ଓଡ଼ିଶାର କେନ୍ଦୁଝର ଜିଲ୍ଲାର ସଦର ମହକୁମା ଓ ଏକ ମୁଖ୍ୟ ସହର । ଏହି ସହର ଓଡ଼ିଶାର ରାଜଧାନୀ ଭୁବନେଶ୍ୱରଠାରୁ ୨୪୦ କିଲୋମିଟର ଦୂରରେ ଅବସ୍ଥିତ । କେନ୍ଦୁଝର ସହର ଜିଲ୍ଲାର ପ୍ରଶାସନିକ ମୁଖ୍ୟସ୍ଥଳ । କେନ୍ଦୁଝରରେ ଘଟଗାଁ ବାସିନୀ ମା ତାରିଣୀ ମନ୍ଦିର,ବଳଦେବଜୀଉ ମନ୍ଦିର, ରାଜଉଆସ, ସାନଘାଗରା ଜଳପ୍ରପାତ, ବଡ଼ଘାଗରା ଜଳପ୍ରପାତ, ସିଦ୍ଧମଠ, ଗୁଣ୍ଡିଚାଘାଗି, ଖଣ୍ଡାଧାର ଜଳପ୍ରପାତ, ଭିମକୁଣ୍ଡ, ସୀତାବିଞ୍ଜି, ହାଣ୍ଡିଭଙ୍ଗା ଜଳପ୍ରପାତ, ଗୋନାଶିକା , ବୈତରଣୀ ନଦୀ, ଅର୍ଧେଶ୍ୱରନାରୀ ଶିବପାର୍ବତୀ ଆଦି ବହୁତ୍ ଦର୍ଶନୀୟ ସ୍ଥାନ ଏବଂ ପର୍ଯ୍ୟଟନ ସ୍ଥଳ ସବୁ ରହିଛି ।

ଏକ secret beach ରହିଛି ଆମ କେନ୍ଦୁଝର ରେ। କୁହାଯାଏ ଶ୍ରେଷ୍ଠ ଅବଦାନ।

ଏହି ସହର ବିପ୍ଳବୀ ଧରଣୀଧର ଭୂୟାଁ ଏବଂ ତାଙ୍କର ପ୍ରଖ୍ୟାତ ପ୍ରଜାମେଳିର ମୁକସାକ୍ଷୀ ହୋଇ ଛିଡାହୋଇଛି । ଏହି ଜିଲ୍ଲା ପାକୃତିକ ଏବଂ ସୁନ୍ଦର୍ଯ୍ୟ ରେ ପରିପୂର୍ଣ। ଏହି ଜିଲ୍ଲା ରେ ଏମିତି କିଛି ଘାଟି ରାସ୍ତା ଅଛି (ମୃତ୍ୟୁ ର ଗହ୍ଵର) ଅଛି ଯାହା ଆପଣ ମାନଙ୍କୁ ଚମକେଇ ଦେବ। ଆପଣ ମାନେ ସେ ରାସ୍ତା ବା ଘାଟି ରେ ଶୃଙ୍ଖଳା ର ସହ ଯିବାକୁ ପଡ଼ିବ ତେବେ ଯାଇ ଆପଣ ମାନେ ସୁରକ୍ଷିତ ହେଇ ଘରକୁ ଯିବେ।

କାଞ୍ଜିପାଣି ଘାଟି , ଜୁଡ଼ିଆ ଘାଟି, ଶୁଆକାଠି (ମଣିଷ ଶୂନ୍ୟ ଘାଟି)

ଏହି ୩ ଟି ମୁଖ୍ୟ ଘାଟି ରହିଛି।

ଚାଲନ୍ତୁ ଜାଣିବା (ଓଡ଼ିଶାର ମନାଲି ଯାହାକୁ କୁହାଯାଉଛି କାଞ୍ଜିପାଣି ଘାଟି):-

• କାଞ୍ଜିପାଣି ଘାଟି ଚମତ୍କାର ଢେଉ ଢେଉକା ପାହାଡ଼ ଶ୍ରେଣୀ ସମ୍ମିଳିତ ମନୋରମ ବିସ୍ତାରିତ ପ୍ରାକୃତିକ ଭୂଭାଗ ।

ଓଡ଼ିଶାର ସବୁଠୁ ଲମ୍ବା ଘାଟି ଏବଂ ଓଡ଼ିଶାର ଦ୍ୱିତୀୟ ବୃହତ୍ତମ ଘାଟି।ଦେଖାଯାଏ ସାପ ପରି ଏହି ଘାଟି।୬୧୦ ମିଟର ଉଚ୍ଚତା ବିଶିଷ୍ଟ କାଞ୍ଜିପାଣି ଘାଟି ଘଞ୍ଚ ଜଙ୍ଗଲ ମଧ୍ୟରେ ୨୦ କି:ମି ପରିବ୍ୟାପ୍ତ ଜାତୀୟ ରାଜପଥ ନଂ ୪୯ ରେ ଯାତ୍ରା କରୁଥିବା ପ୍ରକୃତିପ୍ରେମୀଙ୍କୁ ରୋମାଞ୍ଚକର ଅନୁଭୂତି ପ୍ରଦାନ କରିଥାଏ । ଜୈବ ବିବିଧତା ଓ ବନୀ ପଶୁପକ୍ଷୀଙ୍କ ସମାଗମରେ ପରିପୂର୍ଣ୍ଣ ଏହି ସ୍ଥାନ । ଶୀତ ଋତୁରେ ଏହି ସ୍ଥାନର ତାପମାତ୍ରା ‘୦’ ଡିଗ୍ରୀ ସେଲସିୟସରେ ପହଞ୍ଚିଲା ବେଳେ ବର୍ଷା ଋତୁରେ ଉପତ୍ୟାକାର ପାହାଡ଼ ମଥାନରେ ଭାସମାନ ବଉଦର ସମାଗମ ଦର୍ଶକଙ୍କୁ ଭାବବିଭୋର କରେ । ଘାଟି ରାସ୍ତାର ବୁଲାଣିରେ ଧୀର ମନ୍ଥର ଗତିରେ ଗାଡି ଚଳାଇଲା ବେଳେ ଉପତ୍ୟାକାର ମାଳଭୂମି ଓ ଆଦିବାସୀ କୁଟୀର ସମୁହର ଦୃଶ୍ୟ ଅତି ସୁନ୍ଦର । କେନ୍ଦୁଝର ଠାରୁ ଏହି ସ୍ଥାନର ଦୂରତା ମାତ୍ର ୩୦ କି:ମି ।

ସମସ୍ତେ ହିଲ୍‌ ଷ୍ଟେଶନରେ ଛୁଟି କାଟିବାକୁ ଭଲ ପାଆନ୍ତି। କିଏ ମସୌରୀ, ଦାର୍ଜିଲିଂ ତ ଆଉ କିଏ କୁଲୁ, ମନାଲି। ଏହି ପାହାଡ଼ିଆ ପର୍ବତଘେରା ପ୍ରାକୃତିକ ସୌନ୍ଦର୍ଯ୍ୟ ପର୍ଯ୍ୟଟକଙ୍କୁ ବେଶ୍‌ ଭଲ ଲାଗେ। ଦୈନନ୍ଦିନ ଜୀବନରୁ କିଛି କ୍ଷଣ ଏହି ପରିବେଶରେ କଟାଇଲେ ସବୁ ଟେନ୍‌ସନ ଦୂର ହୋଇଥାଏ। ତେବେ ଏହିପରି ଆମ ଓଡ଼ିଶାରେ ମଧ୍ୟ ଅନେକ ସ୍ଥାନ ରହିଛି। କିନ୍ତୁ ପ୍ରଚାର ପ୍ରସାର ଅଭାବରୁ ସେସବୁର ବିକାଶ କରାଯାଉନାହିଁ। କେନ୍ଦୁଝର ଜିଲ୍ଲାର ପର୍ଯ୍ୟଟନ ମାନଚିତ୍ରରେ ସ୍ଥାନ ପାଇଥିବା କାଞ୍ଜିପାଣି ଘାଟିର ମନୋରମ ଦୃଶ୍ୟ ପର୍ଯ୍ୟଟକ ତଥା ଯାତାୟାତ କରୁଥିବା ଲୋକଙ୍କୁ ବେଶ୍‌ ଆକୃଷ୍ଟ କରିଥାଏ। ବିଶେଷକରି ବର୍ଷାଦିନେ କୁହୁଡିଆ ପରିବେଶ ସାଙ୍ଗକୁ ସବୁଜ ପାହାଡ଼ ଦେହରେ ଭାସମାନ ବାଦଲର ଅପୂର୍ବ ଦୃଶ୍ୟ ସହିତ ବର୍ଷାକୁ ଉପଭୋଗ କରିବାକୁ କିଛି କ୍ଷଣ ପର୍ଯ୍ୟଟକ ଅଟକି ଯାଇଥାନ୍ତି। ଭାସମାନ ବାଦଲର ସ୍ପର୍ଶକୁ ଅନୁଭବ କରି ପର୍ଯ୍ୟଟକ ଆନନ୍ଦ ନେଇଥାନ୍ତି। ତେବେ ଏହି ଘାଟିରେ ମନୋରମ ଦୃଶ୍ୟ ଉପଭୋଗ କରିବା ଲାଗି ପର୍ଯ୍ୟଟକଙ୍କ ପାଇଁ ବିଶେଷ ବ୍ୟବସ୍ଥା କରାଗଲେ ଅଧିକ ଆକୃଷ୍ଟ ହୋଇପାରନ୍ତେ ବୋଲି ମତପ୍ରକାଶ ପାଉଛି।

ରାସ୍ତା ପ୍ରଶସ୍ତୀକରଣ ପାଇଁ ବହୁ ଜଙ୍ଗଲ ଓ ଝରଣା କ୍ଷତିଗ୍ରସ୍ତ ହୋଇଛି ା ସେହିପରି ପୋଡୁ ଚାଷ, ଜଙ୍ଗଲ ନଷ୍ଟ, ପ୍ରାକୃତିକ ଜଙ୍ଗଲ ନଷ୍ଟ କରି ବନୀକରଣ ଆଦି ଯୋଗୁ ଏହା କ୍ଷତିଗ୍ରସ୍ତ ହୋଇଛି। ଏହି ଘାଟିରେ ପାଖାପାଖି ୧୦ରୁ ଊର୍ଦ୍ଧ୍ୱ ଆଦିବାସୀ ଗ୍ରାମ ରହିଛି। ସେମାନଙ୍କ ଲାଗି କର୍ମନିଯୁକ୍ତି ସୁଯୋଗ ସୃଷ୍ଟି କରାଯାଉ ନ ଥିବାରୁ ସେମାନେ ଜଙ୍ଗଲ ଉପରେ ନିର୍ଭରଶୀଳ ହେବାରୁ ଜଙ୍ଗଲ ପଦା ହେବାକୁ ବସିଛି। ତଥାପି ବର୍ଷାଦିନେ ସବୁଜ ପରିବେଶ ଏବଂ ମେଘମାଳ ଏହାର ସୌନ୍ଦର୍ଯ୍ୟକୁ ଦ୍ୱିଗୁଣିତ କରିଥାଏ। ସେହିପରି ଏହା ନିକଟରେ ଥିବା ଝରଣାର ପାଣି ସମସ୍ତଙ୍କୁ ବିମୋହିତ କରିଥାଏ।

ଶୀତଋତୁରେ ସବୁଜ ଘାଟିରେ କୁହୁଡିଆ ପରିବେଶ ବେଶ୍‌ ରୋମାଞ୍ଚକର। କାଞ୍ଜିପାଣି ଘାଟିରୁ ଜଗମୋହନପୁର ଏନ୍‌ଏଚ୍‌-୪୯ ରାସ୍ତାରେ ୧୯ କି.ମି. ଦୀର୍ଘ ଏବଂ କାଞ୍ଜିପାଣିରୁ ପଣସନସା ଦେଇ ତେଲକୋଇ ରାସ୍ତାରେ ପାଖାପାଖି ୮ କି.ମି. ଦୀର୍ଘ ଜଙ୍ଗଲ ଓ ପାହାଡ଼ ଦେଇ ଯାଇଥିବା ଅଙ୍କାବଙ୍କା ରାସ୍ତା ଅନେକଙ୍କୁ ଆକୃଷ୍ଟ କରିଥାଏ ା ରାସ୍ତାକାମ ଚାଲିଥିବା ବେଳେ ବିଭିନ୍ନ ସ୍ଥାନରେ ବିଶ୍ରାମଘର ସହିତ ଓ୍ବାଚ୍‌ ଟାଓ୍ବାର ଇତ୍ୟାଦି ନିର୍ମାଣ କରାଗଲେ ଏହା ମସୌରୀ ଓ ଦାର୍ଜିଲିଂ ଭଳି ବେଶ୍‌ ପ୍ରସିଦ୍ଧି ଲାଭ କରିପାରିବ ବୋଲି ମତପ୍ରକାଶ ପାଉଛି। ଏହି ରାସ୍ତାରେ ଥିବା ଝରଣା, ନଦୀ ନାଳଗୁଡ଼ିକର ସୁରକ୍ଷା ସହ ବିକାଶ କରାଗଲେ ଏହା ଅଧିକ ଲୋକଙ୍କୁ ଆକୃଷ୍ଟ କରିପାରିବ। ଏହାର ବିକାଶ ହେଲେ ଏହି ଅଞ୍ଚଳରେ ରହୁଥିବା ଜିଲାର ପୁରାତନ ଜନଜାତି ଜୁଆଙ୍ଗ ଓ ଭୂୟାଁ ଗ୍ରାମଗୁଡିକ ବାସିନ୍ଦା ଉପକୃତ ହୋଇପାରନ୍ତେ ବୋଲି ମତପ୍ରକାଶ ପାଉଛି। ଏହାଦ୍ୱାରା ରାସ୍ତାକଡ଼ରେ ଢାବା, ହୋଟେଲ, ରେଷ୍ଟୁରାଣ୍ଟ ଗଢ଼ିଉଠିବ ା ଏଣୁ ପ୍ରଶାସନ ବିଭିନ୍ନ ବିଭାଗର ସମନ୍ବୟରେ ଆବଶ୍ୟକ ପଦକ୍ଷେପ ନେବା ଆବଶ୍ୟକ ବୋଲି ଡ. ବିମ୍ବାଧର ବେହେରା, ପରିବେଶବିତ୍‌ କହିଛନ୍ତି। ଏଠାରେ ବନ ବିଭାଗ ପକ୍ଷରୁ ପର୍ଯ୍ୟଟକଙ୍କ ରହିବା ପାଇଁ କଟେଜ୍‌ ନିର୍ମାଣ ପାଇଁ ଦୀର୍ଘବର୍ଷ ହେଲା ନିଷ୍ପତ୍ତି ହୋଇଥିଲେ ହେଁ ଅଦ୍ୟାବଧି ତାହ କାର୍ଯ୍ୟକାରୀ ହୋଇନାହିଁ ା ଏହା କାର୍ଯ୍ୟକାରୀ ହେଲେ ବହୁ ପର୍ଯ୍ୟଟକ ରାତ୍ରିଯାପନ କରି ଏହାର ମନୋରମ ଦିନ ଓ ରାତିର ଦୃଶ୍ୟକୁ ଉପଭୋଗ କରିପାରିବେ ବୋଲି ମତପ୍ରକାଶ ପାଉଛି।

ସେହିପରି କାଞ୍ଜିପାଣି ଘାଟି ଦେଇ ଯାଇଥିବା କାଞ୍ଜିପାଣି-ତେଲକୋଇ ରାସ୍ତା ଓ କାଞ୍ଜିପାଣି-ଜଗମୋହନପୁର ଜାତୀୟ ରାଜପଥ ୪୯କୁ ସଂଯୋଗ କରି କେବୁଲ କାର ବ୍ୟବସ୍ଥା କରାଗଲେ ଲୋକମାନେ ଆକାଶମାର୍ଗରୁ ପାହାଡ଼ ଓ ଜଙ୍ଗଲର ଦୃଶ୍ୟକୁ ବେଶ୍‌ ଉପଭୋଗ କରିପାରିବେ ବୋଲି ମତ ପ୍ରକାଶ ପାଉଛି ା ଏହାଛଡ଼ା ଗ୍ରାମାଞ୍ଚଳରେ ପାରମ୍ପରିକ ବନବାସୀଙ୍କ ଚାଙ୍ଗୁ ନୃତ୍ୟକୁ ମଧ୍ୟ ପର୍ଯ୍ୟଟକ ଉପଭୋଗ କରିପାରିବେ ବୋଲି ମତପ୍ରକାଶ ପାଉଛି ା

କାଞ୍ଜିପାଣି ଘାଟି କାଳର ଗହ୍ଵର କିନ୍ତୁ ଏକ ପ୍ରକୃତିର ଗନ୍ତାଘର । ଶୀତଦିନେ ସେଇ ଘାଟି ଦେଇ ଗଲେ ଲାଗେ ଯେମିତି ମେଘ ମାଳ ଆମ ପାଖକୁ ଆସି ଆମ ସହ ଖେଳିବାକୁ ପ୍ରୟାସ କରୁଛନ୍ତି। ଆମ ଦେହରେ ଲାଗି ବୁଲୁଛନ୍ତି।ମେଘ ମାଳ ରେ ଘାଟି ପରିପୂର୍ଣ ହୋଇଯାଇଥାଏ। ଆଗକୁ ଯିବା ପାଇଁ ବିପଦ ଥାଏ। କିନ୍ତୁ ସେଇ ଘାଟି କୁ ଯାଇ ଆନନ୍ଦ ଅନୁଭବ କରିବାକୁ ମନ ବିଚଳିତ ହେଉଥାଏ। ଆକର୍ଷିତ କରେ କାଞ୍ଜିପାଣି ର ସବୁଜ ବନାନୀ , ଶୀତ ଦିନେ ମେଘମାଳ । ଦିନେ ଥିଲା କାଳର ଗହ୍ଵର ଏବେ ପାଲଟିଛି ସ୍ଵର୍ଗ ।

କାଞ୍ଜିପାଣି ଘାଟି ବହୁତ୍ ମୁଣ୍ଡ ଗଡେଇଛି। କାଳ ର ଗହ୍ଵର ହେଉଛି କାଞ୍ଜିପାଣି ଘାଟି।

କେନ୍ଦୁଝରର କେନ୍ଦୁ ସାରା ରାଜ୍ୟରେ ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିଥିବା ବେଳେ ଏବେ ଗତ କିଛିବର୍ଷ ଧରି କାଞ୍ଜିପାଣିଘାଟିର ‘ମାଙ୍କଡ କେନ୍ଦୁ’ ବା ‘କେନ୍ଦେଇ’ ଗ୍ରାହକଙ୍କୁ ବେଶ୍‌‌ ଆକୃଷ୍ଟ କରିପାରିଛି। କେନ୍ଦୁଝର ଜିଲାର ପାହାଡିଆ କେନ୍ଦୁ ଠାରୁ ମାଙ୍କଡିଆ କେନ୍ଦୁର ଆକାର ବଡ ସହ ସ୍ୱାଦ ବହୁତ ଅଧିକ ହୋଇଥିବାରୁ ଏହି କେନ୍ଦୁ କିଣିବା ପାଇଁ ଗ୍ରାହକଙ୍କ ମନରେ ଅଧିକ ଆଗ୍ରହ ସୃଷ୍ଟି ହୋଇଥାଏ।

ମାଙ୍କଡିଆ କେନ୍ଦୁ ଗଛ ନିର୍ଦ୍ଧିଷ୍ଟ ଭାବେ ବଣପାହାଡରୁ ଝରି ଆସୁଥିବା ବିଭିନ୍ନ ଝରଣା କୂଳରେ ଦେଖିବାକୁ ମିଳିଥିବା ବେଳେ ଏହାର ପରିମାଣ ଅନ୍ୟ ପାହାଡିଆ କେନ୍ଦୁ ତୁଳନାରେ କମ୍‌‌। ଏହି ମାଙ୍କଡିଆ କେନ୍ଦୁ ପାହାଡିଆ କେନ୍ଦୁ ଠାରୁ ବିଳମ୍ବରେ ପାଚୁଥିବାରୁ ବଜାରକୁ ଏହା ବହୁ ପଛରେ କାଁ ଭାଁ ବିକ୍ରି ପାଇଁ ଆସିଥାଏ। ଜିଲାର ବାଂଶପାଳ ବ୍ଲକ ଅଧିନ କାଞ୍ଜିପାଣି ଘାଟି ଅଞ୍ଚଳରେ ମାଙ୍କଡିଆ କେନ୍ଦୁ ଅଧିକ ଥିବା ଦେଖିବାକୁ ମିଳୁଥିବା ବେଳେ ଏହି କେନ୍ଦୁକୁ ଆଦିମ ଜନଜାତି ଜୁଆଙ୍ଗ ଓ ଭୂୟାଁ ସମ୍ପ୍ରଦାୟର ଲୋକେ ସଂଗ୍ରହ କରି କାଞ୍ଜିପାଣି ବଜାର ସମେତ କାଞ୍ଜିପାଣି ଘାଟି ଅଞ୍ଚଳରେ ଥିବା ରାସ୍ତାର ଉଭୟ ପାଶ୍ୱର୍ରେ ରଖି ବିକ୍ରି କରିଥାନ୍ତି।

କେନ୍ଦୁ ସମେତ ବିଭିନ୍ନ ବନ୍ୟଜାତ ସୁସ୍ୱାଦୁ ଫଳ ମଧ୍ୟ ସଂଗ୍ରହ କରି ଘାଟି ରାସ୍ତାର ଉଭୟ ପାଶ୍ୱର୍ରେ ରଖି ବିକ୍ରି କରୁଥିବା ବେଳେ ଉକ୍ତ ଜାତୀୟ ରାଜପଥ କାଞ୍ଜିପାଣି ଦେଇ ଯାତାୟାତ କରୁଥିବା ଯାତ୍ରୀ ଓ ପର୍ଯ୍ୟଟକଙ୍କୁ ଏହା ବେଶ୍‌‌ ଆକୃଷ୍ଟ କରିଥାଏ। ଖୁବ୍‌‌ କମ୍‌‌ ମୂଲ୍ୟରେ ଭଳିକିଭଳି ସୁସ୍ୱାଦୁ ବନ୍ୟଜାତ ଫଳ ରାସ୍ତା ପାଶ୍ୱର୍ରେ ସୁଲଭ ମୂଲ୍ୟରେ ମିଳୁଥିବାରୁ ଗ୍ରାହକ ମଧ୍ୟ ବେଶ୍‌‌ ଖୁସି ମନରେ କିଣି ଘରକୁ ସଙ୍ଗରେ ନେଇ ଯାଉଥିବା ବେଳେ ଆଦିମ ଜନଜାତିଙ୍କ ପାଇଁ ଏହା ରୋଜଗାରର ମାଧ୍ୟମ ପାଲଟିବା ସହ ପରିବାରର ଗୁଜୁରାଣ ମେଣ୍ଟାଇ ପାରିଛି।

କାଞ୍ଜିପାଣି ଘାଟି ର ସବୁଜ ବନାନୀ ମନକୁ ବିଚଳିତ କରିଦିଏ ତା ସହ ମନ ଖୋଲି ହସିବାକୁ ତା ପରିବେଶକୁ ଉପଭୋଗ କରିବାକୁ ବାଧ୍ୟ କରେ।

``ଶୀତରେ ସଜେଇ ହୋଇଛି କାଞ୍ଜିପାଣି ଘାଟି,

ହଳଦୀ ଗୁରୁଗୁରୁ ସୋରିଷ କ୍ଷେତ।

ସୁଉଚ୍ଚ ସବୁଜିମା ଭରା ପର୍ବତମାଳା,

ପାହାଡ଼ କାଟି ଯାଇଥିବା ସର୍ପିଳ ରାଜପଥ।

ବାଟୋଇ ଙ୍କୁ କିଛି ସମୟ ପାଇଁ ଆନମନା କରିଦିଏ ଏଇ କାଞ୍ଜିପାଣି ଘାଟି।

ଏହି ଘାଟି ଯାଇଥାଏ କୋଲକୋତା ହାଓଡ଼ା, ତେଲକୋଇ ଆଡ଼କୁ ଲଂଘି।

ସତରେ ମୋ କେନ୍ଦୁଝର ଜିଲ୍ଲା ସବୁଜିମା ରେ ପରିପୂର୍ଣ୍ଣ ।"

କୁହାଯାଏ ଓଡ଼ିଶାର ମନାଲି କାଞ୍ଜିପାଣି ଘାଟି।

କାଞ୍ଜିପାଣି ଘାଟି ମନ କିଣୁଛି ମୁଣ୍ଡ ଗଡ଼ୁଛି। ଦେଖିବାକୁ ଭାରି ସୁନ୍ଦର କିନ୍ତୁ ଜୀବନ ଯିବ ଟିକେ ଅନ୍ୟମନସ୍କ ରେ।

କେତେ ଯେ ମୁଣ୍ଡ ଗଡ଼େଇଛି ତାର ହିସାବ ନାହିଁ। କେତେ ଯେ ଯାନ ଦୁର୍ଘଟଣା ଗ୍ରସ୍ତ ହୋଇଛି ତାର ହିସାବ ନାହିଁ। ସେଇଥିପାଇଁ ସତର୍କତା ଅବଲମ୍ବନ କରାଯାଏ ସେ ଘାଟି ରେ ଯିବା ଆସିବା ସମୟରେ। ନିଜ ଫୋନ୍ ମାଧ୍ୟମରେ ବାର୍ ବାର୍ sms call ଆସିଥାଏ। କେନ୍ଦୁଝରର କର୍ତ୍ତୃପକ୍ଷ ଙ୍କ ଦ୍ଵାରା ନିର୍ଦ୍ଧାରିତ। ସମସ୍ତ ଜୀବନ ଗୁରୁତ୍ୱପୂର୍ଣ୍ଣ ଅଟେ। ସେଇଥିପାଇଁ ଯିବା ଆସିବା ସମୟରେ ଆମେ ସତର୍କତା ଅବଲମ୍ବନ କରିବା ଉଚିତ୍।

।। କେନ୍ଦୁଝର ମମତାର ମହୁଘର ।।

ସେ ତ ବଣରାଇଜର ରାଣୀ,

ସେଠି ବହୁଛି ବୈତରଣୀ।।

ସେଠି ସଭିଏଁ ହୁଅନ୍ତି ଖୁସି ,

ତାର ଝରଣା କୂଳରେ ବସି।।

ଏଇ ମୋ ସୁନା ପୁଣ୍ୟ ଭୂଇଁ କେନ୍ଦୁଝର ,

ଏଇ ମୋ ସୁନା ପୁଣ୍ୟ ଭୂଇଁ କେନ୍ଦୁଝର .......

ଅଙ୍ଗେ ଅଙ୍ଗେ ଯାହାର ସବୁଜ ବନାନୀ,

ପବନ ଯାହାର ସବୁଜ ଚନ୍ଦନ ..

କୂଳରେ ଯାହାର ଅଙ୍କା ବଙ୍କା ନଈ, ଅମୃତ ପରଷି ଯାଉଛି ରେ ବହି।।

ହୃଦୟ ଯେଉଁଠି ଫୁଲ ଠୁ କୋମଳ,

କୁରେଇ ଫୁଲ ତା ଲାଜେ ଛଳ ଛଳ।।

ରତ୍ନ ଗର୍ଭା ଏଇ ମାଟି,

ଖଣି ଖାଦାନରେ ଭରା।।

ମାଟିର ମହକ ଯାହାର ମହକେ ଜଗତସରା ,

ଏଇ ମୋ କେନ୍ଦୁଝର ମମତାର ମହୁଘର।।

ପାହାଡ଼ ଛାତିରେ ମେଘ ମାଳ ମାଳ,

ତା କୂଳେ ରୁହନ୍ତି ଆଦିବାସୀ ଗଣ।।

ଶାଳବଣ ଛାଇ ଶୀତଳ ଶୀତଳ,

ପୁନେଇ ପରବେ ଚାଙ୍ଗୁ ଓ ମାଦଳ।।

ଜାଳିଥିବା ନିଆଁ ସେ ଧରଣୀଧର ସ୍ଵାଧୀନତା ପାଈଁ,

ସେ ମାଟି ଗାଏ ଗୀତି ଶୁଭେ ଏଠି ଏକତାର ମନ୍ତ୍ରରେ,,,

କେନ୍ଦୁଝର ଏଇ ମମତାର ମହୁଘର।।

ବଡ଼ ଦେଉଳରେ ବଳିଆ ଠାକୁର,

ଶିବଙ୍କ ସୁରୁପ ସେ ଚନ୍ଦ୍ରଶେଖର,,

ଗୋନାଶିକା ରୁ ଝରୁଛି ରେ ଝର,

ତା କୂଳେ ଅଛନ୍ତି ବ୍ରହ୍ମେଶ୍ୱର।।

ବାଟରେ ବସିଛି ନଡ଼ିଆ ନେଉଛି,

ତାରିଣୀ ମାଆ ଟି ମୋର।।

ତାରିଣୀ ର ମହିମା ଅପାର,

ଅଛି ରାଜବାଟି ଦୁର୍ଗ ପ୍ରାଚୀର।।

ଏଇ ମୋ କେନ୍ଦୁଝର,ମମତାର ମହୁଘର।।

ପରବତ କୂଳେ ଅଛି ଖଣ୍ଡାଧାର,

ସୁଭୁଛି ନିନାଦ ଗୁଣ୍ଡିଚଘାଗିର।।

ଅଛି ହାଣ୍ଡିଭଙ୍ଗା ମୁରଗା ମହାଦେବ,

ଦେବଭୂମି ସୀତାବିଞ୍ଜି ରହିଛି ଯେ ଭିମକୁଣ୍ଡ।।

ସାନଘାଗରା ଓ ବଡ଼ଘାଗରା ଯେ ନାଚୁଛି ଅଧିର ଚିତ୍ତରେ,,

ହାତଠାରି ଡାକେ ସେ ସୁନ୍ଦରୀବାଳ|।।

ଏଇ ପୁଣ୍ୟଭୂମି ଭଞ୍ଜଗୋବିନ୍ଦ

ଇତିହାସ ଯଶ ର।।

।।ରହିଛି କେତେ ଯେ ଗଭୀରତା ।।

କେନ୍ଦୁଝର ସୌନ୍ଦର୍ଯ୍ୟ ର ଗନ୍ତାଘର ।।

କେନ୍ଦୁଝର ମମତାର ମହୁଘର।।

ପୂଜାରାଣୀ ସାହୁ ✍️

କେନ୍ଦୁଝର

କାଞ୍ଜିପାଣି ଘାଟି (ସୌନ୍ଦର୍ଯ୍ୟ ର ଗନ୍ତାଘର) ଓ (କାଳର ଗହ୍ଵର) । kanjipani ghati । Odisha tourism

ବାରବାଙ୍କ ଘାଟି, ଓଡ଼ିଶାର ବୃହତ୍ତମ ଘାଟି, ସବୁଠୁ ଲମ୍ବା ଘାଟି, ଓଡ଼ିଶାର ମନାଲି କାଞ୍ଜିପାଣି ଘାଟି।