ମନଟାତ ପବନ ଘୁଡ଼ା ବଢେ ଡିଂଗର

ଚାରିକୁତି ନରଦୁଛେ

ଦେଖି ପାଏଲେ ଦାନାମୁଠେ

ଲସର ପସର ହେଉଛେ ।

ସଥେନ ସେ ଏକଲା ରଜା

ଢୋଲ୍ ନିଶାନ୍ ମାଦଲ୍ ବଜା

ତାର୍ ଲାଗିନ ଗର୍ଜିଗର୍ଜି ବାଜୁଛେ ।

ବେଲ ଘଡ଼ି କିଛି ନାଇଁ

କିନ୍ଦରି କିନ୍ଦରି ନାଚୁଛେ

ପାଏଲେ ଜେନ ଛଏଁରା ରଁଚେ

ଠିଆଡ଼େ ଠିଆଡ଼େ ଝୁମରୁଛେ

ଆର୍ ଠି ଠି ଖରା ଦେଖି ଦେଲେ

କେନ୍ତା ମଜାର୍ ଡେଗୁଛେ ।

ତୋର୍ ନୁହେ କି ମୋର୍ ନୁହେ ସେ

ବଏଲେ କେନ ଶୁନୁଛେ ।

ସମିଆଁକେ ଲେହେଁଟି ଦେଖରେ

ବଏଲେ କେନ ମାନୁଛେ

ଲଗାମ ଛଡ଼ା ମନର ଘୁଡ଼ା ନରଦୁଛେ ତ

ନରଦୁଛେ……l

ହେଥିର ଲାଗି କହେସନ୍ ଲୁକେ

ମନ-ପବନ-ଆର୍-ଘୁଡ଼ା

କେଭେ ହେସି ଭାଏଲ୍ ବୁଢ଼ା ???

ଓଡ଼ିଶା ରାଜ୍ୟ ମୁକ୍ତ ବିଶ୍ୱବିଦ୍ୟାଳୟ, ମୁଖ୍ୟ କାର୍ଯ୍ୟାଳୟ, ସମ୍ବଲପୁର

ବିଭାଗୀୟ ମୁଖ୍ୟ (ଓଡ଼ିଆ)

କୁଲିତାପଡ଼ା,ମୋଦିପଡ଼ା

ସମ୍ବଲପୁର

ପିନ୍ କୋଡ଼-୭୬୮୦୦୨

ଯୋଗାଯୋଗ -୭୯୭୮୮୬୪୬୧୨

ମନର୍ ଘ଼ୁଡ଼ା Manar Ghuda