାନ

ଆତ୍ମଦାହ ରେ ନା ମିଳିଲା ସହଯୋଗ ନା ସମ୍ମାନ

ମୁଖ ଖରସ୍ରୋତା ହେଲେ ବି ହ୍ରୁଦୟ ଦରଦ ଭରା

ମାନବ ସେବା କରି ହେଇଗଲ ମହାନ୍

ଅସହାୟ ସମୟ ଆଗରେ ରୋଗ ର ଯନ୍ତ୍ରଣା

ପାଞ୍ଚ ବର୍ଷ ସଂଗ୍ରାମ - ଅଦମ୍ୟ ସାହସ ର ପ୍ରମାଣ

ଇତିହାସ ରେ ଲିପିବଦ୍ଧ ହେଇ ରହିବ

ସମାଜସେବା ର ବିନ୍ଧାଣି

ପ୍ରଥମ ଥର ବୋହୂ, ବାପ ଘର ଠାରୁ ଶାଶୁଘରେ ହେବ ଚର୍ଚ୍ଚିତ କାହାଣୀ

ଅମି ର ଶେଷ ପର୍ଯ୍ୟନ୍ତ ପ୍ରୟାସ
ଦୁଇ ଆଖି ଥରେ ଖୋଲି ଦିଅ ଟିକେ ହସି

ଚିନୁ ର ଶେଷ ଯାଏ କୋହ ଚପା ବିଳାପ
ମା ଉଠିଯା, ଡାକି ଚିନୁ ଅମୀ ର ଆଳାପ

ହେମନ୍ତ ର ଲୁହ ଭିଜା ଆଖି, ଦୁଇ ପୁଅ କୁ ଛାତି ରେ ଜାବୁଡ଼ି ଧରିବାର ଶକ୍ତି

ମନ କେବଳ ଈଶ୍ୱର ଆଗରେ ଭକ୍ତି
ଫେରେଇ ଦେ ମୋ ମିଟୁ କୁ ନଦେଇ ଶାସ୍ତି

ଅହଲ୍ୟା ତମେ ଛାଡ଼ି ଚାଲିଗଲ ରାମ ଙ୍କ ସହ ଆର ପାରି କୁ ହୋଇ ଅଜେୟ

ହେଲେ ମର୍ତ୍ତ୍ୟ ରେ ତମ ସ୍ମୃତି ରେ, ଲୁହ ଭିଜା ନୟନ ରେ ହେମନ୍ତ,ଚିନ୍ମୟ, ଅମିୟ ଓ ସଞ୍ଜୟ

କଳିଯୁଗ ର ଅହଲ୍ୟା

ଆଜିର ପାଷାଣି