ମହାପ୍ରଭୁ ଶ୍ରୀଜଗନ୍ନାଥଙ୍କ ପଞ୍ଚସଖା ଭାବେ ପରିଚିତ ଶ୍ରୀ ବଳରାମ ଦାସ, ଶ୍ରୀ ଯଶୋବନ୍ତ ଦାସ, ଶ୍ରୀ ଅଚ୍ୟୁତାନନ୍ଦ ଦାସ,ଶ୍ରୀ ଜଗନ୍ନାଥ ଦାସ,ଶ୍ରୀ ଅନନ୍ତ ଦାସ।

ସେମାନେ ମହାପ୍ରଭୁ ଶ୍ରୀଜଗନ୍ନାଥଙ୍କୁ ତାଙ୍କର ସର୍ବସ୍ବ ବୋଲି ମନେ କରୁଥିଲେ । ଶ୍ରୀଜଗନ୍ନାଥଙ୍କୁ ନିତ୍ୟ ରାଧାକୃଷ୍ଣଙ୍କର ସମିଳିତ ବିଗ୍ରହ ରୂପରେ ଉପାସନା କରୁଥିଲେ ତାଙ୍କ ମତରେ ଏଇ ନନ୍ଦନନ୍ଦନ ଶ୍ରୀକୃଷ୍ଣ ଭଗବାନ ନୀଳଗିରି ନାଥ !

ସତ୍ୟ, ତ୍ରେତୟା, ଦ୍ଵାପର ହେଉ ଅବା କଳିଯୁଗ ଅବରାରୀ ବ୍ରହ୍ମ ଧରା ଧାମରେ ଅବତାର ନେଲେ ଏଇ ପଞ୍ଚମହାପୁରୁଷ ତାଙ୍କରି ଶ୍ରୀଅଙ୍ଗରୁ କ୍ଷରି ତାଙ୍କ ସହିତ ବିଭିନ୍ନ ରୂପରେ ବିଭିନ୍ନ ନାମରେ ଲୀଳା କରିଥାନ୍ତି ଏବଂ ବିଷ୍ଣୁ ମାୟାର ଲୀଳା ଅନ୍ତେ ପୁନଶ୍ଚ ସେଇ ପରଂବ୍ରହ୍ମଙ୍କ ଅଙ୍ଗରେ ଲୀନ ହୋଇଥାନ୍ତି !

ପ୍ରତିଦିନ, ପ୍ରତି ସମୟ ,ପ୍ରତି ମୂହୁର୍ତ୍ତରେ ,ପଞ୍ଚସଖାଙ୍କର ହୃଦୟରେ ଶ୍ରୀଜଗନ୍ନାଥ-ଶ୍ରୀଜଗନ୍ନାଥ-ଶ୍ରୀଜଗନ୍ନାଥ କୃଷ୍ଣ ନାମ ରୂପୀ ତତ୍ୱ ଆନ୍ଦୋଳିତ ହେଉଥିଲା ।

ପ୍ରତି ଯୁଗରେ ମହାପ୍ରଭୁ ଲୀଳା କରିଛନ୍ତି ଭକ୍ତର ସହିତ ତେଣୁ କଳିଯୁଗରେ ଅବର୍ଣ୍ଣନୀୟ ଲୀଳାର ରଚନା ପାଇଁ ସତ୍ୟର ସୂର୍ଯ୍ୟାଲୋକରେ ଧର୍ମର ପଥକୁ କଳିହତ ମନୁଷ୍ୟ ମାନଙ୍କର ଉଦ୍ଧାର ସନ୍ଥ ଜନଙ୍କର ପରିତ୍ରାଣ ଅନନ୍ତ ଯୁଗର ପ୍ରାରମ୍ଭରେ ପଞ୍ଚମହାପୁରୁଷଙ୍କ ସହିତ ଲୀଳା ନ କରିବେ ବା କେମିତି ?

ତେଣୁ ଶ୍ରୀହରି ନିଜ ସ୍ଵ ଅଙ୍ଗରୁ ଜାତ କଲେ ନିଜ ପ୍ରିୟ ସଖାମାନଙ୍କୁ ବା ପଞ୍ଚସଖାମାନଙ୍କୁ !

ସେଇ ଅପୂର୍ବ ଲିଳାକୁ ଶ୍ରୀ ଅନନ୍ତ ଦାସ ତାଙ୍କ ପ୍ରିୟ ଶିଷ୍ୟ ବାରଙ୍ଗ ଦାସଙ୍କୁ ବୁଝାଇ କହିଛନ୍ତି :-

ଅଚ୍ୟୁତ ବୋଲିଣ କଳିଯୁଗ ନାମ

ସୁଦାମ ସଖା ଅଟନ୍ତି ।

ଶ୍ରୀଅଙ୍ଗରୁ ଜାତ କଟିରୁ ସମ୍ଭୁତ

ଶୁଣରେ ବାରଙ୍ଗ ଚେତି ।।

ମୁଖୁ ଯଶୋବନ୍ତ ହୃଦୁ ଆମ୍ଭେ ଜାତ

ବକ୍ଷଭୁଜୁ ବଳରାମ ।

ରାଧାଙ୍କ ହାସ୍ୟରୁ ଜଗନ୍ନାଥ ଦାସ

କହିଲୁ ଗୁପ୍ତ ପରମ ।।

ପରମ ଗୁରୁଭକ୍ତ ବାରଙ୍ଗ ଦାସଙ୍କୁ ବୁଝାଇ କହିଲେ

ଶ୍ରୀ ଶିଶୁ ଅନନ୍ତ ଦାସ...

ଶ୍ରୀଜଗନ୍ନାଥ ମହାପ୍ରଭୁଙ୍କର କଟି ବା ବ୍ରହ୍ମ ରୁ #ଶ୍ରୀଅଚ୍ୟୁତାନନ୍ଦ ମହାପୁରୁଷ ଯିଏ ଦ୍ଵାପର ଯୁଗର ଭଗବାନ ଶ୍ରୀକୃଷ୍ଣଙ୍କ ମୈତ୍ର ସୁଦାମ ସଖା...

ଶ୍ରୀମୁଖ ରୁ ମହାପୁରୁଷ #ଯଶୋବନ୍ତ ଦାସ...

ହୃଦୟରୁ ମୁଁ #ଅନନ୍ତ ଦାସ....

ଦକ୍ଷିଣ ବାହୁରୁ ମହାପୁରୁଷ #ବଳରାମ ଦାସ.....

ଜଗନ୍ନାଥ ମହାପ୍ରଭୁଙ୍କର ବାମ ବାହୁ ବା ରାଧା ଅଙ୍ଗରୁ #ଜଗନ୍ନାଥ ଦାସ ଉତ୍ପତି ହୋଇଅଛନ୍ତି !!

ଏଇ ପଞ୍ଚସଖା ଶ୍ରୀଜଗନ୍ନାଥ ଙ୍କର ପଞ୍ଚପୁତ୍ର ଓ ଉତ୍କଳର ପଞ୍ଚ ମହନ୍ତ। ତାଙ୍କ ପିତାମାତା ଶ୍ରୀପୁରୁଷୋତ୍ତମଃ ।

ତାଙ୍କ ଭାବ ତାଙ୍କ ଭକ୍ତି ତାଙ୍କ ସମର୍ପଣ ସ୍ୱତନ୍ତ୍ର, ସର୍ବତନ୍ତ୍ର ।

ଯାହାଙ୍କ କଷ୍ଟରେ ନିଜେ ସ୍ୱୟଂ ମହାପ୍ରଭୁ ରତ୍ନ ସିଂହାସନରୁ ଓହ୍ଲେଇ ଆସି ଉଭା ହୋଇଯାଆନ୍ତି ସେମାନଙ୍କ ଆଗରେ।

ଧନ୍ୟ ଆମେ ଓଡ଼ିଆ ଜାତି ଧନ୍ୟ ଆମର ଜଗନ୍ନାଥ ସଂସ୍କୃତି ।

ସେହି ପରିଚୟ ନେଇ ଜଗନ୍ନାଥଙ୍କ ପଞ୍ଚଆତ୍ମା, ମହାପୁରୁଷଙ୍କ ପାଦ ପଦ୍ମରେ ଶତକୋଟି ପ୍ରଣାମ ଜଣାଇବା .......। ସଂଗୃହିତ।

🙏ଜୟ ଜଗନ୍ନାଥ ଜୟ ଜଗନ୍ନାଥ ଜଗନ୍ନାଥ 🙏🚩

ମହାପ୍ରଭୁ ଶ୍ରୀ ଜଗନ୍ନାଥ ଙ୍କର ପଞ୍ଚଇନ୍ଦ୍ରିୟରୁ ପଞ୍ଚସଖାଙ୍କ ସୃଷ୍ଟି କଥା

ମହାପ୍ରଭୁ ଶ୍ରୀଜଗନ୍ନାଥଙ୍କର ପଞ୍ଚଇନ୍ଦ୍ରିୟରୁ ପଞ୍ଚସଖାଙ୍କ ସୃଷ୍ଟି କଥା