ଦୂର ପର୍ବତର ପାଦଦେଶରେ ସବୁଜ ବନାନୀର ଛାଇ ଖେଳିଯାଇଛି । ଅଙ୍କାବଙ୍କା ସରୀସୃପ ସମେତ ରାସ୍ତାଘାଟ ସବୁ ଲମ୍ବିତ ଆକାର ନେଇଛି। ଘନବନ ବିଭୂଷିତ ଆକାଶରୁ ଓହ୍ଲାଇବା ସଦୃଶ୍ୟ ରୂପ ନେଇଛି।

ଦେଶରପାହାଡ ,ପର୍ବତ, ନଦୀ ,ଝରଣା ,ଗଛ ତରୁ ଲତା, ମନ୍ଦିରର

ଶୋଭା ଅବର୍ଣ୍ଣନୀୟ ହୋଇ ରହିଅଛି।

"ପ୍ରକୃତି ରାଣୀ ର ଶୋଭା ଦିଶେକି ମନୋହର

ପାହାଡ ଦେଶରେ ତୋଳି ରଖିଛି ସୁନ୍ଦର"।।

ଐତିହାସିକ କିମ୍ବଦନ୍ତୀ ଅନୁଯାୟୀ ପାହାଡକୁ କାଟି କୁଟି ରାସ୍ତା ନିର୍ମାଣ କରି ଗଞ୍ଜାମ ଜିଲ୍ଲା ସହ ଫୁଲବାଣୀ ଜିଲ୍ଲାର ଯୋଗାଯୋଗ ସହଜ ସାଧ୍ୟ ଲଭିବାର ନିମନ୍ତେ ବିବିଧ ପଦକ୍ଷେପ ନେଇ ଏହି ଘାଟିକୁ ଗଠନ କରାଗଲା। ଫୁଲବାଣୀ ଠାରୁ ୪୭ କି.ମି ତଥା ଭଞ୍ଜନଗର ସହରଠାରୁ ୩୫କି.ମି ଓ ବ୍ରହ୍ମପୁର ସହର ଠାରୁ ୧୧୪କି.ମିର ବ୍ୟବଧାନ ରହିଅଛି। ଏହି ଘାଟିର ଲମ୍ବ ୧୧କି.ମି ଅଟେ। ଏହି ଘାଟି ଫୁଲବାଣୀ, କନ୍ଧମାଳ, ଉଦୟଗିରି,ରାଇକିଆ, ଟିକାବାଲି,ଚକାପାଦ, ଦାରିଙ୍ଗବାଡି , ଜଗନ୍ନାଥ ପ୍ରସାଦ ଓ ଅନ୍ୟାନ୍ୟ ସ୍ଥାନସହିତ ଗମନାଗମନ ସୁବିଧା ରହିଛି। ଘାଟିଟି ସଂପୁର୍ଣ୍ଣ ରୂପେ ଅଙ୍କାବଙ୍କା ହୋଇ ରହିଛି। ଘାଟି ରାସ୍ତା ମଧ୍ୟରେ ମାଁ ଘାଟି ଦେବୀ ମନ୍ଦିର ପ୍ରତିଷ୍ଠା କରାଯାଇଛି, ସେହିଠାରେ ପ୍ରତ୍ୟେକ ଯାନବାହାନ ଅଟକି ନଡ଼ିଆକୁ ଭାଙ୍ଗି,ଦୀପ ଲଗାଇ ଶୁଭ ମନାସି ମାଁ ଙ୍କ ପାଖରେ ଗୁହାରି ଜଣାଇ ଯାତ୍ରା କରିଥାନ୍ତି।

ବିଭିନ୍ନ ପ୍ରାନ୍ତରୁ ପର୍ଯ୍ୟଟକ ଆସି ଏହି ମନୋରମ ପ୍ରାକୃତିକ କେନ୍ଦ୍ରବିନ୍ଦୁ କୁ ନିଜ କ୍ୟାମେରାରେ ଫୋଟ ଉଠାଇ ନେଇଥାନ୍ତି।

ଓଡ଼ିଶା ର ଏହା ଏକ ଦୀର୍ଘତମ ଘାଟି ଅଟେ।

ନୈସର୍ଗିକ ପ୍ରାକୃତିକ ସୋନ୍ଦର୍ଯ୍ୟର ନିଖୁଣ ଚିତ୍ର ଆଙ୍କି ହୋଇଛି ,ଏହା ଚିତ୍ରକଳା କାରୀଗର ର ଗନ୍ତାଘର ଅଟେ। ଫୁଲବାଣୀ ର ଉର୍ମଦଦ,ପୁତୁଡି,ପକଡାଝର ଓ କନ୍ଧମାଳର ଦାରିଙ୍ଗବାଡି ସହର ଶୀତ ଅଧିବେଶନ ଓ ବଣଭୋଜି ସମୟରେ ବହୁତ ପର୍ଯ୍ୟଟକ ମାନଙ୍କ ଆକର୍ଷଣ ରେ ବିମୋହିତ ହୋଇଥାନ୍ତି।

ଐତିହାସିକ କିମ୍ବଦନ୍ତୀ ----

୧୮୦୦ ଖ୍ରୀଷ୍ଟାଦ୍ଦରେ ବ୍ରିଟିଶ ସିପାହୀ ବିରୋଧରେ ବିଦ୍ରୋହର ସ୍ବର ଉତ୍ତୋଳନ କରିଥିଲେ ଭୀମସାର ବିପ୍ଲବୀ ଚକରା ବିଷୋୟୀ ନେତୃତ୍ୱରେ ଥିଲେ ଯିଏକି ଗରିଲା ବିଦ୍ରୋହର ପାରଙ୍ଗମ । ଏହି ବିଦ୍ରୋହର ପ୍ରଭାବ ଘୁମୁସର, ବୌଦ୍ଧ, ସୋନପୁର, କନ୍ଧମାଳ, କଳାହାଣ୍ଡି ଉପରେ ପଡିଥିଲା। ଏହିଠାରେ କଳିଙ୍ଗ ଯୁଦ୍ଧର ଗମନାଗମନ ସ୍ଥାପତ୍ୟ ଆଦିର ଇତିହାସ କିମ୍ବଦନ୍ତୀ ରହିଛି।

ଏହି ବିଦ୍ରୋହରେ ଚକରା ବିଷୋୟୀ ଓ ତାଙ୍କ ସିପାହୀ ବାହିନୀର ମୁକାବିଲା ପାଇଁ ୧୯୨୦ଖ୍ରୀଷ୍ଟାଦ୍ଦରେ ରେ ଏହି ସଂକୀର୍ଣ୍ଣ ରାସ୍ତାର ନିର୍ମାଣ କରି ବ୍ୟବସାୟ ଓ ଚାଷୀମାନଙ୍କୁ ଯାତାୟତ ର ସୁବିଧା ଯୋଗାଇଦେବା ର ମୂଳ ଉଦ୍ଦେଶ୍ୟ। ମଧ୍ୟଭାଗରେ ଥିବା ଅନ୍ଧାରିକୋଟ ଉଭୟ ଜିଲ୍ଲାର ସୀମାରେଖା।

କନ୍ଧମାଳର ଚାଷୀ ମାନେ କାନ୍ଦୁଲ,ହଳଦୀ ଧରି ଆସିବାର ବେଳେ ଗଞ୍ଜାମ ଜିଲ୍ଲା ର ଲୁଣ ଓ ଅତ୍ୟାବଶ୍ୟକ ସାମଗ୍ରୀ ଧରି ଅନ୍ଧାର କୋର୍ଟରେ ଅଦଳ ବଦଳ କରି ବ୍ୟବସାୟ କରୁଥିଲେ। ପରବର୍ତ୍ତୀ ସମୟରେ ଏହି ରାସ୍ତାକୁ ଜାତୀୟ ରାଜପଥ ୧୫୭ ସଂଖ୍ୟା ରେ ବିଖ୍ୟାତ ହୋଇଛି। ରାଞ୍ଚି ବିଜୟୱଡା ଗରିଡର ମାନ୍ୟତା ପାଇଥିଲା ।

ଅନ୍ଧାର କୋର୍ଟର ଏକ ପବିତ୍ର ଶୈବପୀଠ ନାମରେ ନାମିତ ହୋଇଛି।

ପ୍ରାକୃତିକ ସୋନ୍ଦର୍ଯ୍ୟର ବରଦାନ ପାଇଛି ଏହି ସଂଯୋଗ ରାସ୍ତା ।

ଘାଟିର ଉପର ମୁଣ୍ଡରେ କଳିଙ୍ଗା ଗାଁ ଓ ଚଳମୁଣ୍ଡାରେ ଦୂର୍ଗା ପ୍ରସାଦ ।

କଳିଙ୍ଗା ଘାଟିର ଟ୍ରେକିଂ ଉତ୍ସାହି ମାନଙ୍କ ଦୂର୍ଗମ ଅଞ୍ଚଳ ଅନୁସନ୍ଧାନ ଓ ରାସ୍ତା ପାଖରେ ରତ୍ନ ଆବିଷ୍କାର କରିବା ପାଇଁ ବିଭିନ୍ନ ଟ୍ରେଲ ପ୍ରଦାନ କରିଥାଏ।

ଏହି ଅଞ୍ଚଳରେ ବିଭିନ୍ନ ଏଣ୍ଡେମିକ ପ୍ରଜାତି ଉଦ୍ଭିଦ ସହିତ ଜୀବଜନ୍ତୁ ବସବାସ କରନ୍ତି। ଏହି ସବୁ ପ୍ରାକୃତିକ ସୋନ୍ଦର୍ଯ୍ୟର ପରିଦର୍ଶନ କରିବା ପାଇଁ ପର୍ଯ୍ୟଟକଙ୍କ ଭିଡ଼ ରହିଥାଏ।

ଅପୂର୍ବ ଜୈବବିଭିନ୍ନତା ଭରପୂର ଏହି ସ୍ଥାନଟି। ଏଠାକାର ସୌନ୍ଦର୍ଯ୍ୟର ବର୍ଣ୍ଣନା ପାଇଁ ସମସ୍ତ ପର୍ଯ୍ୟଟକ ଭିଡ଼ ରହିଥାଏ।

ମଧୁସ୍ମିତା ସାହୁ

ବ୍ରହ୍ମା ନଗର ପ୍ରଥମ ଗଳି

ବ୍ରହ୍ମପୁର

ଜିଲ୍ଲା-ଗଞ୍ଜାମ

ଓଡ଼ିଶା

ମୋ--୯୩୪୮୨୮୫୪୧୬

କଳିଙ୍ଗା ଘାଟିର ସୌନ୍ଦର୍ଯ୍ୟ

କଳିଙ୍ଗା ଘାଟିର ସଂଯୋଗ ରାସ୍ତା ବିଭିନ୍ନ ପ୍ରାନ୍ତକୁ ସୁସମ୍ପର୍କ ସ୍ଥାପନ କରିଛି।