ଆଜି ର ଆଧୁନିକ ଯୁଗ। ଏଠି ବଟନ୍ ଦବାଇଲେ ଜିନିଷ ହାଜିର।ହାତ ପାହନ୍ତରେ ଦୁନିଆ। ଛୁଞ୍ଚି ଠାରୁ ଏରୋପ୍ଲେନ ଯାଏଁ ,ସବୁ ଆସିଯାଏ ଆମ ଗୋଡ଼ ପାଖକୁ। ପରିଶ୍ରମର ଫଳ ମିଠା ଏ ଉକ୍ତି ଟି ପୁରୁଣା ହେଲାଣି। ନିତିଦିନିଆ ଜୀବନ ଯାପନ ରେ ଢେର ପରିବର୍ତ୍ତନ। କୁହାଯାଏ ଆମର ସବୁଠୁ ଅମୂଲ୍ୟ ସମ୍ପଦ ହେଉଛି ଆମ ଶରୀର କିନ୍ତୁ ଆମ ଜୀବନଶୈଳୀରେ ଯେଉଁ ପରିବର୍ତ୍ତନ ଆସିଛି ତା ଦ୍ବାରା ସବୁଠୁ ବେଶି ଆମ ଶରୀର ବଦଳିଛି। ପୂର୍ବ ସମୟରେ ମଣିଷର ଆୟୁକାଳ ୧୦୦ ବର୍ଷ ରୁ ଉର୍ଦ୍ଧ ଥିଲା ଯାହା ବର୍ତମାନ କମି କମି ୬୦ କି ୭୦ ବି ବହୁତ ହେଲାଣି।ଆମ ଘରେ ଆମ ଜେଜେ ବାପା ,ଅଜା,ଆଉ ଏମାନେ ଏ ଯାଏଁ ବି ହୃଷ୍ଟପୁଷ୍ଟ ଅଛନ୍ତି। କିନ୍ତୁ ଛୋଟ ଛୋଟ ଛୁଆମାନେ ଏତେ କମ୍ ବୟସରୁ ବିଭିନ୍ନ ରୋଗରେ ପିଡୀତ।ଆମ ଖାନପାନ ଆମ ବଞ୍ଚିବା ଶୈଳୀ ତାର ସବୁଠାରୁ ବଡ଼ କାରଣ। ଟିକେ ଜ୍ବର ବା କାଶ ହେଉ ହେଉ ଆମେ ନିଜେ ନିଜେ ହିଁ ଡାକ୍ତର ଭଳି ବିଭିନ୍ନ ଔଷଧ ନେଇ ନେଉ।ଘରେ ଘରେ ଔଷଧ ବକ୍ସ ରେ ମେଞ୍ଚାଏ ଔଷଧ ନିଶ୍ଚୟ ଥାଏ। କିନ୍ତୁ ଆଗ ସମୟରେ ଏମିତି ହେଉ ନଥିଲା। ସାଧାରଣ ଜ୍ବର, ଥଣ୍ଡା ଶରୀରର ମଇଳାକୁ ବାହାରକୁ ବାହାର୍ କରାଇ ଥାଏ। ଏବଂ ଆମ ରୋଷେଇ ଘରେ ତାର ପତି ବି ଅଛି। ସବୁବେଳେ କେମିକାଲ ଔଷଧ ଖାଇବା ଜରୁରୀ ନୁହେଁ। ରାସାୟନିକ ଔଷଧ ଶରୀର ନିଜସ୍ବ ଶକ୍ତି କୁ ଦୁର୍ବଳ କରାଏ। ରସାୟନିକ ଔଷଧ ଆସିବାର ବହୁତ ପୂର୍ବରୁ ବି ଲୋକ ବିମାର ପଡୁଥିଲେ।ଆୟୁର୍ବେଦ ରେ ସବୁ ରୋଗର ସମାଧାନ ଲେଖାଅଛି।ଆମ ଦେଶ ଭାରତ ଋଷିମାନଙ୍କର ଦେଶ। ବର୍ଷ ବର୍ଷ ଧରି ମୁନି ଋଷି ମାନେ ଅଧ୍ୟୟନ କରନ୍ତି କୌଣସି ବିଷୟ ରେ ପାରଙ୍ଗମ ହେବାପାଇଁ। ଏଇମିତି ଜଣେ ମହାନ୍ ଋଷି ଥିଲେ ମହାଋଷି ସୁଶ୍ରୃତ। ପୂର୍ଣ୍ଣଚନ୍ଦ୍ର ଭାଷାକୋଷ ଅନୁସାରେ ମହାଭାରତ ରେ ରଚିତ ଯେ ସୁଶ୍ରୃତ ମହାଋଷି ବିଶ୍ଵାମିତ୍ର ଙ୍କ ର ପୁତ୍ର ଥିଲେ।ସୁଶ୍ରୃତ ଙ ସମୟ ପୂର୍ବରୁ ଆୟୁର୍ବେଦ ଥିଲେ ମଧ୍ୟ ସୁଶ୍ରୃତ ମୁନୀ ହିଁ ତାକୁ ଏକ ପୋଥି ରେ ସଜାଡି ଲେଖି ରଖିଥିଲେ।ସେ ହେଲେ ହିନ୍ଦୁ ଚିକିତ୍ସା ଶାସ୍ତ୍ରର ପ୍ରଣେତା।

କୁହାଯାଏ ତାଙ୍କର ଜନ୍ମସ୍ଥାନ ଆଜିର ବାରାଣାସୀ ଠାରେ ହୋଇଥିଲା।।ସେ କାଶୀ ର ଧନ୍ବନ୍ତରୀ ବୋଲାଉଥିବା ରାଜା ଦିବୋଦାସ ଙ୍କ ଠାରୁ ଚିକିତ୍ସା ଶାସ୍ତ୍ରର ଶିକ୍ଷା ଲାଭ କରିଥିଲେ। ତାଙ୍କୁ ଭାରତୀୟ ଶୈଲ୍ୟ ଚିକିତ୍ସା ର ଜନକ ବୋଲି କୁହାଯାଏ। ତାଙ୍କ ଦ୍ବାରା ରଚିତ ଗ୍ରନ୍ଥ କୁ ସୁଶ୍ରୃତ ସଂହିତା ବୋଲି କୁହାଯାଇଛି। ସେଥିରେ ୧୨୦୦ ପ୍ରକାର ରୋଗ ବିଷୟରେ କୁହାଯାଇଛି।ତାଛଡା ୭୦୦ ପ୍ରକାର ବୃକ୍ଷ, ଜଡ଼ିବୁଟି, ଖଣିଜ ରୁ ପ୍ରସ୍ତୁତ ୬୪ ପ୍ରକାର ଔଷଧି ଏବଂ ଜୀବ ଶରୀରକୁ ପ୍ରସ୍ତୁତ ୫୭ ପ୍ରକାର ଔଷଧ ବିଷୟରୈ ଲେଖା ଯାଇଛି।

ଶୈଲ୍ୟ ଚିକିତ୍ସା, ଶରୀରର ବିଭିନ୍ନ ଅଂଗ ପ୍ରତ୍ୟଙ୍ଗ , ଆବଶ୍ୟକ ବସ୍ତୁ ପ୍ରତିରୋପଣ,।ରାଇନୋପ୍ଲାଷ୍ଟି ବା ନାକର ଅସ୍ତ୍ରୋପଚାର,ହାଡ଼ ଭଙ୍ଗା

ଯୋଡିବା, ଅସ୍ତ୍ରୋପଚାର ଦ୍ବାରା ଶିଶୁ କୁ ବାହର କରିବା ଇତ୍ୟାଦି ଏ ପୁସ୍ତକ ରେ ବର୍ଣିତ ହୋଇଛି। ବିଭିନ୍ନ ପ୍ରକାର ହାଡ଼ ଭାଙ୍ଗି ବାର ଦୃଷ୍ଟାନ୍ତ, ଆଖିରେ ପ୍ରବଳ ସମ୍ବନ୍ଧୀୟ ବିଭିନ୍ନ ବିସ୍ତାର ରୂପରେ ଉଲ୍ଲେଖ ରହିଅଛି ସେଥିରେ। ଅସ୍ତ୍ରୋପଚାର ରେ ବ୍ୟବହାର ହେଉଥିବା ବିଭିନ୍ନ ଔଜାର ର ଚିତ୍ର ଏବଂ ବ୍ୟବହାର ମଧ୍ୟ ଲେଖାରହିଛି।

ବିଦେଶରେ ମଧ୍ୟ ସୁଶ୍ରୃତ ଙ୍କୁ ଆଧୁନିକ ଅସ୍ତ୍ରୋପଚାର ର ଜନକ ବୋଲି ମାନନ୍ତି।ଆଜି ପ୍ଲାଷ୍ଟିକ ସର୍ଜରୀ ମଧ୍ୟ ମହାଋଷି ସୁଶ୍ରୃତ ଙ୍କର ହିଁ ଦେନ।ଆଜିର ସମ୍ପୂର୍ଣ୍ଣ ଦୁନିଆ ,ମହାଋଷି ଆଚାର୍ଯ୍ୟ ସୁଶ୍ରୃତ ଙ୍କ ଋଣୀ ।ଭାରତ ର ଗର୍ବ ଓ ଗୌରବ ସେ

ମହାଋଷି ସୁଶ୍ରୃତ

Father of surgery The great Shusrut