କାଞିପାଣି ଘାଟି 🌹🌹

କେନ୍ଦୁଝର ଜିଲ୍ଲା ନାମ ଆସିଲେ, ଆପେ ଆପେ ହାତ ଉଠି ଯାଏ ମଥା ନଇଁ ଯାଏ।ପାଟିରୁ ବାହାରି ଯାଏ, ଜୟ ମା ତାରିଣୀ ।ସବୁ ପ୍ରକାର ବିପଦରୁ ଉଦ୍ଧାର କରିଥାଏ।ଦୟା କରୁଣା ର ଅବତାର ।ସେହିପରି ଯଦି ଘାଟି ରାସ୍ତା ର କଥା ପଡେ ତ ମନରେ ଭୟର ସଂଚାର ହୋଇଥାଏ ।ପାହାଡ କଟାଯାଇ ସର୍ପିଳ ରାସ୍ତା ଟାଏ,ଯେଉଁ ରାସ୍ତା ରେ ଗାଡି ଗଢିଲେ ଫେରିବା ପର୍ଯ୍ୟନ୍ତ ଡର ଥାଏ ।ଏତେ ସତ୍ତ୍ଵେ ସେଠିକାର ମନୋରମ ଦୃଶ୍ୟ ପର୍ଯ୍ୟଟକ ମାନଙ୍କୁ ଆକର୍ଷିତ କରି ଥାଏ।

କାଞିପାଣି ଘାଟି କେନ୍ଦ୍ରୁଝର ଜିଲ୍ଲାର ପ୍ରମୂଖ ଘାଟି । NH 49କେନ୍ଦୁଝର ଠାରୁ 30କିଲୋମିଟର ଦୂରରେ ଅବସ୍ଥିତ ।ଏହି ରାସ୍ତା 20କିଲୋ ମିଟର ବ୍ୟାପି ରହିଛି ।ଏହି ଘାଟି ଦେଖି ବାକୁ ଯେତେ ସୁନ୍ଦର ,ସେତିକି ଭୟାନକ ମଧ୍ୟ ।ବର୍ଷ କୁ ପ୍ରାୟ ପଚାଶ ଲୋକଙ୍କର ମୃତ୍ୟୁ ଏହି ରାସ୍ତା ରେ ହୋଇଥାଏ ।610ମିଟର ଉଚ୍ଚତା ବିଶିଷ୍ଟ ଏହି ଘାଟି ।

କାଞ୍ଜିପାଣି ଠାରେ ପ୍ରତ୍ୟକ ଋତୁ ର ସୌନ୍ଦର୍ଯ୍ୟ ରେ ଭରପୁର ହୋଇଥାଏ । ଶୀତ ଋତୁରେ ଏଠିକାର ତାପମାତ୍ରା 0° ସେଲସିଅସ୍ କୁ ଖସିଯାଏ ।ଯାହା ଦ୍ଵାରା ମୂଦ୍ୟୃ ତୁଷାର ପାତର ଅପରୁପ ଶୋଭା ସହିତ ପ୍ରକୃତିର ମନୋରମ ଦୃଶ୍ୟ ବେଶ୍ ହୃଦୟ ଛୁଆ ହୋଇଥାଏ । ଏଥି ସହିତ ବଣ ର ବନ୍ୟ ଜନ୍ତୁ ସୁନ୍ଦର ପକ୍ଷୀ ଆଦିଙ୍କର ସମାହାର ସେଠାରେ ଦେଖିବାକୁ ମିଳେ । ଜଙ୍ଗଲ ର ଫୁଲ ଫଳ ଭରା ସବୁଜିମା ଦୃଶ୍ୟ ପରିଭ୍ରମଣ କାରି ପଯ୍ୟଟକ ମାନଙ୍କ ମନ ମୋହିଥାଏ ।ବର୍ଷା ଋତୁରେ ଆକାଶ ରେ ମାଳ ମାଳ ବାଦଲ ଙ୍କର ମନୋରମ ଦୃଶ୍ୟ ସହିତ ରିମ୍ ଝିମ୍ ବର୍ଷା ର ବୁନ୍ଦା । ଯେତିକି ମନମୁଗ୍ଧକର ତାଠାରୁ ଅଧିକ ଭୟସୃଷ୍ଟି କରେ ସର୍ପିଳ ଘାଟି ରାସ୍ତା ରେ ଶତାଧିକ ବୁଲାଣି , ପ୍ରତି ମୁହୁର୍ତ୍ତରେ ବିପଦ ର ଆଶଙ୍କା।ଏହି ପାହାଡ ରେ ବହୁ ଆଦିବାସି ଗ୍ରାମ ରହିଛି। ଯାହା ଅନ୍ୟାନ୍ୟ ପରଂପରା ଓ ସଂସ୍କୃତିକୁ ଧରିରଖିଛି । ସେମାନଙ୍କର କଳା କୃତି ବି କିଛି କମ୍ ନୁହେଁ କେନ୍ଦୁଝର ପ୍ରକୃତିକ ସମ୍ଭାର ସୌନ୍ଦର୍ଯ୍ୟ ରେ ଭରପୁର ପାହାଡ ଚିରି ଝରଣା ମାନ କୁଳକୁଳ ନାଦ କରି ବହି ଚାଲିଛନ୍ତି ।ଫୁଲ ଫଳ ଭରା ବୃକ୍ଷ ରାଜ ସୁନ୍ଦର ପକ୍ଷୀ ମାନଙ୍କର କାକଳୀ ସହ ଆଦିବାସି ଲୋକମାନଙ୍କ ଦ୍ୱାରା ଜଙ୍ଗଲ ରୁ ସଂଗୃହିତ କୋଳି ମହୁଲ ବିଭିନ୍ନ ଫଳ । ସବୁ ଏଠାରେ ସୁନ୍ଦର । ଘାଟି ରାସ୍ତା ର ବିପଦ ପୂର୍ଣ୍ଣ ଅଭିଜ୍ଞତା ଭାବିଲେ ଆଜି ବି ମୋର ଲୋମ ଟାଙ୍କୁରି ଉଠେ। ଶୀତ ଦିନ ଆସିଲେ ପ୍ରାୟ ସବୁଲୋକ ବୁଲା ବୁଲି କରିବାକୁ ଯାଇଥାନ୍ତି । ସେ ସମୟରେ ନ ଖରା ର ପ୍ରକୋପ ଥାଏ ନା ବର୍ଷା ର ,ସବୁଆଡୁ ସୁନ୍ଦର ଫୁଲ ରେ ସୁଶୋଭିତ ହୋଇ ଯାଇଥାଏ ।ଅଳ୍ପ ଖରା ସମୟ ରେ ବି ବୁଲା ବୁଲି କରିବାର ମଜାଥାଏ । କିନ୍ତୁ ଶୀତ ଦିନର କଥା ନିଆରା ।

ଅନୁଭୁତି :-

ସାଙ୍ଗମାନଙ୍କ ସହିତ କେନ୍ଦୁଝର ଟ୍ରିପ୍ କଲୁ । ପ୍ରଥମେ ମା ତାରିଣୀ ଙ୍କ ଦର୍ଶନ କଲୁ । ପରେ ସାନଘାଗରା , ବଡଘାଗରା ବୁଲା ବୁଲି କରି ରତିରେ ସେଠାରେ ରହିଲୁ ପରଦିନ ସକାଳୁ ଭୀମକୁଣ୍ଡ ବୁଲା ବୁଲି ସାରି ଫେରିବାର ଥିଲା ।ଘାଟି ଦେଖିବାକୁ ଘାଟିରୁ ପାହାଡ ତଳ କେମତି ଦେଖାଯାଏ ଭାବି ଚାଲିଲୁ ।କିଛି ସମୟ ପରେ ପହଞ୍ଚିଗଲୁ ଘାଟି ଉପରେ ବସ୍ ରେ ଦୁରରୁ ଗଛ ଗୁଡିକ ଦୈଡିଲା ପରି ଦେଖାଯାଉଥାଏ । ସୁନ୍ଦର ସବୁଜିମା ଯେପରି ହାତଠାରି ଡାକୁଛି ।ପ୍ରତି ମୋଡ ରେ ଏମତି ଗାଡି ର ଗତି ଟିକେ ଝୁଲିଲା ପରି ଲାଗୁଥାଏ ।ପାଖରୁ ଆଉ ଗୋଟେ ଗାଡି ଅତିକ୍ରମ କରିଲେ ଲାଗେ ଯେମତି ଆମକୁ ହଲାଇ ଦବ କି ? ପ୍ରକୃତ ରେ ସମସ୍ତଙ୍କୁ ସେମତି ଲାଗେ କି ନାହିଁ ମୁ ଜାଣିନି କିନ୍ତୁ ପୂର୍ବ ରୁ ସମସ୍ତଙ୍କ ଠାରୁ ଘାଟି ର ଏହି ରୂପ କଥା ଶୁଣି ଶୁଣି ବୋଧେ ମତେ ଟିକେ ବେଶି ଡର ଲାଗୁ ଥିଲା । ସମସ୍ତଙ୍କ ମୁହଁ ରେ ଖୁସି ଓ ଡରମିଶା ହସ ଥାଏ । ହଠାତ ଗୋଟେ ବାଇକ୍ ଅତିଦୃତ ଗତି ରେ ଯାଇ ଟର୍ନିଙ୍ଗ ରେ ଏପରି ଘୁସୁରି ଗଲା ସେ ବାଇକ୍ ରେ ବସି ଥିବା ଦୁଇ ଜଣ ବ୍ୟକ୍ତି କୁଆେଡ ପଡିଲେ ଦେଖାବି ଗଲେନି । ଗଡି ଚାଳକ ଗାଡି ଅଟକାଇଲା ନାହିଁ । ଝରକା କାଚ ବନ୍ଦ୍ କର ଏଠାରେ ଅଟକି ହବନି କହିଲା ।ଟିକେ ଦୂର ଗଲା ପରେ ଗାଡି ଅଟକାଇଲୁ ।ସେଠାରୁ ଦେଖିଲୁ ବାଇକ୍ ଖଣ୍ଡକ ର କିଛି ପତା ନାହିଁ । ଆମ ସମସ୍ତଙ୍କ ମନରେ ଦୁଖ ଭୟ ଛାଇଗଲା । କିଛି ସମୟ ପରେ ଆମେ ଫେରି ଆସିଲୁ ସେତବେଳକୁ ସନ୍ଧ୍ଯା ହୋଇ ଆସୁଥାଏ। କିଛିଫୋଟ ଉଠାଇଲୁ ବାଟ ରେ ସମସ୍ତ ଚୁପ୍ ହୋଇ ବସିଥାନ୍ତି । କେହି ଜଣେ ଝରକା ଖୋଲା ଦେଇଥାଏ ରାସ୍ତା କଡର ଗୋଟେ ଗଛ ଝରକା ବାଟେ ଭିତରକୁ ପସି ଆସିଲା । ବାଡେଇ ହୋଇଲା ତା ମୁହଁ ରେ ତାସହିତ ଗୋଟେ ସାପବି ଛିଡିକି ପଡିଲା ଗାଡି ଭିତରକୁ । ଗାଡି ଅଟକାଇ ଚିତ୍କାର କରି ସମସ୍ତେ ବାହାର କୁ ବାହାରି ଆସିଲୁ । କେତେଜଣ ଗାଡିରୁ ବହୁକଷ୍ଟ ରେ ସେ ସାପକୁ ବାହାର କଲେ । ଯେତେବେଳେ ସେଦିନର କଥା ମନେ ପଡେ ଭାରି ମନ ବ୍ୟସ୍ତ ଲାଗେ ।

Kanjipani ghaati

କାଞିପାଣି ଘାଟି