କୁମ୍ଭମେଳାରେ ସାଧୁ-ସନ୍ଥ (ମୋର ଅନୁଭବ)। ଏହି ଧାର୍ମିକ ମହୋତ୍ସବ ପ୍ରତ୍ୟେକ ୧୨ ବର୍ଷରେ ହୁଏ, ଓ ଏଠିରେ ସାଧୁ-ସନ୍ଥମାନଙ୍କ ଦର୍ଶନ ଓ ସ୍ନାନର ମାଧ୍ୟମରେ ମନ ଓ ଶରୀର ପବିତ୍ର ହୋଇଥାଏ। ମୋର ମନ ଅତ୍ୟନ୍ତ ଉତ୍ସୁକ ଥିଲା ଏହା ଦେଖିବାକୁ।

ଯାତ୍ରାର ଆରମ୍ଭ

ସୁନ୍ଦର ଗାଁ ଜୀବନରେ ମୋର ସରଳ ଜୀବନ ଗତି କରୁଥିଲା। ଏକଦିନ ମୁଁ ଶୁଣିଲି କୁମ୍ଭମେଳାରେ ସାଧୁ-ସନ୍ଥମାନଙ୍କ ଦର୍ଶନ କଲେ ଓ ସଂଗମରେ ସ୍ନାନ କଲେ ମୋକ୍ଷ ଲଭ୍ୟ ହୁଏ। ଏହା ଶୁଣି ମୋର ମନ ଏକ ଅଜାଣା ଉତ୍ସାହରେ ଭରିଗଲା। ମୋ ସହପାଠୀ ମାଧବଙ୍କ ସହ ମୁଁ ଯାତ୍ରାର ପ୍ରସ୍ଥୁତି ନେଲି। ଗାଁରେ ସମସ୍ତେ କହୁଥିଲେ, “କୁମ୍ଭମେଳା ଦେଖିଲେ ଜୀବନର ଗଭୀର ଅର୍ଥ ବୁଝିହେବ।” ଏହି ଭାବରେ ଆମେ ଗାଁରୁ ଅଭିମୁଖ ହେଲୁ।

ପ୍ରୟାଗରାଜର ସଂଗମ

ପ୍ରୟାଗରାଜରେ ପହଞ୍ଚିଲାବେଳେ ମୁଁ ଦେଖିଲି ଯେ ସଂଗମ ଘାଟ ଲକ୍ଷେ ଲକ୍ଷ ଲୋକରେ ପରିପୂର୍ଣ୍ଣ। ଏକ ଦିଗରେ ଗଙ୍ଗାର ସଫା ଜଳ, ଅନ୍ୟ ଦିଗରେ ଯମୁନାର ଗାଢ଼ ନୀଳ ଜଳ, ଓ ତୃତୀୟ ନଦୀ ସରସ୍ୱତୀ ଅଦୃଶ୍ୟ ହେଲେ ମଧ୍ୟ ମାନସିକ ପବିତ୍ରତାର ପ୍ରତୀକ ଭାବେ ଥିଲା। ଏଠାର ମନ୍ଦିର, ଧ୍ଵଜା, ଓ ସାଧୁ-ସନ୍ଥମାନଙ୍କ ଶିବିର ଆମକୁ ଗଭୀର ଭାବେ ପ୍ରଭାବିତ କଲା।

ସାଧୁମାନଙ୍କ ଦର୍ଶନ

ମୁଁ ଏକ ସାଧୁଙ୍କ ଶିବିରକୁ ଯାଇଥିଲି। ସେ ଜଣେ ଅତ୍ୟନ୍ତ ଶାନ୍ତ ଓ ଜ୍ଞାନୀ ଲାଗୁଥିଲେ। ସେ କହିଲେ, “ପବିତ୍ରତା କେବଳ ଜଳରେ ସ୍ନାନ କରିବାରେ ନୁହେଁ। ମନ ଓ ମନୋଭାବକୁ ଶୁଦ୍ଧ କରିବାରେ ଜୀବନର ଅସଲ ଅର୍ଥ ଅଛି। ମୋର ମନୁଷ୍ୟତା ଏବଂ ଦୟା ଆମକୁ ପବିତ୍ର କରେ।” ସାଧୁଙ୍କ ଏହି କଥା ଶୁଣି ମୋର ମନରେ ଏକ ଗଭୀର ଭାବନା ଜନ୍ମ ନେଲା। ମୁଁ ବୁଝିପାରୁଥିଲି ଯେ, ସଂଗମ ଘାଟର ସ୍ନାନ କରିବାରେ ଜାଦୁ କିଛି ନାହିଁ। ଆସଲ ପବିତ୍ରତା ଆମର କାର୍ଯ୍ୟରେ ଓ ଭାବନାରେ ଅଛି।

ସ୍ନାନର ଅନୁଭବ

ପରବର୍ତ୍ତୀ ସକାଳରେ ମୁଁ ଏବଂ ମାଧବ ସଂଗମ ଘାଟରେ ଗଲୁ। ମୋ ମନରେ ଆଗ୍ରହ ଜନ୍ମିଥାଏ, ଗଙ୍ଗା ଜଳରେ ତରଙ୍ଗ ମାଧ୍ୟମରେ ମୁଁ ମନେ କରୁଥିଲି, “ଆଜି ମୋର ଜୀବନର ଏକ ନୂଆ ଅଧ୍ୟାୟ ଆରମ୍ଭ ହେବ। ମୁଁ ଏହି ସ୍ନାନର ମାଧ୍ୟମରେ ମୋର ସମସ୍ତ ଭୁଲ ଦୂର କରିବି ଓ ଏକ ନୂତନ ମନୋଭାବରେ ଜୀବନ ଅଧ୍ୟାୟ ଆରମ୍ଭ କରିବି।” ସ୍ନାନ କରିବା ପରେ ମୁଁ ଗଭୀର ଶାନ୍ତି ଅନୁଭବ କଲି। ମୋ ମନ ଏବଂ ଶରୀର ଦୁହେଁ ହାଲୁକା ଲାଗିଲା।

ଶିକ୍ଷା

କୁମ୍ଭମେଳାର ଯାତ୍ରା ମୋର ଜୀବନରେ ଗଭୀର ପ୍ରଭାବ ପକାଇଲା। ମୁଁ ବୁଝିପାରିଲି ଯେ, ଧାର୍ମିକ ସ୍ଥାନକୁ ଯିବା କେବଳ ପବିତ୍ରତା ପାଇଁ ନୁହେଁ, ବରଂ ଜୀବନର ନୂଆ ଶିକ୍ଷା ଓ ମନକୁ ଶାନ୍ତ କରିବା ପାଇଁ ଯାଏ। ମୁଁ ଜଣା ପାଇଲି ଯେ, ସଂସାରରେ ଆସଲ ଖୁସି ଏବଂ ମୋକ୍ଷ ହେଉଛି ଭଲ କାର୍ଯ୍ୟ କରିବାରେ ଓ ଅନ୍ୟମାନଙ୍କ ସେବା କରିବାରେ ପ୍ରମୁଖ ଅଟେ ।

ଉପସମାହାର

କୁମ୍ଭମେଳାରେ ମୋ ଅନୁଭବ ମୋତେ ଏକ ନୂଆ ଦିଗ ଦେଲା। ସାଧୁ-ସନ୍ଥଙ୍କ ଦର୍ଶନ ଓ ଏହାର ଶିକ୍ଷା ମୋତେ ଜୀବନରେ ନୈତିକ ଦିଗରେ ଆଗକୁ ବଢ଼ିବାକୁ ପ୍ରେରଣା ଯୋଗାଉଛି ।

!! ସୁଶାନ୍ତ କୁମାର ସାସମଲ

ହନୁମାନ ନଗର ଆସ୍କା ରୋଡ଼

ବ୍ରହ୍ମପୁର ଗଞ୍ଜାମ !!