ମନେ ପଡ଼େ ସିପାହୀ ବିଦ୍ରୋହର କଥା...ବାପାକୁ ହତ୍ୟା କରି ପୁଅକୁ ଫାଶୀ ଦେଇଥିଲେ ଗୋରା ସିପାହୀମାନେ ଯାହା,

ବ୍ରିଟିଶ ଶାସକଙ୍କ କବଳରୁ ଭାରତମାତାକୁ ରକ୍ଷା କରିବା ପାଇଁ ଅନେକ ବୀର ଜୀବନ ଦେଇଛନ୍ତି। ସେମାନଙ୍କ ମଧ୍ୟରେ ଶହୀଦ ମାଧୋ ସିଂ ଅନ୍ୟତମ। ୧୮୫୭ ମସିହାରେ ମହାନ୍‌ ସ୍ବାଧୀନତା ସଂଗ୍ରାମୀ ବୀର ସୁରେନ୍ଦ୍ର ସାଏ ବ୍ରିଟିଶ ଶାସକଙ୍କ ବିରୋଧରେ ସଂଗ୍ରାମ ଚଳାଇଥିବାବେଳେ ତାଙ୍କୁ ବିଭିନ୍ନ ଅଞ୍ଚଳରୁ ସହଯୋଗ ଓ ସମର୍ଥନ ମିଳିଥିଲା। ବରଗଡ଼ ଜିଲା ଘେଁସ ଜମିଦାର ମାଧୋ ସିଂ ଓ ତାଙ୍କ ପରିବାର ଏହି ସଂଗ୍ରାମରେ ସାମିଲ ହୋଇଥିଲେ। ମାଧୋଙ୍କ ସମେତ ୪ ପୁଅ ହଟେ ସିଂ, କୁଞ୍ଜଳ ସିଂ, ବୈରୀ ସିଂ, ଐରୀ ସିଂ ଓ ତାଙ୍କ ଜ୍ୱାଇଁ ମଧ୍ୟ ଦେଶ ପାଇଁ ପ୍ରାଣବଳି ଦେଇଥିଲେ। କେବଳ ଓଡ଼ିଶା ନୁହେଁ, ସାରା ଭାରତବର୍ଷର ଯୁବପିଢି ଶହୀଦ ମାଧୋ ସିଂ ଓ ତାଙ୍କ ପରିବାରର ବୀରତ୍ୱ ତଥା ବଳିଦାନର କାହାଣୀ ରହିଅଛି ଇତିହାସରେ ।

ସାରା ଦେଶକୁ ଶାସନ କରିବାର ସ୍ୱପ୍ନ ଦେଖୁଥିବା ଗୋରା ପୋଲିସ ଆଖିରୁ ନିଦ ଛଡାଇ ନେଇଥିଲେ ମାଧୋ ସିଂ । ଜଣେ ଜମିଦାର ହେବା ସତ୍ତ୍ୱେ ମଧ୍ୟ ନିଜ ମାଟି ଏବଂ ନିଜ ପ୍ରଜାଙ୍କର ହକ ପାଇଁ ନିଜ ଜୀବନକୁ ବାଜି ଲଗାଇଥିଲେ ।

ଯୁଦ୍ଧର ଶିହରଣ

ଛତିଶଗଡ ନାଗପୁରରୁ ସମ୍ବଲପୁର ଯିବା ପାଇଁ ବ୍ରିଟିଶ ସୈନିକମାନଙ୍କୁ ପାରି ହେବାକୁ ପଡୁଥିଲା ସିଂଘୋଡା ଘାଟି । ଏହି ଘାଟିର ଗୁରୁତ୍ୱକୁ ବୁଝି ନିଜ ସଂଗ୍ରାମୀ ସାଥୀଙ୍କ ସୁରକ୍ଷ ପାଇଁ ମାଧୋ ସିଂ ବ୍ରିଟିଶଙ୍କ ଉପରେ ଆକ୍ରମଣ କରିଥିଲେ । ପୁଅ ହଟେ ସିଂଙ୍କ ସହ ନିଜେ ଗରିଲା ଯୁଦ୍ଧ ମାଧ୍ୟମରେ ବାରମ୍ବାର ଧନୁ, ତୀର, ବର୍ଚ୍ଛା ଏବଂ ଖଣ୍ଡାରେ ବ୍ରିଟିଶ ଗୋଳା ବାରୁଦକୁ ଦମନ କରିଥିଲେ । ଯାହାଫଳରେ ବିଦେଶୀଙ୍କ ଛାତିରେ ଶିହରଣ ସୃଷ୍ଟି ହୋଇଥିଲା । ତେବେ ବାରମ୍ବାର ଜଣେ ଜମିଦାର ଆଉ ତାଙ୍କ ପୁଅ ବ୍ରିଟିଶରମାନଙ୍କୁ ହରାଇ ଚାଲିଥିଲେ । ସେଇଥିପାଇଁ ତ ଆଜି ବି ପ୍ରଚଳିତ ଲୋକଗୀତ ମାନଙ୍କରେ ଶୁଣାଯାଏ ଏହି ବୀର ପିତା ଏବଂ ପୁତ୍ରଙ୍କର ବଳିଦାନର ଗୌରବମୟ କାହାଣୀ ।

ମାଧୋ ସିଂଙ୍କୁ ମାଟିଆଭଟା ଠାରେ ଘେରି ଯାଇ ହତ୍ୟା କଲା ଗୋରା ସରକାର । ତାଙ୍କ ଚାରି ପୁଅଙ୍କ ମଧ୍ୟରୁ ଦୁଇ ଜଣଙ୍କୁ ଫଶୀ ଦେବା ସହ ଜଣଙ୍କୁ ଅଚେତ ଅବସ୍ଥାରେ ପୋଡି ଜୀବନ ନେଇଗଲେ । ଆଉ କେବଳ ହଟେ ସିଂଙ୍କୁ କଳା ପାଣିକୁ ପଠାଇ ଦିଆଗଲା । ଆଉ ସେହିସବୁ ଦିନକୁ ଆଜି ବି ମନେପକାଏ ଏ ମାଟି । ଆଉ ଗର୍ବରେ ଲୋକଙ୍କ ଛାତି ଫୁଲିଉଠେ ।

ସିଦ୍ଧାନ୍ତ

ଓଡ଼ିଶାର ନିର୍ଭୀକ ସ୍ୱାଧୀନତା ସଂଗ୍ରାମୀ ମାଧୋ ସିଂ ସାହସିକତା ଏବଂ ସ୍ଥିରତାର ଏକ ଉଜ୍ଜ୍ୱଳ ଉଦାହରଣ ଯାହାକି ଭାରତର ସ୍ୱାଧୀନତା ସଂଗ୍ରାମକୁ ବର୍ଣ୍ଣିତ କରିଥିଲା। ବ୍ରିଟିଶ ଶାସନ ବିରୁଦ୍ଧରେ ଆଞ୍ଚଳିକ ବିଦ୍ରୋହରେ ତାଙ୍କର ନେତୃତ୍ୱ ଏବଂ ସ୍ୱାଧୀନତା ପାଇଁ ତାଙ୍କର ଅନ୍ତିମ ବଳିଦାନ ହେଉଛି ଓଡ଼ିଶାର ଲୋକମାନଙ୍କର ଅବିସ୍ମରଣୀୟ ଆତ୍ମା ପାଇଁ ଏକ ପ୍ରମାଣ | ଯେହେତୁ ଆମେ ଭାରତର ସ୍ୱାଧୀନତା ସଂଗ୍ରାମର ବୀରମାନଙ୍କୁ ସମ୍ମାନ ଏବଂ ପାଳନ କରିବା ଜାରି ରଖୁଛୁ ଏବଂ ଦେଶର ସ୍ବାଧୀନତା ପାଇଁ ସଂଗ୍ରାମ କରିଥିବା ସମସ୍ତଙ୍କ ଅବଦାନକୁ ସ୍ୱୀକୃତି ଦିଅନ୍ତୁ, ମାଧୋ ସିଂଙ୍କ ପରି ଅଜ୍ଞ ହିରୋମାନଙ୍କ ସମେତ | ସେମାନଙ୍କର କାହାଣୀ ଆମର ଜାତୀୟ ଐତିହ୍ୟର ଏକ ଅବିଚ୍ଛେଦ୍ୟ ଅଙ୍ଗ, ଏବଂ ସେମାନଙ୍କର ବଳିଦାନ ଆଜି ଆମେ ରହୁଥିବା ମୁକ୍ତ ତଥା ଗଣତାନ୍ତ୍ରିକ ଭାରତ ପାଇଁ ବାଟ ଖୋଲିଛି।

!! ସୁଶାନ୍ତ କୁମାର ସାସମଲ

ହନୁମାନ ନଗର ଆସ୍କା ରୋଡ଼

‌ବ୍ରହ୍ମପୁର ଗଞ୍ଜାମ !!

ମାଧୋ ସିଂଙ୍କ ବୀରତ୍ୱର କାହାଣୀ (The heroic story of Madho Singh)

ମାଧୋ ସିଂଙ୍କ ବୀରତ୍ୱର କାହାଣୀ (The heroic story of Madho Singh)