ଆଜି ବିଂଶ ଶତାବ୍ଦୀରେ ଯେତେବେଳେ ଆମେ ସମସ୍ତେ Facebook ଏବଂ instagraam ରେ ମାତି ଯାଇ ନିଜ ସମୟ ନଷ୍ଟ କରିବାରେ ଲାଗି ପଡ଼ିଚୁ, ସେଇଠି ଆମ ପୂର୍ବ ଦଶନ୍ଧି ମାନଙ୍କରେ ଚଳଚ୍ଚିତ୍ର ମନୋରଞ୍ଜନର ସର୍ବୋତ୍କୃଷ୍ଟ ମାଧ୍ୟମ ଭାବରେ ପରିଚିତ ଥିଲା | ଯେତେବେଳେ ଇଣ୍ଟରନେଟ ସେପରି ବିଖ୍ୟାତ ହୋଇ ନଥିଲା ତେବେ ଚଳଚ୍ଚିତ୍ର ଏକ ଖୁବ୍ ସୁନ୍ଦର ଜରୀୟା ଥିଲା ଲୋକମାନଙ୍କୁ ମନୋରଞ୍ଜନରେ ଭରି ଦେବା ପାଇଁ ଏବଂ ଲୋକଙ୍କ ସବୁ ଭାବପ୍ରବଣତାକୁ ଉତ୍କୃଷ୍ଟ କରିବା ପାଇଁ | ସିନେମା ଥେଟର୍ ର ଭିଡ଼ ଏବଂ ଯୌଥ ପରିବାରରେ ସମସ୍ତଙ୍କ ସମାଗମ, ଆଜିବି ପୁରୁଣା ଦିନକୁ ମନେ ପକାଇ ଆଖିରେ ଖୁସିଭରା ଲୁହ ଆଣିଦିଏ |

ହେଲେ ଆମର ଏହି ଖୁସିର ମୁହୂର୍ତ୍ତ ସବୁ ଉନ୍ନତ ହୋଇପାରିଛି ସେହି ଚଳଚ୍ଚିତ୍ରକୁ ରଙ୍ଗମୟ କରିପାରିଥିବା ଅଭିନେତା ଏବଂ ଅଭିନେତ୍ରୀ ମାନଙ୍କ ପାଇଁ | ସେମାନଙ୍କ ଉଚ୍ଚକୋଟୀର ଅଭିନୟ ଆମମାନଙ୍କୁ କେବେ ହସାଏ ତ କେବେ ରଗାଇ ଦିଏ ପୁଣି କେବେ ଆଖିରେ ଆଖିଏ ଲୁହ ଭରିଦିଏ | ଆମ ଓଡ଼ିଆ ଚଳଚ୍ଚିତ୍ର ଦୁନିଆରେ ଅନେକ ଅଭିନେତ୍ରୀ, ଯିଏ କି ମୁଖ୍ୟ ଅଭିନୟରେ ଥାଅନ୍ତୁ କିମ୍ବା ସହଯୋଗୀ ଅଭିନୟରେ ଥାଅନ୍ତୁ, ନିଜ ଭାଗର ବିଷୟବସ୍ତୁକୁ ନେଇ ଏମିତି ମଜ୍ଜି ଯାଇଥାଆନ୍ତି ଯେ ବେଳେବେଳେ ଆମ ଇନ୍ଦ୍ରୀୟ ମାନଙ୍କୁ ଉତ୍ତେଜିତ କରି ପକାନ୍ତି |

ସେହିପରି ସୁନାମଧୟ ଅଭିନେତ୍ରୀ ହେଉଛନ୍ତି

ନମ୍ରତା ଦାସ - ଯିଏକି ରିଗତ ଚାରି ଦଶନ୍ଧି ଧରି ଓଡ଼ିଶାରେ ନିଜର ଅଭିନୟ ର ଗାରିମା ଦେଖାଇ ଆସିଛନ୍ତି | ପାର୍ଶ୍ଵ ଅଭିନୟରେ ମା କିମ୍ବା ଜେଜେମା ରୂପରେ ସେ ଖୁବ୍ ଚର୍ଚ୍ଚିତ | ଗୋଟିଏ ମାଆର ଭାବପ୍ରବନତା କୁ ସେ ତାଙ୍କ ପ୍ରତ୍ୟେକ ଚଳଚ୍ଚିତ୍ରରେ ସୁନ୍ଦର ରୂପରେ ଦର୍ସି ଆସିଛନ୍ତି | କେବେ ମା ପାଇଁ ମମତା ଜଗାନ୍ତି ତ କେବେ ମାଆର ତ୍ୟାଗ ଏବଂ କରୁଣା ଦେଖାଇ ଭାବପ୍ରବଣ କରି ପକାନ୍ତି | ତାଙ୍କ ଏହି ଅଭିନୟ ପାଇଁ ଦର୍ଶକ ମାନେ ସଦା ସର୍ବଦା ଅନୁପ୍ରାଣିତ ହୋଇ ରହିବେ |

ତାଙ୍କ ଅଭିନୟ ଜୀବନ ସେ ପ୍ରାୟ ୧୯୭୩ ମସିହା ରୁ ଆରମ୍ଭ କରିଥିଲେ ଧରିତ୍ରୀ ସିନେମା ରୂପରେ | ତା ପରଠୁ ପ୍ରାୟ ଦୁଇ ଶହ ରୁ ଅଧିକ ଚଳଚ୍ଚିତ୍ରରେ ନିଜର ଉତ୍କୃଷ୍ଟାତା ପ୍ରଦାନ କରିଛନ୍ତି | ସେଥିପାଇଁ ୨୦୦୦ ମସିହାରେ ତାଙ୍କୁ ଭୂମିକନ୍ୟା ପୁରସ୍କାରରେ ସମ୍ମାନିତ ମଧ୍ୟ କରା ଯାଇଥିଲା |

ଧରିତ୍ରୀ ବ୍ୟତୀତ

- ସିନ୍ଦୂର ବିନ୍ଦୁ

- ବଳିଦାନ

- କାବେରୀ

- ତୁଣ୍ଡ ବାଇଦ

- ପରଦେଶୀ ଚଢ଼େଇ ଭଳି ଅନେକ ଚଳଚ୍ଚିତ୍ରରେ ଅଭିନୟ କରିଛନ୍ତି |

ଅନିତା ଦାସ - ଯାହାର ନାଆଁ ରେ ଏକ ଉତ୍କୃଷ୍ଟ ଅଭିନୟରେ ଝଲକ ଦେଖିବାକୁ ମିଳେ ସେ ନିଜର ସକାରାତ୍ମକ ଅଭିନୟରେ ଦର୍ଶକଙ୍କ ମନ ମୋହି ନିଅନ୍ତି | ଅନେକ ଅଭିନେତାଙ୍କ ସହ ସଫଳ ଯୋଡ଼ି ଭାବରେ କାମ କରି ପାରିଛନ୍ତି | ନିଜର ପ୍ରଥମ ଚଳଚ୍ଚିତ୍ର ଯାଯାବର ରେ ଅତ୍ୟନ୍ତ ସୁନ୍ଦର ଅଭିନୟ କରି ଲୋକଙ୍କ ମନ କିଣି ନେବାରେ ସଫଳ ହେଇ ପାରିଛନ୍ତି | ନିଜ ଅଭିନୟ ପାଇଁ ତିନୋଟି ରାଜ୍ୟ ସ୍ତରୀୟ ପୁରସ୍କାର ମଧ୍ୟ ପାଇଛନ୍ତି | ଏକ ଲୋକପ୍ରିୟ ସଙ୍ଗୀତ "କଳାଠାକୁର ପୁଅ ମୋହର" ରେ ଅଦ୍ଭୁତ ଭାବପ୍ରବଣତା ର ପ୍ରଦର୍ଶନ କରି ଲୋକଙ୍କ ମନ ଜିଣି ନେଇଛନ୍ତି |

ତାଙ୍କ ଚଳଚ୍ଚିତ୍ର ମାନଙ୍କ ମଧ୍ୟରୁ

- ଯାଯାବର

- କୃଷ୍ଣ ସୁଦାମା

- ତପସ୍ୟା

- ସୁନା ଚଢ଼େଇ

- କି ହବ ଶୁଆ ପୋଷିଲେ

- ସିନ୍ଦୂର ନୁହେଁ ଖେଳଘର ଅନେକ ଲୋକପ୍ରିୟତା ହାସଲ କରିଛି | ତାଙ୍କ ବିୟୋଗ ପରେ ମଧ୍ୟ ତାଙ୍କ ଅଭିନୟକୁ ଆଜିଯାଏଁ ଲୋକେ ଭୁଲିବାରେ ସକ୍ଷମ ନୁହନ୍ତି |

ତନ୍ଦ୍ରା ରୟ - ଯିଏ ଅନେକ ଚଳଚ୍ଚିତ୍ରରେ ମୁଖ୍ୟ ନାଇକାଙ୍କ ଅଭିନୟ କରି ଖୁବ୍ ଲୋକପ୍ରିୟ ହୋଇ ପାରିଛନ୍ତି | ବିଜୟ ମହାନ୍ତି ଙ୍କ ସହ ତାଙ୍କ ଯୋଡ଼ି ରୂପେଲି ପରଦା ସହିତ ବୈବାହିକ ଜୀବନରେ ମଧ୍ୟ ଖୁବ୍ ସୁନ୍ଦର ଭାବେ ଗଢି ଉଠିଥିଲା | ସେ ତାଙ୍କ ଅଭିନୟ ଜୀବନ ୧୯୭୭ ମସିହା 'ଚିଲିକା ତୀରେ' ଠାରୁ ଆରମ୍ଭ କରିଥିଲେ | ପରବର୍ତ୍ତୀ ମୁହୂର୍ତ୍ତରେ

- ପିପାସା

- ମାଣିକ

- ପାପ ପୁଣ୍ୟ

- ସାଗର

- ମମତାର ଡୋରି ପରି ଅନେକ ଚାଲଚିତ୍ର ରେ ନିଜର ଗାରିମା ଦେଖାଇଛନ୍ତି | ତାଙ୍କ ସ୍ୱଜଳ ଚକ୍ଷୁର ସେ ଠାଣି ତଥା ଧିର କଣ୍ଠର ବାର୍ତାରେ ରେ ଦର୍ଶକଙ୍କ ମନରେ ମାମତାପୂର୍ଣ୍ଣ ଭାବନା ଭରି ଦେଉଥିଲେ | ତାଙ୍କର ସେ ଧିରମୋହନ ଅଭିନୟ ଆଜି ଯାଏଁ ଅବିସ୍ମରଣୀୟ |

ମହାଶ୍ୱେତା ରାୟ - ୧୯୬୨ ମସିହା ରେ ଜନ୍ମ ଗ୍ରହଣ କରିଥିବା ଏହି ଅଭିନେତ୍ରୀ 'ଝୁମୁକା' ଚଳଚ୍ଚିତ୍ର ରୁ ତାଙ୍କ ଅଭିନୟ ଜୀବନ ଆରମ୍ଭ କରିଥିଲେ |

"ମୁଁ ଗୋଟେ ଅଭଙ୍ଗା କଣ୍ଢେଇ, ଯିଏ ସୁଖ ଦବ, ଶାନ୍ତି ଦବ, ହସ ଦବ ଖୁସି ଦବ ସିଏ ଆଜି ମୋତେ ନବ ମୁଣ୍ଡେଇ" ଗୀତରେ ଅନେକ ଲୋକ ମନକୁ ଛୁଇଁ ପାରିଥିଲେ | ତାଙ୍କ ଅଭିନୀତ "ମେଘ ବରଷିଲା ଟୁପୁରୁ ଟାପୁରୁ, କେଶୁର ମାଇଲା ଗଜା" ଆଜିବି ଘରେ ଘରେ ପରିଚିତ | ତାଙ୍କ ଅଭିନୀତ ଚଳଚ୍ଚିତ୍ର ମାନଙ୍କ ମଧ୍ୟରେ

- ଶେଷ ଶ୍ରାବଣ

- ସତୀ ଅନୁଷୟା

- ପ୍ରିୟତମା

- ସିନ୍ଦୂର ବିନ୍ଦୁ

- ହିସାବ ନିକାଶ

- କଲ୍ୟାଣୀ

- କାବେରୀ ଆଦି ଅନେକ ଲୋକପ୍ରିୟତା ହାସଲ କରି ପାରିଛି |

ଓଡ଼ିଶା ଏହିପରି ସୁନାମଧନ୍ୟ ଅଭିନେତ୍ରୀ ମାନଙ୍କୁ ପାଇ ସତରେ ଗର୍ବିତ | ଆଉ ଏହାବି ଶତ ଯେ ଆଜିକାର ଯୁବପିଢି ସେମାନଙ୍କ କଳା ପ୍ରତି ଆଗ୍ରହ ଏବଂ ଅବଦାନକୁ ଆଖି ଆଗରେ ରଖି ନିଜ ଲକ୍ଷ୍ୟ ସ୍ଥିର କରନ୍ତୁ ଏବଂ ନୂତନ ଅଭିନେତ୍ରୀ ମାନେ ସେମାନଙ୍କୁ ଅନୁସରଣ କରି ନିଜ ପ୍ରତିଭାକୁ ମାର୍ଜିତ କରନ୍ତୁ |

ସୁସ୍ମିତା ଜେନା

ବିଶାଖାପାଟଣା

Legendary Ollywood actresses

ସୁନାମଧନ୍ୟ ଓଡ଼ିଆ ଚଳଚ୍ଚିତ୍ର ଅଭିନେତ୍ରୀ