ଓଡ଼ିଶାର ଗଜପତି ଜିଲ୍ଲାରେ ଥିବା କଳିଙ୍ଗା ଘାଟି ରାସ୍ତା ଏକ ଅତି ସୁନ୍ଦର ପ୍ରାକୃତିକ ସ୍ଥଳୀ। ଏହି ରାସ୍ତା ଘାଟ, ଜଙ୍ଗଲ ଓ ନଦୀମାନଙ୍କ ମଧ୍ୟ ଦେଇ ଗତି କରିଥାଏ। କିନ୍ତୁ ବର୍ଷାଋତୁ ଆସିଲେ ଏହି ସୁନ୍ଦର ରାସ୍ତା ଏକ ଭୟଙ୍କର ରୂପ ଧାରଣ କରେ। ଭୂସ୍ଖଳନ ହେଉଛି ଏଠାରେ ଏକ ସାଧାରଣ ଓ ଭୟାନକ ଘଟଣା, ଯାହା ଯାତାୟତ, ଜୀବନ ଓ ଅର୍ଥନୀତିକୁ ବିପଦରେ ପକାଏ।

ଭୂସ୍ଖଳନ କ’ଣ?

ଭୂସ୍ଖଳନ ହେଉଛିପର୍ବତ କିମ୍ବା ଉଚ୍ଚ ପ୍ରାକୃତିକ ସ୍ଥଳରୁ ମାଟି, ପଥର ଓ ଶିଳାଖଣ୍ଡ ତଳକୁ ଖସିପଡିବା ଏକ ପ୍ରକ୍ରିୟା। ଭାରୀ ବର୍ଷା ହେଲେ ମାଟି ଓ ପଥର ଭିଜି ଓ ଓଜନିଆ ହୋଇଯାଏ, ଫଳରେ ସେଗୁଡିକ ଆଉ ରହିପାରେ ନାହିଁ ଓ ତଳକୁ ଖସିପଡେ।

କାହିଁକି କଳିଙ୍ଗା ଘାଟିରେ ଭୂସ୍ଖଳନ ହୁଏ? କଳିଙ୍ଗାଘାଟିରେ ଭୂସ୍ଖଳନ ହେବାର କିଛି ମୁଖ୍ୟ କାରଣ ରହିଛି:

୧. ଭାରୀ ବର୍ଷା: ଏହି ଅଞ୍ଚଳରେ ବାର୍ଷିକ ଭାରୀ ବର୍ଷା ହୁଏ। ବର୍ଷାର ପାଣି ମାଟିକୁ ଗଳାଇ ଦେଇଥାଏ, ଯାହା ଫଳରେ ମାଟି ଧସିପଡେ।

୨. ପର୍ବତ କଟାଣି: ସଡକ ତିଆରି କରିବା ପାଇଁ ପର୍ବତ କଟାଯାଇଥାଏ। ଏହାଦ୍ୱାରା ପହାଡ଼ର ସ୍ଥିରତା ନଷ୍ଟ ହୁଏ ଓ ସେଠାରେ ଭୂସ୍ଖଳନର ସମ୍ଭାବନା ବଢିଯାଏ।

୩. ଗଛ କଟାଣି: ଜଙ୍ଗଲ କଟାଯିବା ଫଳରେ ମାଟି ଧରି ରଖିବାର ଶକ୍ତି ହ୍ରାସ ପାଇଥାଏ। ଗଛର ମୂଳ ମାଟିକୁ ବାନ୍ଧିରଖେ। ଗଛ ନଥିବାରୁ ମାଟି ସହଜରେ ଧସିପଡେ।

ଭୂସ୍ଖଳନର ପ୍ରଭାବ: ଭୂସ୍ଖଳନର କୁପ୍ରଭାବ ବହୁତ ଗମ୍ଭୀର:

୧. ଯାତାୟତ ବନ୍ଦ: ଭୂସ୍ଖଳନ ହେଲେ ରାସ୍ତା ମାଟି ଓ ପଥରରେ ବନ୍ଦ ହୋଇଯାଏ। ଏହା ଫଳରେ ଗାଆଁ, ସହର ଓ ଜିଲ୍ଲାମାନଙ୍କ ମଧ୍ୟରେ ସଂଯୋଗ ବିଚ୍ଛିନ୍ନ ହୋଇଯାଏ।

୨. ଜୀବନର ବିପଦ: ଭୂସ୍ଖଳନ ହେତୁ ଅନେକ ଥର ଲୋକ, ଗାଡି ଓ ବାସଗୃହ ମାଟି ତଳେ ଚାପିହୋଇ ଯାଆନ୍ତି, ଯାହା ଜୀବନହାନୀ ଘଟାଇଥାଏ।

ସମାଧାନ କ’ଣ?

ଏହିସମସ୍ୟାର ସମାଧାନ ପାଇଁ କିଛି ଜରୁରୀ ପଦକ୍ଷେପ ନେବା ଦରକାର:

୧. ଜଙ୍ଗଲ ସଂରକ୍ଷଣ: ଅଧିକ ପରିମାଣରେ ଗଛ ଲଗାଇ ପହାଡ଼ର ମାଟିକୁ ମଜଭୁତ କରିବା। ଜଙ୍ଗଲ କଟାଣି ବନ୍ଦ କରିବା।

୨. ଇଞ୍ଜିନିୟରିଂ କାର୍ଯ୍ୟ: ପହାଡ଼ରେ କଂକ୍ରିଟର ଦୀବାଲ ତିଆରି କରି ମାଟି ଖସିବାକୁ ରୋକିବା।

୩. ଲୋକଙ୍କ ସଚେତନତା: ସ୍ଥାନୀୟ ଲୋକଙ୍କୁ ଭୂସ୍ଖଳନର ଚିହ୍ନ ଓ ବିପଦ ବିଷୟରେ ଶିକ୍ଷିତ କରିବା।

ନିରନ୍ତର ନିରୀକ୍ଷଣ:

ଭୂସ୍ଖଳନ ପ୍ରବଣ ଅଞ୍ଚଳଗୁଡ଼ିକରେଆଧୁନିକ ଟେକ୍ନୋଲୋଜି ବ୍ୟବହାର କରି ନିରନ୍ତର ନିରୀକ୍ଷଣ କରିବା ଅତ୍ୟାବଶ୍ୟକ। ମାଟିର ଅବସ୍ଥା, ଆର୍ଦ୍ରତା ଓ ସ୍ଥାନଚ୍ୟୁତି ପରୀକ୍ଷା କରିବା ପାଇଁ ସେନ୍ସର ଓ ଉପଗ୍ରହ ପ୍ରଣାଳୀ ବ୍ୟବହାର କରାଯାଇପାରେ।

ଶିକ୍ଷା ଓ ଜାଗରଣ:

ସ୍କୁଲ,ମହାବିଦ୍ୟାଳୟ ଓ ସାମାଜିକ ସଂଗଠନମାନଙ୍କ ମାଧ୍ୟମରେ ଭୂସ୍ଖଳନ ବିଷୟରେ ଶିକ୍ଷା ଓ ଜାଗରଣ କାର୍ଯ୍ୟକ୍ରମ ଆୟୋଜନ କରାଯାଇପାରେ। ଏହି ବିପର୍ଯ୍ୟୟ ସମୟରେ କ'ଣ କରିବେ ଓ କ'ଣ ନକରିବେ ତାହା ବିଷୟରେ ଲୋକଙ୍କୁ ଶିକ୍ଷିତ କରାଯାଇପାରେ।

କଳିଙ୍ଗାଘାଟି ଓଡ଼ିଶାର ଏକ ଗର୍ବ। କିନ୍ତୁ ଭୂସ୍ଖଳନ ଏହାର ସୁନ୍ଦରତା ଓ ଲୋକଙ୍କ ଜୀବନକୁ ବିପଦରେ ପକାଉଛି। ଏହି ସମସ୍ୟାର ସମାଧାନ ପାଇଁ ସରକାରୀ ବିଭାଗ, ବିଜ୍ଞାନୀ, ଇଞ୍ଜିନିୟର ଓ ସ୍ଥାନୀୟ ଲୋକଙ୍କ ମିଳିତ ପ୍ରୟାସ ଆବଶ୍ୟକ। ପ୍ରକୃତି ସହ ସାମଞ୍ଜସ୍ୟ ରକ୍ଷା କରି ଚଳିଲେ ହିଁ ଆମେ ଏହି ଅମୂଲ୍ୟ ପ୍ରାକୃତିକ ସମ୍ପଦକୁ ସୁରକ୍ଷିତ ରଖିପାରିବା।

!! ସୁଶାନ୍ତ କୁମାର ସାସମଲ

ହନୁମାନ ନଗର ଆସ୍କା ରୋଡ଼

ବ୍ରହ୍ମପୁର ଗଞ୍ଜାମ !!

କଳିଙ୍ଗା ଘାଟିର ପଥେ ପଥେ ଭୂସ୍ଖଳନ

କଳିଙ୍ଗା ଘାଟିର ପଥେ ପଥେ ଭୂସ୍ଖଳନ