"କର୍ମଣ୍ୟେ ବାଧିକାରସ୍ତେ ମା ଫଲେଷୁ କଦାଚନ,

ମାଁ କର୍ମଫଳ ହେତୁର୍ଭୂର୍ମାତେ ସଙ୍ଗୋସ୍ବତ କର୍ମାଣୀ"।।

ଅର୍ଥାତ୍ --- ଆମ କର୍ମ ଉପରେ ଆମର ଅଧିକାର ରହିଛି, କର୍ମ ଫଳ ଉପରେ ଅଧିକାର ନଥାଏ, ଏଣୁ କର୍ମ କରିବା କିନ୍ତୁ କର୍ମ ଫଳର ଆଶା ଆଦୌ ରଖିବା ନାହିଁ।

"କରି କରାଉ ଥାଏ ସେହି,

ତାଙ୍କ ବିନା ଅନ୍ୟ ଗତି ନାହିଁ"।।

ମାରଣ-ତାରଣ, ସର୍ବ ସିଦ୍ଧି କାରଣ ସ୍ବୟଂ ଭଗବାନ , ସୃଷ୍ଟି ର ଅୟମାରମ୍ଭ ରୁ ପ୍ରଭୃଙ୍କ ଆଜ୍ଞା ବିନା କୋୖଣସି ପତ୍ର ବି ହଲଚଲ ହୁଏ ନାହିଁ, ତାଙ୍କ ଈଶାରା ରେ ସାରା ସଂସାର ଚାଲେ । ସେ ହିଁ ସତ୍ୟ , ସେ ହିଁ କର୍ମ, ସେ ହିଁ ସେ ସର୍ବେସର୍ବା ।।

"ତସ୍ମାଦସକ୍ତଃ ସତତ୍ କାର୍ଯ୍ୟ କର୍ମ ସମାଚର

ଆସକ୍ତୋ ହ୍ୟାଚରନ୍ କର୍ମ ପରୋମାପ୍ନେତି ପୂରୁଷଃ" ।।

ଅର୍ଥ --ନିରନ୍ତର ଆସକ୍ତିରହିତ ହୋଇ ନିଷ୍ଠାର ସହ କର୍ମ କର,କାରଣ ଆସକ୍ତିରହିତ କର୍ମ ର ଫଳରେ ପରମାତ୍ମା ଙ୍କୁ ପ୍ରାପ୍ତ ହୋଇଯାଏ।

ପ୍ରଥମତଃ ----ପୁରାଣରେ ବର୍ଣ୍ଣନା ହୋଇଛି ଯେ- ସତ୍ୟବାନ ଙ୍କ ଜନ୍ମ କୁଣ୍ଡଳୀ ଲେଖା ଅଳ୍ପଆୟୁ ହୋଇ ଯୁବାବସ୍ଥାରେ ମୃତ୍ୟୁ ପ୍ରାପ୍ରି ହେବେ, କିନ୍ତୁ ସାବିତ୍ରୀ ବିବାହ କରି ତାଙ୍କ ପ୍ରଚେଷ୍ଟା ଓ ସାହାସ ତଥା ସତୀତ୍ୱ ବଳରେ ସତ୍ୟବାନ ଙ୍କ ମୃତ୍ୟୁ କୁ ପରାସ୍ତ କରି ପୁନଃ ଜୀବିତ କରି ଫେରାଇ ଆଣିପାରିଥିଲେ । ସେ କର୍ମ ସାହାର୍ଯ୍ୟରେ ନିଜ ଭାଗ୍ୟକୁ ପରିବର୍ତ୍ତିତ କରିପାରିଥିଲେ।

ଦ୍ବିତୀୟତଃ ---

ଦସ୍ୟୁ ରତ୍ନାକର ଏତେ ପାପ କରିଥିଲେ ଯେ, ସେ ପ୍ରଭୃ ଶ୍ରୀରାମଙ୍କ ନାମକୁ ସ୍ପଷ୍ଟ ରୂପେ ଉଚ୍ଚାରଣ କରି ପାରୁନଥିଲେ।ମରା ମରା କହି ବାରବର୍ଷ କାଳ ନିଷ୍ଠା ଓ ଦୃଢ଼ ତପସ୍ୟା କରି ଏକ ସ୍ବତନ୍ତ୍ର ପରିଚୟ ସୃଷ୍ଟି କରିଥିଲେ ।ବାଲି ଓ ହୁଙ୍କା ହୋଇଯିବା ସତ୍ବେ ଅଖଣ୍ଡ ଜପତପ କରି ମହର୍ଷି ବାଲ୍ମୀକି ନାମରେ ଯୁଗାଦ୍ଦ ପୁରୁଷ ପରିଚିତ ହେବା ସହ ରାମାୟଣର ରଚନା କରି ସାହିତ୍ୟ ଜଗତରେ ଅମର ଯଶ କୀର୍ତ୍ତି ଲାଭ କରିଥିଲେ।

ତୃତୀୟ ରେ--ମହାମୂର୍ଖ କାଳୀ ଦାସ ସାହିତ୍ୟ ସର୍ଜନା କରି କିମ୍ବଦନ୍ତୀ ହାସଲ କରିଥିଲେ।

"କର୍ମ ଣୈବ ହିସଂସିଦ୍ଧିମାସ୍ଥିତା ଜନକାଦୟଃ

ଲୋକସଂଗ୍ରହ ମେବାପି ସମ୍ପଶ୍ୟନ କର୍ତ୍ତୁମର୍ହସି"।।

ଅର୍ଥାତ୍ ----ଜନକାଦି ଜ୍ଞାନୀମାନେ ମଧ୍ୟ ଆସକ୍ତିରହିତ କର୍ମ ଦ୍ବାରା ହିଁ ପ୍ରସିଦ୍ଧି ପ୍ରାପ୍ତି କରିଥିଲେ ଏଣୁ କର୍ମ କରିବା ହଁ ଉଚିତ୍।

"ପ୍ରକୃତେ ର୍ଗୁଣସମ୍ମୂଢାଃ ସଜ୍ଜନ୍ତେ ଗୁଣ କର୍ମସ୍ତୁ

ତାନ କୁତ୍ସନବିଦୋ ମନ୍ଦାନ କୁତ୍ସନବିନ୍ନ ବିଚାଳୟେତ୍"।।

ଅର୍ଥ ----ପ୍ରକୃତିର ଗୁଣ ମାନଙ୍କ ଦ୍ବାରା ଅତ୍ୟନ୍ତ ମୋହିତ ହୋଇଥିବା ମନୁଷ୍ୟ ମାନେ ଗୁଣ ଓ କର୍ମ ମାନଙ୍କରେ ଆସକ୍ତ ରହନ୍ତି; ପୃର୍ଣ୍ଣଭାବରେ

ବୁଝି ନଥିବା ସେହି ମନ୍ଦବୁଦ୍ଧି ଅଜ୍ଞାନୀ ମାନଙ୍କୁ ପୂର୍ଣ୍ଣ ଭାବରେ ଜାଣିଥିବା ଜ୍ଞାନୀ ବିଚଳିତ କରିବା ଉଚିତ ନୁହେଁ।

##ପୌରାଣିକ ଯୁଗରେ ଥରେ ମହାମୁନି ନାରଦ ଶ୍ରୀ ନାରାୟଣଙ୍କ ସମ୍ମୁଖରେ ପ୍ରଶ୍ନ ବାଢିଲେ ଯେ "ଆପଣଙ୍କ ପ୍ରିୟ ଭକ୍ତ କିଏ?"

ପ୍ରଭୁ ଉତ୍ତର ରେ କହିଲେ ପୃଥିବୀରେ ସେହି ଗରୀବ କୃଷକ ଜଣ ହିଁ ମୋର ପ୍ରିୟ ଭକ୍ତ । ନାରଦ କହିଲେ ଯେ,ସେତ କେବଳ ତିନିଥର ହିଁ ଆପଣଙ୍କ ନାମ ତୁଣ୍ଡରେ ଉଚ୍ଚାରଣ କରି ଏତେ ପ୍ରିୟ ହୋଇଗଲା,ଅଥଚ ମୁଁ ଆପଣଙ୍କ ନାମ ଦିବାନିଶି ଜପୁଅଛି ତଥାପି ମୁଁ ହୋଇ ପାରିଲି ନାହିଁ।

ପ୍ରଭୁ ନାରାୟଣ କହିଲେ "ସେହି ଭକ୍ତ ମୋ ନାମ ଧରି ପ୍ରଥମେ ମୋର ଦେବା କାମ କୁ ସୁଚାରୁରୂପେ ସମ୍ପୂର୍ଣ୍ଣ କରିବାପାଇଁ ନାମ ଧରି କର୍ମ କରି ଚାଲେ,ଭୋଜନକୁ ମୋ ଆଗରେ ସମର୍ପିତ କରି ଖାଇବାକୁ ମୋ ନାମ ଧରେ, ଓ ଶେଷରେ ଦିନଚଯ୍ୟାକୁ ସମାପ୍ତ କରି ଧନ୍ୟବାଦ ଅର୍ପଣ କରିବା ଉଦ୍ଦେଶ୍ୟରେ ମୋ ନାମ ଧରେ। ସେ କର୍ମ କୁ ପ୍ରାଧାନ୍ୟ ଦେଇ ଜୀବନ ଶୈଳୀ କୁ ସତ୍ୟର ପଥରେ ଅଗ୍ରଗତି କରିଥିବାରୁ ସେ ମୋ ପ୍ରିୟ ଭକ୍ତ।

କର୍ମ କରିବାବେଳେ ଭଗବାନ ଙ୍କ ନାମ ନେଇ ସମର୍ପଣ ହୋଇଥିବାରୁ ସେ କର୍ତ୍ତବ୍ୟ କର୍ତ୍ତବ୍ୟବୋଧ ଦାୟିତ୍ୱରେ ଉନ୍ନତି ସାଧିତ କରିପାରିଛି।।

ବେଦ ଓ ଉପନିଷଦ ଅନୁସାରେ ଚାରୋଟି ଆଶ୍ରମ ପର୍ଯ୍ୟାୟରେ ସଂସାର ଚାଲିଥାଏ,

#ବ୍ରହ୍ମଚର୍ଯ୍ୟ

# ଗ୍ରାହସ୍ଥ

#ବାନପ୍ରସ୍ଥ

#ସନ୍ୟାସ

ଏଗୁଡିକ ମଧ୍ୟରୁ ଗ୍ରାହସ୍ଥ ସର୍ବ ଶ୍ରେଷ୍ଠ ସ୍ଥାନ ଅଧିକାର କରିଅଛି । ସେ ସଂସାର ଜଞ୍ଜାଳ ରେ

କର୍ମ ଓ ଇଶ୍ଵର ପ୍ରେମୀ ହୋଇ ସତ କର୍ମ କରି ନିଜ ଭାଗ୍ୟର କୁଣ୍ଡଳୀ ଲେଖା ପରିବର୍ତ୍ତନ କରି ପାରିବା ଫଳରେ ସେ ସତ କର୍ମ ର ଫଳ ସ୍ବରୂପ ସତ୍ ଆଚରଣ ସାଥେ ଉଚ୍ଚକୋଟୀର ଜନ୍ମ ପାଇଁ ପାରିଲା, କର୍ମ ଗୁଣରେ ଜନ୍ମ,ଜନ୍ମ ଗୁଣରେ କର୍ମ ନୁହେଁ। ମନୁଷ୍ୟ ନିଜ କର୍ମ ଫଳରେ ପ୍ରତ୍ୟେକ ଅସମ୍ଭବ କୁ ସମ୍ଭବ କରିପାରିବ। ପ୍ରଭୂଙ୍କ ଶୁଭାଶିଷ ଓ ଦୟା ଲାଭ ବଳରେ ମନୁଷ୍ୟ ଜୀବନ ପାଇଅଛେ, ଏଣୁ ଶରଣାପନ୍ନ ହୋଇ ଅଖଣ୍ଡ ବିଶ୍ଵାସ ଭରୋସା ଆସ୍ଥା ଭାବନାରେ ଶୁଭଙ୍କର ପ୍ରତୀକ ହୋଇପାରିବା । କର୍ମ ର ଫଳ ଅନୁସାରେ ଜନ୍ମର ହିସାବ ହୋଇଥାଏ, କର୍ମ ହିଁ ଶ୍ରେଷ୍ଠତମ ମାନଦଣ୍ଡ।।

"ମାନବ ଜୀବନ ନୁହଁଇ କେବଳ ବର୍ଷ ମାସ ଦିନ ଦଣ୍ଡ

କର୍ମେ ଜୀଏଁ ନର କର୍ମ ଏକା ତା'ର ଜୀବନର ମାନଦଣ୍ଡ"।।

ମଧୁସ୍ମିତା ସାହୁ

ବ୍ରହ୍ମା ନଗର ପ୍ରଥମ ଗଳି

ବ୍ରହ୍ମପୁର

ଜିଲ୍ଲା

-ଗଞ୍ଜାମ

ଓଡ଼ିଶା

ମୋ--୯୩୪୮୨୮୫୪୧୬

କର୍ମ ର ଗୁଢ ରହସ୍ୟ

ମନୁଷ୍ୟ ତାର କର୍ମ ରୁ ମହାନ୍ ହୋଇଥାଏ ଜନ୍ମ ରୁ ନୁହେଁ,,